သဲကုန်းမြို့နယ်ထဲမှာအတွင်းမှ ကျေးရွာ(၄၀)ကျော်နှင့် လယ်ဧကပေါင်း(သုံးသောင်း)ကျော်ရေနစ်မြုတ်

သဲကုန်းမြို့နယ်ထဲမှာအတွင်းမှ ကျေးရွာ(၄၀)ကျော်နှင့် လယ်ဧကပေါင်း(သုံးသောင်း)ကျော်ရေနစ်မြုတ်



သဲကုန်း ဇူလိူင် ၃၁

ဇူလိုင်လ(၂၃)ရက်နေ့က စပြီးအဆက်မပြတ်ရွာသွန်းတဲ့မိုးကြောင့် အင်းမဆည်ကြီးကြောင့်၊ ပဲခူးတိုင်းသဲကုန်းမြို့နယ်ထဲက၊ကျေးရွာ(၄၃)ရွာ နဲ့ လယ်ဧကပေါင်း(၃၃၀၀၀)ကျော် ရေထွက်ပေါက်မရှိ၍ ထိုဒေသအတွင်းမှာရေများ လည်ပတ်နေသောကြောင့် ၊ဒေသခံတွေ၏ လယ်တွေပျက်စီးဆုံးရှုံးခဲ့ရပြီးထိုဒေသအတွင်းစာသင်ကျောင်းများလည်းပိတ်ထားခဲ့လျှက်ရှိကြောင်းသိရသည်။



ယခင်က သဲကုန်းမြို့နယ်တစ်ခုလုံးမှထွက်သည့်ချောင်းရေတွေသည် မြစ်မခ၊ချောင်းမှတဆင့် ဧရာဝတီမြစ်ထဲသို့ စီးဆင်းနေခဲ့သည်ကို (၁၉၈၂)ခုနှစ် မှာ အဆိုပါချောင်းတွေကို ပိတ်ပြီးအင်းမဆည်ကြီးတည်ဆောက်လိုက်သောကြောင့် မြို့တွင်းရှိ နှစ်စဉ်ဖြစ်ပေါ်လေ့ရှိသောရေလွမ်းမိုးမှုများသည် ရေထွက်ပေါက်မရှိတော့ပဲ သဲကုန်းနယ်အတွင်းကျေးရွာတချို့များတွင်တစ်နှစ်လျှင် (၄)လမှ(၅)လ လောက်အထိရေကြီးလျှက်ရှိနေကြောင်းသိရသည်။ အဆိုပါရေလွမ်းမှုကြုံတွေ့ခဲ့ရတိုင်း တောင်သူလယ်သမားတွေမှနေ တံငါသည်တွေ ဖြစ်လာခဲ့ပါတယ်။ယခုနှစ်မှာတော့၊ထူးခြားတဲ့မိုးရွာသွန်းမှု နဲ့ ပိုပြီးရေနစ်မြုတ်မှုဖြစ်ခဲ့ပါတယ်။



         

“အင်းမဆည်ကြီး ဆောက်ပြီးကတည်းက နှစ်စဉ်ရေကြီးနေတာ။ခုနှစ်မိုးကလည်းတအားကြီးနေတော့ပိုဆိုးတာပေါ့။အရင်ကဆိုလယ် တွေရေငတ်လို့လူတွေစားဖို့တောင်မရဘူး၊တိရစ္ဆာန်တွေ ကိုရိပ်ကြွေးပြစ်လိုက်ရတာ ၊အခုအင်းမဆည်ကြီးလုပ်ပြီးကထဲက၊ရေတွေ ကထွက်ပေါက်မရှိတော့ဘဲ၊နှစ်တိုင်းလိုလိုရေနစ်နေတာ။ဒါတွေကိုဖြေရှင်းပေးစေလိုပါတယ်။” ဟု သဲကုန်းမြို့နယ် အောင်ကုန်းကျေးရွာ မှ ကိုအေးကျော် ကပြောသည်။

  ပြီးခဲ့သည့်  ဇူလိုင်လ(၂၆)ရက်နေ့ထုတ် မြန်မာ့အလင်းသတင်းစာမှာတော့၊ဆည်မြောင်းနှင့် တမံ တွေကျိုးပေါက်မှုမဖြစ်စေရေးကို၊သက်ဆိုင်ရာဆည်မြောင်းဦးစီးဋ္ဌာနကစောင့်ကြပ်လျှက်ရှိနေပါတယ်ဟူ၍ဖေါ်ပြထားခဲ့ပါတယ်။



  “လယ်တွေကတော့အကုန်ပျက်စီးကုန်ပြီ၊လူတွေကတော့မြင့်တဲ့အပိုင်းတွေမှာသွားနေရတယ်၊ခါတိုင်းမဖြစ်ဖူးဘူး။အခုနှစ်မှဆည်ကြီးကရေထွက်ပေါက်မကောင်းတော့၊ရေကြီးနေတာ၊အာဏာပိုင်အဖွဲ့အစည်းကတော့ဘာမှလာလုပ်ပေးတာမရှိသေးဘူး၊ဒီအတိုင်းရက်ကြာလာရင်၊လယ်တွေက ပိုပျက်စီးသွားမှာ” ဟု သဲကုန်းမြို့နယ် မြေတောရွာ မှ ဦးသောင်းညွှန့် ကပြောသည်။

 သဲကုန်းမြို့နယ်ထဲက ကျေးရွာပေါင်း(၄၃) ရွာနှင့် လယ်ဧကပေါင်း၊(၃၃၀၀၀)ကျော်ခန့် ရေနစ်မြုတ်နေပြီး၊စာသင်ကျောင်း(၃)ကျောင်းကိုလဲ ဇူလိုင်လ(၂၉)ရက်နေ့မှစတင်ပိတ်ထား လိုက်ရပြီး  ဇူလိူင်လ(၃၁)ရက်နေ့အထိရေမကျဘဲမိုးများဆက်လက်ရွာသွန်းလျှက်ရှိနေသည်။၊မိုးဆက်လက်ရွာနေမှာကို ဒေသခံတွေ ဆိုးရိမ်လျှက်ရှိကြောင်းသိရသည်။အဆိုပါကိစ္စများအား သဲကုန်းမြို့နယ်အတွင်း ရေကြီးရေလျှံဖြစ်နေမှုများသည် နှစ်စဉ်လိုလိုဖြစ်ပေါ်လေ့ရှိကြောင်း၊ သဲကုန်းမြို့သည်မြေနိမ့်ပိုင်းဖြစ်နေသ၍ ယခုနှစ်မိုးကြီးသောအခါ ရေကြီးရေလျှံမှုများဖြစ်ပေါ်နေခဲ့တာဖြစ်ကြောင်း၊ထိုကိစ္စများအတွက် ကျန်းမာရေးစောင့်လျှောက်မှုများပြုလုပ်ဆောင်ရွက်လျှက်ရှိကြောင်း၊ထိုကိစ္စများအတွက်လိုအပ်သောအကူအညီများကို လိုအပ်သလိုဆောင်ရွက်လျှက်ရှိကြောင်း သဲကုန်းမြို့နယ်အထွေထွေအုပ်ချုပ်ရေးမှူးမှ ပြောကြားခဲ့ကြောင်းသိရသည်။

                                                                                          K3(pyay)ဒီမိုကရေစီတူဒေးသတင်းစာ

တင်ဆက်..ပြည်သတင်းလူငယ်..09253311019