Saturday, July 4, 2015

ဆန္ဒမဲတစ်ပြား ၀ါးမစားနဲ့ တာဝန်ကြေစေ မဲတစ်ပြားပိုင်ရှင်ရေ…… K3(pyay)

Leave a Comment
ဆန္ဒမဲတစ်ပြား ၀ါးမစားနဲ့ တာဝန်ကြေစေ မဲတစ်ပြားပိုင်ရှင်ရေ……  

K3(pyay)                                 

မြန်မာနိုင်ငံသည် စစ်အုပ်ချုပ်ရေးလက်အောက်တွင် ဆယ်စုနှစ်များစွာ ကျရောက်ခဲ့ရခြင်းကြောင့် မဲဆန္ဒရှင်များစွာသည် ဆန္ဒမဲပေးပိုင်ခွင့်ရှိသူများ၏ အခွင့်အရေးကို မသိရှိသည့်အပြင် ရွေးကောက်ပွဲအတွေ့အကြုံနှင့် ဆယ်စုနှစ် နှစ်ခုကျော် ဝေးကွာနေခဲ့ရသည်။ ကျွန်တော်တို့ပြည်သူတွေ ဆန္ဒမဲတစ်ပြားပေးနိုင်ဖို့ နှစ်ပေါင်းများစွာမှတစ်ကြိမ်ဆိုသလို ကြမ်းတမ်းခက်ခဲခြင်း စိုးရိမ်ပှုပန်မှုတွေကြားက မျှော်လင့်ကြီးစွာစောင့်စားရပြီးမှ မဲတစ်ပြားကိုင်ကာ မိမိကြိုက်နှစ်သက်ရာ နိုင်ငံခေါင်းတစ်ဦးရွေးချယ်ခဲ့ကြရသည်။မဲတစ်ပြားမည်မျှတန်ဖိုးကြီးသည်ကို သိရှိစေရန်အတွက်တတ်သိနားလည်သလောက်ရေးသားရမည်ဆိုပါလျှင် ခေတ်အဆက်ဆက်ဖြတ်သန်းလာခဲ့ကြရသည့် သက္ကရာဇ်များစွာရှိခဲ့ဖူးသည်။

၁၈၈၆-ခုနှစ် ဇန်န၀ါရီလမှ အစပြုကာ အင်္ဂလိပ်လက်အောက်သို့ မြန်မာနိုင်ငံကျရောက်ခဲ့သည်။မြန်မာနိုင်ငံတွင် ပထမဦးဆုံးရွေးကောက်ပွဲကို ၁၉၄၇-ခုနှစ် ဧပြီလတွင်ကျင်းပပြုလုပ်ခဲ့ရာ ဖဆပလအပါဝင် နိုင်ငံရေးပါတီ(၅)ပါတီနှင့် တစ်သီးပုဂ္ဂလနှစ်ဦးသည် လွှတ်တော်ကိုယ်စားလှယ်နေရာ (၂၅၀)အတွက်ဝင်ရောက်အရွေးခံခဲ့သည်။ လွှတ်တော်မှ ၁၉၄၇-ခုနှစ် စက်တင်ဘာလ(၂၄)ရက်နေ့တွင် ဖွဲ့စည်းပုံအခြေခံဥပဒေကို တညီတညွှတ်တည်း အတည်ပြုနိုင်ခဲ့သည်။ ဒုတိယအကြိမ်ရွေးကောက်ပွဲကို ၁၉၅၂-ခုနှစ်တွင်ကျင်းပပြုလုပ်ခဲ့ပြီး တတိယအကြိမ်ရွေးကောက်ပွဲကို ၁၉၅၆-ခုနှစ်တွင်ကျင်းပခဲ့သည်။ထို့နောက် စတုတ္ထအကြိမ်ရွေးကောက်ပွဲကို ၁၉၆၀-ခုနှစ်ဖေဖော်ဝါရီလတွင်ကျင်းပနိုင်ခဲ့သည်။ ၁၉၆၂-ခုနှစ်တွင် စစ်တပ်မှ အာဏာသိမ်းပြီးနောက်ပိုင်းတွင် ပါတီစုံဒီမိုကရေစီ ရွေးကောက်ပွဲများပျောက်ကွယ်ခဲ့သည်။ ဗိုလ်ချုပ်နေ၀င်းမှဦးနေ၀င်းအသွင်ပြောင်း မြန်မာ့ဆိုရှယ်လစ်လမ်းစဉ်ပါတီ တစ်ပါတီတည်းကိုသာ တည်ရှိခွင့်ပေးသည့်အတွက် ၄င်းခေတ်က ပြည်သူ့လွှတ်တော်နှင့် ပြည်သူ့ကောင်စီအဆင့်ဆင့် ရွေးကောက်ပွဲဆိုသည်မှာ ပါတီမှရွေးချယ်သည့် လွှတ်တော်ကိုယ်စားလှယ်လောင်းအား ကြိုက်တယ် မကြိုက်ဘူး ရွေးချယ်ရခြင်းဖြစ်သည်။ တစ်ပါတီအာဏာရှင်စနစ်ဖြင့် နိုင်ငံအားအုပ်ချုပ်ခြင်းဖြစ်ပြီး ထိုစနစ်အရ လွှတ်တော်ကိုယ်စားလှယ်(၄၅၁)ဦး၊ထိုမှ (၄၆၄)ဦးရွေးချယ်ခဲ့ပြီး နောက်ဆုံးအကြိမ်ပြုလုပ်ခဲ့သည့်  ၁၉၈၆-ခုနှစ် ရွေးကောက်ပွဲတွင် (၄၈၉)ဦး ရှိခဲ့သည်။ ပြည်သူ့လွှတ်တော်နှင့်ပြည်သူ့ကောင်စီ အဆင့်ဆင့်ရွေးချယ်တင်မြောက်ပွဲအား စုစုပေါင်း(၄)ကြိမ်ပြုလုပ်ခဲ့ကြသည်။ ၁၉၈၈-ခုနှစ်တွင် ပြည်သူ့ဒီမိုကရေစီ အရေးတော်ပုံဖြစ်ပွားခဲ့ပြီး ထို့နောက်စစ်တပ်မှ ဒုတိယအကြိမ် အာဏာပြန်သိမ်းသွားခဲ့သည်။ ပါတီစုံဒီမိုကရေစီ အထွေထွေရွေးကောက်ပွဲကို ၁၉၉၀-ခုနှစ်တွင် ကျင်းပပေးခဲ့ပြီး ထိုရွေးကောက်ပွဲမှာ အနိုင်ရသောပါတီအား အာဏာလွဲပြောင်းခြင်းမရှိဘဲ နှစ်ပေါင်းနှစ်ဆယ်တိုင်တိုင် စစ်တပ်မှ လွမ်းမိုးအုပ်ချုပ်ခဲ့သည်။ ၂၀၁၀-ခုနှစ်၊နိုဝင်ဘာလတွင် ပါတီစုံ ဒီမိုကရေစီရွေးကောက်ပွဲ ပြန်လည်ကျင်းပပေးခဲ့ပြန်ပါသည်။ ၂၀၁၂-ခုနှစ်၊ဧပြီလတွင် ကိုယ်စားလှယ်နေရာ(၄၃)နေရာအတွက် ကြားဖြတ်ရွေးကောက်ပွဲကျင်းပခဲ့သည်။

ဆန္ဒမဲပေးခြင်းသည် နိုင်ငံသားတစ်ဦး၏တာဝန်ဖြစ်သည်။ထိုတာဝန်ကို အကောင်းဆုံးနှင့်တန်ဖိုးအရှိဆုံးဖြစ်အောင်အသုံးချတတ်ရမည်။ ဆန္ဒမဲပေးခြင်း ပျက်ကွက်ရှောင်လွဲနေခြင်းသည် ပြည်သူတစ်ဦး နိုင်ငံသားတစ်ဦး၏ တာဝန်မကျေပွန်ရာရောက်ပါသည်။အသက်(၁၈)နှစ်ပြည့်ပြီး မဲပေးပိုင်ခွင့်စာရင်းတွင်ပါဝင်သူအားလုံး ရွေးကောက်ပွဲ စတင်ကျင်းပသည့်နေ့တွင် သက်ဆိုင်ရာလွှတ်တော်ရွေးကောက်ပွဲ ဥပဒေပြဌာန်းချက်များနှင့် မဆန့်ကျင်သော နိုင်ငံသား၊ဧည့်နိုင်ငံသား၊နိုင်ငံသားပြုခွင့်ရသူ(သို့)ယာယီသက်သေခံလက်မှတ်ကိုင်ဆောင်ထားသူများ အမျိုးသား၊အမျိုးသမီးး၊ဘာသာမရွေး၊ရွေးကောက်ပွဲတွင် ဆန္ဒမဲပေးပိုင်ခွင့်ရှိပါသည်။ဆန္ဒမဲပေးခွင့်မရရှိသူများမှာတော့၊ သာသနာ့ဝန်ထမ်း၊ထောင်ဒဏ်ကျခံနေရသူ၊စိတ်ပေါ့သွပ်နေသည်ဟု သက်ဆိုင်ရာဥပဒေအရ တားမြစ်ခြင်းခံရသူ၊နိုင်ငံခြားသား(သို့)နိုင်ငံခြားသားအဖြစ်ခံယူထားသူတို့သည် ဆန္ဒမဲပေးခွင့်မရှိကြပါ။

ယခုလာမည့် ၂၀၁၅ရွေးကောက်ပွဲကြီးနီးလာသည်နှင့်အမျှ ပြည်တွင်းမှာပြဿနာပေါင်းမြောက်များစွာကြားသိနေရသည်။နိုင်ငံအတွင်း ယခုကဲ့သို့ရွေးကောက်ပွဲများနီးလာသည်တိုင်း ပြဿနာများပေါင်းမြောက်များစွာကြားသိနေရသည်ကအဆန်းမဟုတ်တော့ပေမယ့် ထူးခြားမှုများစွာကတော့ဆန်းပြားနေသည်။ မဲပေးခွင့်မဲဆန္ဒရှင်များစာရင်းကို တိုင်းဒေသကြီးအသီးသီးခွဲခြားခါ ကြေငြာရာတွင် ကျေးရွာလုံးကျွတ် မွေးနေ့ မွေးလ များတစ်ပုံစံတည်းတူညီနေခဲ့ကြသလို မြို့ရွာများတွင်လည်း ဒေသအသီးသီး မွေးနေ့ မွေးလများတူနေတာတွေမြင်မကောင်းအောင်ကျယ်ပြန့်လျှက်ရှိနေသည်။ဆန္ဒမဲပေးစာရင်းမထွက်ခင် ရပ်ကွက်/ကျေးရွာအုပ်ချုပ်ရေးမှူးရုံးများမှ ဆယ်အိမ်မှူး၊ရာအိမ်မှူးများ ကိုယ်တိုင်အရောက်လာရောက်စာရင်းကောက်ယူကြသည်။လာရောက်ကောက်ယူ ဆယ်အိမ်မှူး၊ရာအိမ်မှူးများသည် အများအားဖြင့် နိုင်ငံတော်တွင်း ဆယ်တန်းအောင်သူရှားပါးသည်။ရွေးကောက်ပွဲဆိုင်ရာအချက်အလတ်အသိပညာ၊ဗဟုသုတနှင့်အင်မတန်နည်းပါးခြင်းများစွာရှိနေသည်ဟု သုံးသပ်မိပါသည်။နောက်တစ်နည်း ဆန္ဒမဲပေးပိုင်ခွင့်စာရင်းတစ်အိမ်တက်တစ်အိမ်ဆင်းကောက်ယူရာတွင် အခကျေးငွေတစ်ပြားတစ်ချပ်မှမရရှိသောကြောင့် ပြီးစလွယ်လိုက်ကောက်ယူပြီး ပြီးစလွယ်ရေးတင်ပြသည်ဟုသုံးသပ်ပါသည်။တချို့သော ရပ်ကွက်/ကျေးရွာအုပ်ချုပ်ရေးမှူးများတို့သည် အခြေခံမဲဆန္ဒရှင်စာရင်းလက်ထဲရောက်သည်နှင့် သက်ဆိုင်ရာ နယ်မြေကောက်ကွက်၊ရာအိမ်မှူး၊ဆယ်အိမ်မှူးများခေါ်ယူကာ မိမိနယ်ပိုင်ထဲမှ အမည်မှား၊သေဆုံးသူများ အမှားစာရင်းများကို သေချာစိတ်ပါလက်ပါ ပြန်လည်ပြင်ဆင်ပြီးမှ မဲစာရင်းများကပ်သောကြောင့် ပြဿနာတစ်စုံတစ်ခုတောင်မကြားရပါ ညွှန်ပြရလျှင်(ပြည်မြို့၊ဆံတော်ရပ်ကွက်အုပ်ချုပ်ရေးမှူးရုံး)တွင်ယခုလို တိကျသေချာစွာပြန်လည်စစ်ဆေးပြီး အမှားမရှိအောင်တတ်နိုင်သမျှ စာရင်းပြုစုပြီးမဲစာရင်းကပ်တော့ ဘယ်သူမှ ဘာမှပြောစရာမဖြစ်တော့ပါ။ ထိုသို့သော အဖြစ်မျိုးသည် ခရိုင်ရွေးကောက်ပွဲကော်မရှင်များနှင့်ပတ်သက်နေသည်။ ခရိုင်မှတဆင့် မြို့နယ်အလိုက် ခရိုင်အထွေထွေအုပ်ချုပ်ရေးစာရင်းများနှင့် လ.၀.က ဌာနမှ ပုံစံ ၆၆/၆ များအပေါ်အခြေခံကောက်ယူထားသည့် စာရင်းများအရထုတ်ပြန်ခဲ့ခြင်းများဖြစ်သောကြောင့် မွေးနေ့ မွေးလတူညီနေမှုများကို တူညီနေနိုင်စရာအကြောင်းမရှိပါ။သို့သော်လည်းတူညီနေကြသည်။တူညီနေသော မွေးနေ့ မွေးလများအတွက် ဂုဏ်ပြုသောအနေဖြင့် ဟက်ပီဘတ်ဒေးများပြုလုပ်ပေးမည်ဟုဆိုကာ လူမှုကွန်ယက်စာမျက်နှာများနှင့်ပြည်တွင်းနေထိုင်သူများ၏ လှောင်ပြောင်ခြင်းများပျံနှံ့လျှက်ရှိခဲ့သည်။လှောင်ပြောင်သူများတွင်အပြစ်ဟုမမြင်မိပါ။ဖြစ်ပျက်နေသည်ကိုပွင့်လင်းမြင်သာစွာ ဒီမိုကရေစီလိုလားသူများသဖွယ်ပွင့်လင်းစွာထုတ်ဖော်ရေးသားတင်ပြ ပြောဆိုနေကြသည်ဟုမြင်မိပါသည်။မည်သို့ပင်ဆိုစေကာမှု သက်ဆိုင်ရာအုပ်ချုပ်ရေးပိုင်းများမှလည်း မဲဆန္ဒရှင်စာရင်းများကိုနေအိမ်အထိလာရောက်ကောက်ယူသွားခဲ့ခြင်းဖြစ်သည်ကိုငြင်းပယ်၍မရပါ။အုပ်ချူပ်ရေးပိုင်းလိုအပ်ချက်လား ကွန်ပျူတာစာစီလိုအပ်ချက်လားတော့ကျွန်တော်မသိပါ။ လာမည့်၂၀၁၅ ရွေးကောက်ပွဲ အရေးကြီးသည်ကိုတော့ပြည်သူတိုင်းသိကြသည်။အရေးကြီးလှသော ရွေးကောက်ပွဲကို ကျင်းပပြီးစီးခဲ့သည့်ရွေးကောက်ပွဲများနှင့်မတူမှာတော့သေချာလှပါသည်။ထို့ကြောင့် လူတစ်ဦးတစ်ယောက်မှာ အမည်မှား၊အချက်အလက်မှား၊သေသည့်သူများပါရှိနေမှုများကို သက်ဆိုင်ရာ ရွေးကောက်ပွဲကော်မရှင်မှပြန်လည်ပြင်ဆင်ခွင့်ပေးထားပြီးဖြစ်ပါတယ်။ အမည်ထည့်သွင်းပေးရန်တောင်းဆိုလွှာ ပုံစံ (၃)၊မဲဆန္ဒနယ်ပြင်ပရောက် မဲဆန္ဒရှင်များ ဆန္ဒမဲပေးနိုင်ခွင့်တောင်းဆိုလွှာ ပုံစံ(၃-က)ရွေးကောက်ပွဲကျင်းပမည့်နေ့မတိုင်မှီရက်ပေါင်း(၃၀)ထက်နောက်မကျစေရ၊ပြင်ဆင်လွှာ၊ကန့်ကွက်လွှာ ပုံစံ (၄)၊အခြားမဲဆန္ဒနယ်သို့ပြောင်းရွေ့ပေးရန်တောင်းဆိုလွှာ ပုံစံ(၄-က)၊အချက်အလက်သတ်ပုံမှားယွင်းနေမှုများအတွက် ပုံစံ (၄-ဂ)၊.ဖြင့်ပြန်လည်တင်ပြအမှားပြင်ဆင်ချက်များအခွင့်အရေးရရှိထားပြီးဖြစ်ပါသောကြောင့် ယခုကြေငြာသည့်ပြည်တွင်းမဲဆန္ဒရှင်များစာရင်းသည် အခြေခံမဲဆန္ဒရှင်စာရင်းများဖြစ်သဖြင့် လိုအပ်ချက်များကို ပြန်လည်ပြင်ဆင်နိုင်သည့်အခွင့်အရေးများစွာရှိနေပါသည်။ထို့ကြောင့် အရပ်ဖက်လူမှုအဖွဲ့အစည်း၊ပါတီအဖွဲ့အစည်းပေါင်းစုံနှင့်ပြည်သူအပေါင်းတို့ပှုးပေါင်းဆောင်ရွက်မှုများကြောင့် မိမိနိုင်ငံအတွက် မိမိရွေးချယ်သည့် ခေါင်းဆောင်ကောင်းရရှိရန်အင်မတန်အရေးကြီးသည့်အချိန်အခါရောက်ရှိနေသောကြောင့် ရရှိထားသည့်အခွင့်အရေးတစ်ရပ်အပေါ် ရွေးချယ်မှုမမှားရန်လိုအပ်လှပါသည်။လှေပေါ်ကဆင်းမည်ဆိုပါက အထူးသတိချပ်ကာဆင်းရသကဲ့သို့ မြင်းပေါ်တက်မည်ဆိုကလည်းလှေနည်းတူအထူးသတိချပ်ကာတက်ရမည်ဖြစ်သည်။ဒီအစိုးရမကောင်း၍နောက်ထပ်အစိုးရတစ်ရပ်ရွေးချယ်သည်ဖြစ်စေ၊နောက်အစိုးရက ဒီအစိုးရလောက်မကောင်းမှာဆိုး၍ ဒီအစိုးရပဲရွေးချယ်သည်ဖြစ်စေ၊မိမိနိုင်ငံအတွက် ဖွံ့ဖြိုးးတိုးတက်အောင် ဆင်းရဲသားပြည်သူများဘက်မှ မားမားမတ်မတ်ရပ်တည်ပေးနိုင်မည့် လူသားအခွင့်အရေးများကို ဒီမိုကရေစီနည်းစနစ်မှန်ကန်စွာအပြည့်အ၀ပေးနိုင်မည့် ခေါင်းဆောင်ကောင်းကိုသာရွေးချယ်ရမည်ဖြစ်ပါသည်။

ကျွန်တော်တို့ခေါင်းဆောင်ကောင်းရွေးချယ်ရာတွင် ထိုခေါင်းဆောင်သည်…

ယုံကြည်ထိုက်သူဖြစ်အောင်…ရိုးသားရမယ်။

အားကိုးထိုက်သူဖြစ်အောင်….ကြိုးစားရမယ်။

လေးစားထိုက်သူဖြစ်အောင်…ဖြူစင်ရမယ်။အဲဒိလိုခေါင်းဆောင်ကောင်းတွေကို မိမိရရှိထားသည့် မဲတစ်ပြားအားတန်ဖိုးရှိစွာ မိမိ မိသားစု၊ရပ်ကွက်၊ကျေးရွာ၊မြို့နယ်၊နိုင်ငံအတွက် ခေါင်းဆောင်းကောင်းရွေးချယ်နိုင်ကြမှာဖြစ်ပါတယ်။ ရေဗှုးနှင့်ဖိနပ်မပါလျှင်နွေအခါ ပှုပြင်းလှသည့်အချိန်ဝယ် အပှုဒဏ်ကာကွယ်ရန် ဖိနပ်တစ်ရံနှင့်အပှုဒဏ်ကိုအံတုရင်းမောပန်းလာပါက ရေစာပြေ ရေဗှုးကလေးပါမှ သက်သာစေမည်ဖြစ်သောကြောင့် နွေအခါ ရေဗှုးနှင့်ဖိနပ်ဆောင်ရန်လိုအပ်သလို ၂၀၁၅.ခုနှစ်ရွေးကောက်ပွဲတွင်လည်း မိမိနိုင်ငံကို ဦးဆောင်မည့် ခေါင်းဆောင်ကောင်းရွေးချယ်ရန်လိုအပ်ပါကြောင်းရေးသားအပ်ပါသည်။

ဝန်ခံချက်။  ။New Myanmar Foundation-၂၀၁၄-ခုနှစ်၊ဒီဇင်ဘာလ၊ပထမအကြိမ်ထုတ်(မဲဆန္ဒရှင် အသိပညာပေးရေးဆိုင်ရာ လက်စွဲစာအုပ်)မှ ရည်ညွှန်းကိုးကားသည်။

… K3(pyay) ၂၀၁၅၊ဇူလိုင်၊၄ရက်နေ့ထုတ် ဒီမိုကရေစီတူဒေးဂျာနယ်
တင်ဆက်..ပြည်သတင်းလူငယ်(ပြည်သတင်း)09253311019

0 comments:

Post a Comment

Facebook Like Page