နွေမှာရေအတွက်ရတက်မအေးနိုင်သူတို့ တောရွာများသို

နွေမှာရေအတွက်ရတက်မအေးနိုင်သူတို့ တောရွာများသို
========================================
(24.2.2.015) ရက်နေ့ထုတ် The Daily ELEVEN သတင်းစာမှကူးယူဖော်ပြပါသည်။
့
မြန်မာနိုင်ငံ၏ ဥတုရာသီကြီးသုံးမျိုးအနက် နွေဦးဂိမာန်မှသည် မိုးလ၀သာန်ခါထိ အချိန်ခါကို နိုင်ငံတွင်း ၇၀ ရာခိုင်နှုန်းခန့်ရှိနေသည့် တောသူတောင်သားလယ်သမားများက ကြိုက်နှက်သက်ကြပုံမပေါ်ပါ။ ရာသီနှင့်အမျှ အလုပ်နှင့်လက်မပြတ်အောင် ထွန်ယက်စိုက်ပျိုးမှထမင်းနပ်မှန်ယုံသာရှိသူများအဖို့ ခြောက်သွေ့ပူ လောင်လှသည့် ရာသီကအဆင်မပြေပုံပင်။ စိုက်ပျိုးရေးများဖြစ်ထွန်းအောင်မြင်ခြင်းမရှိသလို အထူးသဖြင့် စိုးရိမ်ပူပန်ရသည်က ရေ ။
ထမင်းအသက် ခုနှစ်ရက် ရေအသက် တစ်မနက် ဟူသည့် စကားပုံမှာ ထိမိမှန်ကန်လှသည်။ အထူးသဖြင့် ကျေးလက်အညာရေရှားပါးရာဒေသများတွင် နွေအခါရောက်လာသည်နှင့် ရေအတွက် ရတက်မအေးနိုင်အောင် ပင်ဖြစ်ကြရတော့သည်။ ဆောင်းနှောင်းနွေဦးမှသည် ရေတွင်းရေကန်များခန်းခြောက်စ ပြုလာခဲ့ရာ နေ့စဉ်နှင့်အမျှ သောက်သုံးရေပြသာနာက ကြီးမားလို့လာတော့သည်။
ဆယ့်နှစ်လရာသီတွင် တပေါင်းလရာသီမှာ အလှဆုံးနှင့်လွမ်းမောဖွယ်အကောင်းဆုံးဟု ဆိုခဲ့ကြသလို၊ တပေါင်းတန်ခူးမိုးသားကြူးဟုလည်း ဖွဲ့နွဲ့ထားပြန်သည်။ သို့သော် ခြောက်သွေ့ဇုံဟုသတ်မှတ်ထားသည့် မကွေးတိုင်းဒေသကြီး၊ ကံမမြို့နယ်တွင်းရှိ ကျေးရွာအချို့တွင်တော့ လွမ်းမောဖွယ်လရာသီကို ခံစားမနေကြသလို၊ မိုးရိပ်မိုးသားများကိုလည်း တွေ့မြင်ရခြင်းမရှိသေးပါ။ ကြည့်လေရာတောင်ကုန်းတောင်တန်းများတွင် အ၀ါရောင်ပန်းချီကားတစ်ချပ်ကို စုတ်ချက်ကြမ်းကြမ်းများဖြင့် ဆီဆေးအတုံးလိုက်အတစ်လိုက် ပတ်ထားသည့်နှယ်။ စိမ်းလန်းအေးမြခြင်းအရိပ်ရောင်တို့ မတွေ့ရ။ အပူလိုင်းတံလျှပ်တို့ဖြင့် လမ်းမထက်။ ရွှေ့ပြောင်းတောင်ယာကွက်တို့အတွက် ရှို့မီးတို့ဖြင့် အပူကိုအနားသတ်ထာသည်။ ယင်းတောင်တန်းတို့အပေါ်တွင် မြွှေလိမ်မြွေကောက်ဖောက်လုပ်ထားသည့် ပြည်-ကံမ-သရက် သုံးမြို့ကိုဆက်သွယ်သည့် လမ်းကြမ်းကြမ်းထက်တွင် ဆိုင်ကယ်နှစ်စီးအပြင်းမောင်းနှင်လို့ သွားနေသည်။
ကံမမြို့နယ်၊ ပေပင်ရွာကို ဗဟိုပြုလျှက် ရွာပေါင်း ၇ ရွာထက်မနည်း သောက်သုံးရေရှားပါးခြင်းပြသာနာကို တစ်ရက်ထက်တစ်ရက်ရင်ဆိုင်လာနေရသည်။ အများစုရွာများတွင်ရေတွင်းများမရှိ။ ရွာထိပ်တွင် သဘာဝကန် (သို့) ကိုယ်ထူကိုယ်ထ တူးဖော်ထားသည့်ရေကန်များဖြင့် အသက်ဆက်ရှင်နေရသည်။ အချို့ကမိုးအခါ တောင်ချချောင်းများစီးဆင်းရာ လျှိုများကိုတစ်ဖက်ပိတ် တမံများပြုလုပ်၍ ရေကိုလှောင်ထားကြသည်။ ယင်းအခြေနေမှာ ပြီးခဲ့သည့်နှစ်များအထိ ရေအတွက်အသက်ဆက်ရရုံသာ အဆင်ပြေခဲ့သော်လည်း ယခုနှစ်အတွက်တော့ နွေဦးမှာပင်ရေကခန်းခြောက်ပျောက်ကွယ်စပြုသွားခဲ့ပြီဖြစ်သည်။
“ ပြီးခဲ့တဲ့ နှစ်ပတ်လောက်ကစပြီး ရေကန်ထဲမှာရေစခန်းလာတာပဲ။ ခပ်ဗုန်းမမြှပ်တော့ဘူး ညနေစောင်းရေခပ်ချိန်ဆိုရင် တစ်ယောက်နှစ်ယောက်ခပ်ပြီးတာနဲ့ စောင့်ပေတော့ပဲရေက အောက်ကနုန်းအနည်တွေထလာတယ်။ အဲဒီရေထဲကပဲသောက်ရေ အတွက် နှစ်ရက်သုံးရက်လောက် အနည်ထိုင်ပြီး သောက်ရတာပဲ” ဟုပေပင်ရွာသားဦးဟန်စိန်ကပြောသည်။
ပေပင်ရွာတွင် တစ်ဧကနီးပါးခန့်ရှိသည့် မြေသားရေကန်နှစ်ကန်ရှိပြီး တစ်ကန်မှာထမင်းချက်ပါက အစိမ်းရောင်များ ပြောင်းသွားသည့်အတွက် အတော်တော်များများက ကန်တစ်ကန်ထဲကိုသာ အားထားကြသည်။ ယင်းကန်များတွင်ပင် ကျွဲ၊ နွား၊ ဆိတ်၊ ဘဲ များကို ရေချခြင်းရေချိုးခြင်းများကို ပြုလုပ်ရခြင်းကြောင့် ရောဂါပိုးမွှားများစွာပျံ့နှံနေမည်ဆိုတာကတော့ အထူးပြောစရာမလိုပါ။ အထူးသဖြင့် အရေပြားနှင့်သက်ဆိုင်သည့်ရောဂါများ အများဆုံးဖြစ်ပွားကြသည်။ သို့သော်လည်း ရွာသားများအဖို့ အခြားရွေးချယ်စရာဗလာနတ္တိ မကောင်းမှန်းသိသိနှင့်ပင် သောက်သုံးနေကြရသည်။ လက်ရှိအခြေနေကတော့ ယင်းရေဂါများပြည့်နှက်နေသည့် နေသည်ပင် ခန်းခြောက်လို့လာပေပြီ။
ကျေးရွာများမှာ ဧရာဝတီမြစ်နှင့် နှစ်မိုင်ခန့်ကွာဝေးကာ ခြားတွင်တန့်ကြည်တောင်တန်း၏ အစွယ်များက ပိုင်းခြားထားသည်။ ရေရှားပါးခြင်း၏ဒဏ်ကို ပေပင်၊သက္ကယ်မြောင်၊ လိင်တုန်း၊ ညောင်ကိုင်း၊ ထောက်ကြံကိုင်း၊ တောင်ပို့နီ၊ ပယ်ကျ၊ ပြောင်ကျ ရွာများအများစုခံစားနေရပြီး စုစုပေါင်း လူနေအိမ်ခြေ ၁၀၀၀ ကျော်ခန့်ရှိမည်ဖြစ်သည်။ လွန်ခဲ့သည့်သုံးနှစ်ခန့်က ရေရှားပါးခြင်းကို တစ်ကြိမ်ကြုံခဲ့ရပြီး အနီးနားမြို့များမှ အရပ်ဘက်အဖွဲ့စည်းများက စုပေါင်းလှူဒါန်းခြင်းများပြုလုပ်ခဲ့ရသည်။ယခုတစ်ကြိမ်ကတော့ ပိုလို့စောစီးစွာ ဖြစ်ပေါ်လာခြင်းဖြစ်သည်။
ယခုနှစ်တွင်းမြန်မာနိုင်ငံတွက် မုတ်သုံလေအ၀င်နောက်ကျမည်ဖြစ်ပြီး အပူချိန်မှာလည်းတိုးမြှင်လာမည့်ဟု မိုးလေ၀သပညာရှင်ဒေါက်တာထွန်းလွင်က ခန့်မှန်းတွက်ချက်ထားသည့် အတွက် ခြောက်သွေ့ဒေသ များအတွက် နွေရာသီသောက်သုံးရေပြသာနာမှာ ပိုလို့ကြီးထွားလာနိုင်သည့် အခြေနေတွင်ရှိနေသည်။
“ ပြီးခဲ့တဲ့မိုးနှောင်းမိုးကခေါင်တော့ ကန်တွေထဲမှာရေသိုလှောင်ချိန်နည်းပါး သွားတယ် ကိုယ်ထူကိုယ်ထကန်တွေဖြစ်တဲ့အတွက်လည်း စနစ်တကျတူးပြီးသိုလှောင်တာမျိုးမလုပ်နိုင်ဘူး ရာသီဥတုဖောက်ပြန်တာလည်းပါတယ် ပေပင်ကျေးရွာကတော့ အခြေနေဆိုးလာနိုင်တယ်” ဟုပယ်ကျရွာမှ ကိုအောင်လင်းကဆိုသည်။
ရာသီဥတုဖောက်ပြန်ခြင်းနှင့် ကမ္ကာကြီးပူနွေးလာမှုဒဏ်ကို အသိပညာနည်းပါးသူများနှင့် ဆင်းရဲနွမ်းပါးသူများက ပိုမိုလို့ခံလာရသည်။ အနီးနားတောတောင်များတွင် ထင်းခုတ်၊ မီးသွေးဖုတ်ခြင်းနှင့် ရွှေ့ပြောင်းတောင်ယာ များကြောင့် သစ်တောများပြုန်းတီးပြီး မိုးရာသီရေကန်များနှင့် မြေဆီလွှာများတွင်း ရေသိုလှောင်စုဆောင်းနိုင်မှု အခြေနေနည်းပါးလို့လာသည်။ ပြီးခဲ့သည့်မိုးရာသီတွင်လည်း ရေကန်အနီးနားရှိ စိုက်ခင်းများကမိမိတို့၏ လယ်များအတွင်းရေသွင်းယူခဲ့ခြင်းကြောင့် ကန်အတွင်းရေဆင်းနိုင်မှုမရှိပဲ စိုက်ခင်းများပြီးချိန်နှင့် မိုးပြတ်ချိန်မှာ တစ်ပြိုင်နက်ဖြစ်ခဲ့ခြင်းကြောင့် ယခုလိုစောစီးစွာရေနည်းပါးခမ်းခြောက်သွားခဲ့ရခြင်း လည်းဖြစ်နိုင်ကြောင်း ရွာခံများကပြောသည်။
“ရေနည်းသွားချိန်မှာ တစ်ချို့တွေက ကျွဲ၊ နွားတွေကိုအိမ်မှာ ရေခပ်မတိုက်တော့ပဲ ကန်မှာလာရေချတော့ ရေညစ်ပတ်မှုကို ပိုဖြစ်တယ်။ ရောဂါကူးက်မှုပိုဖြစ်တာပေါ့” ဟု ပေပင်ရွာသား ကိုကျော်ထွန်းမင်းကပြောသည်။
တကယ်လည်းဟုတ်သည်။ ကန်များဘက်ကိုလိုက်လံပြသချိန်တွင် ကန်အနီးနွားများရေချိုးပေးနေခြင်းနှင့် နွားများရေသောက်ဆင်းခြင်း၊ ဆိတ်များရေသောက်နေခြင်းများကိုတွေ့ရပြီး ၎င်းနှင့်မနီးမဝေးတွင် သောက်သုံးရေခပ်နေသည့် ဒေသခံတစ်ဦးကိုလည်းတွေ့နေရသည်။ ကန်ရေများကတော့ နှောက်ကျိလို့နေတော့သည်။ ငါးများလည်းရှိနေရာ နုန်းရေတွင်းပွက်နေသည့်ငါးများကိုလည်း ညအချိန်တွင်ခိုးဖမ်းမှုများလည်း ရှိနေသည်ဟုသိရပြန်သည်။ ရွာလမ်းတာလမ်းထက်တွင်တော့ ဖုန်တသောသောထနေပြီး တောင်ကုန်းတစ်နေရာတွင် တဲအိမ်လေးတစ်လုံးမှာ သစ်ပင်ရိပ်မရှိ နေပူထဲထီးထီး ဖြစ်နေရှာသည်။
တကယ်တမ်းလက်ရှိအစိုးရအနေဖြင့် ကျေးလက်ဒေသဖွံ့ဖြိုးရေးအတွက်ဆိုလျှင် မရှိမဖြစ်လိုအပ်သည့် သောက်သုံးရေရရှိနိုင်မှုအခင်းကျင်းတစ်ရပ်ကို မဖြစ်မနေလက်တွေ့အကောင်ထည်ဖော်ဆောင်ရွက်ရမည် ဖြစ်သည်။ ခေတ်မှီယန္တများအသုံးပြုလျှက် ကျေးရွာတိုင်းတွင်ရေတွင်းရေကန်များ တူးပေးရမည်။ ထိုမှတစ်ဆင့် သန့်ရှင်းသည့်သောက်သုံးရေဖြစ်အောင် ပြုလုပ်ပေးကာ ကျေးလက်ကျန်းမာရေးကဏ္ဍတိုးတက်အောင် ဆောင်ရွက်ပေးရပေမည်။ သို့မှသာကျေးလက်ဒေသဖွံ့ဖြိုးတိုးတက်မည်ဖြစ်သသည်။ သို့မဟုတ်ပါက ကြွေးကြော်သံဆောင်ပုဒ်အဖြစ်သာ ရှိနေပြီး ပြည်သူများဘ၀မှာ ဆင်းရဲနိမ့်ကျနေမြဲပင်ဖြစ်မည်ဖြစ်သည်။
မြို့ပြများတွင် သောက်ရေသန့်ဝယ်သောက်ရင်း၊ ရေဘဲခေါင်းဖွင့်ကာရေပူရေးအေးစပ်ချိန်နေချိန်တွင် ကျေးလက်ဒေသများက ရွှံဗွက်ရေတစ်ထမ်းရရှိဖို့ နွေနေပူထဲခေါက်တုံခေါက်ပြန်ထမ်းနေရရှာသည်။ တန်းတူအခွင့်ရေးဆိုသည် မှာ အိမ်မက်ပင်ဖြစ်နေမည်လားမသိ။
နွေနေပူထဲတွင် ရေလှည်းတစ်စီးမှာ လယ်ကွင်းထဲဖြေးလေးစွာမောင်းနှင်သွားလျှက်ရှိသည်။ တင်ဆောင်လာသည့် ရေမှာဂါလံ ၅၀ ဆံတိုင်ကီတစ်လုံးသာ။ ယင်းရေမှာမိသားစုတစ်စု အိမ်မွေးတိရစ္ဆာန်များအတွက် နေ့တစ်နေစာဖြစ်ကောင်းဖြစ်မည် နောက်ရက်တစ်ရက်တွက်တော့ မသေချာပါ။
ယင်းမြင်ကွင်းလေးကိုကြည့်ရင်း ညစ်ပတ်ပေရနေသည့် မျက်နှာ၊ ခြေလက်များကို ဆေးကြောသန့်စင်ရန် ရေတစ်ခွက်ခပ်ဖို့အရေးလက်တွန့်သွားမိသည်။ ဒေသခံများအဖို့ နွေကိုဖြတ်သန်းစရာများစွာကျန်ရှိ နေသေးသည်မဟုတ်လား။ ဖုန်များကြားကပင်လာလမ်းကို ပြန်လှည့်ခဲ့လိုက်သည်။ နွေတစ်ရာမကမဟုတ်ပါ။ တစ်နွေကိုသာကျော်လွန်ပါစေတော့။
ဝေလင်း(ပြည်)
တင်ဆက်...ပြည်သတင်းလူငယ်(ပြည်သတင်း)
09253311019