ပြည်မြို့တွင် သတိမေ့၍ ကားသော့တန်းလန်းထားရာ ကားခိုးယူမောင်းနှင်ထွက်ပြေးခံရ
ပြည့်သဲမောင်(ပြည်)၀၉ ၄၂၃၆ ၇၁၈၈၃
ပဲခူးတိုင်းဒေသကြီး ပြည်ခရိုင် ပြည်မြို့တွင် ဇူလိုင်လ(၁၅)ရက်နေ့
နံနက်(၃း၃၀)နာရီ အချိန်ခန့် လမ်းတစ်ဖက်ခြမ်း၌ သတိမေ့၍
ကားသော့တန်းလန်းနှင့်ရပ်ထားမိရာမှ ကားခိုးယူခံရကြောင်း
သိရသည်။
ဖြစ်စဉ်မှာ ပြည်မြို့ ရွာဘဲရပ်ကွက် မြကန်သာရပ်နေ
ဦးဇော်မင်း(၄၀)နှစ်ယာဉ်မောင်းသည် ၄င်းပိုင်ဆိုင်သော
တန်ဖိုးငွေကျပ်သိန်(၁၄၀)ခန့်ရှိ DD-6657 HYUNDAI
STAREX ခဲရောင်မော်တော်ယာဉ်ကို ၄င်းတို့နေအိမ်ရှေ့
လမ်းတစ်ဖက်ခြမ်းတွင် သတိမေ့၍ ကားသော့တန်း
လန်းနှင့်ရပ်ထားကာ မိသားစုနှင့်အတူ ၄င်းနေအိမ်အတွင်း
အိပ်ပျော်နေကြကြောင်း၊ကားစက်နိုးသံကြား၍ ဦးဇော်မင်းမှ
ထကြည့်ရာ ကားရပ်ထားသောနေရာတွင်မရှိတော့ ဘဲခိုး
ယူမောင်းထွက်သွားသည်ကိုသိရကြောင်းဆို၏။
ထို့ကြောင့် ဦးဇော်မင်းသည်ဆိုင်ကယ်နှင့်လိုက်လံရှာဖွေရာ ရွာဘဲရပ်ကွက်၊အနောက်နတ်ကွန်းအရောက်တွင် ကားခိုး
သူမှာ နတ်ကွန်းအုတ်နံရံအားဝင်တိုက်မိသဖြင့် ကားခိုးသူကို
ကားနှင့်အတူမိခဲ့ပြီး ကား၏ခေါင်းပိုင်း/ဘေး များပါပိန်ချိုင့်ပျက်စီး
ခဲ့ကြောင်း၊ကားခိုးသူမှာ ထွန်းလင်းအောင် ဖြစ်ကြောင်းမေးမြန်း
သိရှိရသည်ဟု ရဲမှတ်တမ်း အရသိရသည်။
သို့ပါသောကြောင့် ကားခိုးယူထွက်ပြေးသူ ထွန်းလင်းအောင်
အားအရေးယူပေးပါရန် ဦးဇော်မင်းမှတရားလိုပြု လုပ်တိုင်တန်း
ခဲ့သဖြင့် ပြည်မြို့မရဲစခန်း(ပ)၆၀၀/၂၀၁၅ ပြစ်မှုပုဒ်မ -၃၇၉(ကား)
အရ အမှုဖွင့်ဆောင်ရွက်ကာ ပြစ်မှုကျုးလွန်သူ ထွန်းလင်းအောင်
(၂၇)နှစ်သံပုရာခုံရပ်ကွက် ၊မြောက်နဝင်းရွာသစ်ကြီးအုပ်စု ၊ပြည်မြို့
နယ် နေသူအား ဒုရဲအုပ်လှိုင်မိုးဝေမှအမှုဖြင့်ဖမ်းဆီး၍ လက်ခံစစ်ဆေး
လျှက်ရှိကြောင်း သတင်းရရှိသည်။
ပြည့်သဲမောင်(ပြည်)၀၉ ၄၂၃၆ ၇၁၈၈၃
0 comments:
Post a Comment