ဒေါ်အောင်ဆန်းစုကြည် ဒီမိုကရေစီစနစ်အခြေခိုင်အောင် ၂၀၁၅-မဲပေးရန် ရွှေတောင်မြို့တွင်ပြောကြား

ဒေါ်အောင်ဆန်းစုကြည် ဒီမိုကရေစီစနစ်အခြေခိုင်အောင် ၂၀၁၅-မဲပေးရန် ရွှေတောင်မြို့တွင်ပြောကြား

ရွှေတောင် သြဂုတ် ၁၁

ပဲခူးတိုင်းဒေသကြီး ပြည်ခရိုင် ပြည်မြို့သို့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် နှင့်အဖွဲ့သည် ပဲခူးတိုင်းဒေသကြီး အနောက်ခြမ်းရှိ ၁၄-မြို့နယ်မှ NLD ပါတီလွှတ်တော်ကိုယ်စားလှယ်လောင်းများ၊မြို့နယ်အလုပ်မှုဆောင် ဥက္ကဌ နှင့် အတွင်းရေးမှူးများ၊အောင်နိုင်ရေး ဥက္ကဌ နှင့် မြို့မိမြို့ဖများအား သြဂုတ် ၁၁-ရက် နံနက် ၈-နာရီချိန်တွင်  ပြည်မြို့ မင်္ဂလာဂါးဒင်းဟော်တယ် တွင်သီးသန့်တွေ့ဆုံခဲ့ကြောင်းသိရသည်။

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်သည် ပြည်မြို့သို့ သြဂုတ်လ ၁၀-ရက်နေ့ ညတွင်ရောက်ရှိခဲ့တာဖြစ်ကြောင်းသိရသည်။ထို့နောက် ဒေါ်အောင်ဆန်းစုကြည် နှင့်အဖွဲ့သည် သြဂုတ် ၁၁-ရက်နေ့ နံနက် ၈-နာရီ မင်္ဂလာဂါးဒင်းဟော်တယ် တွင်တွေ့ဆုံမှုများအပြီး ပြည်ခရိုင် ရွှေတောင်မြို့သို့  နံနက် ၉း၃၀-မိနစ်ချိန်ခန့်တွင်ရောက်ရှိကာ ပြည်ခရိုင်အတွင်းရှိ ပြည်၊ပေါင်းတလည်၊ပေါက်ခေါင်း၊ပန်းတောင်း၊ရွှေတောင် စသည့်မြို့နယ်မှ NLD ပါတီဝင်များ၊ရွှေတောင်မြို့နယ်ဒေသခံပြည်သူ ၁၅၀၀-ခန့်နှင့်တွေ့ဆုံခဲ့ကြောင်းသိရသည်။

“ နိုင်ငံရေးတက်ကြွနိုးကြားတယ်ဆိုတဲ့နေရာမှာ မှန်မှန်ကန်ကန်တက်ကြွနိုးကြားဖို့လိုပါတယ်။ကိုယ်စားလှယ်လောင်းတွေနဲ့ပတ်သက်ပြီး အဖွဲ့ချုပ်ကပဲတာဝန်ယူပါ့မယ်။ကိုယ်စားလှယ်လောင်းတွေကို ပုဂ္ဂိုလ်ရေးအရမကြည့်ပဲ ပါတီအရကြည့်စေချင်ပါတယ်။၂၀၁၅ မှာ စနစ်တစ်ခုကိုရွေးချယ်နေတာပါ။အမျိုးသားဒီမိုကရေစီအဖွဲ့ချုပ် ရွေးကောက်ပွဲဝင်တာဟာ အစိုးရဖွဲ့ချင်လို့ဝင်တာပါလို့ ပွင့်ပွင့်လင်းလင်းပြောပါရစေ။ နိုင်ငံရေးတာဝန် နဲ့ ဒီမိုကရေစီစနစ်အခြေခိုင်အောင်လုပ်ချင်လို့ပါ။လာမဲ့ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်ကို မဲထည့်ပါလို့ ပြောချင်ပါတယ်။ ”ဟု ရွှေတောင်မြို့နယ်တွင် ဒေါ်အောင်ဆန်းစုကြည် ဒေသခံပြည်သူများအားပြောခဲ့သည်။

“ ပါတီ နဲ့ ဥက္ကဌကိုဘာမှဝေဖန်စရာမရှိပါဘူး။ခါတော်မှီ လှေကြုံစီး၊လှည်းကြုံစီးလာတဲ့ကိုယ်စားလှယ်လောင်းတွေကို အယုံကြည်မရှိဘူး။သူတို့ရဲ့ နောက်ကြောင်းမကောင်းဘူး။ပါတီနဲ့ခေါင်းဆောင်တွေကိုပြောတာမဟုတ်ပါဘူး။ရွေးချယ်ထားတဲ့ ကိုယ်စားလှယ်လောင်းတွေကိုပြောတာပါ။” ဟု နိုင်ငံရေးအကျဉ်းသားဟောင်းများအဖွဲ့ ပြည်ခရိုင် ဦးကျော်ဆန်းကပြောသည်။

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် နှင့်အဖွဲ့သည် ပြည်မြို့နယ်အတွင်းရှိ ရေဘေးသင့်ပြည်သူများအား ဒေါ်ခင်ကြည်ဖောင်ဒေးရှင်း လှူဒါန်းသွားမည့်အစီအစဉ်ရှိကြောင်း ပဲခူးတိုင်း အနောက်ခြမ်း ၁၄-မြို့နယ်မှ NLD ပါတီတွင် ၀င်ရောက်ယှဉ်ပြိုင်အရွေးခံမည့် လွှတ်တော်ကိုယ်စားလှယ်လောင်းများ၊မြို့နယ်အလုပ်မှုဆောင် ဥက္ကဌ နှင့်အတွင်းရေးမှူးများ၊ NLDအောင်နိုင်ရေး အဖွဲ့မှ ဥက္ကဌ နှင့် မြို့မိမြို့ဖများအားအဓိကလာရောက်တွေ့ဆုံခဲ့ခြင်းဖြစ်ကြောင်းသိရသည်။ပြည်မြို့မှာ ဟောပြောမှုများမပြုလုပ်ခဲ့ဘဲ ပြည်ခရိုင်အတွင်း ရွှေတောင်မြို့နယ်တွင်သာ ဟောပြောခဲ့ခြင်းဖြစ်သည်။ထို့နောက် အမျိုးသားဒီမိုကရေစီ အဖွဲ့ချုပ် ဥက္ကဌဒေါ်အောင်ဆန်းစုကြည် နှင့် အဖွဲ့သည် ရွှေတောင်မြို့ မှ ပေါင်းတည်၊ ထိုမှတဆင့် သာယာဝတီခရိုင်အတွင်းဆက်လက်ထွက်ခွာသွားခဲ့ကြောင်းသိရပြီး ပြီးခဲ့သည့် သြဂုတ် -၁၀ ရက်နေ့တွင် နိုင်ငံတော်သမ္မတ ဦးသိန်းစိန် ပြည်မြို့ရှိ ရေဘေးသင့်ပြည်သူများနှင့် ဆည်ကြီးများ၊န၀င်းတာရိုးအခြေအနေများလာရောက်ကြည့်ရှု့စစ်ဆေးခဲ့ပြီး ဒေသခံရေဘေးသင့်ပြည်သူများကယ်ဆယ်ရေးစခန်းတချို့တွင် တွေ့ဆုံကာ အလှူငွေများလှူဒါန်းသွားခဲ့ကြောင်းသိရသည်။

                                                                                          K3(pyay)ဒီမိုကရေစီတူဒေးသတင်းစာ

ယနေ့ပို့ထားပါသည်။