သနီချောင်းကမ်းပါးပြိုကျလာမှုကြောင့်
အိမ်ခြေ ၄၀-ကျော်စိုးရိမ်ဖွယ်ရှိနေပြီး ပြောင်းရွေ့ရန်အခက်ခဲများဖြစ်ပေါ်
ပန်းတောင်း၊မေ၊၃၀
ပဲခူးတိုင်းဒေသကြီး၊ပြည်ခရိုင်၊ပန်းတောာင်းမြို့နယ်၊ဇရပ်လှအုပ်စုအတွင်းရှိ
ဇရပ်လှရွာ၊၀ါးတိုက်မြောင်စသည့်ကျေးရွာရှိ သနီချောင်းရေစီးမှုဒဏ်တို့ကြောင့် သနီချောင်းကမ်းပါးများပြိုကျ၍
စိုးရိမ်ဖွယ်ရာနေအိမ်ပေါင်း ၄၀-ကျော်စိုးရိမ်ဖွယ်အခြေအနေရောက်ရှိနေမှုကြောင့် ပြောင်းရွေ့ရန်ခက်ခဲမှုများဖြစ်ပေါ်လျှက်ရှိကြောင်းဒေသခံများထံကသိရသည်။
“အိမ်ကအမြန်ရွေ့နေရတယ်။ဘယ်သူဘယ်ကမှလာမကူညီဘူး။ကိုယ့်စားရိတ်နဲ့ကိုယ်ပြောင်းရမှာ။ကမ်းပါးပြိုတာက
အိမ်တိုင်တွေအထိရောက်လာလို့ အိမ်တိုင်တွေတောင်မြေနဲ့လွတ်လာပြီ။ထပ်ပြီးရှေ့တိုးလို့လမ်းမရတော့ဘူး
လမ်းမကြီးကခံနေပြီ။နောက်မှာလည်းကမ်းပါးကပြိုနေပြီ။မြေနေရာလေးတော့ပေးစေချင်ပါတယ်။ရေကာတာတွေရိုက်ပေးစေချင်တယ်။ရွာကပျက်နေပြီ
ကြာရင်ရွာပါပျောက်လိမ့်မယ်။မြေ၀ယ်ဖို့ပိုက်ဆံလဲမရှိပါဘူး။ဒုက္ခတွေရောက်နေပါတယ်။အိမ်ပြောင်းရွေ့ရမယ်ဆိုရင်
ပစ္စည်းတွေအကောင်းတိုင်းမရတော့ပါဘူး။” ဟု ဇရပ်လှအုပ်စု၊ဇရပ်လှကျေးရွာ ဦးဥာဏ်ဦးကပြောသည်။
အဆိုပါ သနီချောင်းရေသည်
ဧရာဝတီမြစ်နှင့်တစ်ဆက်ထဲရှိနေပြီး ယင်းသနီချောင်းကမ်းပါးပြိုကျနေမှုမှာပြီးခဲ့သည့် ၂-နှစ်ခန့်ကတည်းကစတင်ပြိုကျလာခဲ့ရာ
ယခုနှစ်တွင်ပိုမိုဆိုးရွာစွာကြုံတွေ့နေရတာဖြစ်ကြောင်း ဒေသခံများထံကသိရသည်။
“သုံးထပ်ကလယ်ပေါ်
နယ်ကျော်တဲ့ကျောင်းကြီးဆိုတာလည်းရှိတယ်အဲဒိကျောင်းကြီးကရှေးဟောင်းကျောင်းတော်ကြီးကမ်းပါးပြိုကျလာမှုတွေကြောင့်
စိုးရိမ်နေရတယ်။ကမ်းပါးပြိုကျနေမှုကို ပြီးခဲ့တဲ့ နှစ်တွေကတည်းကတင်ပြခဲ့ပေမယ့်ဘာမှဖြစ်မလာခဲ့ဘူး။အခု
အစိုးရလက်ထပ်မှာဆက်တင်ပြထားတယ်။လွတ်တော်ကိုယ်စားလှယ်တွေအားလုံးလာကြည့်ပြီးလိုအပ်တာတွေကို
သက်ဆိုင်ရာတွေကိုတဆင့်ထပ်တင်ပေးပြပေးမယ်လို့ပြောသွားကြတယ်။အခုချိန်ကတည်းကမှဒီကမ်းပါးတွေကို
ထိန်းသိမ်းပြုပြင်မပေးရင်ရွာပျောက်သွားလိမ့်မယ်။အခုရွာကပျက်တောင်နေပြီ။ကမ်းပါးထိမ်းနံရံတွေပြုလုပ်ပေးစေချင်တယ်။ပြောင်းရွေ့နေရသူတွေကိုကူညီပေးစေချင်ပါတယ်။”ဟု
ဇရပ်လှအုပ်စု၊ဇရပ်လှကျေးရွာ ဦးတုတ်တီ-ကပြောသည်။
အဆိုပါ သနီချောင်းကမ်းပါးပြိုကျလာမှုသည်
လွန်ခဲ့သည့် နှစ်ရက်ခန့်လောက်မှာ စတင်ပြန်လည်၍ ဆိုးရွားစွာပြိုကျလာခဲ့တာဖြစ်ကြောင်းသိရပြီး
၂၀၁၆-ခုနှစ် မိုးရာသီကာလတွင်ထပ်မံပြိုကျလာနိုင်ဖွယ်ရှိနေမှုကြောင့် ပန်းတောင်းမြို့နယ်အုပ်ချုပ်ရေးမှူးရုံးသို့ ဒေသခံများကိုယ်စား
သက်ဆိုင်ရာ ကျေးရွာ အုပ်စုအုပ်ချုပ်ရေးမှူးတို့မှ မေ-၂၉ ရက်နေ့တွင် စတင်၍တင်ပြထားခဲ့ကြောင်းသိရသည်။
“လောလောဆယ်သတင်းပို့ထားတဲ့အဆင့်ပဲရှိသေးပါတယ်။လတ်တလာဘာမှမကူနိုင်သေးပေမဲ့
အန္တရာယ်ရှိနိုင်မယ့် လူနေအိမ်တစ်ချို့ကို ရွေ့ပြောင်းပေးထားတာတော့ရှိပါတယ်။ကမ်းပါးပြိုကျနေမှုကို
မြို့နယ်ထွေအုပ်နဲ့လွှတ်တော်ကိုယ်စားလှယ်တွေဆီကို တင်ပြပေးထားပါတယ်။အုပ်ချုပ်ရေးပိုင်နဲ့ရပ်မိရပ်ဖတွေကူညီပြီးရွေ့ပြောင်းအိမ်တွေကို
ကူညီလုပ်ကိုင်ပေးပါတယ်။အိမ်ခြံတွေကို အနောက်က ကမ်းပါးပြိုရင် အရှေ့တိုးဆောက်တယ်။အရှေ့ကပြိုရင်အနောက်တိုးဆောက်တာတွေတော့ရှိပါတယ်။အိမ်ခြံတွေကတော်တော်ကျဉ်းနေပြီဆိုတော့နောက်ထပ်ရွေ့စရာမြေမရှိတော့တဲ့လူတွေက
သူများအိမ်မှာကပ်နေရတာတွေလဲရှိနေပါတယ်။” ဟု ပန်းတောင်းမြို့နယ်အုပ်ချုပ်ရေးမှူးရုံး-အငယ်တန်းစာရေး-ဇရပ်လှအုပ်စုကျေးရွာတွင်တာဝန်ယူနေရသူ
ဒေါ်မြင့်မြင့်စန်း ကပြောသည်။
အဆိုပါ သနီချောင်းကမ်းပါးပြိုကျနေမှုတို့ကြောင့်
ဇရပ်လှအုပ်စုအတွင်းရှိ ဇရပ်လှကျေးရွာတွင် အိမ်ခြေပေါင်း ၃၆-အိမ် နှင့် ၀ါးတိုက်မြောင်ကျေးရွာတွင်
အိမ်ခြေပေါင်း ၆-အိမ်တို့မှာစိုးရိမ်ရသည့်အခြေအနေသို့ရောက်ရှိနေကြောင်း သက်ဆိုင်ရာများသို့တင်ပြမည့်
စာရွက်စာတမ်းများအရသိရသည်။
K3(pyay)ဒီမိုကရေစီတူဒေးသတင်းစာ
ပြည်သတင်းလူငယ်-ပြည်သတင်း-၀၉၂၅၃၃၁၁၀၁၉
0 comments:
Post a Comment