အညတရမှတ်တမ်း သရ၀ဏ်(ပြည်)

အညတရမှတ်တမ်း

သရ၀ဏ်(ပြည်)

( နိဒါန်း )
ကျွန်တော်သည် မည်သူ.ထက်မျှထူးခြားပြီးအရေးပါသူတစ်ယောက်မဟုတ် ။ စာတိုပေစရေးသားခြင်း ၊ ဧည်.လမ်းညွှန်လုပ်လုပ်ကိုင်ခြင်းတို.မှတပါးအခြားမည်သည်.အလုပ်ကိုမျှဟုတ်ဟုတ်ညားညားလုပ်ကိုင်တတ်သူတစ်ယောက်မဟုတ် ။တစ်နိုင်ငံလုံးအတိုင်းအတာအနေနှင်.ပြောရလျင် ကျွန်တော်သည် ၅၁ သန်းကျော်ပြည်သူထဲမှ သာမန်အညတရပြည်သူတစ်ယောက်ဖြစ်ပေသည် ။ ထို.ကြောင်.ကျွန်တော်.အကြောင်းကိုကျွန်တော်၊ ဘ၀အတ္ထုပ္ဖတ္တိ ကိုယ်တိုင်ရေးသောအခါ တိုင်းပြည်ခေါင်းဆောင်လဲမဟုတ် ၊ celebrity လဲမဟုတ် ၊ အားကစားအကျော်အမော်လဲမဟုတ် ၊နိုင်ငံရေးခေါင်းဆောင်လဲမဟုတ်သဖြင်. အညတရမှတ်တမ်းဟုသာ အမည်ပေးလိုက်ရပါသည် ။ ဤစာစုများကိုရေးသားရာတွင်ကျွန်တော်.၌ အကြောင်းပြချက်တစ်ခုသာရှိသည် ။၎င်းမှာမရေးရမနေနိုင်သောစာပေပိုးကတောင်းဆိုသဖြင်. ကျွန်တော်အသက်ရှင်ထင်ရှားဖြတ်သန်းခဲ.သောခေတ်ကာလတစ်ခုကိုနောက်လူတို.သိအောင်မှတ်တမ်းတင်ခဲ. ချင်သောစိတ်ဖြစ်သည် ။ ဤစိတ်သည်ဘယ်လိုဖြစ်ပေါ်လာသနည်းဟူမူ ကျွန်တော်သည် အလွန်စာဖတ်ဝါသနာပါသော လူတစ်ဦးဖြစ်သည်နှင်.အညီ စာအုပ်ပေါင်းထောင်သောင်းနှင်ချီ၍ ဖတ်ရှုခဲ.ပြီးသောအခါ နိုင်ငံကျော်စာရေးဆရာကြီးများ၏ ကိုယ်တိုင်ရေး ဘ၀မှတ်တမ်းစာအုပ်များမှာ ရင်ထဲတွင်မပျောက်မပျက်စွဲကျန်နေခဲ.လေသည် ။ ဥပမာအားဖြင်. ဆရာကြီးရွှေဥဒေါင်း၏ တစ်သက်တာမှတ်တမ်းနှင်.အတွေးအခေါ်များ ၊ ဆရာဇ၀နရေးသော ဇ၀န၏ဇ၀န ၊ ပီမိုးနှင်း၏ပီမိုးနှင်း ၊ တင်.တယ်၏တင်.တယ် ၊ ဆရာသော်တာဆွေ၏ ကျွန်တော်.ဘ၀ဇာတ်ကြောင်း ၊ ဒဂုန်ရွှေမျှား၏ဒဂုန်ရွှေမျှား ၊ ဦးနု၏ တာတေစနေသား ၊ မှော်ဘီဆရာသိန်းးကြီး၏အရူးလွယ်အိတ် ၊ တင်.ဆန်း၏ ငမိုးရိပ်မှငမိုးရိပ်သို.စသည်.စာအုပ်များဖြစ်သည် ။ ထိုသို.နှစ်သက်သော်လည်းကျွန်တော်သည်အထက်ပါဆရာများနှင်.ကိုယ်.ကိုကိုယ်တစ်တန်းတည်းထား၍ ဤစာစုကိုရေးခြင်းမဟုတ်ကြောင်းထပ်မံ ဖော်ပြပါရစေ ။ ကိုယ်.အကြောင်းကိုယ်ရေးရန်မည်သို.မည်ပုံ အတွေးရခဲ.သည်ကိုဖော်ပြလိုရင်းဖြစ်ပါသည် ။

မြန်မာပြည်၌ကိုယ်.အကြောင်းကိုယ်ရေးရသည်မှာ လွယ်သည်မဟုတ် ကိုယ်.အကြောင်းကိုယ်ရေးသည်နှင်. တနွယ်ငင်တစင်ပါဆိုသလို မိသားစုအကြောင်းကပါလာမည်ဖြစ်သည် ။ညီအစ်ကိုမောင်နှမများအကြောင်း ပါလာမည် ။သူတို.၏ခင်ပွန်းများ ဇနီးမယားများအကြောင်းပါလာမည် ။ သူတို.ကမွေးသော သားသမီးများအကြောင်းပါလာမည် ။ ထိုသူများအားလုံးသည် ဆရာသော်တာဆွေ၏ သားသမီး ဆွေမျိုးညီအစ်ကိုမောင်နှမများကဲ.သို.၊ ဦးနု၏ မိသားစုကဲ.သို. သဘောထားကြီးကြီးထားနိုင်သူများ ဖြစ်လျင်တော်ပေသေး၏ ။ အများအားဖြင်.လူတို.သည် သူတို.အကြောင်း ၊သူတို.ဖခင်အကြောင်း ၊ သူတို.မိခင်အကြောင်း ၊သူတို.ပါက်သက်ရာပါတ်သက်ကြောင်းအကြောင်း မှန်သော်လည်းသူတို.လက်မခံနိုင်သော အရေးအသားတစ်စုံတစ်ရာပေါ်ပေါက်လာပါက ဆတ်ဆတ်ထိမခံတုန်.ပြန်ရန်တွေ.ကြသောဓလေ.မှာ မြန်မာနိုင်ငံတွင်အလေ.အထလိုဖြစ်နေသည် ။ ထို.ကြောင်.စာရေးဆရာသည်လောကလူ.ဘောင်တွင် တွေ.ကြုံရတတ်သော လူ.စရိုက်သဘာဝမှတ်တမ်းကို အရင်းအတိုင်း အပိုအလိုမရှိဖွဲ.ဆိုရာ၌အခက်အခဲများရှိတတ်ပါသည် ။ မခံမရပ်နိုင်ဖွယ်ကိစ္စများကိုအတတ်နိုင်ဆုံးရှောင်ရှားရေးသားရသည်မှာအရှိန်နှင်.ပြေးနေသောမြင်း ဇက်ကြိုးကိုခနခန ဆွဲဆောင်.ရသည်နှင်.တူနေပေသည် ။

ကျွန်တော်.ဘ၀မှတ်တမ်းကိုရေးမည်ကြံသောအခါ အချို.လူများကဝေဖန်ကြသည်မှာ ကျွန်တော်သည်အသက် (၄၇ )နှစ်ပဲရှိသေးသဖြင်.အလွန်ငယ်ရွယ်သေးသောကြောင်. ဤလိုစာမျိုးကိုအသက် (၇၀)လောက်မှရေးဖို.ကောင်းကြောင်း ပြောကြပါသည် ။ သို.သော်အကြောင်းနှစ်ရပ်ဖြင်.သူတို.စကားကိုကျွန်တော်ပယ်ရှားပါသည် ။ပထမအကြောင်းမှာ လူ.လောက၌မည်သူ.တွင်မှ အသက် (၇၀)အထိနေရမည် ၊အသက်ရှည်လိမ်.မည်ဟု အာမခံချက်မရှိ၍ဖြစ်သည် ။ အသက် (၇၀ )ကျော်အောင်ပင်နေရစေဦး ထိုအခါ ရှိလာမည်.မှတ်ဥာဏ်များသည် ယခုအခါလောက်ကောင်းမွန်တော.မည်မဟုတ်ပါ ။ နောက်အကြောင်းအချက်မှာ ဆရာဒဂုန်တာရာသည် သူ၏အတ္ထုပ္ဖတ္တိဖြစ်သော ဒဂုန်တာရာ၏ဒဂုန်တာရာကိုရေးချိန်၌ ကျွန်တော်.အသက်လောက်ပင်ရှိပါသေးသည် ။ အသက်ကြီးခြင်း မကြီးခြင်းသည်အဓိကမဟုတ် အတွေ.အကြုံများခြင်းမများခြင်း ၊လောကကိုဆင်ခြင်နိုင်သောဥာဏ်ရှိခြင်း မရှိခြင်းတို.ကသာ အဓိကနေရာတွင်ရှိကြောင်းကျွန်တော်ယုံကြည်ပါသည် ။ ထို.ကြောင်.ဤမှတ်တမ်းကို အသက် (၄၇ )နှစ်တွင်ကျွန်တော်စရေးပါသည် ။မည်မျှကြာကြာ ရေးရမည်လဲကျွန်တော်မသိပါ ။အကယ်၍ ကျွန်တော်သည် ကျန်းမာရေးကောင်းကာအသက်ရှည်ခဲ.ပါမူ ၊ ဤစာအုပ်ကို အပြီးသတ်ရေးသားထုတ်ဝေနိုင်သည်အထိ ဆောင်ရွက်နိုင်ကောင်းရဲ.ဟုမျှော်လင်.ပါသည် ။နောင်အနှစ်တစ်ရာ တွင်ယခုအသက်ရှင်နေကြသော သူအားလုံး ကွယ်လွန်ကုန်ကြလောက်ပြီဖြစ်ရာ နောက်လာနောက်သားများအားကျွန်တော်.မှတ်တမ်းလေးက ကျွန်တော်တို.ခေတ်နှင်.ပါတ်သက်သောတစ်စုံတစ်ရာကိုပြန်ပြောင်းပြောပြနိုင်မည်ဆိုပါကကျွန်တော.ဘ၀ကိုမ ခြွင်းမချန်အပင်ပန်းခံရေးသားရကျိုးနပ်ပြီဟုဆိုနိုင်ပါသည် ။

သရ၀ဏ်(ပြည်)
၁.၉.၂၀၁၄

* * * * * * * * *
ကျွန်ုပ်၏မိဘဘိုးဘွားများ

ကျွန်တော်၏မိသားစုမှာ ဘိုးစဉ်ဘောင်ဆက်ကပင်အနုပညာသမားများဖြစ်သည် ။ နားရှုပ်မည်စိုးသဖြင်.အဘိုး ကိုလွန်၍ မဖော်ပြတော.ပါ ။ အဘိုး အဘွားများလက်ထက်မှသာစတင်ရေးသားပြပါမည် ။မြင်သာအောင်ဇယားချပြရလျင် ကျွန်တော်တို. မျိုးရိုးဇယားမှာအောက်ပါအတိုင်းဖြစ်ပါသည် ။

(ဦးဝိန် +ဒေါ်သိန်းခင်)........... ( ဦးမြမောင်+ဒေါ်စန်းကြည် )
V V
ဦးပါ (ခ)ဦးခင်ဇော် + ဒေါ်မြင်.မြင်.

(၁) မာလာဝေ
(၂) နီလာဆွေ
(၃) အောင်ကြည်စိုး
(၄) သီတာမေ
(၅) အောင်ရည်မိုး (အောင်အောင်)
(၆) အောင်ညီမျိုး (ညီညီ )
(၇) ကြည်ပြာနွေ

ဤမျိုးရိုးဇယားတွင် လက်ဝဲဘက်တွင်ဖော်ပြထားသည်မှာကျွန်တော်.အဖေ၏ မိဘနှစ်ပါးဖြစ်သည် ။ အဘိုးဖြစ်သူဦးဝိန်သည် အင်္ဂလိပ်စာတတ်တစ်ယောက်ဖြစ်သည် ။ ဓါတ်ပုံပညာကို ငယ်စဉ်မှပင်ဝါသနာပါသည် ။ သူတို.ညီအစ်ကိုသည် ပိုက်ဆံဥစ္စာအလွန်ကြွယ်ဝချမ်းသာသည် ။ သူ၏အစ်ကိုတစ်ယောက်သည် ငွေစာရင်းမင်းကြီးဖြစ်သည် ။ အင်းယားမြိုင်လမ်းထဲရှိ ငွေစားရင်းမင်းကြီးတရားရိပ်သာ (ခေါ်)အပြည်ပြည်ဆိုင်ရာဝိပသနာရိပ်သာ (International Meditation Centre ) မြေနေရာကွက်သည် ကျွန်တော်.အဘိုး၏အစ်ကိုက ဆရာကြီးဦးဘခင်အားလှူဒါန်းခဲ.ခြင်းဖြစ်သည် ။ ညီအစ်ကိုအားလုံး ရန်ကုန်မှာနေသော်လည်း အဘိုးသည် ပြည်မြို.သူဖြစ်သော အဘွားဒေါ်သိန်းခင်နှင်.အိမ်ထောင်ကျကာ ပြည်မြို.မှာပဲ နေသည် ။ သူ၏အစ်ကိုဖြစ်သူ ငွေစာရင်းမင်းကြီးက ပြည်တွင်အဘိုးအတွက်အိမ်တစ်လုံးဝယ်ပေးရာ လူသူရှုပ်ထွေးသော လမ်းမတော်လမ်းရှိနေအိမ်ကိုမနှစ်သက်ပဲ ယခုထက်တိုင်ကျွန်တော်တို.နေထိုင်ဆဲဖြစ်သည်. ပြည်မြို.ရွှေဆံတော်ဘုရား မြောက်ဘက်စောင်းတန်းနှင်.တည်.တည်.လမ်းမှအိမ်ကိုစိတ်ကြိုက်ရွေးချယ်ခဲ.သည် ။ ကျွန်တော်တို.မောင်နှစ်မခုနစ်ယောက်စလုံး ထိုအိမ်မှာပင်မွေးဖွားကြီးပြင်းခဲ.ပါသည် ။

အဘိုးသည် တစ်နေ.တွင်ကင်မရာကက်တလောက်တစ်ခုကိုကြည်.ပြီး ရန်ကုန်မြို. ရိုးကုမ္မဏီသို. စာရေးကာ ဓါတ်ပုံကင်မရာတစ်လုံးမှာလိုက်သည် ။မကြာမီစာတိုက်မှအဘိုးဆီသို. V.P.P ဖြင်. ကင်မရာတစ်လုံးရောက်ရှိလာရာ အင်္ဂလိပ်လိုရေးသားထားသော ကင်မရာလက်စွဲလမ်းညွှန်ကိုဖတ်ပြီး ဓါတ်ပုံစမ်းရိုက်ရာ ရက်အနည်းငယ်အတွင်းမှာပင်အတော်နားလည်တတ်ကျွမ်းသွားလေသည် ။နောက်ပိုင်းတွင်အဘိုးသည် ဓါတ်ပုံပစ္စည်းများကိုထပ်မံမှာယူလိုက်ကာ အိမ်တွင် ခေတ္တရာဓါတ်ပုံဆိုင်ဟူသော ဓါတ်ပုံစတူဒီယိုတစ်ခုကို ( လွတ်လပ်ရေးရပြီးစကာလက ရှားရှားပါးပါး) ပြည်မြို.တွင်ထူထောင်လိုက်လေသည် ။ထိုခေတ်ထိုအခါကပြည်မြို.သူမြို.သားများသည် အရေးပါသောအခမ်းအနားတစ်ခုခုရှိလျင် ခေတ္တရာဓါတ်ပုံတိုက်တွင် ဓါတ်ပုံမရိုက်လိုက်ရပါကခေတ်မမီဟုပင်ပြောစမှတ်ရှိခဲ.သည် ။အဘိုးဓါတ်ပုံဆိုင်လုပ်ငန်းသည်အလွန်တွင်ကျယ်အောင်မြင်ခဲ.၏ ။မည်မျှအောင်မြင်သနည်းဟူမူ ၊အဘိုးဓါတ်ပုံပညာ အလွန်ကောင်းသည်ကိုသိရှိသွားသော ရန်ကုန်မြို. ဗြိတိသျှဘားမား ရုပ်ရှင်ကုမ္မဏီမှ ဒါရိုက်တာဦးတုတ်ကြီးရိုက်ကူးသော မင်းသားခင်မောင်အေး ၊မင်းသမီးခင်ခင်ရီတို.ပါဝင်သရုပ်ဆောင်သည်. “ ကုတ္ထိယ” ဟူသည်.ဇာတ်ကားတွင် ကင်မရာမင်းအဖြစ်ခေါ်ယူရိုက်ကူးစေခဲ.သည် ။ထိုဇာတ်ကားတွင် ဓါတ်ပုံမောင်ဝိန်ဟုစာတန်းထိုးသည်ကိုမြန်မာ.ရုပ်မြင်သံကြားမှာ ကုတ္ထိယဇာတ်ကားပြန်ပြတော.ကျွန်တော်ကြည်.လိုက်ရပါသည် ။ သို.သော်အဘိုး သည်ရန်ကုန်တွင်မပျော်သဖြင်. ရုပ်ရှင်ဓါတ်ပုံလောကသို.မ၀င်ပဲ ပြည်မြို.သို.ပြန်လာကာ သူ၏ကိုယ်ပိုင်ဓါတ်ပုံဆိုင်လုပ်ငန်းကိုပဲဆက်လက်လုပ်ကိုင်ခဲ.ရာအတော်ပင်စီးပွားဖြစ်ခဲ.ပါသည် ။
( ဆက်ရန် )