တံတားကျိုး၍တစ်ခြား လမ်းလွဲဘက်မှတိမ်းရှောင်မောင်းနှင်သောကားအစီးတစ်ရာကျော်
လမ်းပိတ်စို့မှု ၆-နာရီကျော်ကြာဖြစ်ပွားခဲ့ရ
ကံမ၊ဇွန်၊၁၆
မကွေးတိုင်းဒေသကြီး၊သရက်ခရိုင်၊ကံမမြို့နယ်အတွင်းရှိ ပေပင်ကျေးရွာအနီးတွင်
ဇွန်-၁၆ရက်နေ့ မနက် ၈-နာရီအချိန်ခန့်မှစတင်ကာ ပဲခူးတိုင်းအတွင်း နှင့် မကွေးတိုင်းအတွင်း
ကံမလမ်းမကြီးပေါ်မှခရီးသွားကားအစီးရေ-တစ်ရာကျော် လမ်းပိတ်စို့မှုဖြစ်ပွားခဲ့ကြောင်းသိရသည်။
အဆိုပါ ကံမလမ်းယာဉ်ပိတ်ဆို့မှုမှာ ဇွန်-၁၅ရက်နေ့တွင် မကွေးတိုင်း၊ဧရာဝတီတိုင်း၊ပဲခူးတိုင်း
နှင့် ခရိုင်ပြည်နယ်အတွင်းသို့သွားလာနိုင်သည့် ပန်းတောင်းမြို့နယ်၊တောင်ဘွေကျေးရွာအနီးမှ
အလျှား-၆၅-ပေ အကျယ် ၃၅-ပေခန့်ကွန်ကရစ်တံတားတစ်စင်းပျက်စီးကျိုးကျခဲ့ရာ ယင်းလမ်းကိုအသုံးပြုသည့်
ခရီးသည်ကားများ အများပြည်သူများ ဒေသခံများသွားလာရေးအခက်ခဲဖြစ်ပေါ်ခဲ့၍ ပဲခူးတိုင်းအတွင်းမှ
ရခိုင်ပြည်နယ်၊မကွေးတိုင်း၊ဧရာဝတီတိုင်းသို့ သွားလာမည့်ကားများသည် ယင်းတံတားကျိုးကျပျက်စီးမှုကြောင့်
ကံမလမ်းလမ်းလွဲမှ မောင်းနှင်ရာမှ တက်အဆင်းတစ်ခုတွင် ကားနှစ်စီးတိမ်းရှောင်ရာမှ ယခုလို
လမ်းပိတ်ဆို့မှုဖြစ်ပွားခဲ့တာဖြစ်ကြောင်းသိရသည်။
“ဟိုဘက်ပန်းတောင်းလမ်းကတံတားကျိုးလို့ ဒီလမ်းကလာခဲ့တာ။လမ်းပျက်နေတာမနက်ကထဲကလို့ကြားတယ်။ကားနှစ်စီးရှောင်ရင်းကားလမ်းပျက်သွားတော့
နှစ်ဘက်ကားတွေသွားမရဖြစ်နေတာပါ။ရန်ကုန်တိုက်ကြီးကနေ ဘိတ်ရဲကိုသွားမှာ။ဒီမှာစောင့်နေတာ
နှစ်နာရီလောက်ကျော်နေပြီ။လမ်းတွေကျဉ်းတာလဲပါတယ်။”ဟု တိုက်ကြီးမြို့နေထိုင်သူ ခရီးသွားပြည်သူ
ဦးမျိုးမင်း-ကပြောသည်။
အဆိုပါ ကံမလမ်းခွဲတွင်ခရီးသွားယာဉ်ပေါင်း တစ်ရာကျော်ယာဉ်ပိတ်ဆို့မှုမှာ
ပေပင်ကျေးရွာအနီးတွင် ရွှေကံမခရီးသည်ယဉ် နှင့်
၂၂-ဘီးကုန်တင်ကားကြီးတို့သည် ကုန်းဆင်း ကုန်းတက်တစ်နေရာအတွင် တိမ်းရှောင်ရာမှ ကားကြီးမှာ
ဘေးရွံ့ဗွက်အတွင်းသို့ရောက်ရှိသွားရာမှ ယခုလို နှစ်ဘက်အသွားအလာကားပေါင်း ၁၀၀-ကျော်ခန့်
ယဉ်ပိတ်စို့မှုဖြစ်ပွားခဲ့တာဖြစ်ကြောင်းသိရသည်။
“သွားနေကျပုသိမ်မုံရွာလမ်း ပန်းတောင်းဘက်မှာ တံတားကျိုးတော့
ကုန်ကားတွေရော အခြားကားတွေရော ဒီလမ်းကို လမ်းလွဲအနေဖြင့်အသုံးပြုကြတယ်။ပုံမှန်ကဒီလမ်းပေါ်မှာဒီလောက်ကားမရှိဘူး။ပန်းတောင်းဘက်ကတံတားကျိုးလို့သာ
ဒီလမ်းကို အသုံးပြုလာရင်း အရှောင်အတိမ်းကုန်းတက် တစ်ခုမှာ ကားကြီးကလမ်းလျှော်ပြီး ခုလိုပိတ်ကုန်တာပါ။လမ်းတံတား
နဲ့ ဆောက်လုပ်ရေးသက်ဆိုင်ရာတွေအကုန်ပါတယ်။အချိန်မှီကျိုးစားပြီး ကားတွေသွားလာရအောင်လုပ်ဆောင်နေပါတယ်။”ဟု
ကံမမြို့တာဝန်ခံ ဆောက်လုပ်ရေးဌာန SAE-ဒေါ်အေးအေးခိုင်-ကပြောသည်။
အဆိုပါ ကံမလမ်းယာဉ်ကျော်ပိတ်စို့မှုသည် ဇွန်-၁၆ရက် မနက်
၈နာရီအချိန်ခန့်မှစတင်ဖြစ်ပွားခဲ့ကာ ကံမမြို့နယ်အတွင်းရှိ ဆောက်လုပ်ရေးဌာန၊လမ်းတံတားအဖွဲ့၊သက်ဆိုင်ရာရဲတပ်ဖွဲ့များလာရောက်၍
ယာဉ်လမ်းရှင်းခြင်း၊လမ်းများပြန်လည်ပြုပြင်ခြင်းများဆောင်ရွက်ခဲ့ကြပြီး ရွံ့ဗွက်ထဲသို့ကျသွားသည့်
၂၂-ဘီးကားအား လမ်းမပေါ်သို့ပြန်လည်ဆွဲတင်ခဲ့ရာ ထိုနေ့ နေ့လည် ၂-နာရီအချိန်ခန့်တွင် ယင်းလမ်းအားအသုံးပြုနေသည့်
ကားများပုံမှန်သွားလာလျှက်ရှိကြောင်းသိရသည်။
ဒီမိုကရေစီတူဒေးနေ့စဉ်သတင်းစာ-သတင်းနှင့်ဓါတ်ပုံ-K3(pyay)
ပြည်သတင်းလူငယ်-ပြည်သတင်း(၀၉-၂၅၃၃၁၁၀၁၉)
0 comments:
Post a Comment