သဲကုန်းမှာ သပိတ်စခန်းဖွင့်

ပဲခူးတိုင်း သဲကုန်းမြို့နယ်မှာလည်း  ဒေသခံ အများအပြား သပိတ်စခန်းဖွင့်ပြီး ဆန္ဒပြနေကြပါတယ်။

အင်္ဂါနေ့ကတည်းက အစပြုတဲ့ ဆန္ဒပြရခြင်းအကြောင်းရင်းကတော့ မြေသိမ်းမှုကြောင့်ပါပဲ။

အုတ်ဖိုကျေးရွာအုပ်စုအတွင်းရှိ ကျေးရွာ (၆) ရွာမှ လယ်သိမ်းခံရသည့် တောင်သူတွေအနေနှင့် လယ်ယာမြေများပြန်လည်ရရှိရန် ဥပဒေလမ်းကြောင်းအရ အကြိမ်ကြိမ် ကြိုးစားခဲ့ပေမယ့်  ထူးခြားမှုမရှိတဲ့အတွက်    သဲကုန်းမြို့ မြို့တော်ခန်းမအနီး သပိတ်စခန်းဖွင့်လိုက်ရတာဖြစ်တယ်၊ ရက်အကန့်အသတ်မရှိ  ဆန္ဒပြ တောင်းဆိုသွားမယ်လို့ သိရပါတယ်။

သူတို့ထဲက တောင်သူတဦးကတော့  အောင်ကုန်းကျေးရွာမှ   ဒေါ်ညို ဖြစ်ပြီး  လယ် ၇ ဧက အသိမ်းခံထားရသူလို့ ဆိုပါတယ်။

“ကျမတို့ ဥပဒေအရ အကြိမ်ကြိမ်စာတင်ပြီး တောင်းဆိုခဲ့သလို။ သဲကုန်းမြို့နယ် ပြည်သူ့လွှတ်တော်ကိုယ်စားလှယ် ဦးစိုးအောင်ကိုလည်း အားကိုးတကြီး အကူအညီတောင်းခဲ့ပြီးပါပြီ။ ဘာမှ ထူးခြားမှုမရှိပါဘူး။
 နေပြည်တော်ကို စာတင်တာ သုံးကြိမ်ရှိပါပြီ။ တောင်သူလယ်သမား စာမတတ်ပေမတတ်တွေ တတ်သလောက် မှတ်သလောက် စာတင်တာ အခုထိဘာမှမထူးခြားပါဘူး”

၁၉၉၉ ခုနှစ် ဧပြီလ (၇) ရက်နေ့က ပြည်ခရိုင်ဦးစီးမှူး ဦးခင်မောင်ဝင်းက   အောင်ကုန်း၊ သင်တော၊ ကစွန်းအင်း၊ ရင်းတိုက်တန်း၊ နှောကုန်း၊ ဆောက်ခြုံကြီးကျေးရွာတွေတဝိုက် လယ် ၁၁၅၉.၅၅ ဧကကို ရေနက်ကွင်း ဖေါ်ထုတ်ရန်ဆိုပြီး  သိမ်းခဲ့တယ်၊
  လယ်ယာလက်ကား သမဝါယမအသင်း အမှတ်(၃) လီမီတက်ပိုင်ရှင် ဦးထိုင်ထိုင်က  ၂၀၀၁ နှစ်မှစတင်ကာ လွှဲပြောင်းရယူခဲ့တယ် တဲ့၊
လယ်ယာမြေနှင့် အခြားမြေယာများ စုံစမ်းစစ်ဆေးရေး ကော်မရှင်ကို ပေးပို့တဲ့ တိုင်ကြားစာတွေမှာ အဲသလို ရေးထားတာပါ။

ဆန္ဒပြသူများထဲ သင်တောရွာက တောင်သူ ဦးဝင်းကြည်ရဲ့ အပြောကတော့ ဒီမိုကရေစီထက် သူ့လယ်ပဲ သူပြန်ရချင်ပါတယ် တဲ့။

“လာဖမ်းရင်လည်း လိုက်သွားရုံပဲ။ ပြန်လွတ်လာရင် ပြန်လုပ်မှာ ကျနော်တို့ဆီက သိမ်းတုန်းက ဘာမှပြန်ပြောခွင့်မရပဲ သိမ်းခံခဲ့ရတာ။
ကျနော်တို့ကတော့ ဒီမိုကရေစီထက် ကိုယ့်လယ်ပဲ ကိုယ်ပြန်လိုချင်တယ်။ တပ်မတော်ကိုလည်း မတော်လှန်ရဲဘူး၊ ဦးသိန်းစိန်ကိုလည်း ပုန်မကန်ရဲဘူး။ ဦးထိုင်ထိုင်သိမ်းတဲ့ ကျနော်တို့ လယ်ပဲပြန်လိုချင်တယ်။
မရမချင်း သပိတ်စခန်းဖွင့်ပြီး ဒီမှာပဲနေမှာ”

 သပိတ်စခန်းထဲမှာတော့  တောင်သူ ၃၀ ခန့်က ကြွေးကြော်သံတွေအော်ဟစ်၊  ဆန္ဒပြတောင်းဆိုခဲ့ကြတာ တွေ့ရပါတယ်။
သဲကုန်းမြို့နယ် ရဲစခန်းတာဝန်ခံ ဒုရဲမှူးဇော်အောင်ကတော့ ဒီသပိတ်စခန်းကို ဖြိုခွင်းမှာမဟုတ်ဘူးလို့ သတင်းထောက်များကို ပြောကြားခဲ့ပါတယ်။
သက်ဆိုင်သူများ အဆင်ပြေစေဖို့ ညှိနှိုင်းဖြေရှင်းပေးမယ်လို့ ဆိုတယ်။ သို့သော်လည်း သပိတ်စခန်းမဖွင့်ခင် စီတန်းလှည့်လည်ခဲ့တဲ့အတွက်  ပုဒ်မ(၁၈) နဲ့ အရေးယူသွားမှာပါလို့ ဆိုပါတယ်။

သူပြောတဲ့အတိုင်းပါပဲ ... စခန်းထဲက တချို့ကို သူတို့ သွားခေါ်ပါတယ်။  နောက်တနေ့မှာတော့ စခန်းထဲ ဆန္ဒပြသူများထဲက
ကိုသန့်ဇင်ထက်၊ ဒေါ်ညို၊ ကိုပေါက်စ၊ ဒေါ်ဝင်းတို့ ရဲစခန်းမှာ သွား အဖမ်းခံပါတယ်၊ ပုဒ်မ ၁၈ နဲ့ တရားစွဲခံရပါတယ်၊ အာမခံရတဲ့အတွက် အခုတော့ သူတို့ ၄ ဦးစလုံး သပိတ်စခန်းထဲ ပြန်ရောက်နေပါပြီ။

သပိတ်စခန်းနားမှာလည်း အထင်ကရ ဘုန်းတော်ကြီးတပါးရဲ့ တရားပွဲ ပြုလုပ်ဖို့ ပြင်ဆင်ထားတာ ရှိပါတယ်၊ တရားပွဲစီစဉ်သူများထဲက တချို့ကတော့
ဒီသပိတ်စခန်းကြောင့် တရားပွဲ ပျက်မှာကို စိုးရိမ်နေပါတယ်။ စိုးရိမ်ကြောင်းကိုလည်း အဲဒီသပိတ်စခန်းသွားပြီးတော့ ပြောဆိုခဲ့ပါတယ်။
  တရားပွဲကို ဖျက်လိုဖျက်ဆီးလုပ်တာလားလို့လည်း မေးမြန်းခဲ့ပါတယ်။ အဲဒီလို သွားရောက် မေးမြန်းချိန် အနီးတ၀ိုက်မှာ  အာဏာပိုင်တို့လည်း ရှိနေ ကြည့်နေပါတယ် တဲ့။

ပြီးတော့ မနေ့ညက သပိတ်စခန်းကို လေးခွနဲ့ပစ်ခံရတယ်လို့လည်း သတင်းထွက်ပါတယ်၊ ဒဏ်ရာမရဘူးလို့လည်း ဆိုပါတယ်။
 -



ကောင်းမြတ်မင်း