အရက်မတိုက်သဖြင့် ပြည်မြို့လယ်ကောင် ဓားခုတ်မှုဖြစ်
ပြည်မြို့လယ်ကောင် ရွှေဆံတော်စေတီတော်မြတ် ခြေတော် ရင်းရှိ နာရီစင်ကြီးအနီးတွင် ရန်စအရက်တိုက်ခိုင်းရာမှ ဓားခုတ်မှုဖြစ်ပွားခဲ့ကြောင်း သတင်း ရရှိ သည်။
စက်တင်ဘာ ၁၂ ည ၁၁ နာရီခန့်တွင် ပြည်မြို့ န၀င်းရပ် ကွက်နေ ကျွဲပေါက်(၂၄) နှစ်သည်နာရီစင်အနီး ကွမ်းယာဆိုင်၌ ကွမ်းယာဝယ်နေသော ကျော်ခိုင်(၂၇)နှစ်ထံမှ အရက်တောင်း သောက်ကာရန်စခဲ့သည်။ ကျော်ခိုင်က အရက်မတိုက်ဘဲပြန်လည် စိန်ခေါ်ခဲ့ရာ ကျွဲပေါက်က အသင့်ပါလာသော ဓားရှည်ဖြင့် ခုတ်ခဲ့ သည်ဟု ပြည်မြို့မရဲစခန်းမှ ရဲအရာရှိတစ်ဦးက ပြောသည်။
‘‘ကွမ်းယာဆိုင်မှာ ကွမ်း ၀ယ်နေတဲ့လူဆီမှာ အရက်ပုလင်း ရှိတယ်။ အဲဒါကို ကျွဲပေါက်က အ ရက်တောင်းသောက်တယ်။ ပြီး တော့ ရန်စတယ်။ တစ်ဖက်လူ က အရက်မတိုက်ဘဲ ပြန်စိန်ခေါ် တယ်။ အဲဒီမှာ အသင့်ပါလာတဲ့ ဓားနဲ့ ခုတ်တယ်။ အခုဓားနဲ့ ခုတ် တဲ့သူကို ဖမ်းဆီးစစ်ဆေးနေပါ တယ်’’ဟု ပြည်မြို့မရဲစခန်းမှ အမှုစစ် ဒုရဲအုပ်ဇော်မင်းက ပြောသည်။
ဓားခုတ်မှုကြောင့် ကျော်ခိုင် ၏ ၀ဲဘက်လက်ကောက်ဝတ်တွင် အရိုးအကြောပြတ်ရှဒဏ်ရာ ရရှိ ခဲ့ပြီး ပြည်ဆေးရုံကြီး၌ အတွင်း လူနာအဖြစ် တက်ရောက်ကုသ နေရကြောင်း၊ ဓားဖြင့် ခုတ်သူ ကျွဲပေါက်ကို ပြင်းထန်စွာနာကျင် စေမှု ဥပဒေပုဒ်မ ၃၂၆ အရ ပြည် မြို့မရဲစခန်းက အမှုဖွင့်အရေးယူ ထားကြောင်း သတင်းရရှိသည်။
‘‘ရန်ဖြစ်တဲ့သူ နှစ်ယောက်က လွန်ခဲ့တဲ့ ငါးရက်လောက်တုန်း က ဗိုလ်ချုပ်လမ်းမှာရှိတဲ့ ကလေး ကစားကွင်းတစ်ခုမှာ ရန်ဖြစ်ခဲ့ တယ်။ အဲဒီချိတ်နဲ့ အခုဓားနဲ့ ခုတ် တဲ့အထိ ဖြစ်လာတာ။ ဖြစ်တာ ကလည်း ပြည်မြို့လယ်ကောင် မြို့မရဲစခန်းနားမှာ ဖြစ်တာ။ ဆိုး သွမ်းမှုတွေ အတင့်ရဲလာတယ်’’ ဟု ရန်ဖြစ်သူနှစ်ဦးနှင့် သိကျွမ်း သူပြည်မြို့ဒေသခံတစ်ဦးက ပြော သည်။ By ဇော်မင်းထိုက် 7Day Daily
Wednesday, September 16, 2015
အရက်မတိုက်သဖြင့် ပြည်မြို့လယ်ကောင် ဓားခုတ်မှုဖြစ်
0 comments:
Post a Comment