Thursday, April 28, 2016

သောက်သုံးရေအခက်ခဲဖြစ်ပေါ်နေသည့် ပြည်မြို့နယ်အနီးနားကကျေးရွာတွင် မီးသတ်ရံဘော်များသောက်သုံးရေလှူဒါန်း

Leave a Comment


သောက်သုံးရေအခက်ခဲဖြစ်ပေါ်နေသည့် ပြည်မြို့နယ်အနီးနားကကျေးရွာတွင် မီးသတ်ရံဘော်များသောက်သုံးရေလှူဒါန်း
ပြည်၊ဧပြီ၊၂၇
ပဲခူးတိုင်းဒေသကြီး၊ပြည်ခရိုင်၊ပြည်မြို့နယ်အနီးဝန်းကျင်ရှိ ကျေးရွာတစ်ချို့တွင် သောက်သုံးရေအခက်ခဲများဖြစ်ပေါ်နေမှုကြောင့် ပြည်မြို့အတွင်းရှိ တပ်စု(၅)ဆံတော် နှင့် တပ်စု(၄)ဆေးရေး အရန် မီးသတ်ယာဉ် နှစ်စီးမှ မထသ-လူကြီးများ နှင့် တပ်ဖွဲ့ဝင် မီးသတ်ရဲဘော်များစုပေါင်း၍ ဧပြီ-၂၇ ရက်နေ့ နံနက်မှာ သောက်သုံးရေ လှူဒါန်းမှုများသွားရောက်ပြုလုပ်ခဲ့ကြောင်းသိရသည်။
အဆိုပါ ပြည်မြို့နယ်အတွင်းရှိ န၀ဒေးအုပ်စု၊အောင်မြေကျေးရွာတွင် နှစ်စဉ် သောက်သုံးရေရှားပါးမှုပြသနာကြုံတွေ့နေခဲ့ရပြီး ယခုနှစ်တွင် ယခင်နှစ်များထက် ပိုမို၍ သောက်သုံးရေရှားပါးမှုပြဿနာကြုံတွေ့နေရကြောင်းဒေသခံများထံမှသိရသည်။
“သောက်သုံးရေ ရှားပါးနေတာနှစ်စဉ်ဖြစ်ပေါ်နေတာ။အခုနှစ်ကပိုဆိုးတယ်။ရွာမှာ ရေတွင်းက နှစ်တွင်းရှိတယ် ဆိုပေမယ့် တစ်ချို့နေအိမ်တွေမှာ စက်ရေတွင်းတွေလည်းရှိတယ်။ ရေကမထွက်တော့ဘူး။ ရွာမှာရှိတဲ့ ရေတွင်းကြီး နှစ်တွင်းကလည်း ထွက်တဲ့ရေက တစ်ထွာတစ်မိုက်လောက်နဲ့ဆိုတော့ တစ်ရွာလုံးတန်းစီပြီးရေခပ်နေရတယ်။ကျွဲနွားတွေအတွက်သောက်စရာရေလည်းအခက်ခဲတွေဖြစ်နေတယ်။ကျန်းမာရေးထိခိုက်တာတော့လောလောဆယ်မရှိသေးပါဘူး။” ဟု အောင်မြေကျေးရွာနေထိုင်သူ ဦးအောင်မြင့် ကပြောသည်။
အဆိုပါ အောင်မြေကျေးရွာအတွင်း သောက်သုံးရေရှားပါးလာမှုကြောင့် ပြီးခဲ့သည့် ၄-ရက်ခန့်တွင် ပြည်မြို့ ခေတ္တရာရပ်ကွက်အုပ်ချုပ်ရေးမှူး နှင့် ရပ်မိရပ်ဖများစုပေါင်းကာ သောက်သုံးရေလှူဒါန်းမှုများပြုလုပ်ခဲ့ပြီး ယခု ပြည်မြို့အတွင်းရှိ အရန်မီးသတ်တပ်ဖွဲ့များဖြစ်သည့် တပ်စု(၅)ဆံတော် အရန်မီးသတ် နှင့် တပ်စု(၄)ဆေးရေး အရန်မီးသတ်ကားများမှ မထသ-လူကြီးများ နှင့် တပ်ဖွဲ့ဝင်မီးသတ်ရဲဘော်များစုပေါင်းကာ သောက်သုံးရေသွားရောက်လှူဒါန်းမှုများပြုလုပ်ခဲ့တာဖြစ်ကြောင်းသိရသည်။
“အောင်မြေကျေးရွာမှာ ရေလိုအပ်နေတယ်။ရေပြတ်လက်နေတယ်လို့သတင်းကြားတာနဲ့ ဒီနေ့မှာရေသွားလှူဒါန်းခဲ့တာပါ။အမှန်တကယ်ရေလိုအပ်တာဟုတ်မဟုတ်ကို မနေ့ကတည်းက စုံစမ်းကြည့်တော့ အမှန်တကယ်ရေလိုအပ်နေကြတာ။အလှူရှင်မရှိပါဘူး။မထသလူကြီးတွေနဲ့ တပ်စုကမီးသတ်ရဲဘော်တွေစုပေါင်းပြီးသွားရောက်လှူဒါန်းတာပါ။ပြည်သူပြည်သားတွေသောက်သုံးရေရှားပါးလာမှုကြုံနေရလို့ လူသားချင်းစာနာထောက်ထားတဲ့အနေနဲ့ပါသွားရောက်လှူဒါန်းတာပါ။မြန်မာတစ်နိုင်ငံလုံးမှာရှိတဲ့ မီးသတ်တပ်ဖွဲ့ဝင်တွေနီးစပ်ရာရေတွေသွားရောက်လှူဒါန်းနေကြပါတယ်။ကျန်တဲ့မီးသတ်တပ်ဖွဲ့တွေရော နီးစပ်ရာ သောက်သုံးရေပြတ်လက်နေတဲ့နေရာတွေမှာသွားရောက်လှူဒါန်းပေးစေချင်ပါတယ်။ရက်ပိုင်းလောက်မှာ ရေလှူသွားရင်း အသက်ပေးခဲ့ရတဲ့ ရဲဘော်အတွက်စိတ်းမကောင်းပါဘူး။ရဲဘော်ကောင်းရာသုဂတိလားပါစေ။”ဟု ပြည်မြို့ အရန်မီးသတ် တပ်စု(၅)ဆံတော် မီးသတ်တပ်စုမှူး ဦးအောင်မိုးကျော် ကပြောသည်။
အဆိုပါ သောက်သုံးရေပြတ်လက်နေသည့် အောင်မြေကျေးရွာတွင် တောင်ဘက် နှင့်မြောက်ဘက် စုစုပေါင်း အိမ်ခြေ ၂၀၀-ကျော်ခန့်ရှိနေပြီး သောက်သုံးရေရှားပါးလာမှုများဆက်လက်ဖြစ်ပေါ်လျှက်ရှိနေကြောင်းသိရသည်။
K3(pyay)ဒီမိုကရေစီတူဒေးသတင်းစာ
ပြည်သတင်းလူငယ်(ပြည်သတင်း)
၀၉၂၅၃၃၁၁၀၁၉




0 comments:

Post a Comment

Facebook Like Page