လူ့အခွင့်အရေးကာကွယ်စောင့်ရှောက်သူများဖိုရမ်ဆွေးနွေးပွဲ ပြည်မြို့တွင်ပြုလုပ်
ပဲခူးတိုင်းဒေသကြီး ပြည်ခရိုင် ပြည်မြို့ ဆံတော်ရပ်ကွက် အတွင်းရှိ အောင်ပွဲဝင်ခန်းမတွင် လူ့အခွင့်အရေးကာကွယ်စောင့်ရှောက်သူများဖိုရမ် ဆွေးနွေးပွဲအား ဖေဖော်ဝါရီ ၃-ရက်နေ့ နံနက် ၁၀း၃၀ ချိန်ခန့်က ကျင်းပပြုလုပ်သွားခဲ့ကြောင်းသိရသည်။
အဆိုပါလူ့အခွင့်အရေးကာကွယ်စောင့်ရှောက်သူများဖိုရမ် ဆွေးနွေးပွဲသို့ HRDF-(Human Rights Defenders Forum)လူ့အခွင့်အရေးကာကွယ်စောင့်ရှောက်သူများအဖွဲ့၊ပြည်သူ့အထောက်အကူပြုကွန်ရက်၊ပြည်ခရိုင် နိုင်ငံရေးအကျဉ်းသားဟောင်းများအဖွဲ့၊HRDP(လူ့အခွင့်အရေးကာကွယ်မြှင့်တင်သူများအဖွဲ့)၊7-Day သွေးနှင့်ကလေးကူညီရေး၊သခင်ကိုယ်တော်မှိုင်းကွန်ရက်၊လူ့ဘောင်သစ်ဒီမိုကရက်တစ်ပါတီ၊ပြည်ခရိုင်ရှေ့နေများကွန်ရက်၊မိုးမေတ္တာနာ/ကူအသင်း၊ခေတ္တရာနာ/ကူအသင်း၊ငြိမ်းချမ်းရေးနှင့်ပွင့်လင်းလူ့အဖွဲ့အစည်း၊CPRCG-(လယ်သမားအကျိုးဆောင်ကွန်ရက်)၊သံလွင်ခက်အဖွဲ့၊ဂရုနာလက်များကွန်ရက်၊လက်တွဲကူမယ် ပြည်လူငယ်အဖွဲ့ နှင့် သတင်းမီဒီယာများတက်ရောက်၍ အပြန်အလှန်ဆွေးနွေးမှုများပြုလုပ်ခဲ့ကြောင်းသိရသည်။
“၂၀၁၄ ဂျူလိုင်ကစလုပ်ခဲ့တာ တစ်နှစ်ခွဲလောက်ရှိပြီ ရန်ကုန်ပေါ်မှာပဲရှိနေခဲ့တာ။ အခုက အကြို ဖိုရမ်နဲ့ပတ်သက်ပြီး မိတ်ဆက်တဲ့အနေနဲ့ပါ။မန္တလေးနဲ့လာရှိုးကိုသွားပြီး အခုပြည်မှာဒီပွဲလုပ်တာ။နောက်ထပ်မြို့ငါးမြို့ကိုထပ်သွားဖို့ရှိနေပါတယ်။စစ်ဖြစ်နေတဲ့ ကချင်နဲ့ရှမ်းလိုနေရာက ကစ်တွေရယ်၊လယ်သိမ်းရာသိမ်း၊မြေယာပြဿနာ အဲဒါတွေအများဆုံးကြုံတွေ့ရတယ်။ မန္တလေးတိုင်း ဘက်မှာပိုကြုံနေရတယ်။နောက်တက်မယ့်အစိုးရကိုယုံကြည်တယ်။ လူ့အခွင့်အရေးဆိုင်ရာတွေဦးစားပေးလုပ်ဆောင်သွားလိမ့်မယ်လို့ယုံကြည်မျှော်လင့်ပါတယ်။” ဟု HRDF-(Human Rights Defenders Forum)လူ့အခွင့်အရေးကာကွယ်စောင့်ရှောက်သူများအဖွဲ့ မှ Coordinator ကိုထူးကျော်ဝင်း က သမဂ္ဂဂျာနယ်သို့ ပြောသည်။
အဆိုပါလူ့အခွင့်အရေးဆိုင်ရာဆွေးနွေးပွဲတွင် လူ့အခွင့်အရေးကာကွယ်စောင့်ရှောက်သူများဖိုရမ်အကြောင်း၊ရည်ရွယ်ချက်များ၊လူ့အခွင့်အရေးကာကွယ်စောင့်ရှောက်သူများ အရည်အချင်းပြည့်ဝအောင်သတ်မှတ်ထားပုံ၊လူ့အခွင့်အရေးကာကွယ်စောင့်ရှောက်သူများ ဖိုရမ်တွင်လုပ်ဆောင်နေသည့် ကူညီစောင့်ရှောက်မှုများ၊အနာဂတ်မျှော်မှန်းထားသည့် ဆောင်ရွက်ရန်အချက်များ စသည်တို့ကိုဆွေးနွေးသွားခဲ့ကြောင်းသိရသည်။
“လူ့အခွင့်အရေးချိုးဖောက်ခံရမှုတွေက ပဲခူးတိုင်းဒေသကြီးအတွင်းမှာလည်းပိုများပါတယ်။ဒီအဖွဲ့က ဥပဒေဆိုင်ရာရော အခွင့်အရေးဆိုင်ရာတွေရော ပါဝင်နေတဲ့ ဖိုရမ်တစ်ခုဖြစ်နေပါတယ်။တည်ဆဲဥပဒေကို ဖွဲ့စည်းပုံအခြေခံဥပဒေက ချုပ်ကိုင်ထားတဲ့အတွက် လက်ရှိတည်ဆဲဥပဒေ ၂၀၀၈ ဖွဲ့စည်းပုံအခြေခံကို ပြင်ဆင် ပြောင်းလည်းပေးဖို့အဓိကလိုအပ်တယ်။ပြည်မြို့မှာဆို လယ်သိမ်း၊မြေသိမ်း၊ယာသိမ်း၊ကလေးစစ်သားကိစ္စ၊လူကုန်ကူးခံနေရမှုတွေဖြစ်နေတာအများကြီးပဲ။ဒါတွေကို ဒီဖိုရမ်ကကူညီပေးမယ် ပူးပေါင်းပေးမယ်ဆို အားလုံးအဆင်ပြေသွားမှာပါ။နောက်တက်မဲ့ NLD အစိုးရအနေနဲ့ ဒီဖွဲ့စည်းပုံအခြေခံဥပဒေကို ပြတ်ပြတ်သားသားဆောင်ရွက်သင့်တယ်လို့ပြောချင်ပါတယ်။” HRDP-(လူ့အခွင့်အရေးကာကွယ်မြှင့်တင်သူများအဖွဲ့) ဗဟို ဘုတ်အဖွဲ့ဝင် ကိုဇော်ထွန်း က သမဂ္ဂဂျာနယ်သို့ ပြောသည်။
အဆိုပါ လူ့အခွင့်အရေးကာကွယ်စောင့်ရှောက်သူများဖိုရမ်ဆွေးနွေးပွဲအား မြန်မာနိုင်ငံအတွင်း သုံးကြိမ်မြောက်ဆွေးနွေးခဲ့ပြီး အဆိုပါလူအခွင့်အရေးကာကွယ်စောင့်ရှောက်သူများဖိုရမ် ဆွေးနွေးပွဲအား မန္တလေး၊ရှမ်းပြည်နယ် လားရှိုး နှင့် ပဲခူးတိုင်းအတွင်းရှိ ပြည်မြို့တွင် ဆွေးနွေးခဲ့တာဖြစ်ကြောင်းသိရသည်။ပြည်မြို့တွင် ပြုလုပ်သည့် လူ့အခွင့်အရေးကာကွယ်စောင့်ရှောက်သူများဖိုရမ်ဆွေးနွေးပွဲသို့ ပြည်ခရိုင်အတွင်းရှိ လူမှုရေးအသင်းအဖွဲ့များ၊ပရဟိတအသင်းအဖွဲ့များ၊နိုင်ငံရေးတက်ကြွလှုပ်ရှားသူများ၊ကွန်ရက်များ စသည့် အရပ်ဖက်အဖွဲ့အစည်းများ ကိုယ်စား ဦးစီးဦးဆောင်သူ အင်အား ၂၅-ဦးခန့်တက်ရောက်ဆွေးနွေးသွားခဲ့ပြီး အဆိုပါဆွေးနွေးပွဲအား ၁၂း၃၀မိနစ်အချိန်တွင်ပြီးဆုံးသွားခဲ့ကြောင်းသိရသည်။
မောင်ပန်ကာ(ပြည်)
By;ပြည်သတင်းလူငယ်(ပြည်သတင်း)
09253311019
Friday, February 5, 2016
လူ့အခွင့်အရေးကာကွယ်စောင့်ရှောက်သူများဖိုရမ်ဆွေးနွေးပွဲ ပြည်မြို့တွင်ပြုလုပ်
0 comments:
Post a Comment