ဗိုလ်ချုပ်အောင်ဆန်းဒုတိယအကြိမ်လုပ်ကြံခံရခြင်း သရ၀ဏ်(ပြည်)

ဗိုလ်ချုပ်အောင်ဆန်းဒုတိယအကြိမ်လုပ်ကြံခံရခြင်း
သရ၀ဏ်(ပြည်)
၁၉၄၇ ဇူလိုင်လ ၁၉ ရက် စနေနေ. မနက် ၁၀ နာရီ ၃၇ မိနစ်မှာလုပ်ကြံခံခဲ.ရပြီး ၆၉ နှစ်ကြာတဲ.အခါ ၂၀၁၆ ခုထဲမှာဗိုလ်ချုပ်အောင်ဆန်းကိုလုပ်ကြံမယ်.သူတွေမြန်မာနိုင်ငံမှာထပ်ပေါ်လာပါတယ် ။ ပထမအကြိမ်လုပ်ကြံသူက ဂဠုန်ဦးစောနဲ.အပေါင်းပါများဖြစ်ပြီး ဒုတိအကြိမ်လုပ်ကြံသူများကတော. စစ်အာဏာရှင်အလိုကျအွန်လိုင်းပေါ်က ၀ါဒဖြန်.သမားတွေဖြစ်ပါတယ် ။မြန်မာပြည်ငြိမ်းချမ်းရေးရမှာကိုမလိုလားတဲ. လူတစုရှိနေပါတယ် ။ အထူးသဖြင်. ဒေါ်အောင်ဆန်းစုကြည်ကြောင်.ငြိမ်းချမ်းရေးရသွားတယ်ဆိုတာကိုမလိုလား မရှုဆိတ်သူတစုမြန်မာနိုင်ငံမှာရှိနေပါတယ် ။ ဒုတိယပင်လုံညီလာခံကျင်းပမယ်ဆိုတဲ. အစီအမံတွေ ဒေါ်အောင်ဆန်းစုကြည်ခေါင်းဆောင်တဲ. NLD အစိုးရထံကထွက်လာပြီးတဲ. တချိန်တည်းလိုလိုမှာပဲ ပင်လုံစာချုပ်ကိုဝေဖန်တိုက်ခိုက်ပြီး ဂဠုန်ဦးစောကိုဇာတ်လိုက်တင် ပြီး ဗိုလ်ချုပ်အောင်ဆန်းကိုဦးစောသတ်လိုက်တာပဲမှန်သလိုလို သမိုင်းကိုရုပ်ဖျက်လိမ်ညာထားတဲ.ဆောင်းပါးလိုလို ၊ ၀တ္တုလိုလိုဟာတွေ အွန်လိုင်းမှာပေါ်ထွက်လာကြတာပါပဲ ။ ဒါတွေဟာအရေးလုပ်လောက်စရာမဟုတ်လို. တုန်.ပြန်မရေးသားဘူးလို. ယူဆခဲ.ပေမယ်. ၊ သမိုင်းကို သေသေချာချာကျကျနနမသိခဲ.တဲ. လူတွေနဲ. လူငယ်တွေ အတွေးအမြင်မှားသွားမှာစိုးလို. ပြန်လည်ရေးသားရခြင်းဖြစ်ပါတယ် ။ ဆန်စင်ရာ ကျဉ်ပွေ.ကျဆိုသလို သူတို.ထင်ရာမြင်ရာလျှောက်ပြောထားသမျှကိုတော. အားလုံး လိုက်မပြောချင်တော.ပါဘူး ။ အဓိကကျတာတွေကိုပဲပြောချင်ပါတယ် ။ စစ်ဝါဒီတွေရဲ. ၀ါဒဖြန်.အရေးအသားထဲမှာအဓိက ပြောထားတာက ဦးစောဟာတိုင်းပြည်အတွက်ဘယ်လောက်တောင်လှုပ်ရှားခဲ.သူဖြစ်ကြောင်း ၊ ဗိုလ်ချုပ်ထက်ဆယ်.ငါးနှစ် အသက်ကြီးတာကြောင်.ဗိုလ်ချုပ်ထက်ပိုတော်သူဖြစ်ကြောင်း ၊ မျိုးချစ်ပုဂ္ဂိုလ်တဦးဖြစ်ကြောင်း ၊ ပင်လုံစာချုပ်မှာကတိခံထားရတဲ.အတွက် ခွဲထွက်ခွင်.ပေးဖို.ငြင်းမရတဲ. ဗိုလ်ချုပ်ကိုအချုပ်အခြာအာဏာခိုင်မြဲရေးအတွက် ဦးစောက အနစ်နာခံပြီး လုပ်ကြံလိုက်ရတာဖြစ်ကြောင်း ၊ဦးစောဟာကြိုးပေးခံရတာတောင်တည်ငြိမ်သူဖြစ်ကြောင်း စသဖြင်. စာဖတ်အားနဲတဲသူတွေ ၊ သိပ်ပြီးနက်နက်နဲနဲမစဉ်းစားတတ်သူတွေ ၊ အဖွဲ.တဖွဲ.ရဲ.၀ါးမှိုင်းမိနေသူတွေ ဟုတ်လေနိုးနိုးထင်လာစေတဲ. ၀ါဒဖြန်.မှိုင်းတိုက်စာမျိုးကို Social Network မှာ ဗိုလ်ချုပ်အောင်ဆန်းဆန်.ကျင်ရေး ၊ ဒေါ်အောင်ဆန်းစုကြည်ဆန်.ကျင်ရေးသမားတွေကရေးသားဖြန်.ချိလာတာပါ ။ သမိုင်းဆိုတာလိမ်လို.မရပါဘူး ။ ဘယ်လိုပဲပုံဖျက်လာပေမယ်. ကျီးကကျီး ၊ ဗျိုင်းကဗျိုင်း ဘယ်အချိန်ကြည်.ကြည်.ကွဲပြားပါတယ် ။
ကျွန်တော်ဟာ ဒီစာတွေရေးရမှာ ဂဠုန်ဦးစောမိသားစုကိုအားနာပါတယ် ။ ကွယ်လွန်သွားတဲ.လူတယောက်ရဲ.အားနည်းချက်တွေကိုလဲ ပြန်ဖော်ထုတ်ပြီး အပြစ်တင်နေချင်စိတ်မရှိပါ။ ကျန်ရစ်သူမိသားစုကို စိတ်ဒဏ်ရာတွေမပေးချင်ပါ ။ဒါပေမယ်. အမှန်တရားကိုမျက်ကွယ်ပြုပြီး မဟုတ်ကဟုတ်ကတွေရေးနေ ၊ ပြောနေတဲ.သူတွေရှိတော.လဲ အားလုံးရှင်းအောင်ရေးခွင်.ပြုပါ ။ ပထမအချက် ဦးစော ဟာလူတော်တယောက်ဆိုတာကို လက်ခံပါတယ် ။ တော်လို.လဲ ဘွဲ.ရပညာတတ်နိုင်ငံရေးသမားတွေအလည်မှာ ဦးစောလို ဘွဲ.မရတဲ. ရှေ.နေတယောက်ဟာ၁၉၄၀ ကနေ ၁၉၄၂ အထိ မြန်မာနိုင်ငံရဲ.နန်းရင်းဝန် (၀န်ကြီးချုပ်)ရာထူးကိုရတဲ.အထိတွင်ကျယ်နိုင်ခဲ.တာပါ ။ဦးစောဟာမျိုးချစ်ပုဂ္ဂိုလ်တဦးလို.ပြောတာကတော.သေသေချာချာနားမလည်ပဲ ဦးစောဟာ ဂဠုန်ဆရာစံရဲ. အမှုကို(ရှေ.နေထရိန်နင်ရဖို. ) ရှေ.နေလိုက်ပေးဖူးတာနဲ. သူ.ဘာသာ ဂဠုန်ဦးစောဆိုပြီး ဂဠုန်ဘွဲ.ကောက်ခံလိုက်တာပါ ။ ဆရာစံတောင်သူလယ်သမားအရေးတော်ပုံမှာ ဦးစောဟာ ပါခဲ.တာမဟုတ်ပါဘူး ။ ဦးစောဘ၀တလျောက်သူ.ကိုယ်သူနာမည်ကြီးအောင်ပဲအမြဲလုပ်ခဲ.တာပါ ။ဒီအတွက်ဆရာစံကိုအသုံးချခဲ.သလို သူရိယသတင်းစာရဲ. ရှယ်ယာတွေကိုဝယ်ပြီး သူ.ကိုယ်သူ လူသိများအောင် သတင်းစာကတဆင်.လုပ်ခဲ.သူပါ ။ ဘာမှမျိုးချစ်ပုဂ္ဂိုလ်မဟုတ်ပါဘူး ။လူတွေကိုစည်းရုံးရလွယ်အောင် တောင်သူလယ်သမားကိုအခြေခံသလိုလိုနဲ.ဂဠုန်ပါတီကိုထောင်ခဲ.တာပါ ။ဗိုလ်ချုပ်အောင်ဆန်းထက် ၁၅ နှစ်ကြီးလို.ပိုတော်တယ်ဆိုတာကတော. အသက်ကြီတိုင်းသာတော်စတမ်းဆို ဘာကြောင်. ဗိုလ်ချုပ်အောင်ဆန်းကို မြန်မာ.နိုင်ငံရေးအဖွဲ.အသီးသီးကခေါင်းဆောင်တင်နေမလဲ ၊ ဘိုးဘွားရိပ်သာက တွေ.ရာလူတယောက်ခေါ်ပြီးခေါင်းဆောင်တင်လိုက်မှာပေါ.ဗျာ ။ နိုင်ငံရေးမှာဦးစောလုပ်ခဲ.တာအချို.တော.ရှိတယ်။ ။ဦးစောဟာ ဂျပန်ကိုလဲကိုယ်.စားရိတ်နဲ.ကိုယ် ၂၉.၅.၁၉၃၅ မှာလေ.လာရေးသွားခဲ.တယ် ။ ပြီးတော.ဒုတိယကမ္ဘာစစ်စကာစအချိန်မှာ အင်္ဂလန်ကိုသွားပြီး စစ်ကြီးပြီးတဲ.အခါ မြန်မာနိုင်ငံကို ဒိုမီနီယံအဆင်. အုပ်ချုပ်ရေးပေးဖို.သွားတောင်းတာပါ (အဲဒိအချိန်မှာသခင်အောင်ဆန်းတို.က လုံဝလွတ်လပ်ရေးကိုရည်မှန်းနေပါပြီ ) ။ အင်္ဂလန်ဝန်ကြီးချုပ်ချာချီကလဲဦးစောတောင်းတာကိုလက်မခံခဲ.ပါဘူး။ တချိန်တည်းမှာ ဦးစောဟာ ဂျပန်နဲ.ဆက်ပြီး အနာဂါတ်မြန်မာနိုင်ငံရေးမှာ သူခေါင်းဆောင်ရာထူးရဖို.ကြိုးစားခဲ.ပါတယ် ။ဦးစော ဂျပန်နဲ.ဆက်သွယ်တာကို အင်္ဂလိပ်ကသိပြီး ယူဂန်ဒါနိုင်ငံမှာဦးစောကို အင်္ဂလိပ်က ၄ နှစ်လောက်အကျယ်ချုပ်ချထားပါတယ် ။
ဒီဆောင်းပါးမှာအများကြီးအသေးစိတ်ဇာတ်ကြောင်းလှန်မနေတော.ပါဘူး ။ ဦးစောဟာ လူတော်တယောက်ဖြစ်ပေမယ်. မျိုးချစ်ပုဂ္ဂိုလ်ကြီး ၊ မြန်မာနိုင်ငံကိုကိုယ်ကျိုးစွန်.ကယ်တင်ခဲ.သူတဦးမဟုတ်ပါဘူး ။ ဗိုလ်ချုပ်အောင်ဆန်းကိုလုပ်ကြံခဲ.တာလည်း ပင်လုံစာချုပ်ကြောင်.မြန်မာနိုင်ငံကြီးပြိုကွဲမှာစိုးလို.ဆိုတာကလည်း ညောင်ဦးကမ်းပါးပျိုတာနဲ. စမ္ဖာနဂိုက နွားမပေါင်ကျိုးဆိုသလိုဖြစ်နေပါတယ် ။ ဘာမှမဆိုင်ပါဘူး ။
ဗိုလ်ချုပ်အောင်ဆန်းသေသွားလဲ ပင်လုံစာချုပ်ကပျက်သွားတာမဟုတ်ပါဘူး ။ ပင်လုံစာချုပ်ကိုတားချင်တယ်ဆိုရင် စာချုပ်မချုပ်ခင်က ဦးစောက ဗိုလ်ချုပ်ကိုလုပ်ကြံခဲ.ရမှာဖြစ်ပါတယ် ။ ပင်လုံစာချုပ်ချုပ်ပြီးမှ လုပ်ကြံတာက ဦးစောရဲ.ယုတ်မာမှုသက်သက်ပါ ။ အောင်ဆန်းကြောင်. မြန်မာနိုင်ငံကြီးလွတ်လပ်ရေးရတော.မှာကိုမြင်ပြီးသွေးရူးသွေးတန်းထကြံတာပါ ။ ဂဠုန်ဦးစောဗိုလ်ချုပ်အောင်ဆန်းကိုသတ်ခဲ.တာ စစ်အာဏာရှင်လော်ဘီအချို.ပြောသလို ကိုယ်ကျိုးစွန်.အနစ်နာခံမှုကြီးလိုလိုဘာလိုလိုလဲလုံးဝမဟုတ်ပါဘူး။ တကယ်တော. ဂဠုန်ဦးစောဟာ ဗိုလ်ချုပ်အောင်ဆန်းကိုအကြောင်းသုံးခုနဲ.မုန်းတီးခဲ.တာပါ ။အဲဒိအကြောင်းတွေကတော.
(၁) မနာလိုဝန်တိုမှု
သူနန်းရင်းဝန်ဖြစ်ခဲ.တုန်းက ( ၁၉၄၀ -၄၂ ) ဗိုလ်ချုပ်အောင်ဆန်းဟာ နာမည်သိပ်မကြီးသေးတဲ.သခင်နိုင်ငံရေးသမားပေါက်စဘ၀ပဲရှိနေခဲ.တာပါ ။သူ.အမြင်မှာချာတိတ်တယောက်ပါ။ အောင်ဆန်းဆိုတဲ.လူငယ်တယောက်အပေါ်မှာ ဦးစောမြင်တဲ.အမြင်ဟာ အောင်ဆန်းဟာဘာမှသိပ်ပြီးအရေးပါအရာရောက်သူမဟုတ်တဲ. တို.ဗမာအစည်းအရုံးကသခင်နိုင်ငံရေးသမားလေးတယောက်လောက်ပဲလို.မြင်ခဲ.တွေ.ခဲ. ၊ ထိတွေ.ခဲ.ဘူးတာပါ ။ဒေါက်တာဘမော်ဥက္ကဌ သခင်အောင်ဆန်းအတွင်းရေးမှူးလုပ်ပြီး ဗမာ.လွတ်လပ်ရေးအတွက် ဗမာ.ထွက်ရပ်ဂိုဏ်းဖွဲ.တော.လည်းဦးစောဟာပါခဲ.တာမဟုတ်ပါဘူး ။ ဦးပုအစိုးရကိုဖြုတ်ချပြီး ဦးစောတက်လာခဲ.တယ် ။ သူပြုတ်သွားတော.ဆာပေါ်ထွန်းအစိုးရတက်လာခဲ.တယ် ။ ဒါ.ကြောင်.ဦးစောအမြင်မှာအောင်ဆန်းဆိုတာအရေးပါတဲ.နေရာမှာတခါမှမရှိခဲ.ဖူးဘူး ။ဒီနေရာမှာကြားဖြတ်ပြောစရာရှိလာတာက ဦးစောဟာ ကောင်းခန်းကိုလွတ်သွားခဲ.တယ်လို.ပြောရမယ် ။ ရုပ်ရှင်ကြည်.တဲ.နေရာမှာ အစနဲ.အဆုံးကိုပဲမီပြီး ကြားထဲက ဇာတ်တက်ပိုင်း ၊ဇာတ်ထွတ်ပိုင်းကိုမကြည်.လိုက်ရလို.ရှိရင် ဇာတ်လမ်းကိုအပြည်.အ၀နားမလည်နိုင်သလိုပဲ ဦးစောဟာ ဗိုလ်ချုပ်အောင်ဆန်းတို.လွတ်လပ်ရေးအတွက် ပြည်ပအကူအညီရှာဖို. တရုတ်ကိုထွက်သွားတာ၊ ဂျပန်မှာ အပင်ပန်းအဆင်းရဲခံပြီး စစ်ပညာသင်ကြားတာ ၊ ၁၉၄၁ ဒီဇင်ဘာ ၂၆ ထိုင်းနိုင်ငံ ဘန်ကောက်မြို.မှာ ဗမားလွတ်လပ်ရေးတပ်မတော် (ဘီအိုင်အေ)ဖွဲ.စည်းတာ ၊ ရဲဘော်သုံးကျိပ်ဖွဲ.တာ ။ ဘီအိုင်အေစစ်ကြောင်းတွေနဲ. မြန်မာနိုင်ငံတွင်းကိုပြန်လာတာ ၊ အင်္ဂလိပ်ကိုတော်လှန်တာ ၊ ဂျပန်ခေတ်( ၁၉၄၂ ဇူလိုင် ၂၇ မှာ မြန်မာ.တပ်မတော်ခေါင်းဆောင်(စစ်သေနာပတိအဖြစ်)ခန်.အပ်ခံရတာ ။ဗိုလ်ချုပ်အောင်ဆန်းဦးစီးပြီး ဖက်ဆစ်ဂျပန်တော်လှန်ရေးဆင်နွှဲခဲ.တာ စတဲ. သမိုင်းဝင်ဖြစ်ရပ်တော်တော်များများကို ဦးစောဟာ မသိခဲ.တော.ပါဘူး ။ သူဟာ ဒုတိယကမ္ဘာစစ်ကြီးအတွင်း မြန်မာ.နိုင်ငံရေးအထွတ်အထိပ်ရောက်နေချိန်မှာ ယူဂန်ဒါနိုင်ငံမှာ အကျဉ်းကျနေခဲ.တာပါ ။ ဆိုလိုတာက သခင်အောင်ဆန်း ဟီးရိုးဖြစ်သွားတာကိုသူမသိလိုက်ပါဘူး ။ သူကတော.အောင်ဆန်းကို အရင်ကလိုပဲ ဇီးရိုး (ဖိုးသုည)လို.ပဲအမြဲထင်နေသူပါ ။ အင်္ဂလိပ်အစိုးရကလဲ ဖဆပလကို နေရာမပေးချင်တော. ဒေါက်တာဘမော်တို.၊ ဆာပေါ်ထွန်းတို. ၊ ဦးစောတို.ကိုမြန်မာပြည်ပြန်ခေါ်ပြီးအစိုးရအဖွဲ.ထဲထည်ခဲ.ပေမယ်.ပြည်သူလူထုက သူတို.လူဟောင်းကြီးတွေကိုတယောက်ကိုမှလက်မခံတော.ပါဘူး ။အားလုံးဟာ ဗိုလ်ချုပ်အောင်ဆန်းမှဗိုလ်ချုပ်အောင်ဆန်းဖြစ်နေကြပါပြီ ။ မြန်မာနိုင်ငံကဦးစောထွက်သွားတုန်းက သခင်အောင်ဆန်းဟာ သေးသေးလေးပေမယ်. သူပြန်လာတဲ.အခါအောင်ဆန်းဟာ သူဘယ်လိုမှမယှဉ်နိုင်တဲ.ဧရာမပုဂ္ဂိုလ်ကြီဖြစ်နေပါပြီ ။ဒါ.ကြောင်. ဦးစောဟာ သခင်အောင်ဆန်းကိုမုန်းတီးပါတယ် ။ ကိုယ်.ထက်သာမနာလိုတဲ. က္ကုသာ မစ္ဆရိယစိတ်ပါပဲ ။
(၂) ပုဂ္ဂိုလ်ရေးရန်ငြိုး
ဦးစောဟာတဖက်သတ်ဗိုလ်ချုပ်အောင်ဆန်းအပေါ်မှာအထင်လွဲမုန်းတီးနေတဲ.အချက်တခုရှိပါတယ် ။ ပြောခဲ.တဲ.အတိုင်း ယူဂန်ဒါမှာဦးစောအကျယ်ချုပ်ကျနေရာက ၁၉၄၆ ခုမှာဦးစောမြန်မာပြည်ပြန်ရောက်လာတယ် ။ရောက်လာတာနဲ. ဂဠုန်တပ်တွေဘာတွေဖွဲ.တယ် ။ စည်းရုံးရေးတွေလုပ်တယ် ။ ၁၉၄၆ စက်တင်ဘာ ၂၁ ရက်မှာတော. ဦးစောဟာ ဘုရင်ခံ ဆာဟူးဘတ်ရန်.စ်နဲ.တွေ.ဆုံပြီး ဘုရင်ခံအိမ်တော်ကအပြန် မြေနီကုန်းလမ်းဆုံအလွန် (ယခုအထက ၂ စမ်းချောင်းရှေ.)နေရာအရောက်မှာ နောက်ကလိုက်လာတဲ.ဂျစ်ကားတစီးပေါ်ကလူသုံးယောက်က သေနတ်နဲ.ပစ်တာခံရတယ် ။ အဲဒိဂျစ်ကားပေါ်ကလူတွေဟာ အစိမ်းရောင်စစ်ယူနီဖောင်းဝတ်ထားတယ် ။ သေနတ်ကျည်ဆန်ဟာဦးစောကိုမမှန်ပေမယ်.ကားမှန်ကိုထိမှန်ပြီးလွင်.လာတဲ. မှန်စတစကြောင်.ဦးစောဘယ်ဘက်မျက်လုံးထိခိုက်ဒဏ်ရာရသွားတယ် ။ အဲဒိကိစ္စဟာ စာရေးဆရာရန်ကုန်ဘဆွေက သူ.သဘောနဲ.သူလုပ်ခဲ.ကြောင်းနောက်မှပေါ်လာပေမယ်. ဦးစောကတော. အောင်ဆန်းခိုင်းလို.လုပ်တယ်လို.သူ.ဘာသာကြိတ်ပြီးရန်ငြိုးဖွဲ.လိုက်တယ် ။ ဒါဟာ ဗိုလ်ချုပ်အောင်ဆန်းအပေါ်သတ်ရလောက်တဲ.အထိဖြစ်စေတဲ. ဒုတိယအချက်ပဲ ။
(၃) အာဏာရူးခြင်း
ဒီအချက်ဟာ ဦးစောဗိုလ်ချုပ်အောင်ဆန်းကို သတ်ဖြတ်လုပ်ကြံခဲ.တဲ.အထဲမှာ အဓိကအကျဆုံးအကြောင်းဖြစ်ပါတယ် ။ ဖဆပလအဖွဲ.ကြီးမှာ ဗိုလ်ချုပ်အောင်ဆန်းကခေါင်းဆောင်ပါ ။ လန်ဒန်ကို ဗြိတိသျှအစိုးရနဲ.တွေ.ဆုံဆွေးနွေးရအောင်သွားတော.လဲ ဗိုလ်ချုပ်အောင်ဆန်းကအဖွဲ.ခေါင်းဆောင် ၊ ဦးစောကနောက်လိုက်အဖြစ်ရိုးရိုးအဖွဲ.၀င်ပါ ။ ဒါတောင် ဘုရင်ခံကအတင်းတွန်းတွန်းထိုးထိုးထည်.လိုက်လို. ဦးစောတို. ဗိုလ်ချုပ်အောင်ဆန်းနဲ.လန်ဒန်လိုက်ခွင်.ရတာပါ ။ ဗိုလ်ချုပ်အောင်ဆန်းဟာလူငယ်ပေမယ်.လေးစားလောက်ဖွယ်အရည်အချင်းကြောင်. အောင်ဆန်း-အက်တလီစာချုပ်ကို အောင်အောင်မြင်မြင်ချုပ်ဆိုနိုင်တော.မယ်ဆိုတာသိတော. ဦးစောဟာ နာလိုခံခက်ဖြစ်ပြီး စာချုပ်မချုပ်ဖြစ်အောင်ဖျက်ပါတော.တယ် ။ အောင်ဆန်း-အက်တလီစာချုပ်လက်မှတ်ထိုးကာနီးအချိန်ကျမှဗိုလ်ချုပ်အောင်ဆန်းနဲ. အတူလိုက်လာခဲ.တဲ.မြန်မာကိုယ်စားလှယ်အဖွဲ.ထဲက ဂဠုန်ဦးစော ရယ် ၊သခင်ဗစိန်ရယ် လက်မခံနိုင်ကြောင်းထပြီးကန်.ကွက်ခဲ.ကြတယ် ။ ဒါပေမယ်. ၁၉၄၇ ဇန်န၀ါရီ ၂၇ ရက်နေ.မှာ ဗိုလ်ချုပ်အောင်ဆန်းဟာ ဗြိတိသျှနန်းရင်းဝန် မစ္စတာအက်တလီနဲ. အောင်ဆန်းအက်တလီစာချုပ်ကိုအောင်အောင်မြင်မြင်လက်မှတ်ရေးထိုးချုပ်ဆိုနိုင်ခဲ.တယ် ။ အဲဒိအချိန်ကစလို. ဦးစောဟာ အောင်ဆန်းရှိနေသရွေ. သူဟာခေါင်းဆောင်တယောက်မဖြစ်နိုင်တော.ဘူးဆိုတာသေသေချာချာသိသွားခဲ.တယ် ။ ဦးစောအတွက်ရွေးစရာ (၂) လမ်းပဲ ရှိတယ် ။ အဲဒါကတော. အောင်ဆန်းနောက်လိုက်အဖြစ်နဲ. ၀န်ကြီးရာထူးတနေရာ ရအောင်တောင်းပြီးနေဖို.ရယ် ၊ အောင်ဆန်းကိုသတ်ပြီး ရာဇပလ္လင်ပေါ်မှာတက်ထိုင်ဖို.ရယ်ပဲဖြစ်တယ် ။ သခင်အောင်ဆန်းမရှိတော.ရင် ဘုရင်ခံ က သူ.ကိုခေါ်ပြီး နန်းရင်းဝန် (၀န်ကြီးချုပ် )ရာထူးပေးလိမ်.မယ်လို. ဂဠုန်ဦးစောဟာတထစ်ချမှတ်ယူခဲ.တယ် ။ ဒါ.ကြောင်. အချက် (၁) (၂) နဲ. (၃) တို.ပေါင်းပြီး ဗိုလ်ချုပ်အောင်ဆန်းကို ရက်ရက်စက်စက်လုပ်ကြံခဲ.တာဖြစ်တယ် ။ ဒီလုပ်ကြံမှုဟာ ဂဠုန်စော ရဲ.ကိုယ်ကျိုးစီးပွားနဲ.အတ္တမာနကြောင်.ပဲဖြစ်တယ် ။ ပင်လုံစာချုပ်နဲ.လည်း မဆိုင် ၊ မြန်မာနိုင်ငံကိုကယ်တင်တာနဲ.လည်းမဆိုင်ရေးချမဆိုင်ပါဘူး ။
ဒါကဦးစောဘာ.ကြောင်. ဗိုလ်ချုပ်အောင်ဆန်းကိုသတ်သလဲဆိုတာနဲ.ပါတ်သက်ပြီးရေးပြတာပါ ။ ၀ါဒဖြန်.သူတွေပြောသလို ဂဠုန်ဦးစောဟာမျိုးချစ်ပုဂ္ဂိုလ်ကြီးမို. ကြိုးပေးခံရတာတောင်တည်ငြိမ်သူဖြစ်ကြောင်းဆိုတဲ. သမိုင်းတုသမိုင်းယောင်ကလည်းမုသာဝါဒအပြည်.ပါပဲ ။ ဦးစောတည်ငြိမ်သလားမတည်ငြိမ်သလားသိနိုင်တဲ.အထင်ရှားဆုံးသက်သေကတော. ဦးစောဟာ ဗိုလ်ချုပ်တို.ကိုလုပ်ကြံမှုနဲ.စပြီးအဖမ်းခံရတဲ. ၁၉၄ရ ဇူလိုင်၁၉ ရက်တုန်းက ကိုယ်အလေးချိန် ၁၄၈ ပေါင်ရှိပြီး ကြိုးပေးအသတ်ခံရမယ်.၁၉၄၈ မေလ (၇) ရက်နေ.မှာ ကိုယ်အလေးချိန်၁၂၆ ပေါင်သာရှိတော.တာကသက်သေပါပဲ ။ မတည်မငြိမ်စိတ်ဆင်းရဲ ကိုယ်ဆင်းရဲလွန်းလို. ဆယ်လအတွင်းမှာ အလေးချိန် ၂၂ ပေါင်လျော.ကျပိန်ချုံးသွားတာပါ ။မျိုးချစ်သူရဲကောင်းကြီးအဖြစ်ရင်ကိုကော.ခေါင်းကိုမော.ပြီး သေမင်းကိုရင်ဆိုင်သွားခြင်းမဟုတ်ပါဘူး ။
ဦးစောဟာထောင်ကလွတ်ဖို.နည်းမျိုးစုံနဲ.ကြိုးစားခဲ.ပါတယ် ။ နိုင်ငံခြားသံရုံးကိုအကူအညီတောင်းတယ် ၊ ထောင်ပိုင်ကိုလာဘ်ထိုးတယ် ၊ ကိုယ်.ကိုယ် အဆိပ်သောက်သတ်သေဖို.ကြံတယ် ။ နောက်ဆုံးကြိုးစင်ပေါ်တက်ကာနီးအထိ Any message from London ( လန်ဒန်ကအကြောင်းကြားစာတခုခုများမလာဘူးလား) လို.ပြောသွားခဲ.သူပါ ။ သူမကွယ်လွန်မီထောင်တွင်းက ထောင်အရာရှိတဦးနဲ.ဘာသာရေးအကြောင်းစကားစပ်မိတုန်းကလည်း ဦးစောက
“ကျုပ်မှာ အာဏာရှိတဲ.အချိန်တုန်းကလည်း ဘာသာရေးကိုအလေးအနက် မပြုမိဘူး ။ ဘာသာရေးဟာကျုပ်အတွက် ဟန်ပြအဆောင်အယောင်တခုလောက်သာရှိခဲ.တယ်။ ကျုပ်ဆန္ဒမှာရှိတာက ကျုပ်အာဏာတည်မြဲရေး ၊ ကြီးပွားရေးနဲ.တိုင်းပြည်ကိုကျုပ်ကြိုက်တဲ.ပုံစံသွင်းချင်တာပဲကျုပ်မှာအဓိကဖြစ်ခဲ.တယ် ။အဲဒိအချိန်ကသာခုတွေ.ရတဲ.တရားတော်ကိုတွေ.လျှင်ခုလိုလည်းဖြစ်မယ်မထင်ဘူး “
လို.ပြောခဲ.တယ် ။ အဲဒိစကားဟာစာနဲ.ပေနဲ.ရေးထားတဲ.တရားဝင်မှတ်တမ်းမဟုတ်လို.မယုံဘူးဆိုလျှင်ရှိပါစေဦး ၊ အခိုင်မာဆုံးသက်သေကတော. ဦးစော မသေခင်သူ.သမီးမေသန်းစော(ခေါ်) ဘေဘီစော ထံကိုထောင်တွင်းကနောက်ဆုံးပေးစာမှာ ဦးစောလက်ရေးနဲ.ဒီလိုရေးသားခဲ.ပါတယ် ။
“ဒေါသနှင်. အာဃာတတရားများသည်ကောင်းကျိုးကိုမပေးပဲ ဆိုးကျိုးကိုသာပေးသည် ။ သူသည် (ဦးစောသည် ) ဒေါသမီးကိုရင်ဝယ်ပိုက်ပြီး အာဃာတတရားကြီးမားလွန်းခဲ.သဖြင်.သူ၏ဘ၀ကိုတိုတိုနှင်.ပိုင်းကာဇာတ်သိမ်းဆိုးခဲ.ရသည် ။အကယ်၍ဒေါသမီးကိုရင်ဝယ်မပိုက်ပဲ ငြိမ်းသတ်နိုင်ခဲ.ပြီး အာဃာတတရားကိုလည်းဖျောက်ဖျက်နိုင်ခဲ.မည်ဆိုပါလျင် ယခုလိုအသက်ငယ်ငယ်ရွယ်ရွယ်နှင်.ဘ၀ကိုတိုတိုပိုင်းရမည်မဟုတ်ချေ ။ သူမြတ်နိုးသောဇနီး ၊ သူချစ်သောသမီးတို.နှင်.လည်း အိုမင်းအောင်နေထိုင်ရပြီး တိုင်းပြည်အကျိုးကိုသယ်ပိုးထမ်းဆောင်နိုင်သွားမည်ဖြစ်သည် ။ ယခုမူကားလွန်ခဲ.လေပြီ ။ပြီးခဲ.လေပြီ။ သို.တစေလည်းဖခင်ဖြစ်သူ၏အမှားမျိုး ၊နောင်တမျိုး ၊သံဝေဃမျိုး ကိုသမီးဖြစ်သူမကြုံတွေ.ရလေအောင် ဖခင်၏ဘ၀သင်ခန်းစာကိုယူ၍ဒေါသမီးကိုရင်ဝယ်မပိုက်ထွေးပဲ ငြိမ်းသတ်ပစ်ပါ ။ မည်သူ.အပေါ်မှရန်ငြိုးဖွဲ.၊ ရန်ငြိုးမထားပဲ အာဃာတတရားကိုဖျောက်ဖျက်မေ.ပျောက်ပစ်ပါလေ ချစ်သမီး “
လို.ရေးသားထားပါတယ် ။ ဦးစောကိုယ်တိုင်ရေးခဲ.တဲ.စာကိုဖတ်ကြည်.ပြီးရင် ဗိုလ်ချုပ်အောင်ဆန်းတို.ကို လုပ်ကြံခဲ.တာဘာ.ကြောင်.လဲဆိုတာရှင်းနေပါတယ် ။သူဝန်ခံထားသလို ဒေါသ နဲ. အာဃာတ ကြောင်. လုပ်ကြံခဲ.တာပါ ။ ပင်လုံစာချုပ်နဲ.ဘာမှမဆိုင်သလို ၊ နိုင်ငံအတွက်လုပ်ခဲ.တာလည်းမဟုတ်ပါဘူး ။
သမိုင်းဆိုတာလိမ်လို.တော.မရဘူး ။ဒါပေမယ်.လိမ်ဖို.ကြိုးစားလို.တော.ရတယ်လို.ပြောရမလိုဖြစ်နေပါပြီ ။ ဗိုလ်ချုပ်အောင်ဆန်း ဟာ ၀န်ကြီးများရုံးပေါ်မှာ စတင်းဂန်းကိုင်ဆောင်ထားတဲ. ဂဠုန်ဦးစောနောက်လိုက်နောက်ပါတွေလက်ချက်နဲ. အသက်စွန်.ခဲ.ရပြီး ၆၉ နှစ်အကြာမှာ အင်တာနက်လူမှုကွန်ယက် ဖေ.စ်ဘွတ်စာမျက်နှာတွေပေါ်ကမသမာသူလူတစုရဲ. ၀ါဒဖြန်.လုပ်ကြံမှုကိုနောက်တခါခံခဲ.ရတာပါ ။ ၁၉၄၇ ဇူလိုင် ၁၉ မှာလုပ်ကြံခံခဲ.ရစဉ်က ဦးစောဟာ သူ.တပည်.တွေကို ယောက်ကျားပီပီ ဗိုလ်ချုပ်အောင်ဆန်းကို မျက်နှာချင်းဆိုင်ပြီး သေနတ်နဲ.ပစ်ခိုင်းခဲ.တာပါ ။ ဘာပဲပြောပြာ ဦးစောဟာ မျက်နှာချင်းဆိုင်ပြီးမှဗြောင်လုပ်ကြံခဲ.တယ်လို.ကြံဖန်ချီးမွမ်းလို.ရပါသေးတယ် ။ အင်တာနက်မှာ ဒုတိယအကြိမ်လုပ်ကြံသူတွေကတော. သမိုင်းကိုလိမ်ဖို.ကြိုးစားရင်း သေသွားတဲ.လူနောက်ကျောကို ဓားနဲ.အလစ်မှာ ချောင်းပြီးစိုက်တာမို. သူတို.ဆရာဦးစောလောက်တောင် အဆင်.အတန်းနဲ. သတ္တိမရှိတဲ.ခပ်ညံ.ညံ.လူတစုလို.ပြောရမှာပါ။ ဒီလိုအနှစ်မရှိတဲ. စွပ်စွဲချက်မို. ရှိပြီးသား သမိုင်းဟာဘာမှပြောင်းလဲသွားမှာမဟုတ်ပါဘူး ။ ၀ံပုလွေတွေဟာလမင်းကြီးကိုကြည်.ပြီး အူလေ. ဟောင်လေ.ရှိပါတယ် ။ဒါပေမယ်. လမင်းကြီးကတော. ၀ံပုတွေကြောင်.အလင်းရောက်လျော.သွားတယ်ဆိုတာမျိုးမရှိကြောင်းပါခင်ဗျား ။
သရ၀ဏ်(ပြည်)
စောင်.ကြည်.ဂျာနယ် ၂၄.၆.၂၀၁၆
ကိုးကား
https://en.wikipedia.org/wiki/U_Saw
http://global.britannica.com/biography/U-Saw
သန်းဝင်းလှိုင် ( ဂဠုန်ဦးစော၏နောက်ဆုံးနေ.များ )
ဂဠုန်ဦးစော ( ဂျာပန်လမ်းညွှန် ။ သူရိယသတင်းစာတိုက် )