Sunday, November 30, 2014

ပြည်တက္ကသိုလ်ကျောင်းနံရံများပေါ်၌ ပညာရေးစနစ်ကိုဆန့်ကျင့်သည့်စာသားများ မှုတ်ဆေးဖြင့် ရေးခြယ်

Leave a Comment


    သီဟလွင်- ပြည် (မြစ်မခ)

ပဲခူးတိုင်း ပြည်မြို့ရှိ ပြည်တက္ကသိုလ်၏ မျက်နှာစာ ကျောင်းဝန်းနံရံများတွင် အမည်မသိအဖွဲ့များမှ ပညာရေးစနစ်နှင့်ပတ်သက်၍ ဆန့်ကျင်သည့်စာသားများအား မှုတ်ဆေးများဖြင့် ရေးသားထားသည်ကို နိုဝင်ဘာလ (၂၈)ရက်နေ့ မနက်ပိုင်းက မြင်တွေ့ခဲ့ရသည်။

အဆိုပါကျောင်းနံရံများတွင်  ပညာရေးစနစ်အားဆန့်ကျင်သည့် စစ်ကျွန်ပညာရေးစနစ် အလိုမရှိ၊ EDUCATION IS NOT SALE, WE ARE STUDENT NO CUSTOMER စသည့်စာသားများကိုများကို အနက်ရောင်နှင့် အနီရောင်မှုတ်ဆေးများဖြင့် ရေးသားခဲ့ခြင်းဖြစ်ပြီး အဆိုပါကိစ္စကို မည်သည့်အဖွဲ့မှပြုလုပ်သည်ကို မသိရှိကြောင်း ပြည်မြို့မှ နိုင်ငံရေးအင်အားစုများက ပြောဆိုကြသည်။

ကျောင်းသားများ၏ ဆန္ဒဖော်ထုတ်တောင်းဆိုမှုများ လှုပ်ရှားမှုများတွင် အမည်မသိအဖွဲ့များမှလည်း ပူးပေါင်း ပါဝင်လှုပ်ရှားမှုများလည်း ရှိလာကြောင်း၊ ဗ.က.သ အဖွဲ့ဝင်ကျောင်းသားများသာမဟုတ်ပဲ သာမာန်ကျောင်း သားများမှလည်း အဆိုပါပညာရေးစနစ်ကို မလိုမရှိမှုအပေါ် ပြသလာကြခြင်းဖြစ်ကြောင်းဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် တွဲဘက်အတွင်းရေးမှူး ကိုမင်းသွေးသစ်က ပြောသည်။

“အာဏာရှင်အစိုးရက ကျောင်းသားတွေအပေါ်မှာ လာရောက်လွှမ်းမိုးတာ ဘယ်ကျောင်းသားမှ မကြိုက်ဘူး ဆိုတာ မြင်လာရတယ်၊ ဦးတည်ချက် ရည်ရွယ်ချက်ခြင်းတူတဲ့ ဘယ်ကျောင်းသားမဆို ကျနော်တို့ကတော့ လက်ကမ်းကြိုဆိုတယ်”ဟု ၄င်းက ဆိုသည်။

အမျိုးသားပညာရေးဥပဒေအား ဗ.က.သ ကျောင်းသားများက ၀ိုင်းဝန်းကန့်ကွက်သည့် ဆန္ဒဖော်ထုတ်မှုများကို ရန်ကုန် မန္တလေး မြင်းခြံ မြို့များတွင် ပြုလုပ်နေကြသည့်နောက်ပိုင်းတွင် ပြည်မြို့တွင်လည်း ယခုကဲ့သို့ လှုပ်ရှား မှုများ ပေါ်ပေါက်လာခြင်းဖြစ်ကာ မည်သူမည်ဝါ ပြုလုပ်သည်ဆိုသည်ကို မသိရသေးကြောင်း ပြည် ဗ.က.သ အဖွဲ့ဝင်များက ပြောဆိုကြသည်။

မည်သည့်အချိန်တွင် ရေးသားခဲ့သည်ကို မသိရသည့် အဆိုပါ ကျောင်းနံရံများပေါ်မှ ပညာရေးစနစ် ဆန့်ကျင် ရေး စာသားများကို နိုဝင်ဘာလ(၂၈)ရက်နေ့ နေလည်ပိုင်းက ပြည်တက္ကသိုလ်မှ တာဝန်ရှိသူများက ပြန်လည် ဖျက်ပစ်ခဲ့သည်။

0 comments:

Post a Comment

Facebook Like Page