ပဲခူးတိုင်းအနောက်ပိုင်း ပေါင်းတည်မြို့တွင် ဗိုလ်ချုပ်ရာပြည့်အကြိုဖျော်ဖြေပွဲအား မြို့တွင်းတွင် လှည့်လည် ဖျော်ဖြေရေးယာဉ်ဖြင့် ဇန်န၀ါရီလ(၃)ရက်နေ့မှ(၅)ရက်နေ့ထိ သုံးရက်ဆက်တိုက်ပြုလုပ်ရာမှ ရရှိလာသည့် ရန်ပုံငွေများဖြင့် ပေါင်းတည်မြို့၌ ဗိုလ်ချုပ်အောင်ဆန်းပုံတူ ရုပ်ထုပြုလုပ်သွားမည်ဖြစ်ကြောင်း သိရှိရသည်။
ဗိုလ်ချုပ်အောင်းဆန်းပုံတူရုပ်တုအား ပေါင်းတည်မြို့လူစီကားရာ ပြည်-ရန်ကုန်အားကားလမ်းနဘေးရှိ ပန်းခြံ အတွင်း တည်ဆောင်သွားရန် လျာထားကြောင်း ဦးဆောင်ကော်မတီဝင်များထံမှ သိရှိရသည်။
“နောင်လာနောက်သားတွေအတွက် အမှတ်တစ်ခုအဖြစ်လည်း ကျန်ခဲ့တာပေါ့၊ ကျနော်တို့မြို့မှာ အာဇာနည် ကျောက်တိုင်ရှိတယ် လွတ်လပ်ရေး ကျောက်တိုင်ရှိတယ်၊ ဗိုလ်ချုပ်ရုပ်ထုတော့ မရှိသေးဘူး”ဟု ပေါင်းတည် မြို့ခံ ကိုမင်းဆွေဇင်က ပြောသည်။
ဗိုလ်ချုပ်ရာပြည့်အကြို ဖျော်ဖြေပွဲကို ပေါင်းတည်မြို့ရှိ နိုင်ငံရေးအင်အားစုများ လူမှုအသင်းဖွဲ့များမှ စုပေါင်း လုပ်ဆောင်ခဲ့ခြင်းဖြစ်ပြီး ဒေသဆိုင်ရာ အာဏာပိုင်အဖွဲ့အစည်းများပါ ပူးပေါင်းဆောင်ရွက်သဖြင့် ဗိုလ်ချုပ် အောင်ဆန်း နှစ် (၁၀၀)ပြည့်မွေးနေ့ကို စည်းကားသိုက်မြိုက်စွာကျင်းပနိုင်ရေး ဦးဆောင်ကော်မတီ ဖွဲ့စည်း ပြုလုပ်ခဲ့ကြောင်း သိရှိရသည်။
“ဗိုလ်ချုပ်ရာပြည့်မွေးနေ့ အထိမ်းအမှတ်တစ်ခုအနေနဲ့ ရလာတဲ့ရန်ပုံငွေတွေနဲ့ ဗိုချုပ်အောင်းဆန်းပုံတူရုပ်ထုကို ပြုလုပ်သွားမှာဖြစ်တယ် ဖေဖော်ဝါရီ(၁၃)ရက်နေ့ မွေးနေ့ရက်မှာ ပန္ဒက်ချနိုင်အောင် ကြိုးစားသွားမယ်” ဟု ဦးဆောင်ကော်မတီမှ ဦးချစ်ကိုက ပြောသည်။
ဗိုလ်ချုပ်ရာပြည့်အကြိုဖျော်ဖြေပွဲ၌ ဖျော်ဖြေရေးယဉ်ပြုလုပ်၍ ပေါင်းတည်မြို့အနှံ့နာမည်ရအဆိုတော်များ၏ ဖျော်ဖြေမှုများ ဗိုလ်ချုပ်အောင်ဆန်းနှင့် သက်ဆိုင်သည့်တေးသီချင်းများ၊ ယိမ်းအကများဖြင့် ဖျော်ဖြေခဲ့ကြောင်း သိရှိရသည်။
သီဟလွင် - ပြည် ( မြစ်မခ)
Plusme News
0 comments:
Post a Comment