Friday, December 25, 2015

ပြည်မြို့နယ် သရေခေတ္တရာ ရှေးဟောင်းဇုန်အတွင်း အပျော်တမ်း ဓာတ်ပုံဆရာများ၏ ကားမှန်ကိုခွဲကာ ကျပ်သိန်းသုံးဆယ်ကျော်ဖိုး ခိုးယူခံရမှု ဖြစ်ပွား

Leave a Comment


ပြည်မြို့နယ် သရေခေတ္တရာ ရှေးဟောင်းဇုန်အတွင်း အပျော်တမ်း ဓာတ်ပုံဆရာများ၏ ကားမှန်ကိုခွဲကာ ကျပ်သိန်းသုံးဆယ်ကျော်ဖိုး ခိုးယူခံရမှု ဖြစ်ပွား



ပဲခူတိုင်း အနောက်ပိုင်း ဒေသကြီး၊ ပြည်မြို့နယ်၊ မှော်ဇာ ကျေးရွာအနီး၊ ကမ္ဘာ့အမွေနှစ် စာရင်းဝင် သရေခေတ္တရာ ရှေးဟောင်းဇုန်အတွင်း အပျော်တမ်း ဓာတ်ပုံဆရာများ၏ ကားမှန်အား ရိုက်ခွဲကာ သိန်းသုံးဆယ်ကျော် တန်ဖိုးရှိ ပစ္စည်းများ ခိုးယူခံခဲ့ရကြောင်း သိရသည်။
ဒီဇင်ဘာ ၂၄ ရက် နေ့လယ်ခင်း အချိန်တွင် ရှေးဟောင်းဇုန် အတွင်းရှိ ပျူခေတ်လက်ရာ လေးမျက်နှာ ဂူဘုရားတွင် မြိုခံဓာတ်ပုံဆရာများ ဓာတ်ပုံရိုက်နေချိန်တွင် ဘုရားအနီး ရပ်ထားသည့် ကားဝဲဘက် မှန်အားခွဲကာ ကားပေါ်ရှိ လက်ဝတ် ရတနာများနှင့် ငွေသားနှင့် အခြားပစ္စည်းများ ခိုးယူခံခဲ့ရခြင်း ဖြစ်ကြောင်း နယ်မြေ တာဝန်ခံဖြစ်သည့် အမှတ် (၃) ရဲစခန်း မှတ်တမ်းများအရ သိရသည်။
“ဇုန်ထဲမှာ ဒီလိုမျိုး တစ်ခါမှ မဖြစ်ဖူးသေးဘူး။ အခုဟာက နေ့ခင်းကြောင်တောင်ကြီးဖြစ်တာ မသင်္ကာသူ နှစ်ဦးကိုတော့ ခေါ်ယူစစ်ဆေးတာတွေ ပြုလုပ်နေပါပြီ” ဟု သရေခေတ္တရာ ရှေးဟောင်း ဇုန်အတွင်းရှိ မှော်ဇာ ကျေးရွာ အုပ်ချုပ်ရေးမှုး ဦးအေးထွန်းက ပြောကြားသည်။
ကားအမျိုးအစားမှာ ဟာရီဟာ ပုံပြောင်း အဖြူရောင်ဖြစ်ပြီး ထိုသို့ ခိုးယူမှုကြောင့် စိန်နားကပ် တစ်ရံ၊ iPhone 6 Plus တစ်လုံး၊ Huawei (P8) တစ်လုံး၊ ငွေသားများ အပါအ၀င် အခြားပစ္စည်း စုစုပေါင်း ၃၆ သိန်းကျော်ဖိုးမှာ ခိုးယူရာတွင် ပါသွားကြောင်း အမှတ် (၃) ရဲစခန်းမှ သိရသည်။
“ဓာတ်ပုံ ရိုက်တဲ့နေရာနဲ့ ကားနဲ့က သိပ်မဝေးဘူး။ ရိုက်ပြီး ပြန်လာတော့ အခိုးခံရတာပဲ တွေ့တယ်။ ပစ္စည်း ဆုံးရှုံးမှုပေါ်မှာ သိပ်မပြောလိုပေမယ့် ဇုန်ထဲမှာက လုံခြုံရေး အားနည်းတယ်။ ပြီးတော့ ဒီနေရာက ကမ္ဘာ့အမွေအနှစ် စာရင်းဝင်လည်း ဖြစ်တော့ ဒီလိုအမှုမျိုးကို မဖော်ထုတ်နိုင်ရင် ဇုန်ရဲ့ပုံရိပ်ကိုလည်း ထိခိုက်နိုင်တယ်” ဟု ပစ္စည်များ ခိုးယူခံရသူ ဓာတ်ပုံဆရာ ကိုရဲစွမ်းက ပြောကြားသည်။
အမှတ် (၃) နယ်မြေ ရဲစခန်းမှ (ပ) ၂၈၈/၂၀၁၅ ပြစ်မှုပုဒ်မ (၃၇၉) ဖြင့် အမှုမှန် ပေါ်ပေါက်နိုင်ရေး ဆောင်ရွက်လျက် ရှိသည်။
သရေခေတ္တရာ ပျူမြို့ဟောင်း အပါအ၀င် ပျူမြို့သုံးမြို့အား ကုလသမဂ္ဂ ပညာရေးသိပံ္ပနှင့် ယဉ်ကျေးမှုအဖွဲ့ (ယူနက်စကို) က ကမ္ဘာ့အမွေအနှစ် စာရင်းဝင်အဖြစ် ၂၀၁၄ ခုနှစ်ဇွန် ၂၂ ရက်က ကာတာနိုင်ငံ ဒိုဟာမြို့တွင် ပြုလုပ်သော (၃၈) ကြိမ်မြောက် ကမ္ဘာ့အမွေနှစ် အစည်းဝေးတွင် သတ်မှတ်ခဲ့သည်။
ဝေလင်း (ပြည်)
Eleven Media Group မှ ကူးယူဖော်ပြသည်။
ပြည်သတင်းလူငယ်(ပြည်သတင်း)09253311019

0 comments:

Post a Comment

Facebook Like Page