ပြည်မြို့ဗိုလ်ချူပ်လမ်းပေါ်တွင် ၈.၇.၂၀၁၃ ရက်နေ့တွင်ဖွင့်လှစ်လိုက်သည့်လိုင်စင်ရအကြွေစေ့(LUCKY STAR GAME CENTRE) ဟုအမည်တပ်ထားသောဆိုင်သည်။ ပြည်မြို့၏အချက်အချာကျသောလမ်းတွင်ရှိပြီး ၄င်းဆိုင်သို့ လာရောက်သော ဧည့်သည်များ၏ဆိုင်ကယ်များသည်အများပြည်သူ သွားလာရာလမ်းတွင် ရပ်တန့်ထားကြသည်။
ထိုသို့ ရပ်တန့်ထားရာတွင် အများပြည်သူများသွားလာရေးတွင် မလွတ်မကင်းရပ်တန့်ထားသည့်အတွက်ယာဉ်တိုက်မှုအန္တရာယ်ကို လက်ယက်ခေါ်နေသလိုဖြစ်နေပါသည်။ ထိုသို့သောဆိုင်များသည် ကလေးကစားကွင်း အမည်ခံ၍ လိုင်စင်ရ အကြွေစေ့ ဆိုင်များဖြစ်ပါသည်။ ယခုအခါတွင် နိုင်ငံတော်သမ္မတကြီးမှ လောင်းကစားမှုပပျောက်ရေး စီမံချက်များကိုအကောင်အထည်ဖော် ဆောင်ရွက်နေသည့်အချိန်လည်းဖြစ်ပါသည်။ နိုင်ငံတော်သမ္မတကြီး၏ ဆင်းရဲသားလျော့နည်းကျဆင်းရေးအတွက်အဖက်ဖက်မှ ပြည်သူများအတွက် ဆောင်ရွက်နေသည်ကိုလည်း ၀မ်းမြောက်ဝမ်းသာရှိရပါသည်။
သို့ပါသော်လည်း ယခုကဲ့သို့ လိုင်စင်ရလောင်းကစားများ ပေါ်လာတာကို တွေ့ရတော့လည်း ၀မ်းနည်းမဆုံးဖြစ်ရပါသည်။ ယခုဖွင့်လှစ်ထားသော လိုင်စင်ရအကြွေစေ့ဂိမ်းဆိုင်သည်ပုံတွင်ဖော်ပြ ထားသည့်အတိုင်း ဆိုင်ကယ်များကို နေ့ရော ညပါ အများပြည်သူသွားလာရာ လမ်းတွင် စိတ်အနှောက်အယှက်ဖြစ်ဖွယ်ရာ တွေ့ရှိနေရပြီး နေ့ဘက်တွင် ဆိုင်ကယ် နည်းပါးသော်လည်း ညဘက်တွင် ဆိုင်ကယ်ရောစက်ဘီးပါ ရှုပ်ရှက်ခက်နေသည့်အတွက် ယာဉ်အန္တရာယ် ပိုမိုဖြစ်ပွားနိုင်သည့် အခြေအနေ သို့ရောက်ရှိနေပါသဖြင့် သက်ဆိုင်ရာ လူကြီးများက ပြည်သူများ၏ အခက်အခဲ များကို ကြည့်ရှု၍ လိုအပ်သလို ဆောင်ရွက်ပေးနိုင်ရန်အတွက် အပြုသဘောဆောင်ကာ ပြည်မြို့ရှိ သက်ဆိုင်ရာ ဌာနများ မသိမရှိရအောင် အသိပေး၍ နှိုးဆော်လိုက်ရပါသည်။
https://www.facebook.com/lovelysmile.lay/posts/1390375664514923
0 comments:
Post a Comment