ရေကြီးနစ်မြှပ်မှုများကြုံတွေ့ခဲ့ရစဉ်က အိမ်ခြေ ၁၇-လုံးရေထဲပါသွားသည့်ကျေးရွာတွင် တာတမံများအကာအရံလုပ်ပေးစေလိုဟုဆို
မိုးညို၊မတ်၊၃၀
ပဲခူးတိုင်းဒေသကြီး၊သာယာဝတီခရိုင်၊မိုးညိုမြို့နယ်အတွင်းမှာရှိသည့် ငါးကြီးကျေးရွာရှိ တာတမံမှာ အကာအရံမရှိသောကြောင့် နှစ်စဉ်ရေကြီးနစ်မြှပ်မှုများဖြစ်ပေါ်လျှက်ရှိနေသောကြောင့် ငါးကြီးကျေးရွာဒေသခံများမှ နှစ်စဉ်ရေကြီးနစ်မြှပ်မှုမရှိစေရန် တာတမံအား အကာအရံများပြုလုပ်ပေးစေလိုကြောင်းဒေသခံများထံမှ သိရသည်။
အဆိုပါ မိုးညိုမြို့နယ်အတွင်းမှာရှိသည့် ငါးကြီးကျေးရွာတွင် အိမ်ခြေ ၂၅၀-ကျော်ရှိနေပြီး နှစ်စဉ် မြစ်မခမြစ်မှစီးဆင်းလာသည့်မြစ်ရေများ နှင့် တောင်ကျရေများကြောင့် ရေကြီးနစ်မြှပ်မှုများဖြစ်ပေါ်ခဲ့ပြီး ပြီးခဲ့သည့် တစ်နိုင်ငံလုံးအတိုင်းအတာနှင့် ရေကြီးရေလျှံရေနစ်မြှပ်မှုများဖြစ်ပေါ်ခဲ့စဉ်က ငါးကြီးကျေးရွာမှာလည်း နေအိမ်များရေထဲမျှောပါသွားသည်အထိ ဖြစ်ပေါ်ခဲ့ကြောင်းသိရသည်။
“တာရိုးဖြတ်တဲ့နေရာ ၁၄-ခုရှိတယ်။ပထမအစိုးရတုန်းကဘာမှလုပ်မပေးခဲ့ဘူး။တစ်နိုင်ငံလုံးရေကြီးခဲ့တဲ့အချိန်တုန်းက ဒီရွာမှာ နေအိမ် ၁၇-လုံးရေထဲမျှောပါသွားရတယ်။သက်ကြီးရွယ်အိုတွေနဲ့ ကျောင်းသားကလေးငယ်တွေအရမ်းဒုက္ခစုံအောင်ရောက်ခဲ့ကြရတယ်။သက်ဆိုင်ရာဌာနပေါင်းစုံတင်ပြထားတယ်အခုထိတော့ဘယ်သူမှဘာမှလာလုပ်မပေးသေးဘူး။စိုက်ပျိုးရမဲ့ သီးနှံတွေ မစိုက်ရဲလို့ ဒီတိုင်းငြိမ်ထိုင်နေရတယ်။စိုက်ပျိုးပြီးရေကြီးလာရင် အကုန်ဆုံးရှုံးရမှာ။နောက်တက်မဲ့အစိုးရအနေနဲ့ ဒီရွာက ဒီတာတမံလေးကို အမြန်ဆုံးလုပ်ပေးပါ။” ဟု မိုးညိုမြို့နယ် ငါးကြီးကျေးရွာ နေထိုင်သူ ဦးထွန်းလင်း ကပြောသည်။
ပြီးခဲ့သည့် တစ်နိုင်ငံလုံးရေကြီးရေလျှံမှုများဖြစ်ပေါ်ခဲ့ရာတွင် ၄င်းငါးကြီးကျေးရွာမှ နေအိမ် တစ်ဆယ့်ခုနှစ်လုံးရေထဲမျှောပါသွားမှုများဖြစ်ပေါ်ခဲ့ရပြီး ယခုနှစ်တွင် စိုက်ပျိုးမည့် နှမ်း၊ပဲ နှင့် လယ်ယာကိစ္စများအား ဒေသခံ ငါးကြီးရွာသားများမှ ရပ်တန့်ထားရပြီး စိုက်ပျိုးပြီးချိန် ရေကြီးရေလျှံမှုများထပ်မံဖြစ်ပေါ်လာမည်ကို စိုးရိမ်သောကြောင့်စိုက်ပျိုးမှုများရပ်တန့်နေခဲ့ရတာဖြစ်ကြောင်းဒေသခံများထံမှသိရသည်။
“ကျွန်တော်တို့ဆီကို ဆည်မြောင်းဝန်ကြီးလာတုန်းက ဒီကိစ္စအားလုံးကို တင်ပြထားခဲ့ပါတယ်။ဒီငါးကြီးရွာလေးက မြစ်မခမြစ်အထဲမှာတည်ဆောက်ထားသလိုဖြစ်နေတော့ ဒါကိုလုပ်ပေးလိုက်ရင် တခြားနေရာတွေမှာ ရေသွားကြီးနိုင်တယ်။ သေချာလေ့လာမှရမယ်လို့ လူကြီးတွေကပြောသွားတယ်။အထက်ကိုတင်ပြထားလိုက်ပါ့မယ်။” ဟု ကြို့ပင်ကောက်မြို့နယ် ဆည်မြောင်းဦးစီးဌာန ဦးစီးအရာရှိ ဦးတင်ထွန်းအောင် ကပြောသည်။
အဆိုပါ မြစ်မခမြစ်သည် ပဲခူးတိုင်းဒေသကြီးအနောက်ခြမ်း သာယာဝတီခရိုင်အတွင်းရှိ ကြို့ပင်ကောက်၊နတ်တလင်း၊မိုးညိုစသည့်မြို့များမှဖြတ်ကျော်လျှက်ရှိနေပြီး မြစ်မခမြစ်အား ကာရံထားသည့် မြစ်မခတာရိုးဘေးများတွင် ကျေးရွာပေါင်း ခုနှစ်ဆယ်ကျော် နှင့် စိုက်ပျိုးလယ်ယာမြေ ဧကပေါင်း ရှစ်ထောင်ကျော်ရှိနေပြီး မြစ်မခတာရိုးအဆုံးအစွန်မှာရှိသည့် ငါးကြီးကျေးရွာဘက်မှာ တာတမံအကာအရံမရှိသောကြောင့် နှစ်စဉ်ရေကြီးရေနစ်မြှပ်မှုများဖြစ်ပေါ်လျှက်ရှိနေကြောင်းဒေသခံများထံမှသိရသည်။
K3(pyay)ဒီမိုကရေစီတူဒေးသတင်းစာ
နှင့်
ပြည်သတင်းလူငယ်(ပြည်သတင်း)
09253311019
0 comments:
Post a Comment