ဆေးဆရာကြီးလွယ်အိတ်ထဲလက်နှိုက်နေပြီလား ကိုလေး(ပြည်)

ဆေးဆရာကြီးလွယ်အိတ်ထဲလက်နှိုက်နေပြီလား

ကိုလေး(ပြည်)

အခု နိုင်ငံတော်မှာ ဖြစ်ပျက်နေတဲ့ အဖြစ်အပျက်တွေကို မြင်နေကြားနေရတော့ ကျွန်တော်ကြားဖူးထားတဲ့ ပုံပြင်လေးတစ်ပုဒ်ကိုသတိရမိပါတယ်။
တစ်ခါတုန်းကရွာတစ်ရွာမှာဆေးဆရာဦးတုတ်ကြီးဆိုတဲ့လူတစ်ယောက်ရှိတယ်။အဲ..ဗိန္တောဆရာကြီးပေါ့။ဒါပေမယ့် သူကလိုအပ်ရင်လိုအပ်သလိုဆေးထိုးအပ်ကိုင်ပြီးဆေးထိုးပေးတဲ့ အခါလည်းရှိတယ်။ဆေးသာထိုးပေးတာသူကိုယ်တိုင် က ဆေးထိုးတဲ့ပညာနဲ့ပါတ်သက်ရင် စံနစ်တကျသင်ယူထားတာလည်းမရှိပါဘူး။လူများအထင်ကြီးခံချင်လို့သာပါ။
ဒီလိုနဲ့ ဒေါက်တာရမ်းကုတို့ရဲ့ ထုံးစံအတိုင်းသူ့ရဲ့ ဆေးကုသမှုတွေကိုခံယူပြီးသေဆုံးသွားရသူတွေမနည်းတော့ဘူးပေါ့။ဒါပေမယ့် တောရွာတွေမှာကအားကိုးစရာဆရာကောင်းကမရှိလေတော့ သေတစ်ကံရှင်တစ်ကံဆိုပြီးဦးတုတ်ကြီးနဲ့သာကုသနေရတာပေါ့။ကြာလာတာနဲ့အမျှ သေတဲ့လူတွေကလည်းများများလာတယ်။
ဒီလိုနဲ့ တိုတိုချုပ်ကြပါစို့။တနေ့ အဲဒီဆေးဆရာဦးတုတ်ကြီးဆိုတဲ့လူလည်း သတ္တ၀ါတိုင်းမလွဲမသွေ သွားရာလမ်းဖြစ်တဲ့ မရဏလမ်းကိုသွားရတော့တာပေါ့။သူလည်းသချိုင်းကုန်းကိုရောက်ရောပထမသူဆေးထိုးမှားလို့ သေတဲ့လူတွေကအသင့် စောင့်နေတယ်တဲ့။“ဟေး..အားလုံလူတွေစုထားကြဒီမှာဒို့ကိုဆေးထိုးသတ်ထားတဲ့ ဆေးဆရာကြီးလာနေပြီ။ဒီတစ်ခါတော့ ဒို့အလှည့်ပေါ့ကွာ။ဒို့တွေ အားလုံး သူ့ကိုဝိုင်းသတ်ကြရအောင် လာကြဟေ့။”လို့ ဆိုပြီးသေပြီးသားလူတွေထဲကတစ်ယောက်ကအော်ပြောလိုက်တော့ သူ့လူတွေလည်း ၀ိုင်းလာကြပြီး ဆေးဆရာဦးတုတ်ကြီးကိုသတ်ဖို့ ရှေ့ကိုတိုးသွား ကြတယ်တဲ့။ဒါပေမယ့် ဆေးဆရာဦးတုတ်ကြီးကမမှုပါဘူး။ခပ်တည်တည်ပဲ။လွယ်အိတ်ထဲကိုလက်နှိုက်ပြီးတော့ “ကဲ.သတ္တိရှိတဲ့ကောင်တွေလာကြစမ်းကွာ။မင်းတို့ သေပြီးသားထပ်ပြီးသေချင်သေးလို့လား။”လို့ ပြန်ပြောလိုက်တော့ သူ့ကိုသတ်ဖို့လာကြတဲ့ သေပြီးသားရွာသားတွေ နောက်ကိုအကုန်ဆုတ်ကုန်တော့တယ်တဲ့။..ပုံပြင်လေးကတော့ ဒါပါပဲ။
ကျွန်တော်တို့ မြန်မာနိုင်ငံမှာလည်းဆေးဆရာဦးတုတ်ကြီးလိုမတတ်တတတ်ဆေးဆရာတွေကြောင့် ပြည်သူတွေ သေခဲ့ကြတာ နှစ်ပေါင်း(၅၀)ကျော်(၆၀)နီးပါးဖြစ်ခဲ့ရတာအကုန်လုံးသိပြီးသားတွေပါပဲ။အခု ပြည်သူတွေက ပြန်သတ်မယ့် အလှည့်ကျတော့ ဆေးဆရာကြီးဆေးအိတ်ထဲကိုလက်နှိုက်နေပါပြီ။
ရီစရာကောင်းလိုက်ပုံများ။၂၀၀၈-ဖွဲ့စည်းပုံအခြေခံဥပဒေကို (၁၀)နှစ်(၁၀)မိုးအချိန်အကုန်ခံပြီးရေးဆွဲခဲ့ကြ။ပြီးတော့ နာဂစ်မုန်တိုင်းကာလ ပြည်သူတွေအတိဒုက္ခရောက်နေချိန်မှာပဲအတင်းအတည်ပြုခဲ့ကြတာ။အံ့သြကုန်နှိုင်ဖွယ် ထောက်ခံမဲတွေ ရခဲ့ကြတယ်ဆိုပဲ။ကမ္ဘာမှာမြောက်ကိုးရီးယားကလွဲလို့ ဘယ်နိုင်ငံမှာမှ မရခဲ့ဘူးတဲ့ထောက်ခံမဲတွေ ဆိုပြီးအခြားတိုင်းပြည်တွေကတောင် ငေးယူရတယ်။ဒီအခြေခံဥပဒေကြီးဘယ်လောက်မှန်ကန်တယ်ဆိုတာကာယကံရှင်တွေကော ပြည်သူတွေကောအကုန်သိသဗျ။ထားတော့ အဲဒီကိစ္စ။
အခုဆို ၂၀၁၅- ရွေးကောက်ပွဲကြီးနီးလာပါပြီ။ဒီလိုနီးနေတဲ့အချိန်မှာပဲတိုင်းပြည်ရဲ့ တည်ငြိမ်အေးချမ်းမှုကို ပြန်ကြည့်ပါဦး။လောက်ကိုင်ဒေသကတိုက်ပွဲတွေ၊အလုပ်သမားတွေရဲ ဆန္ဒထုတ်ဖော်တောင်းဆိုမှုတွေ၊လယ်သမားတွေရဲ့ လယ်ယာမြေတွေကိုလွှတ်တော်က ပြန်လည်စစ်ဆေးပြီးလယ်သမားတွေလက်ထဲကို ပြန်ရောက်အောင်ပေးဖို့ပြောထားပေမယ့် တကယ်တန်းအောက်ခြေပိုင်းတွေမှာ ခြစားမှုတွေကြောင့် အမှန်တကယ် လယ်လုပ်သူရဲ့ လက်ထဲကို ပြန်မရောက် ပဲလယ်သမားတွေ ဒုက္ခတွေရောက်နေတဲ့အပြင် သူတို့ပိုင်လယ်တွေပြန်လည်ရရှိရေးအတွက် တောင်းဆိုနေတဲ့ လယ်သမားတွေ ထွန်တုံးတိုက်တဲ့လယ်သမားတွေကိုပုဒ်မတွေတပ်ပြီးထောင်ချမှုတွေ။ဒီအထဲမှာအသက်(၈၈)နှစ်ရှိတဲ့‘အဖွားအိုတစ်ယောက်ကိုထောင်ချတာက ပြည်သူတွေရဲ့ ပေဖန်မှုတွေကိုကျယ်လောင်စေပါတယ်။ ပြီးတော့ မိကျောင်းကန်သပိတ်ကို ဖြိုခွင်းမှုတွေ၊လုပ်ခတိုးပေးဖို့ ဆန္ဒထုတ်ဖော်တောင်းဆိုတဲ့ အလုပ်သမားတွေကိုညှိနှိုင်းအဖြေရှာမှုနဲ့ ပြေလည်အောင်မဖြေရှင်းနိုင်ပဲအကြမ်းဖက်နှိမ်နင်းဖမ်းဆီးတာတွေ၊လက်ပန်တောင်းတောင်ဒေသကတောင်သူ ဒေါ်ခင်ဝင်းကို သေနပ်နဲ့ပစ်ခတ်မှုတွေကအလုပ်သမား၊လယ်သမားတွေအပေါ် တာဝန်ယူဖြေရှင်းပေးမှု အားနည်းတာတွေဖြစ်တဲ့အကြောင်း ဝေဖန်သံတွေ ထွက်ပေါ်နေပါတယ်။ဒါ့အပြင် အခုတလောမှာ ဖြစ်နေတဲ့ သပိတ်မှောက်ကျောင်းသားတွေကို တာဝန်လက်ပတ်နဲ့ အရပ်သားတွေကအကြမ်းဖက် ၀င်ရောက်ရိုက်နှက် ဖမ်းဆီးတဲ့ ကိစ္စတွေကအရုပ်ဆိုးအကျည်းတန်လွန်းလှပါတယ်။
ကျွန်တော်တို့ နိုင်ငံမှာ ပြဿနာတစ်စုံတစ်ရာဖြစ်ရင် ညှိနှိုင်းမှုနဲ့ အဖြေရှာခြင်းအားနည်းနေတာကို ပြသတာပါပဲ။ တကယ်ဆိုဒီနည်းလမ်းအပြင် ပိုပြီးကောင်းတဲ့နည်းလမ်းကိုရှာမတွေ့တော့ဘူးလား။ဒီနည်းကအရင်တုန်းကတည်းကကျင့်သုံးတဲ့နည်းလမ်းဟောင်းဖြစ်လို့ ပြည်သူတွေလက်မခံနိုင်ကြတဲ့ နည်းလမ်းပါ။ဒီကိစ္စနဲ့ ပါတ်သက်လို့ လက်ရှိအစိုးရကို ဝေဖန်မှုတွေ အွန်လိုင်းပေါ်မှာကျယ်ကျယ်လောင်လောင်တွေ့မြင်နေရပါတယ်။ဒီကိစ္စနဲ့ပါတ်သက်လို့ အကြမ်းဖက်ဖမ်းဆီးရာတွင် ပါဝင်သည့်အရပ်သားများမှာကျင့်ထုံးဥပဒေပုဒ်မ ၁၂၈ အရအသုံးပြုထားသည့် ပြည်သူ့အထောက်အကူပြုအဖွဲ့ ဖြစ်ကြောင်းမတ်လ(၅)ရက်နေ့ကရန်ကုန်တိုင်းဒေသကြီးအစိုးရရုံးတွင်ပြုလုပ်သောသတင်းစာရှင်းလင်းပွဲတွင် ဒုရဲမှူးကြီးမြင့်ထွေးကပြောကြောင်းစောင့်ကြည့်သတင်းဂျာနယ် အတွဲ(၉) အမှတ်(၄၂) အချပ်ပို(ခ)မှာဖော်ပြထားပါတယ်။
အဲဒီမှာဒုရဲမှူးကြီးမြင့်ထွေးပြောတာက “ကျင့်ထုံးဥပဒေပုဒ်မ ၁၂၈ မှ တရားသူကြီး၊စခန်းမှူး၊ဒုရဲအုပ်အဆင့်ထက် မနိမ်ံတဲ့ ပြည်သူတွေက ဒီလူစုလူဝေးကို အင်အားသုံးပြီးလုပ်တဲ့နေရာမှာလိုအပ်လို့ရှိရင် လက်နက်ကိုင်အဖွဲ့အစည်းမဟုတ်တဲ့ အမျိုးသားတွေကိုအကူအညီတောင်းနိုင်တယ်။အဲလိုလိုအပ်လို့ အကူအညီတောင်းခံတဲ့ လူတွေအနေနဲ့လည်း ဒီလူစုလူဝေးမှာပါတဲ့ လူတွေကိုဥပဒေအရအရေးယူနိုင်ဖို့ အတွက်ဖမ်းဆီးနိုင်တယ်လို့ ဖော်ပြထားပါတယ်။
ဒါပေမယ့် ဥပဒေပညာရှင်တွေနဲ့ အခြားသောအဖွဲ့အစည်းတွေကကျောင်းသားတွေဟာအကြမ်းဖက်ဖို့အတွက် လာကြတာမဟုတ်ဘူး။ဒီဥပဒေဟာအကြမ်းဖက်မယ့် လူစုလူဝေးကိုသာ သုံးသင့်တဲ့အကြောင်း၊အခုကျောင်းသားတွေမှာဘာလက်နက်မှမပါတဲ့အကြောင်း၊ကျောင်းသားတွေ အနေနဲ့ ၂၀၀၈-ဖွဲ့စည်းပုံ အခြေခံဥပဒေအခန်း(၈)နိုင်ငံသား၊နိုင်ငံသားများ၏ မူလအခွင့်အရေးနှင့်တာဝန်များ ဆိုတဲ့ခေါင်းစဉ်အောက်ကပုဒ်မ(၃၅၄)(ခ)အရလက်နက်မပါပဲ ငြိမ်းချမ်းစွာစုဝေး ခွင့်စီတန်းလှည့်လည်ခွင့်အရ ပြုလုပ်ခြင်းဖြစ်သည့်အတွက် အရေးယူမယ်ဆိုလည်းစီတန်းလှည့်လည်ခြင်းဆိုင်ရာဥပဒေနဲ့ပဲအရေးယူရမှာဖြစ်တဲ့အကြောင်းဒီလိုအကြမ်းဖက်ဖမ်းဆီးတာတွေဟာ ၂၀၀၈-ဖွဲ့စည်းပုံဥပဒေကို ပျက်ရယ်ပြုနေကြောင်းထောက်ပြမှုတွေလည်းရှိပါတယ်။
ပြီးတော့ ကျောင်းသားထုကို ၀န်းရံအားပေးဖို့ လာကြတဲ့ အရပ်သားပြည်သူတွေကိုဗယ်ရီဂိတ်တွေနဲ့ ရဲတပ်ဖွဲ့ဝင် တွေကတားဆီးထားတာတွေလည်း ကြားသိနေရပါတယ်။အဲဒီကိစ္စနဲ့ ပါတ်သက်လို့ မိတ်ဆွေတရားလွှတ်တော် ရှေ့နေတစ်ဦးကပုဒ်မ(၁၄၄)ထုတ်ထားတဲ့ တားမြစ်နယ်မြေမဟုတ်ရင် ဒီတိုင်းပြည်မှာနေထိုင်ကြတဲ့ ပြည်သူတွေ လွတ်လပ်စွာသွားလာနိုင်ခွင့်ရှိတယ်လို့ ဥပဒေမှာလည်းပြဋ္ဌာန်းထားတယ်။အဲဒီဥပဒေဟာ နိုင်ငံသားတိုင်းအတွက် အကျုံးဝင်တယ်။ အဲဒါကိုတားမြစ်ထားတာဟာ ဥပဒေ၀န်ထမ်းတွေက ဥပဒေကို ချိုးဖောက်တာပဲ။ဟုမှတ်ချက်ပြုပြောကြားပါတယ်။
ကျောင်းသားတွေကိုအရပ်သားများသုံးပြီးဖမ်းဆီးခဲ့တဲ့အတွက် မတ်လ(၆)ရက်နေ့ကကျောင်းသားတွေကလှည်းတန်းဈေးရှေ့ကနေHeldan Center မှာရှိတဲ့ အီးယူရုံးရှေ့ကိုချီတက်ပြီးအင်္ဂလိပ်ဘာသာနဲ့ အီးယူလေ့ကျင့်သင်ကြားပေးထားတဲ့ မြန်မာနိုင်ငံရဲတပ်ဖွဲ့ရဲ့ အင်အားသုံးကိုင်တွယ်ပုံတွေကြောင့် ကန့်ကွက်ရှုံ့ချတဲ့အပေါ် အီးယူအနေနဲ့ မြန်မာနိုင်ငံရဲတပ်ဖွဲ့ သင်တန်းတွေ ပိုလိုနေသေးကြောင်းကမာရွတ်မီဒီယာရဲ့ ဖေ့စ်ဘွတ်မှာဖော်ပြထားပါတယ်။
ကျောင်းသားသပိတ်ဆန္ဒပြမှုတွေအပေါ် ဖြိုခွင်းမှုနဲ့ပါတ်သက်ပြီးဥရောပသမဂ္ဂ(အီးယူ)အနေနဲ့စိုးရိမ်ပူပန်မှုနဲ့ စောင့်ကြည့်နေပြီးမကြာသေးခင်က ဖြစ်ပွားခဲ့တဲ့ ဖြစ်ရပ်တွေကမြန်မာနိုင်ငံရဲတပ်ဖွဲ့ အနေနဲ့ လေ့ကျင့်သင်ကြားမှုတွေ ပိုပြီးလိုအပ်နေတာကိုမီးမောင်းထိုးပြလိုက်တာ ဖြစ်တယ်လို့ European Union Delegation to Myanmar ဆိုတဲ့ Facebook စာမျက်နှာမှာဖော်ပြထားပါတယ်။
EU အနေနဲ့ မြန်မာ နိုင်ငံရဲတပ်ဖွဲ့ကို ၂၀၁၃-ခုနှစ်ကစပြီးလေ့ကျင့်သင်ကြားပေးတာဖြစ်တဲ့အကြောင်းဒီသင်တန်းတွေ ရဲ့ရည်ရွယ်ချက်ကလူ့အခွင့်အရေးကိုလေးစားလိုက်နာမှုမြှင့်တင်ပြီးအရေးပါတဲ့ ညှိနှိုင်းဆွေးနွေးမှုတွေ လုပ်နိုင်ဖို့နဲ့ လူစုလူဝေးကို ကိုင်တွယ်ရာမှာနောက်ဆုံးအဆင့်မှာသာထားပြီးလုပ်ဖို့ဖြစ်တဲ့အကြောင်း၊ရဲတပ်ဖွဲ့ကလွဲလို့ အခြားဘယ်အင်အားစုကိုမှ လေ့ကျင့်သင်ကြားပေးခြင်းမရှိတဲ့အကြောင်း ငြင်းဆိုထားပြီးကျောင်းသားတွေရဲ့ ကန့်ကွက်မှုအပေါ် အီးယူကချက်ချင်းပဲကြေငြာချက်ထုတ်ပြန်တဲ့အကြောင်းဖော်ပြထားပါတယ်။
မြန်မာပြည်သူလူထုတွေဟာခေတ်အဆက်ဆက်ကအစိုးရတွေရဲ့ လွယ်လွယ် ကတိပေးပြီးဖောက်ဖျက်တတ်တဲ့ အကျင့်တွေ၊တာဝန်ယူမှု တာဝန်ခံမှုအားနည်းတာတွေ၊တွေ့ဆုံညှိနှိုင်းအဖြေရှာမှုအားနည်းတာတွေ၊လူစုလူဝေးတွေကို အကြမ်းဖက်ဖြိုခွင်းမှုတွေကိုခံစားရပါများတော့ လက်ရှိအုပ်ချုပ်တဲ့ အစိုးရအပေါ်မှာလည်းသံသယတွေနဲ့ စောင့်ကြည့်နေကြပါတယ်။ အစိုးရအနေနဲ့ ပြည်သူလူထုရဲ့ ယုံကြည်မှုကိုတည်ဆောက်နေတဲ့ အချိန်မှာအခုလိုဖြစ်ရပ်မျိုးတွေက ပြည်သူလူထုကိုစိုးရိမ်မှုရေချိန်မြင့်တက်စေခဲ့ပါတယ်။အဆိုးဝါးဆုံးကတော့ လူမှုကွန်ရက် စာမျက်နှာတွေမှာပျံ့နှံ့နေတဲ့ တာဝန်ဆိုတဲ့ လက်ပတ်ကိုစွပ်ကျယ်အကျီင်္ဝတ်ပြီးဆေးမှင်ကြောင်ထိုးထားတဲ့ လူတစ်ယောက်ကကျောင်းသူကိုဖမ်းဆီးတဲ့နေရာမှာလည်ပင်းကိုတင်းတင်းဖက်ပြီး ပြုံးစစမျက်နှာနဲ့ ပုံကတော့ အဆိုးရွားဆုံးလို့ ပြောရမှာပါ။ အဲဒီဓါတ်ပုံတစ်ပုံကြောင့် မြန်မာနိုင်ငံရဲ့ ပုံရိပ်ကိုလည်းထိခိုက်စေတာတော့ အမှန်ပါပဲ။ပြီးတော့ အမျိုးသမီးများရဲ့ ဘ၀လုံခြုံစိတ်ချမှု၊ လူ့အခွင့်အရေးချိုးဖောက်ခံရတာဖြစ်တဲ့ အကြောင်းဝေဖန်မှုတွေလည်း ရှိနေပါတယ်။
အဲဒီဖြစ်ရပ်နဲ့ပါတ်သက်တဲ့ နောက်ဆက်တွဲ တာဝန်ခံမှု တာဝန်ယူမှုတွေကိုလည်း ပြည်သူများကစောင့်ကြည့်နေကြပါတယ်။ပြီးတော့ သတင်းဖြစ်နေတဲ့နေရာမှာသတင်းယူနေတဲ့ သတင်းထောက်တွေကိုဖမ်းဆီးမှုတွေ၊ရိုက်နေတဲ့ ကင်မရာကိုလုယက်မှုတွေကိုလည်း ကြားသိနေရပါတယ်။ သတင်းထောက်များအနေနဲ့ အဲဒီလိုသတင်းဖြစ်တဲ့ နေရာတွေကွိုသတင်းသွားရောက် ယူတဲ့နေရာမှာ မိမိတို့တာဝန်ယူထားတဲ့တိုက်ရဲ့အမည်ပါတဲ့ သတင်းထောက်ကဒ်တွေကိုကိုင်ဆောင်သွားကြပါတယ်။ တကယ်ဆိုအဲဒီသတင်းထောက်ကဒ်ကို ပြလိုက်ကတည်းက တာဝန်တစ်ခုကို ထမ်းဆောင် နေတယ်ဆိုတာသိရမှာဖြစ်ပါတယ်။ စခန်းထိရောက်ရန်မလိုပါ။အဆိုပါကိစ္စနှင့်ပါတ်သက်၍ ၂၀၁၄ ခုနှစ်၊မတ်လ ၁၄ ရက်နေ့ ပြည်တောင်စုလွှတော်ဥပဒေအမှတ် ၁၂ ဖြင့်ထုတ်ပြန်လိုက်သောသတင်းမီဒီယာဥပဒေအခန်း(၃) သတင်းမီဒီယာသမားများ၏ရပိုင်ခွင့်များ ၇(က)မှာအတိအလင်းဖော်ပြခဲ့ပြီး ဖြစ်ပါတယ်။ယခုလိုသတင်းထောက်များအားဖမ်းဆီးခြင်း၊ သတင်းရယူခြင်းနှင့် သက်ဆိုင်သောကိရိယာများကိုသိမ်းယူခြင်းတို့ကမီဒီယာဥပဒေကိုပျက်ရယ်ပြုနေသလို ဖြစ်နေသလားလို့ မေးခွန်းထုတ်စရာ ဖြစ်နေပါတယ်။အံ့သြစရာကောင်းတာကဒီကိစ္စနဲ့ပါတ်သက်လို့ သတင်းမီဒီယာကောင်စီအနေနဲ့ အသံတိတ်နေတဲ့ကိစ္စကတော့ ထူးဆန်းသလို ဖြစ်နေပါတယ်။
ဘယ်လိုပင်ဖြစ်နေပါစေ။၂၀၁၅- ရွေးကောက်ပွဲကြီးကျင်းပပေးမယ့်နှစ်ထဲကို ချဉ်းနင်းဝင်ရောက်ခဲ့ပါပြီ။ဒီအချိန်မှာ ပြည်သူတွေရဲ့ ရင်ထဲမှာလည်းဘယ်လိုပဲပြောနေပြောနေစိုးရိမ်သောကတွေကတော့ရှိနေဆဲပါပဲ။ အဲဒီစိုးရိမ်စိတ်နဲ့အတူရှေ့ဆက်မယ့်လမ်းကြောင်းကိုလည်းစောင့်ကြည့်ရင်ခုန်ရဆဲပါ။ဆိုတော့ လက်ရှိဖြစ်ပေါ်နေတဲ့ ကိစ္စရပ်တွေနဲ့ပါတ်သက်လို့ နိုင်ငံတော်အကြီးအကဲတွေရဲ့ ဖြေရှင်းမှုအပိုင်းတွေကိုလည်း ပြည်သူတွေကတော့ စောင့်ကြည့်နေကြပါတယ်။ဒီအချိန်မှာ နိုင်ငံတော်က တာဝန်ရှိသူ အကြီးအကဲတွေအနေနဲ့ ပြည်သူများကိုကျေနပ်မှုတွေရရှိစေမယ့် ငြိမ်းချမ်းစွာတွေ့ဆုံညှိနှိုင်းအဖြေရှာမှုတွေကိုပဲ မြင်ချင်မိပါတယ်။ပုံပြင်ထဲကဆေးဆရာကြီးလွယ်အိတ်ထဲလက်နှိုက်တဲ့ အဖြစ်မျိုးတော့ မရောက်စေလိုကြောင်း ဆန္ဒပြုလိုက်ရပါတယ်။

ကိုလေး(ပြည်)
News Watch(စောင့်ကြည့်)ဂျာနယ်
အတွဲ(၉)အမှတ်(၄၄)
တင်ဆက်..ပြည်သတင်းလူငယ်(ပြည်သတင်း)
09253311019