မှတပါးအခြားမရှိပြီ

သရ၀ဏ်(ပြည် )

မြန်မာ.နိုင်ငံရေးအခင်းအကျင်းသည်တဖြည်းဖြည်းနှင်.ဇာတ်ရှိန်မြင်.လာပါသည် ။ ၂၀၁၅ ရွေးကောက်ပွဲကလည်းတဖြည်းဖြည်းနီးလာပါပြီ ။ မြန်မာနိုင်ငံကိုခေါင်းဆောင်မည်. ခေါင်းဆောင်သစ် (သို.မဟုတ် )သမ္မတသစ်သည်မဝေးလှသော ၂၀၁၅ နှစ်ကုန်/၂၀၁၆ နှစ်ဆန်းခန်.တွင်ပေါ်ပေါက်လာပါတော.မည် ။လက်ရှိအုပ်ချုပ်နေသော သမ္မကြီးဦးသိန်းစိန်သည် မူလက သူ၏သမ္မတသက်တမ်းကုန်လျှင်နောက်ထပ်သက်တမ်း တစ်ခါထပ်ပြီးတာဝန်မထမ်းဆောင်လိုတော.ပါဟုပြောခဲ.ဖူးသည် ။ ထို.နောက်ပြည်ပခရီးစဉ်တစ်ခုတွင်ပြည်သူလူထုကလိုလားလျင် နောက်ထပ်သက်တမ်းတစ်ကြိမ်ထပ်မံတာဝန်ထမ်းဆောင်ပါဦးမည်ဟုဆိုလာပြည်သည် ။ ၂၀၁၀ ရွေးကောက်ပွဲအပြီးကတည်းက သမ္မတဖြစ်မည်ဟုလူများစုခန်.မှန်းခဲ.ကြပြီးမှ ပြည်သူ.လွှတ်တော်ဥက္ကရာထူးနှင်.ကြေနပ်ခဲ.ရသော (ယခုပြည်ထောင်စုလွှတ်တော်နာယကကြီး ) သူရဦးရွှေမန်းကရော သူသမ္မတဖြစ်ချင်သည်ဟုတရားဝင်ထုတ်ဖော်ကြေငြာထားဖူးသည် ။သို.သော် ဦးရွှေမန်းသည် ယခုအခါ ပြည်ခိုင်ဖြိုးပါတီဥက္ကဌနေရာမှ ဖယ်ရှားခံလိုက်ရသဖြင်. သမ္မတဖြစ်ရေးအိပ်မက်ပျက်ပျယ်လုနီးပါးဖြစ်သွားချေသည် ။ မြန်မာကရော ကမ္ဘာကပါ လေးစားလက်ခံသောဒီမိုကရေစီခေါင်းဆောင်ဒေါ်အောင်ဆန်းစုကြည်ကလဲသူသမ္မတလုပ်လိုပါသည်ဟုတရားဝင်ကြေငြာထားလေသည် ။သို.သော်ဒေါ်အောင်ဆန်းစုကြည်ကိုလဲ ဖွဲ.စည်းပုံအခြေခံဥပဒေပုဒ်မ ၅၉ (စ)ဖြင်.ချည်နှေင်ထားသဖြင်.သမ္မတဖြစ်ရေးမလွယ်ကူတော.ပါ ။ သူတို.သုံးယောက်အပြင် NLD နာယက ဦးတင်ဦး (ယခင်ကာကွယ်ရေးဦးစီးချုပ်ဟောင်း) ၊ NLD –CEC အဖွဲ.၀င် ဗိုလ်မှူးဟောင်း ဦးဝင်းထိန် တို.လဲ ရွေးကောက်ပွဲအောင်နိုင်မှုအခြေအနေအရ သမ္မတများဖြစ်လာနိုင်ပါသေးသည် ။ထို.အပြင် ယခုလက်ရှိကာချုပ် ဗိုလ်ချုပ်မှူးကြီးမင်းအောင်လှိုင်ကိုယ်တိုင် သမ္မတဖြစ်ချင်နေသည်.အရိပ်အယောင်အခင်းအကျင်းများကိုတွေ.ရ၏ ။

တကယ်တော.မြန်မာနိုင်ငံတွင်လက်ရှိနိုင်ငံ၏လိုအပ်ချက်အရ မဖြစ်မနေပြင်ဆင်သင်.သည်မှာ သမ္မတရွေးချယ်ပုံစနစ်ဖြစ်သည် ။ ယခုလက်ရှိကျင်းပနေသော အစုအဖွဲ.သုံးဖွဲ.မှတဆင်.ခံရွေးကောက်သောစနစ်မှအမေရိကန်ပြည်ထောင်စုမှာကဲ.သို. ပြည်သူလူထုကသမ္မတကိုတိုက်ရိုက်မဲပေးရွေးချယ်သော တိုက်ရိုက်သမ္မတရွေးပွဲစနစ်သို.ပြောင်းလဲသင်.ပါသည် ။သို.မှသာမည်သူမဆိုသမ္မတလောင်းအဖြစ်စာရင်းတင်သွင်းပြီး ပြည်သူ.အဆုံးအဖြတ်ကိုခံယူကာ ကြိုက်လျင်ကြိုက်သလိုတက်လာမည် ၊မကြိုက်လျင်မကြိုက်သလို ပြုတ်ကျန်ခဲ.မည်ဖြစ်သည် ။ပြည်သူကြိုက်လျင်ဆက်လုပ်မည်ဟုပြောသူသည် ထိုစနစ်ဖြင်.သာပြည်သူကြိုက်မကြိုက် ပြတ်ပြတ်သားသားသိရပေမည် ။ယခုသမ္မတရွေးပွဲစနစ်သည်ဝေ.လည်ကြောင်ပါတ်နိုင်လွန်းသည်ဟုယူဆမိပါသည် ။ သမ္မတဆိုသည်မှာ ဒုသမ္မတများကိုသူ.စိတ်ကြိုက်ရွေးချယ်ဖွဲ.စည်းကြစမြဲဖြစ်သည် ။မြန်မာနိုင်ငံမှာတော. သမ၀ါယမဆိုင်တွင် ဆီတစ်ပိသာဝယ်လျင် ဆင်ချေးတုံးဆပ်ပြာတစ်တောင်.ရောယူရသောစနစ်လို သမ္မတလုပ်မည်.သူသည် လွှတ်တော်ကရွေးပေးသော ရွေးကျသမ္မတလောင်းနှစ်ယောက်ကိုကြိုက်ကြိုက်မကြိုက် ဒုသမ္မတအဖြစ်လက်ခံရလေသည် ။ နိုင်ငံအတွက်အရေးအပါဆုံးရာထူးပိုင်ရှင်သမ္မတသည် သူ.လက်အောင်တွင် သူနှင်.ငါးနှစ်အတူအလုပ်တွဲလုပ်မည်. ဒုသမ္မတနှစ်ဦးကိုကိုယ်.စိတ်ကြိုက်ရွေးချယ်ခန်.အပ်ပိုင်ခွင်.မရှိခြင်းမှာ အတော်ကို ဒီမိုကရေစီစံနှင်.လွဲချော်နေပါသည် ။ ထိုအချက်ကိုအဓိကပြုပြင်ပြောင်းလဲရမည်.အစား အာဏာရပါတီသည် မယောင်ရာဆီလူးကာအမျိုးသားလွှတ်တော်၌ အချိုးကျကိုယ်စားပြုစနစ်ဟူသော P.R စနစ်ကိုဇွတ်ကြီးပြောင်းလဲရန်ကြိုးစားခဲ.ဖူးပါသည် ။ ခုတ်ရာတခြား ရှရာတခြားဖြစ်နေပါသည် ။ တကယ်ဖြစ်သင်.သည်က အရည်အချင်း အရှိဆုံးလူတစ်ယောက်ကို တိုင်းပြည်က သမ္မတအဖြစ်ရွေးကောက်တင်မြှောက်ခွင်.ရဖို.ဖြစ်သည် ။ လက်ရှိအခြေအနေတွင်ဒေါ်အောင်ဆန်းစုကြည်သမ္မတဖြစ်ရေးကို ကန်.သတ်ချုပ်ချယ်ထားသည် ပုဒ်မ ၅၉ (စ)ကို ပြည်ခိုင်ဖြိုးပါတီလွှမ်းမိုးထားသောလွှတ်တော်ကပြင်ဆင်လိုသော ဆန္ဒမရှိပေ ။ တပ်မတော်သား၂၅ ရာခိုင်နှုန်းကလည်း ပြင်ဆင်ရန်ဆန္ဒလုံးဝမရိပေ ။ထို.ကြောင်.ဒေါ်အောင်ဆန်းစုကြည်သမ္မတဖြစ်ရေးမှာ ဖြစ်နိုင်ခြေမရှိသလောက်ဖြစ်နေပါသည် ။ အရည်အချင်းရှိသောသမ္မတကိုရွေးချယ်မိဖို.အရေးကြီးပါသည် ။ မြန်မာနိုင်ငံသည် လွတ်လပ်ရေးရခဲ.သော ၁၉၄၈ ခုနှစ်မှ ယနေ.အချိန်အထိ သမ္မအဖြစ်တာဝန်ထမ်းဆောင်ခဲ.သူ (သမ္မတဦးသိန်းစိန်အပါအ၀င် သမ္မတ ကိုးဦး ရှိခဲ.ပါသည် )

လွတ်လပ်သောပြည်ထောင်စုမြန်မာနိုင်ငံတော်၏ ပထမဆုံးသမ္မတကြီးမှာ စ၀်ရွှေသိုက်ဖြစ်ပါသည် ။ သမ္မတကြီးစ၀်ရွှေသိုက်သည် ညောင်ရွှေစော်ဘွားဖြစ်ပြီး ၁၉၄၈ မှ ၁၉၅၂ အထိသမ္မတ တာဝန်ထမ်းဆောင်ခဲ.ပါသည် ။ သမ္မကြီးသည် ပထမကမ္ဘာစစ်အတွင်း အင်္ဂလိပ်စစ်တပ်တွင်အမှုထမ်းခဲ.ဖူးသော်လည်း ညောင်ရွှေစော်ဘွားဖြစ်လာသော၁၉၂၉ မှစကာစစ်မှုထမ်းမဟုတ်တော.ပေ ။ သမ္မတအဖြစ်ရွေးချယ်ခံရချိန်တွင် အရပ်သားပညာတတ်တစ်ယောက်ဖြစ်သည် ။ မြန်မာ.ပထမဆုံးသမ္မတသည် ရှမ်းတိုင်းရင်းသား ပညာတတ်အရပ်သားတစ်ယောက်ဖြစ်ပါသည် ။ဦးနေ၀င်း၁၉၆၂ တွင်အာဏာသိမ်းသောအခါထိမ်းသိန်းခံရပြီးကွယ်လွန်သည် ။

မြန်မာနိုင်ငံ၏ ဒုတိယမြောက်သမ္မတအဖြစ်ဆက်ခံသူမှာသမ္မတကြီး ဒေါက်တာဘဦးဖြစ်သည် ။၁၉၅၂ မှ ၁၉၅၇ အထိ တာဝန်ထမ်းဆောင်ခဲ.သည် ။ အင်္ဂလန်နိုင်ငံကိန်းဘရစ်တက္ကသိုလ်မှ မဟာဝိဇ္စာဘွဲ.နှင်.၀တ်လုံစာမေးပွဲအောင်မြင်ခဲ.သူဖြစ်သည် ။ သမ္မတအဖြစ်ခန်.အပ်ခံရချိန်တွင် တရားလွှတ်တော်ချုပ် တရားဝန်ကြီးဖြစ်သည် ။ နောက်ထပ်ပညာတတ်အရပ်သားသမ္မတတစ်ဦးဖြစ်သည် ။

တတိယမြောက်သမ္မတသည် သမ္မတကြီးဦးဝင်းမောင်(ခေါ်)မန်းဝင်းမောင်ဖြစ်သည် ။ကရင်တိုင်းရင်းသားဖြစ်သည် ။၁၉၅၇ မှ ၁၉၆၂ ဦးနေ၀င်းအာဏာသိမ်းသည်.အချိန်အထိ သမ္မတတာဝန်ထမ်းဆောင်ခဲ.သည် ။ ၁၉၄၁ ဗိုလ်သင်တန်းတက်ခဲ.ပြီးဖက်ဆစ်ဂျပန်တော်လှန်ရေးတွင်ပါဝင်ခဲ.သည် ။သမ္မတဖြစ်ချိန်တွင်စစ်တပ်နှင်.အဆက်အစပ်မရှိတော.ပဲ အရပ်သားသမ္မတအဖြစ်တက်လာခြင်းဖြစ်သည် ။

မြန်မာ.သမိုင်း၏စတုတ္ထမြောက်သမ္မတမှာ ဗိုလ်ချုပ်နေ၀င်းဟုနာမည်ကျော်သော သမ္မတကြီးဦးနေ၀င်းဖြစ်သည် ။ ဦးနေ၀င်းသည် ပြည်သူကရွေးချယ်တင်မြှောက်၍ခေါင်းဆောင်ဖြစ်လာသူမဟုတ်ပဲ အာဏာသိမ်းဗိုလ်ချုပ်အဖြစ်တိုင်းပြည်ခေါင်းဆောင်ဖြစ်လာသူဖြစ်သည် ။မြန်မာ.ဆိုရှယ်လစ်လမ်းစဉ်ပါတီကိုထူထောင်ပြီး လက်ညှိုးထောင်ခေါင်းညိတ် လွှတ်တော်က ၁၉၇၄ အခြေခံဥပဒေအရ သမ္မတတင်မြှောက်ခြင်းကိုခံရသူဖြစ်သည် ။ ၁၉၇၄ မှ ၁၉၈၁ အထိ သမ္မတအဖြစ်တာဝန်ထမ်းဆောင်ခဲ.သည် ။ စစ်တပ်ကတိုင်းပြည်ကိုစတင်လွှမ်းမိုးစေသောသမ္မတဖြစ်သည် ။ သမ္မတဖြစ်သော်လည်းဦးနေ၀င်းသည် တပ်မတော်ကို သူ.အာဏာစက်ကွင်းအောက်တွင်ထိမ်းချုပ်ထားနိုင်ခဲ.သည် ။

ဦးနေ၀င်းကိုဆက်ခံသော ပဉ္စမမြောက်မြန်မာ.သမ္မတမှာ ဦးစန်းယုဖြစ်သည် ။ ၁၉၈၁ မှ ၁၉၈၈ အထိသမ္မတာဝန်ထမ်းဆောင်ခဲ.သည် ။ ဦးစန်းယုသည်လည်းတပ်မှလာသူဖြစ်သည် တပ်ရင်းမှူး၊တပ်မမှူး၊တိုင်းမှူး၊ကာကွယ်ရေးဦးစီးချုပ်တာဝန်များကိုထမ်းဆောင်ခဲ.သည် ။ စစ်တပ်မှလာသောနောက်ထပ်သမ္မတတစ်ယောက်ဖြစ်သည် ။

၁၉၈၈ အရေးအခင်းဖြစ်ပွားသောအခါ သမ္မတဦးစန်းယုနုတ်ထွက်သွားပြီး နိုင်ငံတော်ကောင်စီဝင် ဦးအေးကိုက ယာယီသမ္မတအဖြစ် ဇူလိုင် ၂၅ မှ ၂၇ အထိ (၃) ရက် တာဝန်ထမ်းဆောင်သဖြင်. သမိုင်းတွင်သက်တမ်းအတိုဆုံးသမ္မဖြစ်သည် ။ ခြောက်ယောက်မြောက်သမ္မတဖြစ်သောဦးအေးကိုမှာလည်းတပ်မှလာသူပင်ဖြစ်သည် ။သူသည် တပ်မတော်တွင်ဒုတိယဗိုလ်ချုပ်ကြီးအဆင်.အထိတာဝန်ထမ်းဆောင်ခဲ.သည် ။

ဒီမိုကရေစီတောင်းဆိုပွဲလူထုတော်လှန်ရေးအရှိန်မြင်.တက်နေဆဲ ကာလ၀ယ် ကျားကွက်ထဲသို.ထိုးကျွေးခံရသောဦးနေ၀င်း၏နယ်ရုပ်တစ်ရုပ်သဖွယ်ဖြစ်သည် ။ဦးစိန်လွင်သည် ၁၉၈၈ ဇူလိုင် (၂၇)ရက်နေ.တွင် သမ္မတဖြစ်ကာ သြဂုတ်လ (၁၂)ရက်နေ.တွင်တာဝန်မှအနားယူနုတ်ထွက်ခဲ.ရသဖြင်. ဆယ်.ခြောက်ရက်ပဲအုပ်ချုပ်ခဲ.ရသော သမ္မတဖြစ်သည် ။ ဦးစိန်လွင်သည်လည်း တပ်မှလာသောသမ္မတဖြစ်သည် ။ ဗိုလ်မှူးချုပ်အဆင်.အထိတာဝန်ထမ်းဆောင်ခဲ.သူဖြစ်သည် ။ ပညာတတ်တစ်ယောက်မဟုတ်ပဲ ဒီမိုကရေစီဆန္ဒပြသမားများကိုအကြမ်းဖက်ပစ်ခတ်နှိမ်နှင်းခဲ.သဖြင်. အရေးအခင်းကာလတွင် ပြည်သူလူထုက “ စိန်လွင်ခြောက်တန်း၊တဇောက်ကမ်း ၊စောက်ရမ်းအုပ်ချုပ်တိုင်းပြည်ပြုတ် “ ဟု ကြွေးကြော်ရှုတ်ချခြင်းကိုခံရသူဖြစ်သည် ။

ဦးစိန်လွင်ပြုတ်ကျသွားပြီးသောအခါ ပညာတတ်သမ္မတတစ်ဦးဖြစ်သောဒေါက်တာမောင်မောင်သည် ရှစ်ယောက်မြောက်မြန်မာ.သမ္မတအဖြစ် တက်လာပါသည် ။ဒေါက်တာမောင်မောင်သည် လူတော်တစ်ဦးဖြစ်သော်လည်း ဦးနေ၀င်း၏လူဖြစ်ခြင်း ၊ လူထုမုန်းတီးသော မြန်မာ.ဆိုရှယ်လစ်လမ်းစဉ်ပါတီမှဆင်းသက်လာသူဖြစ်ခြင်း၊ တပ်မတော်လူထွက်တစ်ယောက်ဖြစ်ခြင်း ကြောင်.လူကြိုက်နည်းခဲ.ပါသည် ။ သူသည် သမ္မတအဖြစ် ၁၈.၈.၁၉၈၈ မှ ၁၈.၉.၁၉၈၈ စစ်တပ်မှအာဏာသိမ်းသည်.နေ.အထိ တာဝန်ထမ်းဆောင်ခဲ.ပါသည် ။ တပ်မှလာသော်လည်း ကျောင်းသားသမဂ္ဂအဆောက်အဦကိုပြန်ဆောက်ပေးမည် ၊ ကျောင်းသားသမဂ္ဂတရားဝင်ဖွဲ.ခွင်.ပေးမည်ဟုပြောခဲ.သောသမ္မတဖြစ်ပါသည် ။ထိုကတိကိုအစိုးရသည်ယခုထက်ထိမတည်သေးပါ ။ ကျောင်းသားများကိုအကြမ်းဖက်နိပ်ကွပ်ဆဲပင်ဖြစ်သည် ။

ဒေါက်တာမောင်မောင်အလွန်တွင်မြန်မာနိုင်ငံ၌ သမ္မတမရှိတော.ပါ ။သို.သော် ထိုစဉ်ကအာဏာကိုရယူအုပ်ချုပ်ခဲ.သော ခေါင်းဆောင်များသည် သူတို.ကိုယ်သူတို. နိုင်ငံတော်အကြီးအကဲ ဟူ၍မကြာခနညွှန်းဆိုသဖြင်. ဗိုလ်ချုပ်မှူးကြီးစောမောင် နှင်. ဗိုလ်ချုပ်မှူးကြီးသန်းရွှေတို.သည် (မကြေငြာသော်လည်း ) ၁၉၈၈ မှ ၂၀၁၀ အထိ သမ္မတသဖွယ်ဖြစ်ပါသည် ။ ထိုသူနှစ်ဦးသည်လည်း တပ်မှတိုက်ရိုက်အုပ်ချုပ်သောစနစ်ကိုရွေးချယ်ခဲ.ပါသည် ။ နှစ်ယောက်လုံးသည် ပညာတတ်များတော.မဟုတ်ပါ ။

၂၀၁၀ တွင်တော. သမ္မတဦးသိန်းစိန် အာဏာရလာပါသည် ။မြန်မာနိုင်ငံ၏ (၉) ဦးမြောက်တရားဝင်သမ္မတဖြစ်ပါသည် ။ ဦးသိန်းစိန်သည်လည်းစစ်တပ်မှထွက်လာသော DSA ကျောင်းဆင်း ဗိုလ်ချုပ်ကြီးဟောင်းဖြစ်ပါသည် ။

ဤသည်မှာအတိတ်ကသမ္မတရှစ်ဦးနှင်.လက်ရှိသမ္မတတို.၏ သမိုင်းအကျဉ်းချုပ်ဖြစ်ပါသည် ။ ၂၀၁၅ေ၇ွးကောက်ပွဲတွင် မြန်မာနိုင်ငံ၏ဆယ်ဦးမြောက်သမ္မတကိုရွေးချယ်ပါမည် ။ စ၀်ရွှေသိုက် ၊ဒေါ်က်တာဘဦး ၊မန်းဝင်းမောင်တို. နောက်ပိုင်းတွင်ပျောက်ကွယ်ခဲ.သော ပညာတတ်သမ္မတမျိုးဆက်ကိုပြည်သူလူထုကတောင်.တနေကြပါသည် ။တစ်ခါလာလည်း မဲပြာပုဆိုးဆိုသလို စစ်ဗိုလ်လူထွက်များ ၁၉၆၂ မှ ပုံစံအမျိုးမျိုးဖြင်.အုပ်ချုပ်နေသည်ကို အားလုံးကစိတ်ကုန်နေပါပြီ ။ အရပ်သားပညာတတ် သမ္မတများလက်ထက်ကမြန်မာနိုင်ငံသည် အာရှတွင် အဘက်ဘက်မှရှေ.ဆုံးတွင်ရှိခဲ.ပါသည် ။နိုင်ငံ.ဂုဏ်သည်ကမ္ဘာတွင်တင်.တယ်ခဲ.ပါသည် ။ယခုအခါတွင်မြန်မာသည် မကောင်းသည်.အရာများစာရင်းပြုစုလိုက်တိုင်းအနဲဆုံး 1 to 10 စွဲပါသည် ။ စစ်ဘက်မှလာသူများ ၁၉၆၂ မှစကာ နိုင်ငံကိုအုပ်ချုပ်ခဲ.ရာတွင် အဘက်ဘက်မှခေတ်နောက်ကျမှု ၊ဆင်းရဲမွဲတေမှု၊ နိုင်ငံသယံဇာတများ ကုန်လုနီးပါးဖြစ်သွားမှု ၊ပညာရေးစနစ်နိမ်.ကျမှု ၊ မြန်မာလူငယ်များပြည်ပတွင်မျက်နှာအောက်ကျကာ ကျွန်သာသာအလုပ်များလုပ်ကိုင်ရမှု ၊ ဆင်းရဲချမ်းသာအလွန်အမင်းကွာဟမှု၊ အဂတိလိုက်စားမှု ၊တရားရေးမဏ္ဍိုင်ယိမ်းယိုင်ခဲ.မှုများဖြစ်ပေါ်ခဲပါသည် ။ယခုအခါအပြောင်းအလဲတစ်ခုကိုတစ်နိုင်ငံလုံးဝိုင်း၍ တွန်းကြရတော.မည်.အချိန်ဖြစ်သည် ။ ပညာတတ်အရပ်သားအစိုးရအုပ်ချုပ်မှ ၊ အရပ်သားသမ္မတခေါင်းဆောင်မှတိုင်းပြည်တိုးတက်နိုင်မည် ဖြစ်ရာ အပြောင်းအလဲများစွာကိုသယ်ဆောင်လာမည်ဟုယုံကြည်ရသော ခွပ်ဒေါင်းရုပ်နှင်.ကြယ်ဖြူပါသောအရပ်သားပါတီမှတပါး လူထု၏အားထားစရာသည် မရှိတော.ပါကြောင်း သတင်းကောင်းပါးလိုက်ရပါသည် ။

သရ၀ဏ်(ပြည်)
Eternal Light မဂ္ဂဇင်း
၂၀၁၅ အောက်တိုဘာ

ပြည်​သတင်း
www.facebook.com/pyaynews