လိပ်ကျွန်းလူသတ်မှု သေဒဏ်ချခဲ့ရသော မြန်မာနိုင်ငံသားနှစ်ဦး အတွက် ရှင်သန်ရေး ဆုတောင်းပွဲပြည်မြို့ရှိလူငယ်များကျင်းပပြုလုပ်
ပြည်၊ဒီဇင်ဘာ၊၂၅
ပဲခူးတိုင်းဒေသကြီး ပြည်မြို့ ရွှေဆံတော်စေတီတော်မြတ်ကြီး ရင်ပြင်တော်ပေါ်တွင် ဒီဇင်ဘာ ၂၅-ရက် နေ့လည် ၁၂ နာရီချိန်ခန့်က လိပ်ကျွန်းလူသတ်မှု သေဒဏ်ချခဲ့ရသော မြန်မာနိုင်ငံသားနှစ်ဦး အတွက် ရှင်သန်ရေး ဆုတောင်းပွဲကို ပြုလုပ်ခဲ့ကြောင်းသိရသည်။ ပြည်မြို့ဒေသခံလူငယ်တစ်စုမှ ထိုင်းငံ လိပ်ကျွန်းလူသတ်မှုဖြင့် ထိုင်းတရားသူကြီးမှ မြန်မာနိုင်ငံသားနှစ်ဦးအား သေဒဏ်ချမှတ်သည့်အပေါ် မြန်မာနိုင်ငံသားများအနေဖြင့် လုံးဝကျေနပ်မှုမရှိကြောင်း ၄င်းအမိန့်အားပြန်လည်ပြင်ဆင်ပေးရန် နှင့် အမြန်ဆုံးပြန်လည်လွှတ်မြောက်လာစေရန် ဆုတောင်းပွဲများကျင်းပပြုလုပ်ခဲ့တာဖြစ်ကြောင်း အဆိုပါ လူငယ်များထံမှသိရသည်။
ဗြိတိန်နိုင်ငံသား ကမ္ဘာလှည့်ခရီးသွာ ၂-ဦး အသတ်ခံရသည့်အမှုမှာ အပြစ်ရှိတယ်ဆိုပြီး မြန်မာနိုင်ငံသား ၂-ဦးကို ထိုင်းတရားရုံးက သေဒဏ်စီရင်ချက်ချမှတ်ခဲ့မှုကြောင့် ထိုင်းတရားရုံးရဲ့ ဆုံးဖြတ်ချက်နဲ့ပတ်သက်ပြီး ကန့်ကွက်ဝေဖန်မှုတွေလည်း မြန်မာနိုင်အတွင်းပျံ့နှံ့လျှက်ရှိကြောင်းသိရသည်။
“ ထိုင်းနိုင်ငံမှာ အပြစ်မရှိတဲ့ မြန်မာနိုင်ငံသားနှစ်ဦးကိုသေဒဏ်ချမှတ်ခဲ့တာနဲ့ပတ်သက်ပြီး လူငယ်တွေလက်ဖက်ရည်ဆိုင်ထိုင်ရင်းနဲ့ ခုလိုဆုတောင်းပွဲတစ်ခုပြုလုပ်ကြမယ်လို့ဆုံးဖြတ်ကြပါတယ်။ ကျွန်တော်တို့လူငယ်တွေ အားကိုးစရာအားထားစရာဆိုလို့ ဒီလိပ်ကျွန်းအမှုမှာ ဘုရားပဲကယ်နိုင်တော့မယ်ထင်ပါတယ်။ အဲဒါကြောင့်ဘုရားမှာ လူငယ်တွေစုပေါင်းပြီး ဆုတောင်းပွဲလုပ်ကြတယ်။ တရားရုံးတွေနဲ့ အာဏာပိုင်တွေဘယ်လိုလုပ်ကြမလဲဆိုတာကျွန်တော်တို့မသိပါဘူး။ကျွန်တော်တို့မြန်မာနိုင်ငံသား နှစ်ဦးကို ခိုင်လုံတဲ့သက်သေအထောက်အထားမရှိရင်အမြန်ဆုံးပြန်လွှတ်ပေးပါလို့တောင်းဆိုပါတယ်။” ဟု ပြည်မြို့ဒေသခံ ကိုကျော်ထွန်းကပြောသည်။
အဆိုပါဆုတောင်းပွဲကို ပြည်မြို့ ရွှေဆံတော်စေတီတော်မြတ်ကြီးရင်ပြင်ပေါ်တွင် လက်ယာရစ် သုံးပတ်လှည့်လှည်၍ ဗုဒ္ဓဟူးထောင့်ရှိ ပတ္တမြားမျက်ရှင်ရုပ်ပွားတော်မြတ်ရှေ့တွင် ထိုင်းတရားသူကြီးမှ သေဒဏ်ချမှတ်ခြင်းခံရသည့် မြန်မာနိုင်ငံသား နှစ်ဦးအတွက် အမြန်ဆုံးလွှတ်မြောက်စေရန် ဆုတောင်းမှုများပြုလုပ်ခဲ့ကြောင်းသိရသည်။
“တစ်နိုင်ငံလုံး တစ်ကမ္ဘာလုံး သိနေတဲ့အမှုပါ။ထိုင်းတရားသူကြီးက မြန်မာနိုင်ငံသားနှစ်ဦးအပေါ်မှာ အပြင်းထန်ဆုံး သေဒဏ်အမိန့်ပေးလိုက်တာဟာ မတရားဘူး။မတရားအစွတ်စွဲခံနေရတယ်ဆိုတာ အကုန်လုံးသိကြပါတယ်။ Facebook ပေါ်မှာအမိန့်ချတဲ့ ဗီဒီယိုဖိုင်တက်လာလို့ ဖွင့်ကြည့်မိတာ အသားတွေတစ်ဆက်ဆက်တုန်လာပြီး မျက်ရည်တောင်ကျခဲ့မိတယ်။အခုလဲ ကျွန်တော်ပရဟိတတေ အများအကျိုးအတွက်လုပ်နေတယ်။အဲဒိကောင်းမှုတွေကြောင့် ထိုင်းတရားသူကြီးက သေဒဏ်ချမှတ်ခြင်းခံလိုက်ရတဲ့ မြန်မာနိုင်ငံသား နှစ်ဦးအမြန်ဆုံးလွှတ်မြောက်ပါစေဆုတောင်းတယ်။နိုင်ငံတော်လူကြီးတွေအားလုံး တတ်နိုင်တဲ့ဘက်ကအကောင်းမွန်ဆုံးထိရောက်အောင်တောင်းဆိုပေးပါ။”ဟု ပြည်မြို့ မိုးမေတ္တာနာရေးကူညီမှုအသင်းသား ကိုရာပြည့် ကပြောသည်။
အဆိုပါဆုတောင်းပွဲအား ပြည်မြို့ဒေသခံလူငယ် ၁၅-ဦးကျော်မှ ပြည်ရွှေဆံတော်ဘုရားပေါ်တွင် လိပ်ကျွန်းလူသတ်မှု သေဒဏ်ချခဲ့ရသော မြန်မာနိုင်ငံသားနှစ်ဦး အတွက် ရှင်သန်ရေး စာသားပါဗီနိုင်းပိုစတာတစ်ခု နှင့် အောင်သပြေပန်းများ၊အမွှေးနံ့သာတိုင်၊အလင်းတိုင်(ဖယောင်းတိုင်)များကိုင်ဆောင်ကာ ဆုတောင်းမှုများအား တစ်ရီအချိန်ခန့်ကြာမြင့်စွာ ပြုလုပ်ခဲ့တာဖြစ်ပြီး ယင်းကိစ္စနှင့်ပတ်သက်၍ ပြည်မြို့ မြို့မရဲစခန်း နယ်ထိန်းခေါင်းဆောင် ရဲအုပ်ဇော်မင်းနိုင်ကဆုတောင်းပွဲပြုလုပ်ရခြင်းဖြစ်သောကြောင့် တရားစွဲဆိုသွားရန် လုံးဝမရှိကြောင်းပြောကြားခဲ့သည်။
K3(pyay)
0 comments:
Post a Comment