သီဟလွင် ပြည် မြစ်မခ
ခပ်နိမ့်နိမ့်ထိုးထားတဲ့ ဇတ်စင်အပေါ်အမှာနီယွန်ရောင်စုံမီးတွေကလင်းလို့ထိန်လို့။အဲဒီဇတ်စင်ပေါ်မှာတော့ ရောင်စုံမိတ်ကပ်တွေ လိမ်းခြယ်ထားတဲ့ မြန်မာဆန်ဆန်အမျိုးသမီးတစ်ယောက်ကအနောက်ကဖွင့်ပေးထားတဲ့ နဂါးနီသီချင်းကိုစည်းစနစ်ကျကျနဲ့တေးသရုပ်ဖော်နေတယ်။
သီချင်းတစ်ဝက်လောက်မှာ စင်အောက်ကပရိတ်သတ်တစ်ယောက်ကသင်္ကြန်ပန်းကုံးတစ်ခုအဲဒီအမျိုးသမီးကိုလည်တိုင်ကိုကိုယ်တိုင်ကိုယ်ကျဆွတ်ပေးလိုက်တယ်။ ပြီးတော့နောက်တစ်ယောက်ကပလပ်စတစ်နင်းဆီပန်းတစ်ပွင့် ဆုချပြန်တယ်။ သီချင်းအပြီးမှာတော့ ရာနဲ့ချီတဲ့ ပရိတ်သတ်တွေရဲ့ လက်ခုပ်သံတွေတစ်ဖြောင်းဖြောင်းနဲ့ ကျယ်လောင်စွာထွက်ပေါ်လာတယ်။
ပြီးတော့ နောက်ထပ် အမျိုးသမီးတစ်စုစင်ပေါ်တက်လာတယ် ခေတ်ပေါ်သီချင်းတွေနဲ့ကကြပြန်တယ်။ နောက်ပိုင်းမှာတော့ ရီစာမောစရာလေးတွေ ပညာပေးသာဓကတွေ နောက်ပိုင်းရာဇ၀င် ဇတ်လမ်းအတိုလေးတွေနဲ့ အချိန်တိုတိုနှစ်နာရီအတွင်းမှာကဏ္ဍစုံထည့်ကပြလိုက်တာပရိတ်သတ်ကပေး ကြည့်ရတဲ့ ပိုက်ဆံ ၁၅၀၀ ကျပ်နဲ့ ခဏတာတော့အပျင်းပြေစေတယ်လို့ ကြည့်ရှုသူတွေကပြောပါတယ်။
ထူးခြားတာကအဲဒီပွဲကိုကပြတာဟာတစ်ကယ်တော့ အမျိုးသမီးအစစ်အမှန်တွေမဟုတ်ပဲမိုးကြိုးငှက်ငယ်ဆိုတဲ့ နာမည်နဲ့ မိန်းမလျာတွေစုပေါင်းဖွဲ့စည်းထားတဲ့ ဖျော်ဖြေရေးအဖွဲ့တစ်ဖွဲ့ပါ။သူတို့အဖွဲ့ဟာဆယ့်နှစ်လရာသီလုံး မြန်မာနိုင်ငံတစ်လျားမှာရှိတဲ့ ဘုရားပွဲတွေမှာဇတ်ရုံသွင်းပြီးအခကြေးငွေနဲ့လိုက်လံဖျော်ဖြေနေတာအခုဆိုရင် နှစ်ပေါင်းသုံးဆယ်ကျော်ကြာသက်တမ်းရှိသွားပါပြီ။
ကပြတဲ့နှစ်ပေါင်းလည်းကြာမြင်ပြီဆိုသလိုပဲတစ်နိုင်ငံလုံးမှာလည်းသူတို့ကိုအခိုင်အမာအားပေးတဲ့ ပရိတ်သတ်တွေလည်းရရှိနေကြပါပြီ။
ဖျော်ဖြေရေးတွေပြုလုပ်နေတဲ့ အဲဒီဇတ်ရုံရဲ့နောက်ကွယ် မိုးကာမိုးကားမိုး ကွက်ပျစ်ခင်းထားတဲ့အပေါ်မှာတော့ ကချင်ကွက်စိပ်ပုဆိုး၊ ပြာနုရောင် ရှပ်အင်္ကျီလက်ရှည်လည်းကို တံတောင်ဆစ်ထိရောက်အောင်ခေါက်ပြီး ဆံပင်ကိုတစ်ပတစ်ရစ်ကာ ဆံဆပ်နဲ့ညှပ်ထားတဲ့ အသက်(၅၀)ကျော်အရွယ် မာမီစိုးဆိုသူက ယပ်တောင်လေးတစ်ဖြတ်ဖြတ်နဲ့ ထိုင်နေလေရဲ့။
“ဒီပွဲကလည်းလာတဲ့သူတွေကပျော်ရွှင်မှုအနေနဲ့ပဲလာကြတာ ဟေးလားဝါးလား လာမယ် ပျော်မယ်ဆိုတဲ့အခါကြတော့ ပျော်ရွှင်မှုအပိုင်းဖျော်ဖြေမှုအပိုင်းနောက်ပြီးကြည့်ချင်ပွဲလေးဆိုပါတော့”လို့ အဲဒီအဖွဲ့ကိုတည်ထောက်ခဲ့သူအသက်(၅၅)နှစ်အရွယ်ရှိပြီဖြစ်တဲ့ မာမီစိုး ကပြောပါတယ်။
ဒီအဖွဲ့ကိုထူထောင်တုန်းကမိုးကြိုးလိုထက်မျက်မာကျောပြီးတော့ ငှက်ကလေးတွေလိုပျော့ပြောင်းသွက်ပြီးသိုက်သိုက်ဝန်းဝန်းနေတတ်တယ် ဆိုတဲ့သဘောကိုဆောင်တဲ့ မိုးကြိုးငှက်ငယ်ဆိုတဲ့နာမည်ကိုပေးဖြစ်သွားတာလို့ဆိုပါတယ်။
ဒီအချိန်မှာသူတို့အဖွဲ့ဟာအခုလိုမျိုးရပ်တည်နေနိုင်ပြီဖြစ်ပေမယ့် အရင်တုန်းကတော့ ဒီအခြေအနေအရောက်အောင် အခက်အမျိုးမျိုးတွေကြားကနေ့ ဖြတ်သန်းခဲ့ကြရတာပါ။
မိန်းမလျာတွေဖြစ်တဲ့အတွက် ခွဲခြားဆက်ခံရမှုတွေ အမေ့လျော့ခံ အနှိမ်ခံရတဲ့ကြားကငါတို့လုပ်နိုင်တယ်ဆိုတဲ့စိတ်ကသူတို့အတွက် တွန်းအားဖြစ်စေခဲ့ပါတယ်။
၁၉၇၈ ခုနှစ်ကလောက်ကစပြီး မာမီစိုးအပါအ၀င် ငါးယောက်လောက်စတင်ခဲ့ပြီးသီတင်းကျွတ် တန်ဆောင်တိုင်လိုမျိုးပွဲတော်တွေမှာဗလာပွဲလို့ခေါ်တဲ့ အခကြေးငွေမရတဲ့ လမ်းဘေးပွဲအနေစခဲ့ရပြီးလူကြိုက်များလာရတာကနေတစ်ဆင့် ဂေဆက်ဝင်ဘုရားပွဲတွေမှာပိုက်ဆံရှိတဲ့သူတွေကရုံသွင်းကပြလာတာကနေတဖြည်းဖြည်းကျိုးစားခဲ့ရတယ်လို့ဆိုပါတယ်။
အရင်တုန်းကအခုလိုစက်တွေ သေတ္တာတွေ လိုအပ်တဲ့အသုံးအဆောင်ပစ္စည်းတွေမ၀ယ်နိုင်သေးတော့ ရောက်တဲ့နေရာမှာငှားပြီးကပြကြရတာမျိုးပါ။သူတို့အဖွဲ့ကိုကန်ထရိုက်ဆွဲပြီးအနုပညာကြေးပြန်လည်မရှင်းပေးပဲထွက်ပြေးသွားတာမျိုးတွေလည်းမကြာခဏကြုံရပြီး ကပြီးလို့မနက်လင်းတဲ့အခါ ပိုက်ဆံတစ်ပြားမှမရပဲ ကိုယ်အထုတ်ကိုယ်ပိုက်ပြီး ပြန်ခဲ့ရတဲ့ ဘ၀တွေကနေ့ စခဲ့ကြရတာပါ။
အဲဒီလိုဒုက္ခမျိုးစုံကြုံနေရပြီးတစ်ဖြည်းဖြည်း ကြိုးစားခဲ့ကြရတာ ၁၉၈၉ လောက်ကစပြီးအခုအချိန်ထိဦးကျော်ဇင်ဦးဆိုတဲ့သူကသူတို့အဖွဲ့ကိုထက်အောက်မြန်မာပြည်တစ်ခုလုံးသူတစ်ဦးတည်းကကန်ထရိုက်အမြဲတန်းဆွဲလိုက်တာကနေတစ်ဆင့် သူတို့ရဲ့မိုးကြိုးငှက်ငယ်အဖွဲ့လည်းပိုမိုခိုင်မာတည်မြဲလာခဲ့ပါတယ်။
အဲဒီလိုနဲ့ပိုမုံရွာရွှေစည်းခုံ မြစ်ကြီးနာအံတော်ရှင် မန္တလေးဆိုကျောက်တော်ကြီး ပြည်ရွှေဆံတော် လယ်ဝေးဖောင်တော်ချက်မစေတီ ပဲခူးရွှေမော်ဓောသန်လျင်ကျိုက်ခေါက် ကန်ဘဲ့ မိုးကောင်းဘုရားပွဲ ရွေဘိုမြို့ဒေါက်စေတီရန်ကုန်မယ်လမုကျိုက်ခေါက် စတဲ့စတဲ့ ဘုရားတွေကိုကိုလိုက်လံကပြတာမာမီးစိုးအသက် (၁၈)နှစ်ကနေအခု(၅၅)နှစ်တိုင်အောင်ပါပဲ။
“အရင်တုန်းကတော့ မင်းသမီးကြီးခင်သီတာထွန်းနဲ့တူတယ် သူ့အိုက်တင်ဖမ်းတေယ် အခုတော့မတူတော့ပါဘူးဒီမျက်နှာကြီးနဲ့တော့ အရင်တုန်းကတော့ ဆံပင်အရှည်ကြီးနဲ့ဆိုတော့ ခင်သီတာထွန်းပေါ်ခါစကတာ့ ဆံပင်အရည်ကြီးပဲလေးတူတယ်တူတယ်ဆိုပြီးနာမည်ကြီးသွားတာပေါ့”မာမီစိုးကသူကပြခဲ့စဉ်ကအတွေ့အကြုံကိုပြောပါတယ်။
နောက်ပိုင်းမှာတော့ သူတို့အဖွဲ့ကိုရန်အောင် မေသန်းနုဆုပန်ထွာထက်ထက်မိုးဦးခိုင်သင်းကြည်တို့လို့မျိုးနာမည်ကြီးသရုပ်ဆောင်တွေတောင်လာကြည့်ပြိးတော့ အားပေးတာမျိုးတွေတွေ့ရပြိးသူတို့ရဲ့ အ၀တ်အစားတွေကိုလည်း မိုးကြိုးငှက်ငယ်အဖွဲ့သားတွေ ဖျော်ဖြေရေးမှာအသုံးပြုဖို့ ပြန်ပေးခဲ့တာမျိုးတွေလည်း သူတို့အဖွဲ့တွေအတွက် အားတစ်ခုဖြစ်စေခဲ့ပါတယ်။
ဖွဲ့စည်းစဉ်အခါကလူလေးယောက်နဲ့စခဲ့ရပေမယ့် အခုဆိုရင် မင်းသမီးအယောက်(၂၀)ခန့်အပါအ၀င် မိုးကြိုးငှက်ငယ်အဖွဲ့သား (၃၀)လောက်ရှိတယ်လို့သိရပါတယ်။သူတို့အားလုံးကာစီးပွားရေးအကျိုးအမြတ်လို့သဘောမထားပဲမိုးကြိုးငှက်ငယ်ဆိုတဲ့နာမည်ကြီးမပျောက်ပျက်ဖို့နဲ့ လက်ရှိရောက်နေတဲ့ဘ၀နဲ့ လုပ်နေရတဲ့အလုပ်ပေါ်မှာကျေနပ်ပြီးပျော်ပျော်ရွှင်နဲ့ရပ်တည်နိုင်ရင်အဆင်ပြေတယ်လို့ အဖွဲ့သားတွေကပြောပါတယ်။
“အရှုံးအမြတ်ကိုကျမတို့ကသဘောမထားဘူးဒါပေမယ့် ကျေးနှုန်းကိုကြည့်ချင်ပွဲလေးပဲဆိုတော့ နည်းပါတယ် ကိုယ်ယူတဲ့ပိုက်ဆံနည်းလို့ဆိုပြီးပေါ့ပျက်ပျက်မလုပ်ပါဘူးအနုပညာကိုတန်ဖိုးထားပြီး ကြိုးစားပြီးကကြတယ် ”လို့မာမီစိုးကပြောပါတယ်။
ရုံခမြေခတွေဈေးကြီးပြီးနေတယ်ဆိုပေမယ့် ပိုက်ဆံကိုတော့ အနည်းငယ်သာယူတဲ့အတွက် ကိုယ်ပရိတ်သတ်ကတော့ ပျောက်မသွားဘူးလို့ မိုးကြိုးငှက်ငယ်အဖွဲသားတွေကပြောပါတယ်။
ရုံခမြေခဈေးအကြီးဆုံကတော့ သန်လျင် ကျိုက်ခေါက်ဘုရားပွဲနဲ့ ပဲခူးရွှေမောဓေါဘုရားပွဲမြေနေရာရုံနေရာတွေဖြစ်ပြီးငှားရမ်းခကျပ်ဆယ်သိန်းထိပေးဆောင်ရပြီးဒေသဆိုင်ရာပွဲတော်တွေအလိုက် ရှစ်သိန်းငါးသိန်းသုံးသိန်းအစားစားရှိပြိးအချို့နေရာတွေမှာတော့ မြေနေရာအခမဲ့ရတယ်လို့လည်းသိရပါတယ်။
ဖျော်ဖြေရေးအနောနဲ့ ကပြကြရတဲ့အခါ အအခက်အခဲတွေကအမျိုးမျိုးရင်ဆိုင်ခဲ့ရပြီးယခုခေတ်မှာမိန်းကလေးတွေကိုတောင် ဆွဲလားရမ်းလားလုပ်နေတော့ မိန်းမလျာဆိုရင် ပိုပြီးတော့ဆိုတယ်လို့ဆိုပါတယ်။ဒါပေမယ့် ပရိတ်သတ်နဲ့အမြဲတမ်းအပေးအယူမျှအောင်နေတဲ့အတွက် ဘာပြဿနာမှကြီးကြီးမားမားမရှိခဲ့ပါဘူး။
“မြို့တိုင်းမြို့တိုင်းမှာကရတာဆိုတော့ မျိုးစုံပါပဲဆွဲတာလည်းရှိတယ် မူးပြီးဖက်နမ်းတာလည်းရှိတယ် စင်ပေါ်ကလူကပရိတ်သတ်တွေကိုမစော်ကားရဘူးလေဒီအတိုင်းပဲ ငြိမ်ခံရတာပေါ့”လို့ မိုးကြိုးငှက်ငယ်အဖွဲ့သားမိန်းသမီးလှိုင်းငယ်ငယ်ကပြောပါတယ်။
မိန်မလျာဆိုတာ အနှိမ်ခံရတဲ့သဘောရှိတယ်။အနှိမ်ခံရတယ်ဆိုတာလည်းတန်းဖိုးရှိအောင်မနေတဲ့အတွက်အနှိမ်ခံရမှာပဲမိန်းမလျာလည်းဘာပဲဖြစ်ဖြစ် ကိုယ့်အိနြေ္ဒ သိက္ခာနဲ့နေရမယ်လို့ မိုးကြိုးငှက်ငယ်အဖွဲ့သားတွေတွေကလက်ခံယုံကြည်ထားကြပါတယ်။
“ယောက်ကျားလျာနဲ့တောင်မတူဘူးမလေးစားဘူးပေါ့နော် ဘာလို့လဲဆိုတော့ သဘာဝထက်ကိုလွန်အားကြီးပြီးတော့ မိန်းမစိတ်ကိုပေါက် မိန်းမထက်ကိုလှချင်နေကြတာလေမိန်းမထက်ကိုလှချင်တယ် ၀တ်ချင်တယ် စားချင်တယ် လန်ချင်တယ် ပြန်ချင်တယ် လူတွေကလေးစားအောင်မနေတဲ့အတွက်အထင်မကြီးဘူး နှိမ်မှာပဲ”လို့မာမီစိုးကပြောပါတယ်။
အဲဒီလိုမျိုးတွေအနှိမ်မခံရအောင်လို့ မိုးကြိုးငှက်ငယ်ဆိုတဲ့နာမည်နဲ့ ကိုယ်တတ်တဲ့ အနုပညာနဲ့ ဂုဏ်သိက္ခာအိနြေ္ဒရှိရှိလုပ်စားနေတာ နှိမ်တော့နှိမ်မှာပဲဒါပေမယ့်မသိမ်ငယ်ဘူးလို့ အဖွဲ့သားတွေကပြောပါတယ်။
မိုးကြိုးငှက်ငယ်လိုပဲ မြန်မာနိုင်ငံမှာအခြားမိန်မလျာဖျော်ဖြေရေးအဖွဲ့တွေ အများအပြားပေါ်ပေါက်ခဲ့ ပေမယ့်လည်းလက်ရှိမှာတော့ မိုးကြိုးငှက်ငယ်အဖွဲ့နဲ့ မိုးကြိုးငှက်ငယ်ကခွဲထွက်သွားတဲ့ ကြည်လဲ့လဲ့ဦးအဖွဲ့ နှစ်ဖွဲ့သာရှိပြီးတော့ တစ်နှစ်ပတ်လုံးလိုက်လံကပြတဲ့အဖွဲ့ကတော့ မိုးကြိုးငှက်ငယ်တစ်ဖွဲ့သာကျန်ရှိတော့တယ်လို့ သိရပါတယ်။
“လုပ်နိုင်သရွေ့ကျန်းမာရေးကောင်းနေသရွေ့ အနောက်ကနေလုပ်နေမှာပဲဒီကလေးတွေကိုသင်ပေးမယ် တတ်နိုင်သလောက်လုပ်မယ် မသေခင်ပေါ့လေကိုယ်သေရင်တော့ အဖွဲ့ပျက်ပြီလို့တော့ထင်တာပဲ” လို့မာမီစိုးကပြောပါတယ်။
မာမီစိုးတို့ခေတ်တုန်းကတော့ မိန်းမလျာဆိုတာသိပ်ပြီးပေါ်ထင်ထင်မရှိခဲ့ပေမယ် အခုနောက်ပိုင်းမှာတော့ တဖြည်းဖြည်းနဲ့ ပေါ်ပေါ်ထင်ထင်နေကြတားများပြားလာပါပြီခေတ်ကလည်းအပြောင်းအလည်းအရမ်းမြန်လွန်းတော့ အဖွဲ့သားတွေကိုမပျက်စီးအောင်စနစ်တကျနဲ့ စီမံအုပ်ချုပ်ရတယ်လို့လည်းဆိုပါတယ်။
အဖွဲ့ရပ်တည်နိုင်ဖို့အတွက် အမြဲတမ်းကျိုးစားသွာနေရမယ်ဖြစ်ပြီးတော့ ပရိတ်သတ်ကြိုက်အောင် ဘယ်လိုလုပ်ရမယ် ခေတ်ရေစီးကြောင်းတွေကဘယ်လိုရှိတယ် နားစွင့်ပြီးခေတ်အလိုက် ပရိတ်သတ်အကြိုက် လိုက်လုပ်ပြီးအဖွဲ့ရေရှည်တည်မြဲဖို့ကြိုးစားသွားမယ်လို့ အဖွဲ့သားတွကပြောပါတယ်။
“ပရိတ်သတ်ကိုဖျော်ဖြေတဲ့သူတွေ မိန်းမလျာခြင်းတူပေမယ့် မတူဘူးငါတို့ကမင်းသမီးတွေ”လို့မာမီစိုးကပြောပါတယ်။
နှစ်ရီကြာဖျော်ဖြေမှုတွေပြီးဆုံးသွားတော့ ရုံအတွင်းကနေပရိတ်သတ်တွေ အလျိုအလျိုပြန် ထွက်လာကြပါတယ်။ ဇတ်စင်ကကလည်ကလည်းပိတ်သွားပြီးမိုးကြိုးငှက်ငယ်လေတွေကတော့ ဒုတိယပွဲကပြဖို့အတွက် ကလည်ကာရဲ့နောက်ကွယ်မှာတော့ သံတ္တာတွေကအစီအရီ အမျိုးသမီး အ၀တ်အစား အမျိုးသားအ၀တ်အစားတွေနဲ့ ရောထွေးနေတာတွေ့မြင်ရတယ်။ မြေကြီးပေါ်မှာ ဖျာခင်းထားတဲ့ အပေါ်မှာ အလှည့်ကျထွက်မယ့် မင်းသမီးလေးတွေ ဖီးလိမ်းပြင်ဆင်နေကြလေရဲ့။
0 comments:
Post a Comment