အခြေခံမဲဆန္ဒရှင်စာရင်းတွင် မွေးနေ့ မွေးလတူနေသူ ပြည်မြို့တွင် သောင်းကျော်ပါဝင်

အခြေခံမဲဆန္ဒရှင်စာရင်းတွင် မွေးနေ့ မွေးလတူနေသူ ပြည်မြို့တွင် သောင်းကျော်ပါဝင်

ပြည်၊ဇွန်၊၂၄

ပဲခူးတိုင်းဒေသကြီး ပြည်ခရိုင်အတွင်း အခြေခံမဲဆန္ဒရှင်စာရင်းများထုတ်ပြန်ရာတွင်မွေးနေ့ မွေးလများတစ်ရင်တည်းတစ်လတည်းဖြစ်နေသူသောင်းချီပါဝင်နေကြောင်းသိရသည်။၎င်းမွေးရက်နှင့်မွေးလများမှာ ၃၀ရက် ၆လများဟုအများဆုံး ဆန္ဒမဲပေးပိုင်ခွင့်စားရင်ပါရှိနေပြီး ပြည်မြို့ပေါ်ရှိ ရွာဘဲ၊ဆင်စု၊ခေတ္တရာရပ်ကွက်အုပ်ချုပ်ရေးမှူးရုံးများတွင်အများဆုံးတွေ့ရှိရသည်။

“ကျွန်မတို့မိသားစုမဲစာရင်းမှာမပါဘူး ဒါကပြဿနာမရှိသေးဘူး။ပုံစံ ၃နဲ့ပြန်ပြင်လို့ရတယ်ခု ပုံစံ၃နဲ့ ၄(ဂ) လိုအပ်တာတွေပြန်ပြင်လို့ရတယ်ဆိုပေမယ့် အုပ်ချုပ်ရေးမှူးရုံးတွေမှာအဆင်သင့်မရှိဘူး။စာရွက်တွေမရှိတာတင်မဟုတ်ဘူး လူတွေလည်းတစ်ယောက်မှမရှိဘူး တကယ်တော့ကျွန်မတို့တွေမဲပေးရမှာတစ်ရက်တည်းပါ။ဒီတစ်ရက်ကကျွန်မတို့ဘ၀တွေပြောင်းလည်းသွားနိုင်တယ်။ဒါကိုရပ်ကွက်အုပ်ချုပ်ရေးပိုင်းတွေပေါ့ပျက်ပျက်လုပ်နေကြတယ်။”ဟု မဲစာရင်းလာကြည့်သူ ရွာဘဲနယ်မြေ အောင်သုခရပ်ကွက်နေထိုင်သူ  ဒေါ်အေမီအောင် မှပြောသည်။

အဆိုပါအခြေခံမဲဆန္ဒရှင်စာရင်းများကြေငြာသည့်နေ့များမှစတင်ကာ  ပြည်တွင်းရှိကျေးရွာ/ရပ်ကွက်အများစုမှာ မွေးနေ့ မွေးလများတူညီနေမှုများဖြစ်ပေါ်လာခဲ့သည်။ ၄င်းမဲဆန္ဒရှင်စာရင်းများကပ်ရှိထားမှုများကို လာရောက်ကြည့်ရှုပြီး မဲစာရင်းတွင်မပါဝင်မှု၊အချက်အလက်မှားယွင်းမှုများကို ရပ်ကွက်/ကျေးရွာအုပ်ချုပ်ရေးများနှင့်နိုင်ငံရေးပါတီ၊လှုမှုရေးအဖွဲ့အစည်းများ၊မဲဆန္ဒရှင်များကိုယ်တိုင်ပါဝင် ပြင်ဆင်တင်သွင်းမှသာ အမှန်မဲစာရင်းရရှိမှာဖြစ်ကြောင်း ဇွန်လ ၂၂ရက်ထုတ် ဒီမိုကရေစီတူဒေးသတင်းစာတွင် ပြည်ထောင်စုရွေးကောက်ပွဲကော်မရှင်၏ ဇွန် ၁၉ ရက်နေ့ကြေငြာစာအရသိရသည်။

“မွေးနေ့ မွေးလတွေတူနေတာပြည်ခရိုင်အတွင်းအရမ်းများနေတာ ဒါ့ကြောင့် ကိုယ့်ဘောလုံးကိုယ်ကန် ကိုယ်တိုင်ဒိုင်လုပ် ကိုယ်ပိုင်ကွင်းထဲမှာနိုင်အောင်ကန်မယ့်ပွဲအာဏာကိုသူတို့ပဲဆက်ယူထားလိမ့်မယ်လို့သုံးသပ်မိတယ်။”ဟု အမျိုးသားဒီမိုကရေစီအဖွဲ့ချုပ် (ပြည်) ဦးကျော်ကျော်ဥာဏ်ဝင်း မှပြောသည်။

အဆိုပါအခြေခံမဲဆန္ဒရှင်များစာရင်းကို ဇွန် ၂၂ရက်နေ့တွင်ပြည်ခရိုင်အတွင်းထုတ်ပြန်ခဲ့တာဖြစ်ပြီး မဲဆန္ဒရှင်စာရင်း ၆-သိန်းကျော်ရှိရာအမှားပြင်ဆင်ချက်များ၊မဲစာရင်းတွင်မပါဝင်သူများလည်းပါရှိနေခြင်းကြောင့် အခြေခံမဲဆန္ဒရှင်စာရင်းဟာ တိကျသေချာခိုင်မာမှုမရှိသေးကြောင်းပြည်ခရိုင် ၆-မြို့နယ်အတွင်းရှိမြို့နယ်ရွေးကောက်ပွဲကော်မရှင်များနှင့်တွေ့ဆုံးသည့် ဇွန်လ ၁၈ ရက်နေ့တွင် ပြည်ခရိုင်ကော်မရှင်(အဖွဲ့ခွဲ)ရုံးဥက္ကဌ ဦးကျော်ညွှန့်မှပြောကြားချက်အရသိရသည်။

                                                                                                                K3(pyay) ဒီမိကရေစီတူဒေးဂျာနယ်

တင်ဆက်..ပြည်သတင်းလူငယ်(ပြည်သတင်း)

09253311019