မော်တော်ယာဉ်ဥပဒေသစ်အတိုင်းယာဉ်စည်းကမ်းဖောက်ဖျက်သည့် ယာဉ်များကိုဒဏ်ကြေးသုံးသောင်းစတင်မကောက်ခံသေးဘဲပညာပေးကာလအားစက်တင်ဘာ ၁၇ ရက်မှစ၍ သတ်မှတ်ထားကြောင်းရန်ကုန်တိုင်းဒေသကြီးအမှတ် ၂ ယာဉ်ထိန်းရဲတပ်ဖွဲ့မှူးရုံး၊ တာဝန်ရှိသူတစ်ဦးထံမှ သိရှိရသည်။
ယာဉ်စည်းကမ်းဖောက်ဖျက်သည့် မော်တော်ယာဉ်များကိုဒဏ်ရိုက်အရေးယူရာ၌ ငွေကျပ် သုံးသောင်းထက်မပိုသောပမာဏဖြင့် အရေးယူဆောင်ရွက်ရန် မော်တော်ယာဉ်ဥပဒေသစ်တွင် ပြဋ္ဌာန်းထားခြင်းကြောင့် ရန်ကုန်မြို့တွင်းပြေးဆွဲနေသည့် ခရီးသည်တင်ဘတ်စ်ကားအများစုမှာယာဉ်လိုင်းမထွက်ရှိဘဲ ဆန္ဒပြတောင်းဆိုမှုများရှိလာခဲ့သည်။ သို့ဖြစ်၍ ယာဉ်စည်းကမ်းဖောက်ဖျက်သည့် ယာဉ်များအားမော်တော်ယာဉ် ဥပဒေသစ်အတိုင်းအရေးယူရာတွင် ပြည်သူလူထုစိတ်အနှောက် အယှက်ဖြစ်စေနိုင်သည့် ယာဉ်စည်းကမ်းဖောက်ဖျက်မှုနှင့် ကြီးမားသောပြစ်မှုများ ကျူးလွန်ခြင်းတို့ကိုသာသတ်မှတ်ဒဏ်ကြေးအတိုင်းဒဏ်ရိုက်အရေးယူသွားမည်ဖြစ်ပြီး ပြစ်မှုငယ်များကိုပညာပေးကာလအနေဖြင့် ဆောင်ရွက်သွားမည်ဖြစ်ကြောင်းသိရသည်။
“ယာဉ်စည်းကမ်းဖောက်ဖျက်တဲ့ယာဉ်တွေကိုလောလောဆယ်ပညာပေးကာလအဖြစ် သတ်မှတ်ထားပါတယ်၊ ပညာပေးကာလဆိုပေမဲ့ ပြစ်မှုငယ်တွေကလွဲပြီး ပြည်သူလူထုကိုစိတ် အနှောက်အယှက်ဖြစ်စေတဲ့ ကြီးလေးတဲ့ပြစ်မှုတွေကို ကျူးလွန်ရင်တော့ မော်တော်ယာဉ်ဥပဒေသစ်မှာပြဋ္ဌာန်းထားတဲ့အတိုင်းဒဏ်ရိုက်အရေးယူသွားမှာပါ၊ သာမန်အမှုငယ်တွေဆိုရင်တော့ ပညာပေးကာလအနေနဲ့ အသိပညာပေးရှင်းလင်းပြောပြပေးဖို့ ယာဉ်ထိန်းရဲတပ်ဖွဲ့ဝင်တွေကို ညွှန်ကြားထားပါတယ်”ဟုရန်ကုန်တိုင်းဒေသကြီးအမှတ် ၂ ယာဉ်ထိန်းရဲတပ်ဖွဲ့မှူးရုံး၊ဒုတိယရဲမှူးကြီးအောင်ကိုဦးကပြောကြားခဲ့သည်။
ယာဉ်စည်းကမ်းဖောက်ဖျက်သည့် သာမန်အမှုငယ်များကိုပညာပေးကာလသတ်မှတ်ရာ၌ စက်တင်ဘာဒုတိယပတ်မှစ၍ အောက်တိုဘာလအထိသတ်မှတ်ထားသည်။ ပညာပေးကာလအား တရားဝင်ထုတ်ပြန်သွားမည် မဟုတ်သော်လည်းမော်တော်ယာဉ်ဥပဒေသစ်အားယာဉ်အသုံးပြုသူနှင့်လမ်းအသုံးပြုသူများလိုက်နာစေရန် ရှင်းလင်းပြောပြပေးသွားမည်ဖြစ်ကြောင်းသိရသည်။
ကျော်သိန်းဆွေ
Automobile Journal
0 comments:
Post a Comment