မြို့နယ်လူထုဗဟိုပြု စီမံကိန်းအလုပ်ရုံ မိတ်ဆက်ပွဲအခမ်းအနားပန်းတောင်းမြို့တွင်ပြုလုပ်
ပန်းတောင်း၊အောက်တိုဘာ(၇)
ပဲခူးတိုင်းဒေသကြီး၊ပြည်ခရိုင်၊ပန်းတောင်းမြို့တွင် ၇.၁၀.၂၀၁၆ ရက်နေ့ နံနက်(၉)နာရီအချိန်တွင် ပန်းတောင်းမြို့နယ်စည်ပင်သာယာခန်းမကြီးတွင် မြို့နယ်လူထုဗဟိုပြု စီမံကိန်းအလုပ်ရုံ မိတ်ဆက်ပွဲအခမ်းအနားအားကျင်းပပြုလုပ်ခဲ့ကြောင်းသိရသည်။
အဆိုပါ အခမ်းအနားအား ပြည်ထောင်စုသမ္မတမြန်မာနိုင်ငံတော် အစိုးရ၊စိုက်ပျိုးရေး၊မွေးမြူရေး နှင့် ဆည်မြောင်းဝန်ကြီးဌာန ၊ကျေးလက်ဒေသဖွံ့ဖြိုးတိုးတက်ရေး ဦးစီးဌာန တို့မှကျင်းပပြုလုပ်ခဲ့တာဖြစ်ကြောင်းသိရသည်။
“အခြေခံမှုဝါဒတွေဖြစ်တဲ့ ပြည်တွင်းငြိမ်းချမ်းရေးနဲ့အမျိုးသားရေးကိစ္စတွေ တိုင်းရင်းသားပြည်သူတစ်ရပ်လုံး အေးချမ်းလုံခြုံစွာနဲ့ဖွဲ့စည်းပုံတစ်ရပ်ပေါ်ပေါက်လာပြီ။ပြည်သူလူထုကို တရားမျှတစွာကာကွယ်ပေးနိုင်တဲ့ အုပ်ချုပ်မှုစနစ်ပေါ်ပေါက်ရေးနဲ့ လွတ်လပ်လုံခြုံစွာဖွံ့ဖြိုးတိုးတက်ရေးဆိုတဲ့အခြေခံမှုလေးရပ်အပေါ်မှာဆောင်ရွက်နေတယ်ဆိုတာအကုန်လုံးသိကြပါတယ်။ပြည်တွင်းငြိမ်းချမ်းရေးနဲ့အမျိုးသားရေးတားစီးရေးဟာ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ကိုယ်တိုင်ခေါင်းဆောင်ပြီးတော့ ခေတ်အဆက်ဆက်က မငြိမ်းချမ်းခဲ့တဲ့အဖြစ်တွေကို ယနေ့တိုင်းပြည်ရဲ့ဖွံ့ဖြိုးတိုးတက်ရေးအတွက် အခြေခံအုတ်မြစ်အဖြစ်ဆောင်ရွက် နေတာသိထားကြပြီးဖြစ်ပါတယ်။ ပြည်တွင်းငြိမ်းချမ်းရေးနဲ့အမျိုးသားရေးတာစီးတဲ့နေရာမှာ တိုင်းပြည်ဖွံ့ဖြိုးတိုးတက်ရေးအတွက် ဆောင်ရွက်စရာရှိတဲ့လုပ်ငန်းတွေထဲမှာ အုပ်ချုပ်ရေးကဏ္ဍအနေနဲ့ ဒီနေ့ပြုလုပ်ဆောင်ရွက်နေတဲ့အခန်းအနားကတစ်ခုအပါဝင်ဖြစ်ပါတယ်။”ဟု ပဲခူးတိုင်းဒေသကြီး စိုက်ပျိုးရေး၊မွေးမြူရေး နှင့် ဆည်မြောင်းဝန်ကြီးဌာန ၀န်ကြီး ဦးအောင်ဇော်နိုင် ကပြောသည်။
အဆိုပါအခမ်းအနားသို့ ပဲခူးတိုင်းဒေသကြီး စိုက်ပျိုးရေး၊မွေးမြူရေး နှင့် ဆည်မြောင်းဝန်ကြီးဌာန ၀န်ကြီး ဦးအောင်ဇော်နိုင်မှ တက်ရောက်အဖွင့်အမှာစကားပြောကြားခဲ့ပြီး လူထုဗဟိုပြုစီမံကိန်း ရုံးချုပ်ဦးစီးအရာရှိ ဦးအောင်ဝေထွန်း နှင့် လူထုဗဟိုပြုစီမံကိန်း ရုံးချုပ် ဒုတိယညွှန်ကြားရေးမှူး ဒေါ်မီမီထွေးတို့မှ စီမံကိန်းဆိုင်ရာကိစ္စရပ်များအား တက်ရောက်လာသူများကို ရှင်းလင်းပြောကြားမှုများ ပြုလုပ်သွားကြောင်းသိရသည်။
“လျှပ်စစ်ဓာတ်အားရရှိရေးအတွက်မြို့နယ်ပေါင်း ၉၄-မြို့နယ်မှာ အကောင်အထည်ဖော်ဆောင်နေပါတယ်။ကျေးရွာပေါင်း ၁၅၉၄-ရွာမှာ ဒီနှစ်ကို လျှပ်စစ်ဓာတ်အားရရှိရေးအတွက်အကောင်အထည်ဖော်ဆောင်သွားမှာဖြစ်ပါတယ်။သက်ဆိုင်ရာဌာနတွေနဲ့ ကျွန်တော်တို့ကပှုးပေါင်းပြီး ကျန်းမာရေး ပညာရေးကိစ္စတွေကိုပါ ဆောင်ရွက်နေတာတွေရှိပါတယ်။ကျေးရွာတွေအတော်များများမှာ ရေတွင်း၊ရေကန်ရရှိရေး၊အိမ်တိုင်ရာရောက်ရေရရှိရေးတွေအတွက် ပိုက်လိုင်းသွယ်ပြီးပေးဝေနေတာတွေဆောင်ရွက်နေပါတယ်။ကမ္ဘာ့ဘဏ်ကချေးငွေယူပြီး ရရှိတဲ့ငွေကို ကျေးရွာမြို့နယ်တွေဖြန့်ကျက်ဆောင်ရွက်လာတာ ဒီနှစ်မှာ ပန်းတောင်းမြို့နယ်ပါဝင်ဖြစ်လာတဲ့အတွက် စီမံကိန်းဆိုင်ရာကိစ္စတွေကို ဒီအခန်းအနားပြုလုပ်ပြီး ကျွန်တော်သိတာတွေချပြပေးတာဖြစ်ပါတယ်။လူထုဗဟိုပြု စီမံကိန်းဆိုတာ အခြေခံအဆောက်အအုံအသေးစားတွေဖြစ်တဲ့ လမ်း၊တံတား၊စာသင်ကျောင်းတွေ၊ဆေးပေးခန်းလေးတွေ ဒါတွေကို ကျွန်တော်တို့က အသစ်တည်ဆောက်ပေးတာတို့ ပြန်လည်ပြုပြင်မွန်းမံပေးတာတို့တွေကိုလုပ်ဆောင်ပေးတာပါ။ဒီလုပ်ငန်း လုပ်ဆောင်တဲ့နေရာမှာ ကျေးရွာသူ/သားတွေအားလုံးသဘောတူမှသာလုပ်ဆောင်သွားမျာဖြစ်ပါတယ်။”ဟု ကျေးလက်ဒေသဖွံ့ဖြိုးတိုးတက်ရေး ဦးစီးဌာန၊ဒုတိယညွှန်ကြားရေးမှူးချုပ် ဦးမြင့်ဦး ကပြောသည်၊
အဆိုပါ အခမ်းအနားအား တိုင်းဒေသကြီးအစိုးရအဖွဲ့၊တိုင်း နှင့် ခရိုင်အဆင့်ဌာနဆိုင်ရာများ၊မြို့နယ်အဆင့်ဌာနဆိုင်ရာများ၊လူမှုရေးအသင်းအဖွဲ့များ၊နိုင်ငံရေးပါတီများ၊ကျေးလက်ဦးစီး CDD ကိုယ်စားလှယ်များ၊လွှတ်တော်ကိုယ်စားလှယ်များ၊ကျေးရွာအုပ်ချုပ်ရေးမှူးများ နှင့် ရပ်မိရပ်ဖ/မြို့မိမြို့ဖများအင်အား ၄၀၀၀-(လေးထောင်)ကျော်တက်ရောက်ခဲ့ကြောင်းသိရပြီး ၄င်း မြို့နယ်လူထုဗဟိုပြု စီမံကိန်းအလုပ်ရုံ မိတ်ဆက်ပွဲအခမ်းအနားအား ထိုနေ့နေ့လည်(၁၂)အချိန်ခန့်တွင် အောင်မြင်စွာပြီးဆုံးသွားကြောင်းသိရသည်။
K3(pyay)ဒီမိုကရေစီတူဒေးသတင်းစာ
ပြည်သတင်းလူငယ်(ပြည်သတင်း)09253311019
0 comments:
Post a Comment