ခမရ(၅)စစ်တပ်မှလယ်ယာမြေများဖျက်စီးကာသေနတ်ဖောက်ခြောက်လှန့်မှုများပြုလုပ်နေ ကြောင်းသိရ
ခမရ(၅)စစ်တပ်မှလယ်ယာမြေများဖျက်စီးကာသေနတ်ဖောက်ခြောက်လှန့်မှုများပြုလုပ်နေ
ကြောင်းသိရ
နတ်တလင်းမြို့နယ်ပဲမခန်းအုပ်စုကြတ်ကြီးကြိုးဝိုင်းအနီးတွင်လယ်ယာမြေထွန်ယက်စိုက်ပျိုးနေသောလယ်သများများအားခမရ(၅)စစ်တပ်မှလယ်ယာမြေများဖျက်စီးခြင်းသေနတ်ဖြင့်ပစ်ခတ်ခြောက်လှန့်ခြင်းများပြုလုပ်နေကြောင်းလယ်သမားများထံမှသိရသည်။
“သေနတ်သံပေးပြီးကျွန်တော်တို့လယ်သမားတွေဆီကတစ်ယောက်တစ်ဧက၊တစ်သံကြိုး၊တစ်ယောက်နှစ်သံကြိုးတောင်းတယ်။လယ်သမားတွေကလက်မခံဘူး။မပေးနိုင်ဘူး။ခင်ဗျားတို့
သတ်ချင်သတ်လိုက်။လယ်ကလုပ်ပြီးသွားပြီလို့ပြောလိုက်တယ်။သေနတ်သံနဲ့ခြိမ်းခြောက်တာခင်ဗျ”ဟုလယ်သမားကြီးဦးကျော်သောင်းမှပြောကြားခဲ့သည်။
ခမရ(၅)စစ်တပ်မှလုပ်ကိုင်စားသောက်ရန်လယ်ယာမြေ(၂၅)ဧကပြန်လည်တောင်းခံရာမှလယ်သမားများကမပေးသည့်အတွက်ယခုကဲ့သို့ပစ်ခတ်ခြောက်လှန့်ခြင်းဖြစ်ကြောင်း၎င်းမှပြောကြားခဲ့သည်။
ဇူလိုင်လ(၆)ရက်နေ့တွင်ဦးကျော်ဝင်း၊ဦးဝင်းကြိုင်တို့၏လယ်(၄)ဧကနှင့်ဦးတင်သောင်း၏လယ်တစ်ဧကခွဲအားဖျက်စီးခဲ့ပြီးဇူလိုင်လ(၇)ရက်နေ့တွင်ခမရ(၅)စစ်တပ်မှစစ်သား(၃၀)ကျော်မှသေနတ်ဖြင့်ပစ်ခတ်ခြောက်လှန့်ခဲ့သည်ဟုလယ်သမားကြီးဦးရင်ကြည်မှပြောကြားခဲ့သည်။
“ကျွန်တော့်ရဲ့လယ်တွေကိုလည်းဖျက်ဖို့လုပ်ပါတယ်။ဗိုလ်ကြီးတို့ပိုင်တယ်ဆိုရင်ဖျက်စရာမလိုပါဘူး။စိုက်ပြီးသားသာယူသွားပါ။သတင်းစာတွေလည်းကျွန်တော်ဖတ်ပါတယ်။စစ်ထောက်ချုပ်ကလယ်တွေကိုပြန်ပေးလိုက်ပြီဆိုတာသိပါတယ်။လို့အမျိုးသမီးနဲ့ပြောခိုင်းလိုက်တော့ပြန်သွားတယ်”ဟု၎င်းမှဆက်လက်ပြောကြားခဲ့သည်။
ဇွန်လ(၁၀)ရက်နေ့မှစ၍်လယ်ယာမြေပြန်လည်ရရှိရေးထွန်တုံးတိုက်ပွဲဆင်နွှဲနေရသဖြင့်နတ်တလင်းမြို့နယ်ရှိလယ်သမားများလူမှုဒုက္ခများနှင့်ရင်ဆိုင်နေရကြောင်းလယ်သမားကြီးဦးကြိုင်ဝင်းမှပြောကြားခဲ့သည်။
“ကျွန်တော်တို့လယ်သမားတွေစိတ်သောကရောက်နေရပါတယ်။မ၀ိုင်းဆိုရင်စစ်တပ်ကဓါတ်ပုံတွေဝိုင်းရိုက်၊အမျိုးမျိုးဟန့်တားခြောက်လှန့်တာတွေကြောင့်ကြောင်တောင်တောင်ဖြစ်နေပါပြီ။
ဦးကျော်ဝင်းဆိုရင်လယ်တွေမရှိတော့ဘူးလုပ်စားစရာမရှိတော့ဘူးဆိုပြီးကိုယ့်ကိုကိုယ်သေ
ကြောင်းကြံဖို့တောင်လုပ်သေးတယ်။”ဟု၎င်းမှဆက်လက်ပြောကြားခဲ့သည်။
ဇူလိုင်လ(၉)ရက်နေ့နေ့လည်(၁၁)နာရီတွင်လယ်သမားများမှအဆိုပါကိစ္စအားမြို့နယ်ရဲတပ်ဖွဲ့
မှူးရုံးသို့သွားရောက်တိုင်တန်းခဲ့သော်လည်းဌါနမှူးဆိုသူကရဲအရေးယူပိုင်ခွင့်မဟုတ်ကြောင်း
ပြော၍ရေးမှတ်ထားကြောင်းစခန်းသို့လိုက်ပါသူများထံမှသိရသည်။
၁၉၈၉ခုနှစ်တွင်လယ်သမား(၅၇)ဦးပိုင်လယ်(၁၂၈)ဧကအားခမရ(၅)စစ်တပ်နှင့်မြို့နယ်ရဲတပ်ဖွဲ့မှူးရုံးတို့မှသိမ်းယူခဲ့ရာမှယခုနှစ်ထိုလယ်ယာမြေလုပ်ပိုင်ခွင့်နှင့်ပတ်သတ်၍်ပရိပက္ခများဖြစ်ပွား
နေခြင်းဖြစ်ကြောင်းဒေသခံတောင်သူများ၏ှပြောကြားချက်အရသိရသည်။
0 comments:
Post a Comment