ပြည်မြို့ န၀င်းတာရိုးဘေးရှိ ကျူးကျော် အိမ်၊မြေ အဆောက်အဦးပေါင်း ၇၄-လုံးရှိနေပြီး တာရိုးနယ်နမိတ်အား တိုင်းတာမှုများစတင်ပြုလုပ်လာ၍ ဒေသခံများစိုးရိမ်လျှက်ရှိနေ

ပြည်မြို့ န၀င်းတာရိုးဘေးရှိ ကျူးကျော် အိမ်၊မြေ အဆောက်အဦးပေါင်း ၇၄-လုံးရှိနေပြီး တာရိုးနယ်နမိတ်အား တိုင်းတာမှုများစတင်ပြုလုပ်လာ၍ ဒေသခံများစိုးရိမ်လျှက်ရှိနေ



ပြည်၊မတ်၊၂၀



ပဲခူးတိုင်းဒေသကြီး ပြည်ခရိုင် ပြည်မြို့ န၀င်းတာရိုးဘောင်ပေါ်တွင် မြို့ပတ်လမ်းတည်ဆောက်ရန် တာရိုးနယ်နိမိတ်အား သက်ဆိုင်ရာတာဝန်ရှိသူများမှ လိုက်လံတိုင်းတာနေမှုကြောင့် န၀င်းတာရိုးများပေါ် နှင့် န၀င်းတာရိုးဘေးများတွင်နေထိုင်လျှက်ရှိနေသူများမှ ဖယ်ပေးရမည်ကိုစိုးရိမ်လျှက်ရှိနေကြောင်းသိရသည်။

“အမေကြီးမှာလုံးဝနေစရာမရှိပါဘူး၊အမေကြီးမှာရောဂါလဲရှိပါတယ်၊ဒီနေရာလေးကိုဖယ်ပါဆိုရင်နေစရာလေးတော့ပေးပါ၊အိမ်မှာမြေးမကလေးကလဲကျောင်းတက်နေတာ၊ဖယ်လိုက်ရရင်ဘယ်မှာသွားနေရမလည်း။” ဟု ဒေါ်ခင်ရီ (န၀င်းတာရိုးဘေးနေထိုင်သူ) ကပြောသည်။

အဆိုပါန၀င်းတာရိုးတစ်လျောက် တာရိုးမှနေ ပေ-၂၀-အတွင်းရှိနေသည့် လူနေအိမ်တွေ၊အဆောက်အဦးတွေ၊ခြံမြေတွေကို ဖျက်သိမ်းပေးရမှာဖြစ်ပြီး ၄င်းန၀င်းတာရိုးတစ်လျောက်ဖျက်သိမ်းရန် လိုက်လံတိုင်းတာချက်စာရင်းအရ အိမ်ခြေ၊မြေနေရာ၊အဆောက်အဦးပေါင်း ၇၄-လုံးဖျက်သိမ်းပေးရမှာဖြစ်ကြောင်း လိုက်လံတိုင်းတာသည့်အဖွဲ့ထဲတွင်ပါဝင်သူ န၀င်းရပ်ကွက်အုပ်ချုပ်ရေးမှူးထံမှသိရသည်။

“ကျွန်တော်ကစစ်တပ်ကထွက်ပြီးကထဲက၊စုထားတဲ့ငွေလေးနဲ့ဒီနေလေးကို ရပ်ကွက်ရုံးမှာ စာချုပ် ချုပ်ဆိုဝယ်ပြီးနေတာ၊အခုလိုဖယ်ပေးရမယ်ဆိုရင်ဘယ်ဝယ်မလဲ၊အခုဖယ်ရမယ်ဆိုရင်အိမ်မှာကျောင်းသား ၂-ယောက်ကလဲရှိသေးတယ်၊ဒုက္ခတွေတန်းစီရောက်ကုန်ပြီ။” ဟု ကိုဇော်ဦး(န၀င်းတာရိုးဘေးနေထိုင်သူ) ကပြောသည်။

အဆိုပါ န၀င်းတာရိုးသည် ပြည်မြို့အရှေ့ဘက်အရပ်သို့းအလျားလိုက်တည်ရှိနေပြီး ဧရာဝတီမြစ်ရေး ပြည်မြို့ထဲသို့ဝင်ရောက်မှုမရှိစေရန် တားဆီးထားသည့် တာရိုးတစ်ခုဖြစ်ပြီး ၄င်းတာရိုးဘောင်ပေါ်မှ မြို့ပတ်လမ်းအနေဖြင့် ကားလမ်းဖောက်လုက်ရန်အတွက် သက်ဆိုင်ရာတာဝန်ရှိသူများက မတ်လ ၁၉-ရက်နေ့တွင်စတင်၍ နယ်နမိတ်တိုင်းတာခြင်းများပြုလုပ်ခဲ့သောကြောင့် ၄င်းတိုင်းတာမှုအနီးတွင်ရှိသည့် ဂရံရှိသူများ၊ဘိုးဘွားပိုင်နေရာစ်ချို့ နှင့် ကျူးကျော်နေထိုင်သူတွေဟာ မြေနေရာဖယ်ပေးရမည်ကို စိုးရိမ်ပှုပန်လျှက်ရှိနေကြောင်းဒေသခံများထံမှသိရသည်။


“ကျွန်တော်တို့နေရာကဘိုးဘွားပိုင်ပါ၊ကျွန်တော်တို့ငယ်ငယ်ကထဲကနေလာတာ၊ဒီမှာစည်ပင်မြောင်းလဲရှိပါတယ်၊တကယ်ကဒီတာရိုးကရေမကြိုးဘူးသေးဘူး၊တာပေါ်လဲရေမကျော်ဘူးသေးဘူး၊တာရိုးအောက်ကနေပဲဆိမ့်ပြီးရေ၀င်ခဲ့တာ။ တကယ်လို့ပြင်ချင်တယ်ဆိုရင်တာရိုးရဲ့ ဟိုဘက်ကိုပြင်ရမှာ။အဲဒိမှာ နေရာ တွေကလဲအများကြီးပဲကျွန်တော်တို့မှာမရှိလို့မှဒီနေရာလေးမှာလုပ်ကိုင်စားနေရတာ။” ဟု န၀င်းရပ်ကွက် လမ်းရှည်လမ်းနေထိုင်သူ ဦးကျော်ကျော်ဦး ကပြောသည်။

“ အခုက ဆည်မြောင်းနဲ့၊ခရက ကလုပ်ခိုင်းတာပါ၊ဘယ်နေရာတွေက နိုင်ငံတော်မြေထဲကိုကျူးကျော်နေသလဲဆိုတာကိုလိုက်ပြီးတိုင်းနေတာ၊မီးရေးထင်းရေးအတွက်၊မြို့ထဲကိုအလွယ်တကူဝင်ရောက်နိုင်ဖို့အတွက်ပေ(၂၀)ပတ်လမ်းဖေါက်မလို့၊ကျူးနေတဲ့အိမ်တွေကိုလိုက်ပြီးတိုင်းနေတာပါ။၁၉၇၄-ခုနှစ်ပြည်တစ်မြို့လုံး ရေကြီးစဉ်က ဒီတာရိုးရဲ့ ဘေးနှစ်စုစုပေါင်းကို ပေ ၅၀-နေရာသတ်မှတ်ထားခဲ့တာပါ။သတ်မှတ်ပြီးချိန်မှာလည်း ကျူးကျော်တဲတွေကိုမြေနေရာသတ်မှတ်ပေးထားခဲ့ပါတယ်။တစ်ချို့ကပြန်ရောင်းစားတယ်။တစ်ချို့ကလည်းနေထိုင်ြ့သေးတယ်။အဲဒိနောက်ပိုင်း ဒီသတ်မှတ်ထားတဲ့တာရိုးဘေးတွေကို ကျူးကျော်နေထိုင်လာခဲ့ကြပြန်တယ်။မြစ်ရေကြီးမှုနဲ့မီးဘေးကာကွယ်နိုင်ရန်အတွက် အခုလိုမြေနေရာတွေလိုက်လံတိုင်းတာနေရတာပါ။” ဟု န၀င်းရပ်ကွက် အုပ်ချုပ်ရေးမှူး ဦးနေလင်း ကပြောသည်။


အဆိုပါန၀င်းတာရိုးဘေးရှိ ပေ-၂၀ ၀န်းကျင်ခန့်မှာရှိသည့် နေအိမ် အဆောက်ဦး ခြံမြေများဖျက်သိမ်းပြီးပါက မြို့ပတ်လမ်းအနေဖြင့်ရော ပြည်မြို့ထဲသို့ရေ၀င်မှုကို ယခင်ထက်ပိုမိုကာကွယ်စေရန် နှင့် မီးလောင်မှုဖြစ်ပွားခဲ့ပါကလည်း မီးသတ်ကားများ အလွယ်တစ်ကူဝင်ထွက်နိုင်စေရန်အဓိကထားရည်ရွယ်လုပ်ဆောင်သွားမည်ဆိုပေမည့်လည်း ၄င်းန၀င်းတာရိုးအနီးဝန်းကျင်တွင်နေထိုင်သူများကတော့ နေရာဖယ်ရှားပေးရန် မြေနေရာအခက်ခဲများရှိနေကြောင်းသိရသည်။

K3(pyay)ဒီမိုကရေစီတူဒေးသတင်းစာ
09253311019