၂၀၁၃/၁၄ပညာသင်နှစ်မှာဆောက်လုပ်ထားသည့်စာသင်ကျောင်း
နံရံများအက်ကွဲလာမှုကြောင့် စာသင်ကျောင်းပြိုကျလာမှုနှင့်ပိုးမွှားကောင်အန္တရာယ်များအတွက်မိဘများစိုးရိမ်ပှုပန်
ပန်းတောင်၊ဇွန်၊၁
ပဲခူးတိုင်းဒေသကြီး၊ပြည်ခရိုင်၊ပန်းတောင်းမြို့နယ်အတွင်းရှိ
ရွာသာယာအုပ်စု၊ရွာသစ်ကျေးရွာတွင် တည်ဆောက်ထားသည့် အခြေခံပညာအလယ်တန်းကျောင်း(ခွဲ)အား
PNZ-Construction Co;Ltd မှ တာဝန်ယူတည်ဆောက်ထားခဲ့ရာ စာသင်ကျောင်းနံရံတွေ နှင့် အောက်ခြေဖောင်ဒေးရှင်းများမှာ
အက်ကွဲနိမ့်ကျ၍ ယင်းအက်ကွဲကြောင်းများထဲတွင် မြွေများခိုအောင်လာသည်အထိဖြစ်ပေါ်နေ၍ စာသင်ကျောင်းပြိုကျလာမှာ
နှင့် မြွေအန္တရာယ်များပေါများလာမှုကြောင့် ၄င်းစာသင်ကျောင်းတွင် ကျောင်းဆက်လက်ထားရှိဖို့ကို
ကျောင်းသားမိဘများက စိုးရိမ်လျှက်ဖြစ်ပေါ်နေကြောင်းသိရသည်။
အဆိုပါ အလယ်တန်းကျောင်း(ခွဲ)ကို PNZ- Construction
Co;Ltd က (၂၀၁၃/၁၄)ခုနှစ်မှာ တိုင်းဒေသကြီးဘတ်ဂျက်ငွေ-သိန်း၂၁၆-သိန်းဖြင့် တည်ဆောက်ခဲ့တာဖြစ်ပြီး
တည်ဆောက်ပြီးရက်ပိုင်းလောက်မှာ ကျောင်းဆောင်နံရံတွေနှင့် ကျောင်ဘေးပတ်လည်ရှိ အောက်ခြေဖောင်ဒေးရှင်းများ
ပတ်ကြားအပ်တွေဖြစ်ပေါ်လာပြီး ယင်းပတ်ကြားအက်များထဲမှ မြွေများနှင့်အခြားတွင်းအောင်းသတ္တ၀ါတို့ခိုအောင်းလာခဲ့မှုကြောင့်
စာသင်ကျောင်းသား/သူတွေအတွက် မိဘများက အန္တရာယ်များဖြစ်ပေါ်လာမည်ကို စိုးရိမ်လျှက်ရှိနေကြောင်းကျောင်းသားမိဘများထံကသိရသည်။
“ကျောင်းဆောက်ပြီးသက်ဆိုင်ရာလူကြီးတွေကိုကျောင်းအပ်ပြီး
သိပ်မကြာဘူးစာသင်ကျောင်းကအက်ကွဲလာတယ်။နံရံတွေနဲ့အောက်ခြေဖောင်ဒေးရှင်းတွေအက်ကွဲလာတာအစကတော့နည်းနည်းလေးဖြစ်တာမို့
ဘာမှမပြောမိလိုက်ကြဘူး။အခုကတဖြေးဖြေးပိုဆိုးလာတယ်။ဒီနေ့ဆိုကျောင်းတွေစအပ်ရတယ်။ကလေးတွေအတွက်
ဒီကျောင်းပြိုကျမှာဆိုးတယ်။ဖောင်ဒေးရှင်းအက်ကွဲကြောင်းတွေထဲက မြွေတွေမကြာခဏဆိုသလိုထွက်လာတယ်။ပိုဆိုးတာက
ကလေးတွေအိမ်သာသွားတဲ့ လမ်းက စာသင်ကျောင်းရဲ့အောက်ခြေဖောင်ဒေးရှင်းအက်ကွဲတာကျွင်းကြီးလိုဖြစ်နေတယ်။အဲဒိကျွင်းထဲကမြွေတွေပိုရလာတယ်။ကျောင်းဆောက်စဉ်ကအတိုက်အခံပြောလိုက်ရတာတွေလဲရှိတယ်။ကျောင်းဆောက်လုပ်စဉ်မှာသုံးစွဲသွားတဲ့
ပစ္စည်းတွေဆိုအရေးအသွေးနိမ့်ကျနေတယ်။ဘိလပ်မြေဆို ၄-နှစ်လောက် ဒိတ်အောက်တွေ ကိုသုံးစွဲသွားကြတယ်။အခုလက်ရှိအခြေအနေ
ကျောင်းက မြွေအောင်းကျွင်းဖြစ်ပြီး ပြိုကျမဲ့အခြေအနေရောက်နေတယ်။”ဟု ရွာသစ်ကျေးရွာနေထိုင်သူ
ကျောင်းသားမိဘ-ဦးမြင့်တင်-ကပြောသည်။
အဆိုပါ ၂၀၁၃/၁၄ ပညာသင်နှစ်တွင် တိုင်းဒေသကြီးဘတ်ဂျက်ငွေများဖြင့်
ပန်းတောင်းမြို့နယ်အတွင်းရှိ စာသင်ကျောင်းပေါင်း ၁၀-ကျောင်းအား PNZ- Construction
Co;Ltd မှတာဝန်ယူဆောက်ခဲ့ရကြောင်းသိရပြီး ကျန်ရှိနေသည့်စာသင်ကျောင်းများမှာ ယခုလို
ကျောင်းနံရံတွေ နှင့် အောက်ခြေဖောင်ဒေးရှင်းများအက်ကွဲလာခဲ့တာနှင့်ပတ်သက်ပြီး ဒေသခံတွေက
မြို့နယ်ပညာရေးရုံးသို့ ယနေ့အထိ တင်ပြတိုင်ကြားထားခြင်းမရှိကြောင်းပန်းတောင်းမြို့နယ်ပညာရေးမှူးရုံး
တာဝန်ရှိသူများထံကသိရသည်။
“စာသင်ကျောင်းက အသေးစားပျက်စီးသွားတယ်ဆိုရင်
ရပ်ရွာတွေမှာရှိတဲ့လူတွေစုပေါင်းပြီး ပြန်လည်ပြုပြင်သင့်ပါတယ်။သက်ဆိုင်ရာဌာနတွေကိုတင်ပြသင့်တယ်။ကျွန်တော်တို့ကိုလဲသူတို့ကတင်ပြပေးဖို့လိုပါတယ်။ဒါမှကျွန်တော်တို့လည်းသက်ဆိုင်ရာဌာနတွေအဆင့်ဆင့်တင်ပြပေးလို့ရမှာ။၂၀၁၅/၁၆
ဘတ်ဂျက်ဆိုရင်ပြန်ပြုပြင်ဖို့ကလွယ်ပေမယ့် ပြီးသွားတဲ့ ၂၀၁၃/၁၄ ဘတ်ဂျက်ဖြစ်နေတော့ သက်ဆိုင်ရာဌနတွေနဲ့ကျွန်တော်တို့ဆီကို
ပြင်ဆင်စရိတ်တင်ပြရပါ့မယ်။စာသင်ကျောင်းက ငါးနှစ်အာမခံပေးထားတာဆိုတော့ PNZ- Construction
Co;Ltd အနေနဲ့ စာချုပ်ပါစည်းကမ်းအတိုင်း ပြန်ပြင်ပေးမလား၊တန်ရာတန်ကြေးလျှော်ကြေးပေးမလားဆိုတာတော့ရှိနေပါတယ်။အရင်ဆရာတွေလက်ထက်ကဖြစ်ခဲ့တာဆိုတော့
ဒီကိစ္စမမှီလိုက်တော့ မနက်ဖြန်ကွင်းဆင်းစစ်ဆေးပြီးအဆင့်ဆင့်တင်ပြသွားဖို့တော့ရှိပါတယ်။”ဟု
ပန်းတောင်းမြို့နယ်-လက်ထောက်ပညာရေးမှူး ဦးမြင့်ဆွေ-ကပြောသည်။
အဆိုပါကိစ္စများနှင့်ပတ်သက်ပြီး
PNZ- Construction Co;Ltd အားဆက်သွယ်မေးမြန်းရန် ဖုန်းနံပါတ်အား ပန်းတောင်းမြို့နယ်ပညာရေးမှူးရုံးမှာ
စုံစမ်းခဲ့သော်လဲ မရရှိခဲ့ပါ။အဆိုပါ ရွာသာယာအုပ်စု၊ရွာသစ်ကျေးရွာတွင်တည်ဆောက်ထားရှိသည့်
အခြေခံပညာအလယ်တန်းကျောင်း(ခွဲ)အား ရွာသာယာအုပ်စုအတွင်းမှာရှိသည့် ရွာသစ်ကျေးရွာ နှင့်
စစ်တ၀င်းကျေးရွာများမှ စာပေပညာလာရောက်သင်ကြားလျှက်ရှိနေပြီ ယနေ့ဆိုယင်းစာသင်ကျောင်းတွင်
ကျောင်းသား ကျောင်းသူများ ပြန်လည်စတင်၍ စာသင်ကြားနေရသော်လဲ ကျောင်းသားမိများက စာသင်းကျောင်းနံရံများ
အောက်ခြေဖောင်ဒေးရှင်းများအက်ကွဲလာမှုများနှင့် ၄င်းအက်ကွဲကြောင်းများထဲမှ မြွေများနှင့်အခြားပိုးမွားအန္တရာယ်များထွက်ရှိလာမည်ကို
စိုးရိမ်ပှုပန်လျှက်ရှိနေကြောင်းသိရသည်။
K3(pyay)ဒီမိုကရေစီတူဒေးသတင်းစာ
ပြည်သတင်းလူငယ်-ပြည်သတင်း(၀၉-၂၅၃၃၁၁၀၁၉)
0 comments:
Post a Comment