ကျေးလက်ကျန်းမာရေးဆေးပေးခန်းဆောက်ရန် အလှူခံထားသည့်ငွေနှင့်ကျွန်းသစ်များအား အုပ်စုအုပ်ချုပ်ရေးမှူးမျအလွဲသုံးစားလုပ်ထားဟုဆို
ပဲခူးတိုင်းဒေသကြီး ပန်းတောင်းမြို့နယ် ထုံးဘိုတိုက်နယ်အတွင်းရှိ မြောင်ကျေးရွာအုပ်စု အုပ်ချုပ်ရေးမှူးမှ ကျေးရွာကျန်းမာရေးဆေးပန်းခန်းတည်ဆောက်ရန်အပ်နှံထားသော ငွေတစ်သိန်းကျပ်ခန့်နှင့်သစ်သုံးတန်အားအလွဲသုံးစားလုပ်ထားကြောင်းဇွန်လ-၁၇-ရက်နေ့ကသိရသည်။
၂၀၁၄ခုနှစ် ၃လပိုင်းတွင် အဆိုပါကျေးရွာအုပ်ချူပ်ရေးမှူးမှ မြောင်ဖျားကျေးရွာတွင်း ကျေးလတ်ကျန်းမာရေးဆေးပေးခန်းတည်ဆောက်ရန် ကျွန်းသစ်များနှင့်ငွေကြေးများလိုအပ်ကြောင်းပြောဆိုခဲ့ပြီးဒေသခံများထံမှအလှူငွေကောက်ခံသွားခဲ့သည်။ထိုနောက်ဆေးခန်းဆောက်လုပ်ရန်အကြိမ်ကြိမ်ဒေသခံများပြောဆိုခဲ့သော်လည်းယနေ့ထိဆေးခန်းမဆောက်လုပ်နိုင်သေးဘဲကိုယ်ကျိုးအတွက်အလွဲသုံးစားလုပ်ထားကြောင်းဒေသခံများထံမှသိရသည်။
“ ကျွန်တော်ကိုယ်တိုင်သစ်နဲ့ငွေတွေအလှူခံပေးခဲ့ရတာ။ရတဲ့သစ်နဲ့ငွေကို ကျေးရွာအုပ်ချုပ်ရေးမှူးကိုအကုန်အပ်တာ။ဒီဆေးခန်းအမြန်ဆုံးမြင်ချင်နေပါပြီ။သစ်နဲ့ငွေတွေအားလုံးအလွဲသုံးစားလုပ်ထားတယ်။ကိုယ်ကျိုးအတွက်သုံးထားတာ။အုပ်စုတစ်ခုလုံးဒီကိစ္စမကြေနပ်ကြဘူး။သူ့လက်ထဲမှာအာဏာရှိတယ်ဆိုပြီးလုပ်ချင်သလိုလုပ်နေတာ။” ဟု ဦးမြင့်အောင်မှ သမဂ္ဂဂျာနယ်သို့ပြောသည်။
အဆိုပါကိစ္စနှင့်ပတ်သက်ပြီး ဇွန်-၈.ရက်တွင် နိုင်ငံတော်သမ္မတရုံး(နေပြည်တော်)အပါဝင်သက်ဆိုင်ရာဌာနပေါင်း ၁၅-ခုအားဒေသခံ ၅၉-ဦးလက်မှတ်ထိုးကာတိုင်ကြားထားခဲ့ရာ ဇွန်-၁၅-ရက်နေ့တွင် မြို့နယ်အထွေထွေအုပ်ချုပ်ရေးမှူးရုံးမှ ဒုဦးစီး ဦးဟန်ဝင်းဇော် နှင့် ပြန်/ဆက်မှ ဦးသိန်းထွန်းမြင့်တို့က မြောင်အုပ်စုအတွင်းရှိ အလှူရှင်များကိုခေါ်ယူတွေ့ဆုံမေးမြန်းမှုများကိုပြုလုပ်ခဲ့ကြောင်းသိရသည်။
“ဒီအမှုကိုမြို့နယ်အုပ်ချုပ်ရေးမှူးကကျွန်တော့ကို ခေါ်ယူစစ်ဆေးနေပါပြီ။ဒီသစ်တွေနဲ့ပိုက်ဆံတွေကျွန်တော်လည်းမယူပါဘူး။သူတို့လုပ်စရာရှိတာလုပ်ကြသလို ကျွန်တော်လည်းလုပ်စရာရှိတာလုပ်မှာပါ။ကျေးရွာဖွံ့ဖြိုးတိုးတက်ဖို့ပဲခေါင်းထဲရှိပါတယ်”ဟု မြောင်ကျေးရွာအုပ်စု အုပ်ချုပ်ရေးမှူး ဦးသန်းကြည် မှသမဂ္ဂဂျာနယ်သို့ပြောသည်။
၎င်းမြောင်အုပ်စုအတွင်း မြောင်ရင်း၊မြောင်ဖျား၊ရွှေတွင်းတူး၊ကျောက်တွင်း၊အိုင်ကွင်း ဆိုသည့်ကျေးရွာငါးရွာတည်ရှိပြီး အိမ်ခြေစုစုပေါင်း ၃၀၀-ခန့်နှင့်လူဦးရည်-၄၀၀၀-ကျော်ရှိသည်။ကျေးလက်ကျန်းမာရေးအနေဖြင့် ထုံးဘိုတိုက်နယ်အတွင်းရှိကျန်းမာရေးဌာနတွင် ဆေးကုသမှုခံယူနေရပါသော်လည်း။အရေးပေါ်ကျန်းမာရေးအခြေအနေများဖြစ်ပေါ်လာပါက မိုင်သုံးဝေးကွာသည့် ပြည်မြို့ပေါ်သို့သွားရောက်ဆေးကုသမှုများခံယူလျှက်ရှိရာ တချို့သောဒေသခံများအနေဖြင့် လမ်းခရီးတွင်အသက်ပျောက်ဆုံးမှုများရှိနေကြောင်းသိရသည်။
မောင်ပန်ကာ(ပြည်)...သမဂ္ဂဂျာနယ် ဇွန်လ ၂၂ရက်နေ့ထုတ် အပတ်စဉ်တနင်္လာနေ့တိုင်းထွက်ရှိသည်။
တင်ဆက်..ပြည်သတင်းလူငယ်(ပြည်သတင်း)09253311019
Monday, June 22, 2015
ကျေးလက်ကျန်းမာရေးဆေးပေးခန်းဆောက်ရန် အလှူခံထားသည့်ငွေနှင့်ကျွန်းသစ်များအား အုပ်စုအုပ်ချုပ်ရေးမှူးမျအလွဲသုံးစားလုပ်ထားဟုဆို
0 comments:
Post a Comment