မိုးရေချော်၍
ကြက်စာတင်သည့် ကားတစ်စီးလမ်းဘေးရေမြောင်းသို့ ထိုးကျ၍တိမ်းမှောက်
အောင်လံ၊မေ၊၁၉
မကွေးတိုင်းဒေသကြီး၊အောင်လံမြို့နယ်အတွင်းရှိ
ပြည်/အောင်လံ သွားရာလမ်းမကြီး ကွမ်းလောင်းကျေးရွာအနီး မိုင်တိုင်အမှတ်(၂၀၃/၁)တွင် မေ-၁၉-ရက်နေ့ နံနက်လင်းအားကြီးချိန် ၂း၃၀ မိနစ်
အချိန်ခန့်က မိုးအနည်းငယ်ရွာသွန်းမှုကြောင့် လမ်းချော်ကာအရှိမထိန်းနိုင်ဘဲ ကြက်စာတင်ဆောင်ကာသည့် ကုန်တင်ကားတစ်စီးသည် လမ်းဘေးရေမြောင်းအတွင်းသို့
တိမ်းမှောက်ခဲ့ကြောင်းသိရသည်။
အဆိုပါ ကြက်စာများတင်ဆောင်လာသည့်
K9-xxxx ကောင်တာ(အဖြူရောင်)အမျိုးအစား ၆-ဘီးယာဉ်သည် မိုင်တိုင်အမှတ်-၂၀၃/၁ အရောက်တွင်
လမ်း၏ အရှေ့ဘက်ခြမ်း လမ်းညာဘက်ရေမြောင်းအတွင်းသို့ တိမ်းမှောက်ခဲ့တာဖြစ်ပြီး ထိခိုက်ဒဏ်ရာ
ရရှိမှုမရှိကြောင်းသိရသည်။
“ညက နှစ်နာရီခွဲလောက်ကဖြစ်တာ။မိုးရွာလို့
လမ်းဘေးချော်ကျသွားခဲ့တာလို့သိရတယ်။တစ်ဘက်နဲ့တစ်ဘက်တိမ်းရှောင်းရင်းနဲ့ဖြစ်တာမဟုတ်ပါဘူး။ခရီးသည်မပါဘူး။ယာဉ်မောင်းနဲ့စပယ်ယာပဲပါတော့
ဘယ်သူမှဘာမှမဖြစ်ပါဘူး။ကားကရေမြောင်းထဲကျသွားတော့ ရေတွေတော့စိုသွားတာတော့ရှိပါတယ်။စခန်းမှူးကအောင်လံကိုအမှုသွားဖွင့်တယ်။ပျက်စီးဆုံးရှုံးမှုတန်ဖိုးတွေတော့ကျွန်တော်မသိပါဘူး။ကြက်စာတွေဖြစ်လို့ကားကလွဲလို့ကျန်တာသိပ်မရှိပါဘူး။”
ဟု တာဝန်ရှိသူ တပ်ကြပ်-တင်မောင်ထွန်း-ကပြောသည်။
အဆိုပါ ယာဉ်တိမ်းမှောက်မှု
နှင့် ပတ်သက်ပြီး ဒုရင်္ဂဗိုလ်နယ်မြေရဲစခန်းမှ ယာဉ်(ပ)၁၄/၂၀၁၆၊ရာဇသတ်ကြီးပုဒ်မ-၂၇၉ ဖြင့်
ယာဉ်မောင်းဖြစ်သူ တောင်းတွင်းကြီးမြို့၊ရွှေကြာအင်း(၁)ရပ်ကွက်၊ဦးစိုးသန်းညွှန့်(၄၄)-နှစ်အား
အရေးယူဆောင်ရွက်ထားရှိကြောင်း သိရသည်။
ဒီမိုကရေစီတူဒေးသတင်းစာ
သတင်း-K3(pyay)
နှင့် HT
ဓါတ်ပုံ-K3(pyay)
ပြည်သတင်းလူငယ်-ပြည်သတင်း
၀၉-၂၅၃၃၁၁၀၁၉
0 comments:
Post a Comment