ပြည်ထောင်စုဝန်ကြီးလယ်ယာစိုက်ပျိုးရေးဝန်ကြီးဌာနသို့ ကြံတောင်သူများ၏ နစ်နာချက်များအား အချိန်မှီဖြေရှင်းဆောင်ရွက်ပေးနိုင်ပါရန် တင်ပြခြင်း
ကျွန်တော်တို့သည် ပဲခူးတိုင်းဒေသကြီး၊ ပြည်ခရိုင်၊ သဲကုန်းမြို့နယ်အတွင်းရှိ ကြံစိုက် တောင်သူဦးကြီး များဖြစ်ကြပါသည်။ အစကနဦးတွင် ကျွန်တော်တို့သည် လယ်ယာ စိုက်ပျိုးရေးလုပ်ကိုင်သည့် တောင်သူ လယ်သမားများဖြစ်ကြပြီး လယ်ယာလုပ်ငန်း၏ ၀င်ငွေနည်းပါးမှုကြောင့် ကြံလုပ်ငန်းကို ၁၉၈၀ ခုနှစ်ကတည်းက အခြေချစိုက်ပျိုး လုပ်ကိုင်သူများဖြစ်ကြပါသည်။ သို့ရာတွင် ၁၉၉၈ ခုနှစ်အရောက်တွင် နိုင်ငံတ်ာအစိုးရ၏ စီမံကိန်းတစ်ရပ်ဖြစ်သည် ကြံတောင်သူများအနေဖြင့် နိုင်ငံတော်အစိုးရသို့ ရောင်းချရေး စီမံချက်အရ ပြည်မြို့နယ်၊ မြရွာရှိ န၀ဒေးသကြားစက်သို့ ကျွန်တော်တို့မှ နှစ်စဉ်စိုက်ပျိုး ထုတ်လုပ်ရောင်းချခဲ့ပါသည်။ ၁၉၉၈ခုနှစ်က ကြံ(၁)တန် (၂၇၅၀)ကျပ် မှ ၂၀၀၃-ခုနှစ် တွင် ကြံ (၁)တန်လျှင် (၂၀၀၀၀ိ/-)ကျပ်သို့လည်းကောင်း၊ ၂၀၁၁-ခုနှစ်တွင် ကြံ (၁)တန် လျှင် (၃၀၀၀၀ိ/-)ကျပ်သို့လည်းကောင်း၊ လယ်ယာစိုက်ပျိုးရေးနှင့်ဆည်မြောင်းဝန်ကြီး ဌာနမှဈေးနှုန်းတိုးမြှင့် သတ်မှတ်ပေးခဲ့ပါသည်။
သို့ရာတွင် မနှစ်ကကြံရာသီဖြစ်သော ၂၀၁၃ ခုနှစ်အထိ ကြံရောင်းချရသည်မှာ အဆင်ပြေသော်လည်း ယခုနှစ် ၂၀၁၄ခုနှစ်၊ ကြံရာသီတွင် ကြံတောင်သူများအနေဖြင့် န၀ဒေးစက်ရုံ၊ ပြည်မြို့သို့ရောင်းချရာတွင် အောက်ပါအခက်အခဲများနှင့်နစ်နာမှုများကြုံ တွေ့နေရပါသည်။
(က) သဲကုန်းမြို့နယ်မှ ကြံသယ်ကားများသည် ပြည်မြို့နယ်ရှိ န၀ဒေးသကြား စက်သို့ သွားရောက်ကြံရောင်းချရာတွင် အနည်းဆုံး (၃-၄)ရက် ကားတစ်စီး တစ်ခေါက် သာရပါသည်။ ကြံကားတစ်စီးအတွက် တစ်လလျှင် ခုနှစ်ခေါက်၊ ရှစ်ခေါက်သာ ရရှိပါ သည်။ ထို့ကြောင့် ကြံတောင်သူများအနေဖြင့် ကြံခုတ်လုပ်သား၊ ကြံတင်လုပ်သားများ ငှားရမ်း၍ စောင့်ဆိုင်းလုပ်ကိုင်နေရသဖြင့် အလုပ်သမားစရိတ်၊ ကြီးမားစွာခံစားနေရခြင်း
ကြောင့် များစွာထိခိုက်နစ်နာလျှက်ရှိပါသည်။
(ခ) အထက်ပါကဲ့သို့ခေါက်ရေနည်းစွာရရှိသဖြင့် အငှားကားများ စီးပွားရေး တွက်ခြေ မကိုက်ဟု အကြောင်းပြကာ ကြံဆက်မတိုက်နိုင်ဘဲ ပြန်ထွက်သွားကြပါသည်။ ထို့ကြောင့် ကြံတောင်သူများအနေဖြင့် ရာဦအမှီကြံရောင်းချနိုင်ရေးအတွက် ကားတစ်စီး လပြတ်အဖြစ် တစ်လလျှင် (၁၀)သိန်း မှ (၁၅)သိန်းအထိပေး၍ ငှားရမ်းရသဖြင့် ထပ်မံ၍ ထိခိုက်နစ်နာရပြန်ပါသည်။
(ဂ) ကြံတောင်သူများအနေဖြင့် ယခုနှစ်ကြံရာသီကြံစတင်ရောင်းချသည့် ပထမ(၁၀)ရက်ခန့်အတွင်း (၁၀)တန်ပါကား (၁)စီးပေါ်တွင် စက်ရုံမှ (၁)တန်ခန့် အလေး ချိန်လျှော့၍ ကတ္တားချိန်သဖြင့် တောင်သူများတန်ပေါင်းများစွာ ဆုံးရှုံးနစ်နာခဲ့ရ ပါသည်။
၃။ အထက်ပါကိစ္စရပ်များနှင့်ပတ်သက်၍ စိစစ်လေ့လာရာတွင် ထိုင်းနိုင်ငံမှလာ ရောက်၍ အစိုးရနှင့်ဖက်စပ်ပြုလုပ်နေသော စူးတက်ကုမ္ပဏီမှ ထိုင်းလူမျိုး အမွန်လတ် နှင့် ယမန်နှစ်အစိုးရဝေစုအား အခြားပုဂ္ဂလိက ကုမ္ပဏီတစ်ခုသို့ရောင်းချလိုက်သည့် အခြေအနေပေါ်မူတည်၍ အပြောင်းအလဲများဖြစ်ပေါ်လာကာ ကြံတောင်သူများဘက်မှ ယခုကဲ့သို့ ထိခိုက်နစ်နာဆုံးရှုံးရသည်ကို လေ့လာတွေ့ရှိရပါသည်။ ယခင်က အစိုးရနှင့် ဖက်စပ်လုပ်ကိုင်နေစဉ်အတွင်း ပြေလည်မှုရှိခဲ့ပါသည်။ ထို ထိုင်းလူမျိုးနှင့်ကြီးကြပ်သူ များမှ ၄င်းတို့စက်ရုံပိုင်ကြံများကိုလည်းကောင်း၊ ၄င်းတို့နှင့်အကျိုးတူပူးပေါင်းဆောင် ရွက်နေသည့် ငွေရှင်၊ကြေးရှင် ကြံတောင်သူ (၅၀)ဦးခန့်၏ ကြံများကိုလည်းကောင်း၊ နေ့စဉ်ကားအစီး (၁၀၀)ဖြင့် ဦးစားပေးပြေးဆွဲနေခြင်းကြောင့်ဖြစ်ပါသည်။ ထိုကားများမှာ တစ်နေ့လျှင် (၁)ခေါက်ကျသတ်မှတ်ရက်ရရှိ၍ ကျွန်တော်တို့သဲကုန်းမြို့နယ်မှ ကြံတောင် သူများအတွက် (၄-၅)ရက်ကြာမှ ကြံ (၁)ခေါက်သာ ရရှိကြောင်း စိစစ်တွေ့ရှိရပါသည်။
၎။ သဲကုန်းမြို့နယ်မှ ကြံတောင်သူများအနေဖြင့် မူလကနဦး စက်ရုံလည်ပတ်နိုင်ရန် နိုင်ငံတော်စီမံကိန်းသီးနှံအတွက် အနစ်နာခံလုပ်ကိုင်ဆောင်ရွက်ခဲ့ရသော ကြံတောင်သူ များဖြစ်ပါသည်။ ၄င်းတို့အနေဖြင့် အခွင့်အရေးမရဘဲ ကြံဈေးကောင်း၍ လတ်တလော ၀င်ရောက်လုပ်ကိုင်လာသော ငွေရှင်၊ကြေးရှင်ကြံတောင်သူများကို ဦးစားပေးခြင်း စက်ရုံ ပိုင် ကြံခင်းများကို ဦးစားပေးခြင်းဖြင့် ကျွန်တော်တို့ကြံတောင်သူများမှာ များစွာနစ်နာ လျှက်ရှိပါသည်။ အမှန်တကယ်တွင်မူလကကားများစာချုပ်ချုပ်စဉ်က ကားအစီးရေ (၃၈၀)သာ ရှိခဲ့ပြီး ၄င်းကားအစီးရေ (၃၈၀)သာစွဲခဲ့လျှင် စက်ရုံ၏ကြံကြိတ်ဝါးနိုင်မှုအရ ကားတိုင်း (၂)ရက်လျှင် (၁)ခေါက်နှုန်းရရှိခဲ့ပါသည်။ ထို့ကြောင့် ကားတစ်ခေါက်လျှင် ရက်များစွာ ကြန့်ကြာခြင်းအားဖြင့် မူလကြံစိုက်တောင်သူများဖြစ်သော ကျွန်တော်တို့မှာ လုပ်သားအခက်အခဲ၊ ငွေကြေးအခက်အခဲစသော စရိတ်စကများ ကုန်ကျမှုများစွာဖြင့် ကြုံတွေ့နေရပါသောကြောင့် ၀န်ကြီးအနေဖြင့် အဖြစ်မှန်အခြေနေမှန်ကို လေ့လာစုံစမ်း ၍ တရားမျှတစွာ လုပ်ကိုင်ဆောင်ရွက်ပေးနိုင်ပါရန် ရိုသေလေးစားစွာ အစီရင်ခံတင်ပြ အပ်ပါသည်။
မှတ်ချက်။ ။ကြံစိုက်တောင်သူများ မှပေးပို့ထားပါသည်
ဖော်ပြသူ ပြည့်သဲမောင်(ပြည်) 09 4236 71883
0 comments:
Post a Comment