ဒီမိုကရေစီ ခေတ်ဖြစ်သော်လည်း၊ ပွင့်လင်းမြင်သာမှုတွေ လိုအပ်နေသေးသော ပြည်ခရိုင်
ပွင့်လင်းမြင်သာမှုနှင့်တရားဥပဒေစိုးမိုးရေး
မနက်ခင်းအလင်းရောင်ကကမ္ဘာမြေကြီးပေါ်သို့ကျရောက်လာပါပြီ။ပတ်ဝန်းကျင်တစ်ခုလုံးကျေးငှက်တို့၏သာယာသောအသံများကကျွန်ုပ်ကိုလှုတ်နှိုးစေခဲ့ပါပြီ။ပြတင်းတံခါးနားရောက်တော့အားလုံးကိုမြင်ရကြားရပြီဆိုတဲ့အသိနဲ့တံခါးပေါက်ကိုဖွင့်တလောကလုံးကိုမင်္ဂလာပါလို့နှုတ်ခွန်းဆက်လိုက်ပါသည်။ဒီမိုကရေစီဆိုတဲ့အလင်းရောင်အောက်မှာပွင့်လင်းမြင်သာမှုတွေနဲ့အရာ
အားလုံးသစ်လွင်လှပနေမယ်ဆိုတာကိုယုံကြည်နေမိပါသည်။
အဲဒီအချိန်တစ်လောကလုံးမှာတွေ့လိုက်ရတာကတော့အိပ်ပျော်နေတဲ့လူ၊အိပ်ချင်ယောင်
ဆောင်နေတဲ့လူ၊ဆွံ့အနားမကြားစကားမပြောတတ်တဲ့သူတွေဘဲဖြစ်ပါတယ်။ကျွန်တော်မြင်နေရတဲ့အလင်းရောင်နဲ့သာယာတဲ့သံစဉ်တွေအကြောင်းရှင်းပြပြောပြခဲ့ပါတယ်။ဒါတွေကတကယ်ရှိပါတယ်ဆိုတာသူတို့မြင်နိုင်ကြားနိုင်အောင်အမျိုးမျိုးရှင်းပြပြောပြခဲ့တယ်။သူတို့မကြားခဲ့ကြ
ဘူး။သူတို့မမြင်ခဲ့ကြဘူး။သူတို့ပြန်မပြောနိုင်ခဲ့ကြဘူး။............
အဲဒီမှာမြင်ခဲ့ရတဲ့မနက်ခင်းအလင်းရောင်ကွယ်ပျောက်ခဲ့ပြီးကမ္ဘာကြီးကမှောင်တစ်
ဝက်လင်းတစ်ဝက်နှင့်နေရာတိုင်းမှာရှိတဲ့မတူညီတဲ့အလင်းရောင်တွေနဲ့အတူလူတိုင်းကိုယ်စီ
ကိုယ်ငှအလုပ်ခွင်ဝင်နေကြပါတယ်။အလင်းရောင်ကမ္ဘာမြေကြီးကိုလူသားဆိုတဲ့အရိပ်မည်းကြီးတွေကျရောက်ခဲ့ကြလို့နေမ၀င်ခင်မှာဘဲလောကကြီးတစ်ခုလုံးမှောင်သွားခဲ့ပါတယ်။ဘာမှမမြင်ရတော့ဘူးဆိုတဲ့စကားလုံးကိုနှုတ်ဖျားကထွက်လာအောင်ပြောဖို့ကျွန်တော့်လယ်ချောင်းတွေအက်ကွဲခဲ့ရပြီ။ကျွန်တော်ကိုယ်တိုင်ဆွံ့အနားမကြားဘ၀ရောက်ခဲ့ပြီလေ။
ဒီမိုကရေစီစနစ်ရဲ့အလင်းရောင်ပွင့်လင်းမြင်သာမှုအကျိုးကျေးဇူးကိုခံစားနေရပါပြီဆိုတာ
ပြောနိုင်မဲ့လူဘယ်သူများရှိဦးမှာလဲ။လက်တွေ့ပြစရာတစ်ခုဆိုလို့လခကောင်းကောင်းယူထားတဲ့မျက်မမြင်နားမကြားလွှတ်တော်အမတ်တစ်ချို့၊စစ်တပ်ကဗိုလ်ကြီးယူနီဖောင်းချွှတ်ထားတဲ့
မြို့နယ်ကမဟုတ်တဲ့မြို့နယ်အုပ်ချုပ်ရေးမှူး၊မနက်(၁၁)နာရီမှရုံးထိုင်အမှုတိုင်းနိုင်
နေတဲ့တရားသူကြီး၊ပိုက်ဆံအနည်းအများပေါ်မူတည်ပြီးအမှုကိုလိုသလိုဖွင့်တတ်တဲ့အကူအညီပေးတတ်တဲ့ရဲဝန်ထမ်းများ၊သမ္မတကြီးရဲ့စေတနာနဲ့CDMAဖုန်းသုံးလုံးပေါက်ခဲ့တဲ့ရပ်ကွက်
အုပ်ချုပ်ရေးမှူးအားလုံးကတော့လက်ရှိအခြေအနေကိုယုံကြည်လက်ခံပါတယ်လို့ပြောကြမှာအသေအချာပါဘဲ။
အဲဒီလိုရေးလို့စိတ်မဆိုးကြနဲ့ဦးနော်။ဒီမိုကရေစီစနစ်မှာပြောရေးဆိုခွင့်ပွင့်လင်းမြင်သာမှုမရှိဘဲတရားဥပဒေစိုးမိုးရေးဖြစ်လာမှာမဟုတ်ဘူး။အထက်ကပြောတဲ့အထက်လူကြီးတွေကိုကြောက်
ပြီးသိတော့သိတယ်။ပြန်မပြောရဲလို့မကြားချင်ယောင်ဆောင်ပြီးအိပ်နေလိုက်မယ်ဆိုရင်လူကြီးမင်းတို့လိုချင်နေတဲ့တရားဥပဒေစိုးမိုးရေးကိုဒေါ်အောင်ဆန်းစုကြည်အစအိုဗားမားအဆုံး
သီကြားမင်းဆင်းကယ်တောင်ရမှာမဟုတ်ပါဘူး။..............
လွတ်လပ်စွာပြောရေးဆိုခွင့်ရှိမှပွင့်လင်းမြင်သာမှုရှိပြီှးတရားဥပဒေစိုးမိုးရေးဖြစ်မယ်။တရားဥပဒေစိုးမိုးရေးဖြစ်မှတန်းတူအခွင့်အရေးရရှိမှဒီမိုကရေစီစနစ်ထွန်းကားမယ်။အဲဒီကမှတစ်ဆင့်
တိုင်းပြည်ဖွံ့ဖြိုးတိုးတက်မယ်ဆိုတာ၂၀၀၈ဖွဲ့စည်းပုံအခြေခံဥပဒေကိုမဲခွဲတာမခွဲတာထက်ပိုပြီးအလေးထားသင့်ပါတယ်။
ပြည်မြို့မှတရားရုံးအကြောင်း
ကျွန်တော်ကပြည်မြို့ကဆိုတော့ပြည်မြို့ကတရားရုံးတွေအကြောင်းကစပြောမယ်။ပြည်မြို့မှာ
တရားရုံးကအာမခံပေးနိုင်တဲ့အမှုကိုရုံးအာမခံယူဖို့ငွေတစ်သိန်းခွဲအနည်းဆုံးကုန်တယ်။
ဒီငွေတွေဘယ်သူ့ကိုပေးရတာလဲသိချင်မှာပါဘဲလေ။ခွဲတန်းအရသိထားတာကဥပဒေအရာရှိ
တရားသူကြီး၊ဥပဒေအကြံပေး၊တရားရုံးစာရေး၊မှုစစ်ဒုရဲအုပ်သို့(စခန်းမှတာဝန်ရှိသူ)၊အားလုံးသူ့ခွဲတန်းနဲ့သူပါ။ပေးနိုင်တဲ့သူကတော့တန်းပြီးအာမခံရမယ်။မပေးနိုင်လို့ကတော့ကားပြာကြီးသာစီးလိုက်ပေတော့။အနည်းဆုံးတစ်ပတ်လောက်တွင်းအောင်းလိုက်ပါ။.........
ပြည်မြို့တရားရုံးကိုကျွန်တော်မောင်ရေခဲကဒီလိုပြောလိုက်တယ်ဗျာ။အမှုစတင်စစ်ဆေးချိန်
(၁၁)နာရီဖြစ်ပါတယ်။တရားရုံးအာမခံယူရန်ကုန်ကျငွေတစ်သိန်းခွဲမှဆယ့်ငါးသိန်း၊လင်မယား
ရန်ဖြစ်ကြေအေးလိုပါကငါးသောင်း၊လုပ်ကြံသက်သေငါးသောင်း(လိုအပ်လျှင်ရယကသက်
သေ)လိုက်သည်။အာမခံမည့်သူငှားလိုပါကငါးထောင်မှသုံးသောင်းဖြစ်ပါတယ်။လိုအပ်ချက်များရှိနေပါသဖြင့်အမိန့်ချခါနီးသုံးကြိမ်ပြန်လည်ချိန်းဆိုပေးပါသည်။ငွေဗျ.....ငွေ
တရားရေးအရာရှိတွေကိုဒီလိုပြောလို့စိတ်မဆိုးကြနဲ့ဦး။ကျွန်တော်မောင်ရေခဲကတရားရုံးကို
ဒီကိစ္စနဲ့ပတ်သတ်ပြီးနေ့တိုင်းရောက်နေလို့ကိုယ်တိုင်လည်းခံခဲ့ရလို့သိနေတာပါဗျာ။
အမှုကိုလိုသလိုဖွင့်တဲ့ရဲတပ်ဖွဲ့
တရားရုံးအကြောင်းအရင်ပြောတော့ပြည်သူ့ရဲတွေဘက်ကစိတ်ဆိုးနေဦးမယ်။ရွှေတံခါးကကျွန်တော့်အသိတစ်ယောက်အိမ်ခဲပေါက်ခံရလို့ရပ်ကွက်ထဲကသက်သေခြောက်ယောက်နဲ့အမှတ်
(၃)ရဲစခန်းမှာအမှုသွားဖွင့်တယ်။ရဲကအမှုဖွင့်ပေးမယ်ဆိုပြီးဖွင့်မပေးပါဘူး။အထက်လူကြီးကို
တိုင်လိုက်တော့တရားရုံးဦးတိုက်လျှောက်ပေးတယ်။တရားရုံးမှာရင်ဆိုင်တော့ခဲပေါက်မှုကနေဆဲမှုဖြစ်နေတယ်။တရားသူကြီးကရဲကိုပြန်စစ်ခိုင်းတယ်။ရဲကဆဲမှုဘဲထပ်တင်ပေးတယ်။တရားရုံးကဒဏ်ငွေနှစ်ရာအမိန့်ချမှတ်လိုက်တယ်။
အဲဒီမှာကျွန်တော်တိုင်ပြီဗျာရဲချုပ်၊ပြည်ထဲရေးဝန်ကြီး၊တရားလွှတ်တော်ချုပ်၊ပဲခူးတိုင်းဝန်ကြီး
ချုပ်ဖုန်းနဲ့ကောစာနဲ့ကော။လာစစ်ပါတယ်။ပထမအမှတ်(၃)စခန်းမှူးကသူ့စခန်းမှာစစ်မယ်ဆိုပြီးဖုန်းဆက်တယ်။သူ့ကိုတိုင်တာသူကစစ်မယ်ဆိုတော့အစစ်မခံနိုင်ဘူးလို့ပြောလိုက်တယ်။
နောက်တော့မြို့နယ်ရဲတပ်ဖွဲ့မှူးရုံးမှာစစ်တယ်။ဒီအတိုင်းပါဘဲဗျာ။ဘာမှအရေးမယူပါဘူး။အခုအချိန်အထိကိုရွှေရဲသားကြီးတွေကျန်းမာချမ်းသာလျှက်ပါဘဲ။နားတော့မလည်ပါဘူးဗျာ။ပန်းခြင်းလို့တော့ပြောတာပါဘဲ။
နည်းစနစ်အသစ်တစ်ခုတည်ထွင်ခြင်း
လူ့လောကသဘာဝအရပုဒ်မ(၁၀၀၀)ရှိတဲ့ဥပဒေစာအုပ်ကြီးနဲ့လွတ်ကင်းတဲ့သူတစ်ယောက်မှရှိမှာမဟုတ်တာအသေအချာပါဘဲ။ရဲကခဏဆိုရင်တော့အနည်းဆုံးတစ်လလို့သာမှတ်လိုက်ပေတော့ဗျာ။အခုတစ်လောအုပ်ချုပ်ရေးပိုင်းနဲ့ပြည်သူ့ရဲတပ်ဖွဲ့တွေပူပေါင်းပြီးနည်းပညာအသစ်တစ်ခုကိုဖန်တီးလိုက်ပါတယ်။ဖမ်းဆီး၊စစ်ဆေး၊ပုဒ်မတပ်ဆိုတဲ့နည်းစနစ်ကိုကျွန်တော်တို့ပဲခူးတိုင်းအ
နောက်ခြမ်းပြည်ခရိုင်၊သာယာဝတီခရိုင်မှာပထမဦးဆုံးစမ်းသပ်နေပါပြီ။
ရရှိတဲ့အကျိုးကျေးဇူးတွေကတော့အုပ်ချုပ်ရေးအရာရှိများမှအပြစ်ရှိသူကိုဖြစ်စေအပြစ်မရှိသူကို
ဖြစ်စေလွတ်လပ်စွာဖမ်းချုပ်ခွင့်နှင့်လွတ်လပ်စွာအချိန်ယူစစ်မေးခွင့်ရှိသည်။မှတ်ချက်။ ။မည်သည့်အချိန်မည်သည့်နေရာမည်သည့်အကြောင်းအရင်းကြောင့်ဖြစ်စေမည်သည့်ဥပဒေကိုမည်သို့ပင်ဖြစ်စေအသုံးပြုနိုင်သည်ဟုပါရှိပါသည်။
တပ်နယ်မြေကျူးကျော်မှုအားစစ်တပ်မှခြောက်ရက်ကြာစစ်ဆေး
လက်တွေ့သုံးစွဲမှုအနေဖြင့်ကျောက်ပန်းတောင်းရဲစခန်းမှကိုတင်မိုးဇော်အားဖမ်းဆီး၍စရဖ
တောင်ပေါ်တွင်ခြောက်ရက်ကြာစစ်ဆေးပြီးနောက်ပြည်မြို့နယ်တရားရုံးသို့ဒုတိယဗိုလ်မှူးကြီး
ကျော်စွာမောင်တရားလိုပြုလုပ်၍တပ်နယ်မြေကျူးကျော်မှုဖြင့်စွဲချက်တင်ခဲ့ပါသည်။ထိုသို့
အရပ်သားတစ်ဦးအားစစ်တပ်မှတရားမ၀င်ဖမ်းဆီးခဲ့ခြင်းကို“အခုအချိန်အထိငါတို့စခန်းမှာအမှုသာလာဖွင့်သွားတယ်ကောင်လေးကိုမြင်တောင်မမြင်ဘူးသေးပါဘူး။ငါတို့ဖမ်းတာလည်းမ
ဟုတ်လို့ကောင်လေးရဲ့ချုပ်ရက်သက်သာခွင့်ကိုဆောင်ရွက်ပေးလို့မရပါဘူး။အာမခံလည်းလုပ်
ပေးလို့မရပါဘူး။”မြို့မစခန်းမှတာဝန်ရှိသူမှပြောကြားခဲ့တဲ့စကားပါ။“ကျွန်တော့်ကိုတောင်ပေါ်ကိုဖမ်းခေါ်သွားတယ်။အိပ်တာတောင်လက်ထိပ်ကြီးနဲ့အိပ်ရတယ်။မိသားစုနဲ့လည်းတွေ့ခွင့်မရခဲ့
ဘူး။တောင်ပေါ်မှာစစ်တာနဲ့အခုအမှုဖွင့်ထားတာလွဲနေတယ်။အပြစ်ဘူးဆိုပြီးပြန်လွှတ်လိုက်ပြီး
မှတရားရုံရင်ဆိုင်နေရတယ်”ဖမ်းဆီးခံရဲ့ပြောကြားချက်ပါ။
နတ်တလင်းမြို့နယ်ရဲတပ်ဖွဲ့မှခေါ်ယူညှိနှိုင်းဖမ်းဆီးမှု
နတ်တလင်းမြို့နယ်ပဲမခန်းအုပ်စုကြတ်ကြီးကြိုးဝိုင်းအနီးမှလယ်မြေတွေမှာလယ်ယာမြေထွန်
ရေးပြပွဲပြုလုပ်ခဲ့တယ်။ခမရ(၅)စစ်တပ်နဲ့မြို့နယ်ရဲတပ်ဖွဲ့ကသိမ်းထားတဲ့လယ်၁၂၈ဧကပေါ်မှာ
ဝင်ရောက်ထွန်ယက်တာပါ။အနယ်နယ်အရပ်ရပ်ကလူမှုအကျိုးဆောင်အဖွဲ့တွေလယ်သမားအ
ရေးတက်ကြွလှုတ်ရှားသူတွေလာရောက်ကြည့်ရှုကြတယ်။နောက်တစ်နေ့မှာနတ်တလင်း
မြို့နယ်ရဲစခန်းကလာရောက်တဲ့ကြည့်ရှုတဲ့သူတွေကိုခေါ်ယူညှိနှိုင်းမှုလုပ်အပြီးအသင်းအဖွဲ့
ဥပဒေပုဒ်မနဲ့လာရောက်တဲ့သူသုံးဦးကိုဖမ်းလိုက်ပါတယ်။မိထ္ထီလာကဒေါ်မြင့်မြင့်အေး၊ဒေါ်မိမိ
ခိုင်နဲ့ကိုသန့်စင်ထက်တို့သုံးဦးကိုပြည်သူ့အကျိုးဆောင်ကွန်ယက်ဖွဲ့စည်းတဲ့အတွက်ဖမ်းလိုက်ပါတယ်။ဖမ်းဆီးခံရသူဒေါ်မြင့်မြင့်အေးမှ“ကျွန်မတို့ကိုခေါ်ယူညှိနှိုင်းရန်ဆိုတဲ့အကြောင်းပြချက်နဲ့နတ်တလင်းရဲစခန်းကခေါ်တာပါ။ဟိုရောက်တော့မှအခုလိုအသင်းအဖွဲ့ဖွဲ့တယ်ဆိုပြီးသက်သက်မဲ့လီဆယ်ပြီးဖမ်းတယ်။မိထ္ထီလာမှာပြည်သူ့အကျိုးဆောင်အဖွဲ့အနေနဲ့လူမှုရေးလုပ်ငန်းလုပ်လာတာကြာပြီတစ်ခါမှအဖမ်းမခံခဲ့ရဘူး။အခုတော့တောင်သူတွေထွန်တုံးတိုက်တဲ့ပွဲကျမှမတရားတဲ့
ပုဒ်မနဲ့လာဖမ်းတယ်။”ဟုပြောကြားခဲ့သည်။
ပြည်သူမှရွေးချယ်ခဲ့သည့်ရပ်ကွက်အုပ်ချုပ်ရေးမှူးများ
ရပ်ကွက်အုပ်ချုပ်ရေးမှူးတွေအကြောင်းကပြောစရာတောင်မလိုတော့ပါဘူးဗျာ။အားလုံးလည်းသိပြီးဖြစ်မှာပါ။ရွေးချယ်ပွဲတွေလုပ်လို့ပြည်သူကတစ်ကယ်အားကိုးရမယ့်လူကိုအဖေခေါ်လို့ရပြီမှတ်တာအခုတော့လည်းဒီပထွေးပါဘဲ။မြို့နယ်အုပ်ချုပ်ရေးမှူးကတပည့်ရေလုပ်ချင်တာလုပ်
တော့ဆိုပြီးမဲစာအုပ်တွေကိုအုပ်ချုပ်ရေးမှူးဟောင်းတွေလက်ထဲထည့်ပေးခဲ့တာ။ဆယ်အိမ်မှူးကနေဆယ်အိမ်စုကိုယ်စားလှယ်ဖြစ်သူ့လူသူမဲပြန်ပေးခဲ့ကြတာပါ။အကျိုးအမြတ်ကအခုကာလတန်ကြေးခြောက်သောင်းပေါက်နေတဲ့CDMAဖုန်းကတ်သုံးကတ်ဆိုတော့သေချာတယ်ဗျာ
နောက်ထပ်ငါးကြိမ်ပြန်ရွေးလည်းဒီပထွေးပါဘဲ................
ကျွန်တော်ပြောတာတွေမယုံလို့ပွင့်လင်းမြင်သာမှုတွေရှိပါတယ်။တရားဥပဒေစိုးမိုးရေးရှိပါတယ်လို့ပြောချင်ရင်သာမန်အရပ်သားတစ်ယောက်အနေနဲ့ကျုပ်နဲ့လိုက်ခဲ့ဗျာ။လက်တွေ့ပြမယ်။ကူညီပါရစေဆိုပြီးဆိုင်းဘုတ်တပ်ထားတဲ့ပြည်သူ့ရဲစခန်း၊အများမြင်သာတယ်ဆိုတဲ့တရားရုံး၊တံခါး
အမြဲပိတ်ထားတဲ့ရပ်ကွက်ရုံးတွေမှာပြန်လည်ဖြေကြားပေးတဲ့လူတွေကဘယ်သူတွေလဲ။
ပြောရေးဆိုခွင့်ရှိသူကိုဘယ်နေရာမှာသွားထားသလဲ။
ပုဂ္ဂလိကလုပ်ငန်းတွေမှာလိုဝင်လာတဲ့လူကို“မင်္ဂလာပါအစ်ကိုဘာအလိုရှိပါသလဲဘာအကူအညီပေးရမလဲပြောပါ။”ဆိုတဲ့စကားမျိုးပြောခဲ့သလား။တကယ်ကောကူညီခဲ့သလား။အဲဒီလိုမ
လုပ်ခဲ့လို့ပွင့်လင်းမြင်သာမှုမရှိခဲ့လို့နိုင်ငံပိုင်စီးပွားရေးလုပ်ငန်းတွေနှစ်စဉ်အရှုံးပေါ်နေတာ
တောင်နောင်တမရကြသေးဘူးလား။
တိုင်ချင်တာတိုင်၊ရေးချင်တာရေး၊ဘာမှလာမမေးနဲ့ဆိုတဲ့အုပ်ချုပ်ရေးတရားစီရင်ရေးနဲ့ဆိုင်တဲ့
ဌါနတွေကျွန်တော်တို့ပြည်မြို့မှာတင်မကဘူး။မြန်မာတစ်နိုင်ငံလုံးမှာရှိနေမှာအားလုံးသိပြီးဖြစ်မှာပါ။တရားသူကြီးတစ်ယောက်ရဲ့တစ်နှစ်ပတ်လုံးကမမှန်ကန်တဲ့လုပ်ရပ်တွေကိုအချိန်နှစ်နာရီ
လောက်စစ်လိုက်ရုံနဲ့အရေးယူဆောင်ရွက်မှုမပြုလုပ်နိုင်သလိုဘယ်သောအခါမှလည်းအရေးယူဆောင်ရွက်ခြင်းမရှိတာအားလုံးအသိပါ။ကျွန်တော်ကိုယ်တိုင်ပဲခူးတိုင်းတရားလွှတ်တော်ချုပ်ကိုဖက်နဲ့ကောစာနဲ့ကောအကြိမ်ကြိမ်တိုင်ခဲ့ဖူးသလိုလာရောက်စစ်ဆေးဖို့မပြောနဲ့အကြောင်းပြန်
ကြားခြင်းတောင်မပြုလုပ်ခဲ့တာဝမ်းနည်းစရာပါဘဲ။
နိဂုံးချုပ်အနေနဲ့အစိုးရ၀န်ထမ်းအရာရှိကြီးတွေကိုပြောချင်တာကတော့ခင်ဗျားတို့တွေပြည်သူကဆင်ပေးထားတဲ့ယူနီဖောင်းနဲ့ပြည်သူကပေးထားတဲ့လခကိုယူပြီးပြည်သူကခိုင်းတဲ့အလုပ်ကို
လုပ်နေကြတာပါ။ပြည်သူကမေးလာပြောလာတောင်းဆိုလာသမျှကိုမှန်မှန်ကန်ကန်
ဆောင်ရွက်ပေးစေချင်တယ်။ပြည်သူကလိုအပ်လို့ခိုင်းထားတဲ့လူတစ်ယောက်ကငါအရာရှိကွဆိုပြီးမောက်မောက်မာမာစကားပြန်မပြောတာတွေရှိနေဦးမယ်ဆိုရင်ရေခဲဆိုတဲ့ကျွန်တော်က
ဒီတစ်ခါမတိုင်တော့ဘူးဗျာ။တပ်ချင်တဲ့ပုဒ်မတပ်လူကြားထဲယူနီဖောင်းဆွဲချွတ်ပစ်မှာ.........အမည်မဖော်လိုသူသတင်းသမားတဦး.....
0 comments:
Post a Comment