ကမ္ဘာ့ကလေးများနေ့ အထိမ်းမှတ်အဖြစ် ကလေးများကိုယ်တိုင်ပါဝင်သော ငြိမ်းချမ်းရေးပွဲ ပြည်မြို့တွင်ပြုလုပ်

သီဟလွင် (မြစ်မခ)
ပြည်၊ ဒီဇင်ဘာ(၁)ရက်။
ပဲခူးတိုင်းအနောက်ပိုင်း ပြည်မြို့တွင် ကမ္ဘာ့အကလေးများနေ့အထိမ်းအမှတ်အဖြစ် ကလေးများ ကိုယ်တိုင် ပါဝင်သော ငြိမ်းချမ်းပွဲအား ပြည်မြို့အမှတ်(၅)အခြေခံပညာအထက်တန်းကျောင်းအတွင်း ဒီဇင်ဘာ (၁)ရက်နေ့တွင် ပြုလုပ်ခဲ့ကြောင်း သိရှိရသည်။   
နိုင်ငံတော်ဖွံ့ဖြိုးတိုးတက်ရန် ကလေးများထံ ရင်းနှီးမြုပ်နှံဟူသောခေါင်းစဉ်ဖြင့် ငြိမ်းချမ်းမေတ္တာ(ပြည်)အဖွဲ့မှ စီစဉ်ကျင်းပခဲ့ခြင်းဖြစ်ပြီး ငြိမ်းချမ်းရေးအကြောင်းအရာများနှင့် ဘာသာပေါင်းစုံ အတူတကွငြိမ်းချမ်းစွာ နေထိုင်ရေးတို့အတွက် ရည်ရွယ်ပြုလုပ်ရခြင်းဖြစ်ကြောင်း ပွဲကျင်းပပြုလုပ်သူတို့က ဆိုသည်။
“ငြိမ်းချမ်းရေးမရှိရင်ဘာမှလုပ်လို့မရဘူး။ ငြိမ်းချမ်းရေးဟာအဓိကကျပါတယ်။ ကျွန်တော်တို့ နိုင်ငံဟာ လက်တွေ့ ပဲ နံပတ်တစ်ရယူရမှာ ငြိမ်းချမ်းရေးဖြစ်တယ်။ ကလေးတွေဟာ ငြိမ်းချမ်းရေးကို ဖော်ဆောင်နိုင်တဲ့ တစ်ကယ့် အနှစ်တွေပဲဖြစ်ပါတယ်။ လက်တွေ့ဖော်ဆောင်မယ့် ဆဲလ်တွေဖြစ်တယ်။ အဲဒီအတွက် ဒီဆဲလ်တွေကိုအချိန်မှီ
ငြိမ်းချမ်းရေးမျိုးစေ့ချပေးဖို့လိုလာပြီဆိုတာကို သိတဲ့အခါမှာ ကျွန်တော်တို့က ကလေးတွေ လက်ထက်မှာ သူတို့  နှလုံးသားထဲမှာ ငြိမ်းချမ်းရေးကို ဖော်ဆောင်နိုင်တဲ့ သူတို့ရဲ့စိတ်ဓာတ်က ရှိနေမှဖြစ်မယ်။ အဲ့တာကြောင့် ကျွန်တော်တို့က လိုအပ်တယ် အရေးကြီးတယ်ဆိုပြီးလုပ်ရခြင်းဖြစ်ပါတယ်။”ဟု အဆိုပါ ပွဲတွင် ပါဝင် ဖျော်ဖြေခဲ့သူ အဆိုတော် စောဖိုးခွားက ပြောသည်။
ကျောင်းတွင်းရှိ ကျောင်းသား၊ ကျောင်းသူ ကလေးများ ကိုယ်တိုင်ပါဝင်ခဲ့ပြီး ပြေးခုန်ပစ် အားကစားများ၊ ပျော်ပွဲ ရွှင်ပွဲများ၊ ငြိမ်းချမ်းရေးတေးသရုပ်ဖော်များ၊ တေးသီချင်း သီဆိုဖျော်ဖြေမှုများ ပြုလုပ်ခဲ့ကြောင်း သိရသည်။