ကိုယ်ရယ် ..မင်းရယ် .. ရပ်ကွက် အုပ်ချုပ်ရေးမှူးရယ် သရ၀ဏ် (ပြည်)

ကိုယ်ရယ် ..မင်းရယ် .. ရပ်ကွက် အုပ်ချုပ်ရေးမှူးရယ်


သရ၀ဏ် (ပြည်)



ယခုအခါလျှို.၀ှက်ဆန်းပြား ကြိတ်ပုန်းစီမံကိန်းတစ်ခုပေါ်ပေါက်နေ၏ ။ ကြိတ်ပုန်းစီမံကိန်းဆိုသည်မှာ ဌာနတွင်းသူတို.အချင်းချင်းသိနေတာကြာပြီဖြစ်သော်လည်း ရပ်ကွက်နေလုပ်သားပြည်သူများသို.မကောင်းတတ်သဖြင်. အနီးကပ်မှဗြုန်းကနဲ အကြောင်းကြားသော ရပ်မိရပ်ဖရွေးချယ်ပွဲ ၊ ဆယ်အိမ်မှူးရာအိမ်မှူးရွေးချယ်ပွဲ ၊ ရပ်ကွက်အုပ်ချုပ်ရေးမှူး ရွေးချယ်ပွဲ များကျင်းပဖို. စီစဉ်ကြခြင်းဖြစ်သည် ။ ထိုသို. တစ်ရပ်ကွက်လျှင်ရပ်မိရပ်ဖ ငါးဦးရွေးမည်.အကြောင်းကို လမ်းများထိပ်တွင် အလွန်သေးငယ်သောစာရွက်ကလေးများဖြင်.ဓါတ်တိုင်တွင်လာကပ်၏ ။ အချို.လမ်းများမှာ သုံးထပ်သားပြားတွင် A4 စာရွက်ကလေး ဖြင်. ကြေငြာစာရွက်ကပ်ထား၏ ။ စာရွက်ကပ်သည်မှာ ယနေ. ဖြစ်ပြီး ရွေးချယ်ပွဲကျင်းပမည်မှာ မနက်ဖြန်ဖြစ်သည် ။မိမိတို.လက်ရှိအုပ်ချုပ်ရေး အာဏာပိုင်များ အဖက်ဖက်ကကြိုတင်ပြင်ဆင်ထားပြီး ပြိုင်ဘက်များအငိုက်မိစေရန်အချိန်ကပ်မှအသိပေးသော စစ်အစိုးရ၏လက်ကျန်နည်းဗျူဟာများဖြစ်သည် ။စင်စစ် ဤရပ်ကွက်အုပ်ချုပ်ရေးအဖွဲ.ရွေးချယ်စေသော အချိန်ကာလကိုက မှားယွင်းနေပြီး ရိုးသားမှုမရှိသောလုပ်ရပ်ဖြစ်သည် ။

ယနေ. ရပ်ကွက်နှင်.ကျေးရွာအုပ်ချုပ်ရေးမှူးများသည် အုပ်ချုပ်ရေးမဏ္ဍိုင်၏အမာခံဒေါက်တိုင်များဖြစ်သည် ။ အုပ်ချုပ်ရေးမှူး နှင်. အုပ်ချုပ်ရေးအဖွဲ. ၊ ရပ်မိရပ်ဖဆိုသူအများစုကိုကြည်.လျှင်ပြည်ထောင်စုကြံ.ခိုင်ရေးနှင်.ဖွံ.ဖြိုးရေးပါတီဝင် အများစုကိုတွေ.ရမည်ဖြစ်သည် ။ ထို ရပ် /ကျေး အုပ်ချုပ်ရေးမှူးများ ကို ရွေးချယ်ခဲ.စဉ်ကလည်း ပြည်ခိုင်ဖြိုးပါတီ တန်ခိုးထွားနေသောကာလဖြစ်သည် ။ ရွေးခဲ.ရာတွင်လည်း ပွင်.လင်းမြင်သာစွာ ရွေးကောက်ပွဲ မဲစနစ်ဖြင်.ရွေးခဲ.ကြသည်မဟုတ် ။ သူတို.အချင်းချင်း လက်ကြိတ်ထိုး၍ လူအများမပါဝင်နိုင်သော နေရာ ၊ အချိန်တစ်ခု ကြိတ်ပုန်းသတ်မှတ်ကာ ယခင်စစ်အစိုးရလက်ထက်က ရ.၀.တ /ရ.အ.ဖ အဖွဲ.၀င်များပင် ရပ်ကွက်အုပ်ချုပ်ရေးမှူးအဖြစ်ပြန်လည်အရွေးချယ်ခံရတာများသည် ။ ရပ်ကွက်အေးချမ်းသာယာရေးနှင်.ဖွံ.ဖြိုးရေးကောင်စီ ဥက္ကဌ ရာထူးမှ ရပ်ကွက် (သို.မဟုတ် )ကျေးရွာ အုပ်ချုပ်ရေးမှူး ရာထူးအခေါ်အဝေါ်ပြောင်းသွားသည် ။ လူတွေကတော.ယခင်လူတွေသာများပါသည် ။ စစ်အစိုးရသည် အောက်ခြေအုပ်ချုပ်သူလူတန်းစားကို အတိုက်အခံ အမျိုးသားဒီမိုကရေစီအဖွဲ.ချုပ် အဖွဲ.၀င်များ ၊ ၈၈ မျိုးဆက်ကျောင်းသားများ ၊နိုင်ငံရေးတက်ကြွလှုပ်ရှားသူများ မဖြစ်စေလိုပါ။ သူတို.လူများသာဖြစ်စေချင်သည် ။ ထို.ကြောင်. လူရွေးပွဲများကို ကြိတ်ပုန်းပွဲကလေးများကျင်းပခြင်းဖြစ်သည် ။
အမှန်ဆိုလျှင် ယခုအချိန်သည် အာဏာရ အုပ်ချုပ်ရေးအဖွဲ. ရာထူးမှဆင်းရန် လပိုင်းမျှသာလိုတော.သော အချိန်ဖြစ်သည် ။ အနိုင်ရ အမျိုးသားဒီမိုကရေစီအဖွဲ.ချုပ်သည် အုပ်ချုပ်ရေးအာဏာကိုရယူရန် လပိုင်းမျှသာလိုတော.သောအချိန်ဖြစ်သည် ။ ဤအချိန်တွင် ရပ်ကွက် နှင်.ကျေးရွာ အုပ်ချုပ်ရေးမှူး အသစ် ၊လမ်းမှူးအသစ် ၊ ရပ်မိရပ်ဖအသစ်များကိုဖုတ်ပူမီးတိုက် ရွေးချယ်ခဲ.ဖို. မလိုသေးပါ ။ ထိုအလုပ်သည် အသစ်တက်လာသော NLD အစိုးရ အသစ်က လုပ်ရမည်. တာဝန်ဖြစ်သည် ။ သို.သော် စစ်အာဏာရှင်တစ်ပိုင်းအစိုးရများသည် အမြဲပင် သူ.လူများကို နောက်တက်မည်.အစိုးရတွင်မြှုပ်နှံချင်သည်.စစ်အလေ.အထစွဲကပ်နေသည် ။ NLD အစိုးရ လက်ထက် ရွေးချယ်ပွဲလုပ်ခဲ.လျင် ယခုလက်ရှိ ကြံ.ခိုင်ရေး နောက်ခံ အုပ်ချုပ်ရေးမှူးများ ၊ ဆယ်အိမ်မှူး ၊ရာအိမ်မှူး ၊လမ်းမှူးများအခြေအနေမကောင်းနိုင် ဘူးဆိုတာသူတို.သိသည် ။ သူတို.လူများ နေရာမရနိုင်တော.တာသူတို.သိသည် ။ နောက်အစိုးရ၏အုပ်ချုပ်ရေးယန္တယားတွင်သူ.လူတွေမြှုပ်နှံလို. မရတော.တာသူတို.ကောင်းကောင်းသိသည် ။ ထို.ကြောင်. NLD အုပ်ချုပ်ရေးယန္တယားတွင် သူတို.လူအမာခံဆဲလ်များထည်.သွင်းနိုင်ရေး ယခုချက်ချင်းဖုတ်ပူမီးတိုက်ဆောင်ရွက်ခြင်းဖြစ် ပေသည် ။
ဤရွေးချယ်ပွဲများကိုမြင်ရကြားရသောအခါ ကျွန်တော်တို. ပြည်မြိ. မှ ဘောလီဘောအသင်းလူရွေးပုံကိုသတိရမိသည် ။ ကျွန်တော်တို. မြို.မှအပျော်တမ်းဘော်လီဘောအသင်းတစ်သင်းသည် မြို.နယ်ပေါင်းစုံဘော်လီဘောပြိုင်ပွဲကြီးသို. နှစ်စဉ်မပျက်မကွက်သွားရောက်ယှဉ်ပြိုင်လေ.ရှိသည် ။ မြို.နယ်တာဝန်ရှိသူများ ကဘဏ္ဍာငွေမထောက်ပံ.သဖြင်. ဘောလီဘောအဖွဲ.မှာ ကိုယ်.ရန်ပုံငွေကိုယ်ရှာရသည် ။ ထိုအခါ ငွေကြေးစိုက်ထုတ်နိုင်သော သူမှာ အဖွဲ.ခေါင်းဆောင်ဖြစ်တော.သည် ။ ကိုပေါက်စဆိုသောသူသည် ဤနည်းဖြင်. မြို.နယ်ဘောလီဘောအသင်း၏ခေါင်းဆောင်ဖြစ်နေသည် ။ သူတို.အဖွဲ.သည် တစ်နှစ်သွားပြိုင်လည်းမနိုင် ၊ နောက်တစ်နှစ်တွင်လည်းရှုံးပြန်သည် ။ ထိုသို.ရှုံးပြီးပြန်လာတိုင်းအသင်းခေါင်းဆောင်ကိုပေါက်စပြောလေ.၇ှိသောစကားတစ်ခွန်းရှိသည် ။
“ ဒီနှစ်တော. ပေါ.လို.မဖြစ်ဘူး ၊ လူသေသေချာချာရွေးမှဖြစ်တော.မယ် ၊ လူကောင်းတွေချည်းပဲရအောင် ဘယ်သူ.မျက်နှာမှမထောက်ပဲရွေးရမယ် ၊ အဲဒိတော.ကွာ ငါရယ် ၊ ဇော်မင်းရယ် ၊ကျော်တင်.ရယ် ၊တင်ဦးရယ် ။မောင်စိုးရယ်ကွာ "
ထိုနှစ်တွင်လည်း ကိုပေါက်စတို.အသင်းရှုံးပြန်လာပါသည် ။ထိုအခါ ဓါတ်ပြားဟောင်းကိုဖွင်.ပြန်သည် ။
“ဒီနှစ်တော.လူသစ်တွေရွေးမှဖြစ်မယ်ဟေ. ၊ အဲဒိတော. ကွာ ငါရယ် ……..”
ကိုပေါက်စလူရွေးတိုင်း ငါရယ်နောက်မှလူများပြောင်းသွားသည် ။သို.သော် ငါရယ်ဟုခေါင်းတည်ကာ သူ.ကိုယ်သူ အမြဲပြန်ရွေးသောထုံးစံမှာတော. သူတို.ဘောလီဘောအဖွဲ. ပျက်သွားသည်အထိတည်မြဲခဲ.သည် ။ကြာတော.မြို.ခံများကြားဝယ် ကိုပေါက်စ လူရွေးချယ်ပုံနှင်.ပါတ်သက်၍ သရော်လှောင်ပြောင်စရာစကားတစ်ခွန်ရလာသည် ။ ဘာပဲပြောစရာရှိရှိ အဲဒိတော.ငါရယ် ဟုစကားစကြသည် ။
ယခုအခါကျွန်တော်တို.နိုင်ငံဝယ် ရပ်ကျေးဥက္ကဌတို. ၊ရပ်ကွက်အုပ်ချုပ်ရေးမှူးတို. ၊ ကျေးရွာအုပ်ချုပ်ရေးမှူးတို.၊ ရပ်မိရပ်ဖတို. ၊ ဆယ်အိမ်မှူးတို. ၊လမ်းမှူးတို.ရွေးတိုင်း ကိုပေါက်စလမ်းစဉ်မျိုးဖြစ်နေတာများသည် ။ တကယ်တော. ရပ်ကျေးအုပ်ချုပ်ရေးမှူးများသည် ပြည်သူလူထုနှင်.တိုက်ရိုက်ထိတွေ.ရသောအောက်ခြေမှ အရေးအကြီးဆုံး အုပ်ချုပ်သူများဖြစ်သည် ။သူတို.တော်လျှင်တော်သလို ၊ ညံ.လျှင်ညံ.သလို နိုင်ငံအုပ်ချုပ်ရေး ၏ ပုံရိပ်ကို ထိခိုက်စေမည်ဖြစ်သည် ။ ထို.မျှအရေးကြီးသော ရပ်ကွက် ကျေးရွာအုပ်ချုပ်ရေးမှူးရာထူးများကို ယခုလိုဝေ.လည်ကြောင်ပါတ်စနစ်မဟုတ်ပဲ ရွေးကောက်ပွဲတစ်ခုကျင်းပကာ မဲပေးရွေ.ချယ်စေသင်.ပါသည် ။ နောင်တက်လာမည်. လွှတ်တော်အမတ်များသည် ရပ်ကွက်နှင်.ကျေးရွာအုပ်ချုပ်ရေးမှူးများရွေးချယ်တင်မြောက်ရေးဥပဒေကိုပြင်ဆင်သည့်ဥပဒေကိုတိတိကျကျဆောလျှင်စွာပြဌာန်းပေးသင်.ပေသည် ။ ထိုသို.မဟုတ်ပဲ ကြိတ်ဝိုင်းစနစ်ဖြင်. ဘယ်သူ.ကိုဘယ်လိုတင်လိုက်မှန်းမသိသည်.စနစ်ဖြင်.သာ လုပ်ကြကိုင်ကြပါက ငါရယ် ၊ ငါ.လမ်းမှူးရယ် ၊ ငါ.ဆယ်အိမ်မှူးရယ်ဟုသာ ကိုပေါက်စပြောသလိုဖြစ်ပေါ်လာမည်ဖြစ်ပါကြောင်း ။
သရ၀ဏ်(ပြည်)