ကိုးကန့်သောင်းကျန်းသူ အဖွဲ့ သမိုင်းကြောင်း နှင့် လောက်ကိုင်ဒေသသို့ ကိုးကန့် သောင်းကျန်းသူများ ၀င်ရောက် တိုက်ခိုက်မှု ဖြစ်စဉ်အား ချပြရှင်းလင်း

Saturday, February 21, 2015

ကိုးကန့်သောင်းကျန်းသူ အဖွဲ့ သမိုင်းကြောင်း နှင့် လောက်ကိုင်ဒေသသို့ ကိုးကန့် သောင်းကျန်းသူများ ၀င်ရောက် တိုက်ခိုက်မှု ဖြစ်စဉ်အား ချပြရှင်းလင်း

ကာကွယ်ရေးဦးစီးချုပ်ရုံး(ကြည်း) မှ ဒုတိယ ဗိုလ်ချုပ်ကြီး မြထွန်းဦး ကိုးကန့် သောင်းကျန်းသူအဖွဲ့ သမိုင်းကြောင်း နှင့် လောက်ကိုင်ဒေသသို့ ကိုးကန့် သောင်းကျန်းသူများ ၀င်ရောက် တိုက်ခိုက်မှု ဖြစ်စဉ်အား ရှင်းလင်းစဉ်

နေပြည်တော် ၊ ၂၂-၂-၂၀၁၅

ကိုးကန့် သောင်းကျန်းသူ အဖွဲ့ သမိုင်းကြောင်း နှင့် လောက်ကိုင် ဒေသသို့ ကိုးကန့် သောင်းကျန်းသူများ ၀င်ရောက် တိုက်ခိုက်မှု ဖြစ်စဉ် ရှင်းလင်းပွဲအား ယမန်နေ့ မွန်းလွဲ ၂ နာရီတွင် နေပြည်တော် ၊ ဘုရင့်နောင် ရိပ်သာ၌ ကျင်းပ ပြုလုပ်သည်။

အခမ်းအနား တွင် ကာကွယ်ရေး ဦးစီးချုပ်ရုံးမှ ဒုတိယ ဗိုလ်ချုက်ကြီး မြထွန်းဦး နှင့် ကာကွယ်ရေး ဦးစီးချုပ်ရုံး မှ တပ်မတော် အရာရှိကြီးများ တက်ရောက် ရှင်းလင်းခဲ့ပြီး ပြည်တွင်း သတင်းဌာန ၂၇ ခုနှင့် ပြည်တွင်း အခြေစိုက် ပြည်ပ သတင်းဌာန ၈ ခု တို့ တက်ရောက် ခဲ့ကြသည်။

ရှေးဦးစွာ ဒုတိယ ဗိုလ်ချုပ်ကြီး မြထွန်းဦး က ကိုးကန့် သောင်းကျန်းသူ အဖွဲ့၏ သမိုင်းကြောင်း နှင့် ပတ်သက်ပြီး ပြောကြားရာတွင် ၁၉၅၈ ခုနှစ်၊ အိမ်စောင့်အစိုးရ တက်လာပြီးနောက် စော်ဘွားများ အာဏာစွန့်လွှတ်ရေး ဆောင်ရွက်ခဲ့ရာ ကျေနပ်မှု မရှိ၍ ကိုးကန့်စော်ဘွား ၏သား ဂျင်မီယန်း သည် ကိုးကန့် ကာကွယ်ရေးတပ် အချို့ကို ဦးဆောင်၍ ထိုင်း- မြန်မာနယ်စပ်သို့ ထွက်ခွာ သွားခဲ့ပြီး ကျန်ရှိသော ကိုးကန့် ကာကွယ်ရေးတပ် များကို ဖုန်ကြားရှင်က ဦးစီးလှုပ်ရှား ခဲ့ကြောင်း၊ ယင်းအဖွဲ့သည် ကူမင်တန် (တရုတ်ဖြူ)၊ ဗကပ တို့နှင့် ဆက်သွယ်မှုများ ပြုလုပ်၍ အထောက်အပံ့များ ရယူခဲ့ခြင်းကြောင့် တပ်မတော် စစ်ကြောင်းများက ၁၉၆၃ ခုနှစ်တွင် စတင် တိုက်ခိုက်ခဲ့ရာ ဖုန်ကြားရှင်က တစ်ဖက် နိုင်ငံသို့ ထွက်ပြေး တိမ်းရှောင် ခဲ့ကြောင်း၊ ၁၉၆၇ ခုနှစ်တွင် ဗကပ၏ စည်းရုံးသိမ်းသွင်းမှု ကြောင့် ဖုန်ကြားရှင်သည် ဗကပဘက်သို့ ကူးပြောင်း ခဲ့ကြောင်း၊ ၁၉၈၉ ခုနှစ်၊ မတ်လ တွင် မုံးကိုးရှိ မြောက်ပိုင်း ဗျူရိုကို ကိုးကန့်အုပ်စုမှ သိမ်းပိုက်ခဲ့ပြီး ဗကပ လက်အောက်မှ ခွဲထွက် ခဲ့ကြောင်း၊ ဗကပမှ ခွဲထွက်ခဲ့သည့် ကိုးကန့် တိုင်းရင်းသား ခေါင်းဆောင် များသည် ''မြန်မာနိုင်ငံ အမျိုးသား ပေါင်းစုံ ဒီမိုကရေစီ တပ်မတော်'' အနေဖြင့် ၁၉၈၉ ခုနှစ်၊ မတ်လ ၃၁ ရက်တွင် တပ်ဖွဲ့ဝင် အင်အား ၂၇ဝ၆ ဦး၊ လက်နက်မျိုးစုံ ၁၃၄၅ လက်ဖြင့် ဥပဒေဘောင် အတွင်း ဝင်ရောက် လာခဲ့ကြောင်း။ 

တပ်မတော် အစိုးရနှင့် ငြိမ်းချမ်းရေး ရရှိပြီး ရှမ်းပြည်မြောက်ပိုင်း အထူးဒေသ(၁) အဖွဲ့ ပေါ်ပေါက် လာချိန်တွင် ဖုန်ကြားရှင် ဦးစီးသည့် ''ဖုန်''အုပ်စုသည် နိုင်ငံရေးနှင့် အုပ်ချုပ်ရေးပိုင်း တာဝန်ယူပြီး ရန်မိုးလျန် ဦးစီးသည့် ''ရန်''  အုပ်စုသည် စစ်ရေးလုံခြုံရေး အပိုင်း တာဝန်ယူ ခဲ့ကြောင်း၊ အုပ်စုလိုက် တန်ခိုးကြီးထွား စေရေး မူးယစ်ဆေးဝါးကို အပြိုင်အဆိုင် ထုတ်လုပ်ခဲ့ရာမှ အချင်းချင်း အာဏာ လုကြပြီး ''ဖုန်'' ''ရန်'' ပြဿနာများစွာ ပေါ်ပေါက် ခဲ့ကြောင်း၊ ယင်း ပြဿနာများ ကိုလည်း တပ်မတော်မှပင် ရင်ကြားစေ့ ဖြေရှင်းပေးခဲ့ကြောင်း။

ထို့အပြင် ကိုးကန့်ဒေသ အတွင်း ခယက၊ မယက များ ဖွဲ့စည်းထားေ သ်ာလည်း တရား ဥပဒေ စိုးမိုးရေး လုပ်ငန်းများ ထိရောက်စွာ ဆောင်ရွက်နိုင်ခြင်း မရှိစေရန် ဖုန်ကြားရှင်မှ လိမ္မာပါးနပ် စွာဖြင့် ချုပ်ကိုင် လာခဲ့ကြောင်း၊ တစ်ဖက်မှလည်း မူးယစ်ဆေးဝါး ကိစ္စ၊ လောင်းကစားမှုများ နှင့် အခြားသော မှောင်ခိုစီးပွား ရေးလုပ်ငန်းများဖြင့် အုပ်ချုပ်မှုပိုင်း ဆိုင်ရာတွင် လက်ဝါးကြီးအုပ် နိုင်ရန် စီစဉ်ခဲ့ကြောင်း၊ ၂ဝဝ၇ ခုနှစ်၌ ဖုန်ကြားရှင်အဖွဲ့၏ ကိုးကန့်ဒေသ၊ ရန်လုံကျိုင်းရွာ တွင် လက်နက်စက်ရုံ ဖြင့် လက်နက်၊ ခဲယမ်းများ ထုတ်လုပ်လျက်ရှိ သည်ဟု အတည်ပြု သတင်းများ ရရှိခဲ့ကြောင်း၊ ၂ဝဝ၈ ခုနှစ်၊ ဒီဇင်ဘာ ၂၇ တွင် သတင်းအရ လောက်ကိုင်မြို့ ၊ တုံချန်မြို့သစ် ရုံးရှေ့ တိုက်ခန်းအမှတ် ၁၅ သို့ ၀င်ရောက် ရှာဖွေရာ လက်နက် ၊ ခဲယမ်းများ သိမ်းဆည်း ရမိခဲ့ကြောင်း ၂၀၀၉ ခုနှစ် ၊ သြဂုတ်လ ၂၂ ရက်တွင် ဖုန်ကြားရှင် အပါ ၄ ဦးအား ဥပဒေနှင့် အညီ စစ်ဆေး အရေးယူ နိုင်ရေးအတွက် ရဲတပ်ဖွဲ့သို့ လွှဲပြောင်းပေးရန် အကြောင်းကြား စာအား အထူးဒေသ(၁) ဗဟို ကော်မတီဝင် များထံ ပေးအပ်ခဲ့ ပါကြောင်း၊ သြဂုတ်လ ၂၅ ရက်တွင် ဖုန်ကြားရှင် မှာ တောင်ညီနောင် ဘက်မှတစ်ဆင့် ဘီပီ(၁၂၅/၁၂၆) ဘက်သို့ ထွက်ပြေးတိမ်းရှောင် သွားခဲ့၍ ဖုန်ကြားရှင်၊ ဖုန်ကြာဖူး၊ ဖုန်တာရွှင် တို့အား လက်နက်/ မူးယစ်/ သွင်းထုတ်/ ပြစ်မှုဆိုင်ရာ ပုဒ်မများ ဖြင့် ဥပဒေကြောင်း အရ အမှုဖွင့်လှစ် ခဲ့ကာ တရားခံပြေးများ အဖြစ် ကြေညာခဲ့ကြောင်း။

ဖုန်ကြားရှင် ထွက်ပြေး တိမ်းရှောင်ပြီးနောက် ကိုးကန့်နယ်မြေ ၏ အေးချမ်း တည်ငြိမ်မှုကို ဆက်လက် ထိန်းသိမ်းရန် လိုအပ်ခြင်း၊ နိုင်ငံတော်၏ ဦးဆောင်မှု အောက်တွင် နယ်မြေဖွံ့ဖြိုး တိုးတက်ရေးကို ဆက်လက် ဆောင်ရွက်ရန် လိုအပ်ခြင်း၊ အထူးဒေသ(၁) တွင် ခေါင်းဆောင်မှု ကင်းမဲ့ သွားခြင်း တို့ကြောင့် ကိုးကန့်ဒေသ ယာယီဦးစီး ကော်မတီ ကို ၂ဝဝ၉ ခုနှစ်၊ သြဂုတ် ၂၅ ရက်တွင် ဦးပယ်စောက်ချိန် အား ဥက္ကဋ္ဌအဖြစ် ဖွဲ့စည်း ပေးအပ်ခဲ့ကြောင်း၊ ထိုအ ခြေအနေကို ကျေနပ် မှုမရှိ၍ ရန်လုံကျိုင်း နယ်စပ် စစ်ဆေးရေး ဂိတ်တွင် ခရိုင် ရဲတပ်ဖွဲ့မှူး ဦးစီး ၅၂ ဦးအား ဖုန်တာရွှင် တပ်များမှ ပိတ်ဆို့ ထားခဲ့ကြောင်း၊ ရဲတပ်ဖွဲ့ဝင် များအား ပြန်လည် စေလွှတ်ပေးရန် ဆက်သွယ်ပြောဆို သော်လည်း စေလွှတ်ပေးခြင်း မရှိသဖြင့် သွားရောက် ကယ်ထုတ်ခဲ့ရာ ပစ်ခတ်မှုများ ဖြစ်ပွားခဲ့ကြောင်း၊ ရဲတပ်ဖွဲ့ဝင် ၁၄ ဦးအား ရဲစခန်း အချုပ်ခန်း အတွင်း၌ လူမဆန်စွာ သတ်ဖြတ်ခဲ့ ပါကြောင်း၊ ထို့အပြင် တပ်မတော်၏ လှုပ်ရှား စစ်ကြောင်းများ နှင့် စခန်းများ ကို လက်နက်ကြီး၊ လက်နက်ငယ် များဖြင့် စတင်ပစ်ခတ် တိုက်ခိုက်ခဲ့၍ သြဂုတ်လ ၈ ရက်မှ စက်တင်ဘာ ၂ ရက်အထိ ပြည်သာယာ စစ်ဆင်ရေးက ဆင်နွှဲခဲ့ကာ ရဲတပ်ဖွဲ့ဝင် ၂၄ ဦးအား ကယ်တင် နိုင်ခဲ့ပါကြောင်း၊ တိုက်ပွဲတွင် လက်နက်ကြီး ၂၂ လက်၊ လက်နက်ငယ် ၂ဝဝ၈ လက်၊ ခဲယမ်းမျိုးစုံ ၁၉၈၆၃ဝ၁ တောင့်၊ မိုင်းမျိုးစုံ ၂၄ဝ၆ လုံး၊ ဒုံးသီးမျိုးစုံ ၁ဝ၁၆ လုံး၊ ယာဉ် ၃၅ စီး၊ ဆေးပြားရိုက်စက် သုံးလုံး၊ မူးယစ်ဆေးဝါး ဆေးပြားမျိုးစုံ ၁၄၆၈၁၅၂ ပြား၊ အက်ဖီဒရင်း ၇၉၆၅၂ဝဝ ပြားတို့နှင့် ဘိန်းဖြူ၊ ဘိန်းမည်း၊ ဓာတုဆက်စပ် ပစ္စည်း စုစုပေါင်း အမေရိကန် ဒေါ်လာ သန်း ၂ဝ ကျော်ခန့် သိမ်းဆည်း ရမိခဲ့ကြောင်း။

အထက်ပါဖြစ်စဉ် ဖြစ်ပွားပြီးနောက် လောက်ကိုင်မြို့နယ်၊ စီအောကျေးရွာ တွင်အမှတ်(၁ဝဝ၆) နယ်ခြားစောင့်တပ် အဖြစ် ဒီဇင်ဘာ ၄ ရက်တွင် ဖွင့်လှစ် ပေးခဲ့ကြောင်း၊ ၂ဝ၁၁ ခုနှစ်၊ နိုဝင်ဘာ ၁၄ ရက်တွင် ဦးစိုင်းလင်း မှ ဖုန်ကြားရှင် အား ဖမ်းဝရမ်း ရုပ်သိမ်း ၍ တိုင်းရင်းသား လူမျိုးပေါင်းစုံထံ ပြန်လည် ဝင်ရောက်နိုင်ရန် အတွက် နိုင်ငံတော်မှ လက်ခံပေးပါရန် နိုင်ငံတော် သမ္မတထံသို့ အသနား ခံစာတင်ပြ လာခဲ့ကြောင်း၊ နိုင်ငံတော် သမ္မတ မှ တိုင်းရင်းသား စည်းလုံးညီညွတ်ရေး ကို ရှေးရှု၍ လွတ်ငြိမ်း ချမ်းသာခွင့် ပေးခဲ့ကြောင်း၊ သို့သော်လည်း ဖုန်ကြားရှင် အဖွဲ့သည် မူးယစ်ဆေးဝါး နှင့် အခြားနည်းလမ်း များမှရရှိသော ငွေကြေး ပိုင်ဆိုင်မှု များကို တရုတ်နိုင်ငံနှင့် မိုင်းလား တို့တွင် ရင်းနှီးမြှုပ်နှံမှု ပြုလုပ်ထား ပါကြောင်း။ 

၂ဝ၁၄ ခုနှစ်၊ ဧပြီလ ၂၅ ရက်တွင် တမူးမြို့ ၃ မိုင်စစ်ဆေးရေးဂိတ်၌ ပူးပေါင်းအဖွဲ့ မှ တရုတ်နိုင်ငံသားရှစ်ဦးအား လက်နက် မျိုးစုံရှစ်လက်၊ လက်ပစ်ဗုံး ၃၁ လုံး၊ လက်နက်၊ ခဲယမ်းဆက်စပ် ပစ္စည်းများနှင့် အတူ ဖမ်းဆီးရမိ ခဲ့ကြောင်း၊ စစ်ကြောချက်များ အရ ကိုးကန့် သောင်းကျန်းသူ အဖွဲ့မှ ငွေကြေးဖြင့် မက်လုံးပေး၍ ကိုးကန့် သောင်းကျန်းသူ အဖွဲ့အတွင်း ဝင်ရောက် တာဝန် ထမ်းဆောင်ခဲ့ခြင်း ဖြစ်ကြောင်း သိရှိရသည်။ ၄င်းတို့ရှစ်ဦးသည် မိုင်းလားမြို့ သွေးစည်း ညီညွတ်ရေး တပ်ဌာန ချုပ်ရှိ စစ်သားစုဆောင်းရေး စခန်းသို့ ရောက်ရှိခဲ့ကြောင်း၊ မိုင်းလားတွင် လူသစ်စုဆောင်း သိမ်းသွင်းခံရ သူများ၌ တရုတ်လူမျိုး၊ ''ဝ'' လူမျိုး၊ ကိုးကန့်လူမျိုးများ ဖြစ်ကြကြောင်း၊ ၄င်း တို့ရှစ်ဦးသည် သံလွင်မြစ် အနောက်ခြမ်း မုံးယော်၊ မုံးကျက်ဒေသ အတွင်း နယ်မြေလှုပ်ရှား ဆောင်ရွက်စဉ် မျှော်မှန်းထား သကဲ့သို့ လစာ၊ ရိက္ခာမရရှိခြင်း၊ နှိမ့်ချဆက်ဆံမှု များရှိခြင်း တို့ကြောင့် ထွက်ခွင့်တောင်း ရာတွင် ခွင့်မပြု ခြင်းကြောင့် ဒုတပ်ခွဲမှူး ဖြစ်သူ ဝုန်ကျားဖူ ကို လုပ်ကြံသတ်ဖြတ် ၍ ထွက်ပြေး လာခဲ့ခြင်း ဖြစ်ကြောင်း။

ကိုးကန့် သောင်းကျန်းသူ အဖွဲ့သည် ၄င်း တို့နယ်မြေကို ပြန်လည်ရယူနိုင်ရေး အတွက် စစ်ရေး၊ နိုင်ငံရေး နည်းလမ်းများဖြင့် လူ/လက်နက် အင်အားတောင့်တင်း အောင် ဆောင်ရွက်ခဲ့ကြောင်း၊ တစ်ဖွဲ့တည်း အင်အားဖြင့် မဖြစ်နိုင်၍ အခြားသော အဖွဲ့အစည်းများ ဖြစ်သည့် UWSA ၊ NDAA ၊ KIA နှင့် TNLA အဖွဲ့တို့၏ အကူအညီဖြင့် တပ်ပေါင်းစု ဖွဲ့စည်းကာ အင်အား တည်ဆောက်လျက် ရှိကြောင်း၊ ၄င်းတို့ အနေဖြင့် လောင်းကစားရုံ လုပ်ငန်း၊ မူးယစ်ဆေးဝါး လုပ်ငန်းများ၊ အခြား ကောက်ခံရရှိသော ငွေများ၊ အခြားအဖွဲ့ များ၏ အားပေးကူညီမှု များဖြင့် ရပ်တည်လျက် ရှိပါကြောင်း၊ လက်နက်များ အနေဖြင့် အေကေ-၄၇၊ အမ်- ၁၆၊ ပုံစံ-၅၆- ၁ ချေမှုန်း ရေးရိုင်ဖယ်၊  WUSA (ဝ)အဖွဲ့မှ ထုတ်လုပ်သည်ဟု သိရသော ပုံစံ-၈၁-၁ ချေမှုန်းရေး ရိုင်ဖယ် အစရှိသော လက်နက်ငယ်များ ကိုယ်စီ တပ်ဆင်ပေးထားပြီး လက်ပစ်ဗုံး၊ မိုင်း၊ လောင်ချာ၊ စိန်ပြောင်း၊ စက်ကြီးများ တပ်ဆင်ထားရှိ ပါကြောင်း။

တိုင်းရင်းသား သွေးစည်း ညီညွတ်ရေး တပ်တွင် KIA မှ အင်အား ၃ဝဝ ခန့်ရှိသော တပ်ရင်းတစ်ရင်း၊ UWSA (ဝ)တပ်ဖွဲ့မှ တပ်ရင်းလေးရင်း ပါဝင်သော တပ်မဟာ တစ်ခုနှင့် ကိုးကန့် သောင်းကျန်းသူ အင်အား ၁ဝဝဝ ခန့် ရှိကြောင်း၊ တပ်ပေါင်းစု တပ်မတော်၏ ရည်ရွယ်ချက်မှာ ကိုးကန့်ဒေသ တစ်ခုလုံးအား တိုက်ခိုက်သိမ်းယူ သွားရန်နှင့် ၄င်းမှတစ်ဆင့် မြန်မာ-တရုတ် နယ်စပ် မုံးကိုး၊ ဖောင်းဆိုင်မှ မြစ်ကြီးနား ဘက်သို့ ချီတက် တိုက်ခိုက် သိမ်းပိုက် သွားရန် ဖြစ်ကြောင်းဖြင့် ဖော်ထုတ်သိရှိ ခဲ့ရပါကြောင်း။

၂ဝ၁၄ ခုနှစ်၊ ဧပြီ၊ မေလများတွင် ကိုးကန့် သောင်းကျန်းသူ အဖွဲ့မှ အလင်းဝင် လေးဦးနှင့် ဖမ်းဆီးရမိသူ နှစ်ဦးတို့ကို စစ်ကြောချက်များ အရ ယင်းအချက်များကို အတည်ပြု နိုင်ခဲ့ကြောင်း၊ ကိုးကန့် သောင်းကျန်းသူ အဖွဲ့သည် မုံးစီး၊ နမ့်ကျွမ်း၊ ဝေါခြုံ၊ မုံးကိုးနှင့် မုံးယား ဒေသများတွင် ငွေကြေးဖြင့် လည်းကောင်း၊ အကြောက်တရား ဖြင့်လည်းကောင်း၊ စည်းရုံးသိမ်းသွင်း၍ လွှမ်းမိုး ချုပ်ကိုင်ကာလူ၊ လက်နက်၊ အင်အားစုဖွဲ့ပြီး အခြေခံ နယ်မြေ တည်ဆောက်ရန် ကြိုးပမ်းခဲ့ခြင်း ဖြစ်ကြောင်း၊ ၂ဝ၁၄ ခုနှစ်၊ နှစ်ဆန်းပိုင်းမှ စ၍ ဖုန်ကြားရှင် ဦးစီးအင်အား ၁ဝဝဝ ခန့်သည် မိုင်းလားတွင် အင်အားစုစည်း လေ့ကျင့်မှု များ ပြုလုပ်ခဲ့ကြောင်း၊ ဝ ဒေသရှိ တိန်းတန်၊ နားဝီး အခြေပြုစခန်းများ တည်ဆောက်ကာ ယာယီအ ခြေပြု၍ တိန်းတန်ကူးတို့ မှတစ်ဆင့် မုံးယော်၊ မုံးကျက်သို့ ဝင်ရောက်ခဲ့ပြီး KIA အင်အား ၁ဝဝ ခန့်၊ SSA (ဝမ်ဟိုင်း) ၁ဝဝ ခန့်နှင့် TNLA အင်အား ၁ဝဝ ခန့်တို့ဖြင့် ပူးပေါင်း၍ မုံးစီး၊ နမ့်ကျွမ်း၊ ဝေါခြုံ၊ မုံးကိုးနှင့် မုံးယား ဒေသများသို့ ဝင်ရောက်ခဲ့ခြင်း ဖြစ်ကြောင်း၊ ၂ဝ၁၄ ခုနှစ်၊ ဧပြီ ၂၁ ရက်တွင် ဖုန်တာရွှင် ခေါင်းဆောင်သော အင်အား ၃ဝဝ ဦးခန့်မှာ မန်ကန်ရွာ သို့လည်းကောင်း၊ KIA အဖွဲ့မှ တောက်ဟုန် ခေါင်းဆောင်သော အင်အား ၈ဝ ခန့်နှင့် TNLA အဖွဲ့မှ ၁၂ဝ ခန့်သည် မန်ဂျယ်ကျေးရွာ သို့လည်းကောင်း၊ ဖုန်ဝမ်အမ်း ခေါင်းဆောင်သော အင်အား ၁ဝဝ ခန့်နှင့် SSA (ဝမ်ဟိုင်း)အဖွဲ့မှ စိုင်းလောဝ်ခေါင်း ဆောင်သော အင်အား ၁ဝဝ ခန့်သည် မုံးပေါ်လေး တံတားမှ တာပါးတံတား သို့လည်း ကောင်း ချီတက်ခဲ့၍ လောက်ကိုင်၊ မုံးကိုး ဒေသအား တိုက်ခိုက်ရန် လမ်းကြောင်းသုံး ကြောင်းဖြင့် ဝင်ရောက် ခဲ့ကြောင်း၊ တပ်မတော် မှ ကြိုတင်သတင်း ရရှိ၍ နယ်မြေရှင်းလင်း ခြင်းဆောင်ရွက် ခဲ့ရာ လောက်ကိုင်အား သိမ်းပိုက်မည့် ၄င်းတို့၏ ရည်ရွယ်ချက် အောင်မြင်မှု မရရှိဘဲ တာမုံဝါးသို့ ဆုတ်ခွာ စောင့်ဆိုင်း ခဲ့ကြောင်း၊ ကျန်အဖွဲ့များ လောက်ကိုင်ဒေသ ကျေးရွာများတွင် စိမ့်ဝင်၍ အရပ်သား အသွင် တပ်ဖျောက် သွားခဲ့ကြောင်း။

၂ဝ၁၄ ခုနှစ်၊ အောက်တိုဘာ တွင် အင်အား ၃၂ဝ ခန့်သည် လွင်ကန်ဒေသ တစ်ဝိုက် ပြန်လည်ရောက်ရှိ ဖြန့်ခွဲခိုအောင်း ခဲ့ကြောင်း၊ နိုဝင်ဘာ တတိယပတ်တွင် သိန်းနီမြို့နယ်၊ မန်လင်ကျေးရွာ အုပ်စုမြောက်ဘက် ရှိ တောင်ကုန်းများသို့ ဝင်ရောက်လှုပ်ရှား ခဲ့ကြောင်း၊ တပ်မတော် စစ်ကြောင်းများ သတင်းအရ ဝင်ရောက်ရှင်းလင်း ခဲ့၍ နမ့်ကျွမ်း၊ ဝေါခြုံနှင့် မုံးပေါ်လေး နယ်မြေတစ်ဝိုက် တိမ်းရှောင် တပ်ဖျောက် သွားခဲ့ကြောင်း၊ ၄င်းအဖွဲ့တွင် KIA ၊ TNLA ၊ SSA (ဝမ်ဟိုင်း) အဖွဲ့များလည်း ပါဝင်သည်ဟု ဖော်ထုတ် နိုင်ခဲ့ပါကြောင်း၊ ၄င်းအဖွဲ့များသည် လောက်ကိုင်ဒေသ အတွင်း ဆက်သွယ်ရေး လမ်းကြောင်းများသို့ ဝင်ရောက်၍ တပ်မတော် စစ်ကြောင်းများအား မိုင်းဆွဲ တိုက်ခိုက်ခြင်း၊ အရပ်သားများအား ဖမ်းဆီးခြင်းတို့ လုပ်ဆောင်ခဲ့၍ နယ်မြေ ရှင်းလင်းရာ တိုက်ပွဲကြီး/ ငယ် ၂ဝ ကြိမ်ခန့်ဖြစ်ပွား ခဲ့ပြီး ရန်သူ အလောင်း ငါးလောင်း၊ ဖမ်းမိတစ်ဦး၊ အလင်းဝင် ၁၇ ဦး သိမ်းဆည်း ရမိကာ တပ်မတော်မှ စစ်သည် ၁၂ ဦး အသက်ပေးလှူ ခဲ့ပြီး အရာရှိ သုံးဦး၊ စစ်သည် ၃၃ ဦး ဒဏ်ရာရရှိခဲ့ ပါကြောင်း၊ ကိုးကန့် သောင်းကျန်းသူ အဖွဲ့ တပ်လှုပ်ရှားမှု နှင့် တစ်ချိန်တည်းတွင် ဒီဇင်ဘာလ ၁၅ ရက်၌ တရုတ် နယ်ခြားစောင့် ရဲတပ်ဖွဲ့မှ မြန်မာ - တရုတ် နှစ်နိုင်ငံ နယ်စပ် ဘီပီ-၁၂၇ ၏ အရှေ့ဘက် ၃ မိုင်အကွာ တရုတ်နိုင်ငံ ၊ မိန်းတိန် ၊ နမ့်ဆန် ကားလမ်းပေါ်တွင် ယာဉ်ကြီး နှစ်စီးပေါ်မှ မောင်းပြန်ရိုင်ဖယ် သေနတ် ၆၁၁ လက် ၊ ကျည် ၁၂၆၀၀ တောင့်နှင့် ၄၀-မ် ရော့ကတ်လောင်ချ ၃၀၀ ခန့် ၊ ၄၀-မမ ဒုံးကျည် ၁၀၀၀ ကျော်တို့အား သံသယရှိသူ ၃ ဦးနှင့်အတူ ဖမ်းဆီးရမိ ခဲ့ကြောင်း ၊ အဆိုပါ ကိစ္စနှင့် ပတ်သက်၍ တရုတ် စစ်သံရုံး (ရန်ကုန်) သို့ မေးမြန်းရာ တရုတ် စစ်သံရုံးမှ စုံစမ်းစစ်ဆေးမှု များပြုလုပ်ဆဲ ဖြစ်ကြောင်း၊ ဖမ်းဆီးရမိ သည့် သုံးဦးအား စစ်ဆေးမှုများ ပြုလုပ်ဆဲ ဖြစ်ကြောင်း၊ လက်နက်၊ ခဲယမ်း မှောင်ခိုခြင်းသည် တရုတ် ပြည်တွင်းတွင် အရေးကြီးသော ကိစ္စဖြစ်ပြီး တရုတ်နိုင်ငံ ဥပဒေနှင့် အညီ စုံစမ်း စစ်ဆေးမည် ဖြစ်ကြောင်း၊ နယ်စပ်အေးချမ်း တည်ငြိမ်ရေး အတွက် တရုတ်နိုင်ငံဘက်မှ အဓိကထားပြီး အထူးစုံစမ်းရေး အဖွဲ့အား ဖွဲ့စည်း စုံစမ်းမည် ဖြစ်ကြောင်း၊ တရုတ်နိုင်ငံ အနေဖြင့် မည်သည့် လက်နက်မှောင်ခိုနှင့် မှုခင်းများကို မဆို မြန်မာနိုင်ငံနှင့် ပူးပေါင်းနှိမ်နင်း ၍ Sino- Myanmar နယ်စပ် အေးချမ်း တည်ငြိမ်ရေး အတွက် ဆောင်ရွက် သွားမည်ဟု ပြန်လည်ပြောကြား ခဲ့ပါကြောင်း။

၂ဝ၁၄ ခုနှစ်၊ ဒီဇင်ဘာ ၂၉ ရက်နေ့ Want China Times အွန်လိုင်း စာမျက်နှာတွင် ဖော်ပြပါရှိသော သတင်း ဆောင်းပါးတွင် ဖုန်ကြားရှင် သည် Global Time သတင်းဌာနနှင့် တွေ့ဆုံ ပြောကြားချက် ၌ ဒီမိုကရက်တစ် မဟာမိတ် တပ်မတော်ကို ဦးဆောင်၍ မြန်မာ့ တပ်မတော် နှင့် ပြန်လည်ရင်ဆိုင် တိုက်ခိုက်ရန် လုပ်ဆောင် ထားရှိသည်ဟု ပြောကြား ခဲ့ကြောင်း။

လတ်တလော ဖြစ်ပွားနေသည့် လောက်ကိုင် ဒေသအား သောင်းကျန်းသူများ ဝင်ရောက် တိုက်ခိုက်မှု ဖြစ်စဉ်နှင့် ပတ်သက်၍ ရှင်းလင်း ပြောကြား ရာတွင် ၂ဝ၁၅ ခုနှစ်၊ ဖေဖော်ဝါရီ ၉ ရက်တွင် ကိုးကန့် သောင်းကျန်းသူ အဖွဲ့မှ အင်အားစု အချို့သည် လက်နက်ငယ် ကိုယ်စီ ကိုင်ဆောင်၍ ကွမ်းလုံမြို့ မြောက်ဘက်ရှိ တောင်ရွှေ ကျေးရွာသို့ မော်တော်ယာဉ် များဖြင့် ရောက်ရှိလာပြီး ကျေးရွာ ပြည်သူ့စစ် များထံမှ လက်နက်ငယ် ၈ လက် သိမ်းယူ သွားခဲ့ကြောင်း၊ တပ်မတော် စစ်ကြောင်းက လိုက်လံ ရှင်းလင်း ရာတွင် ယာယီခံစစ် ယူထားသည့် ကိုးကန့် သောင်းကျန်းသူ အင်အားစု များနှင့် စတင် ထိတွေ့ တိုက်ပွဲဖြစ်ပွား ခဲ့ကြောင်း၊ တစ်ချိန် တည်းတွင် ကုန်းကြမ်းနှင့် ညံခွမ်းလမ်း ၁၈ မိုင် တစ်ဝိုက်၌ တပ်မတော် စစ်ကြောင်းနှင့် ကိုးကန့် သောင်းကျန်းသူ အင်အားစုများ နှစ်ကြိမ်တိုင် ပြင်းထန်စွာ တိုက်ပွဲဖြစ်ပွား ခဲ့ကြောင်း၊ နယ်နိမိတ် မှတ်တိုင်အမှတ်၊ ဘီပီ -၁၆၁ (၁)အနီးရှိ မော်ထိုက်မြို့ တစ်ဝိုက် လုံခြုံရေး တာဝန်ထမ်းဆောင် လျက်ရှိသော တပ်မတော်စခန်း ကိုလည်း နှစ်ကြိမ်ဝင်ရောက် ပစ်ခတ်တိုက်ခိုက် ခဲ့ပါကြောင်း။

ဖေဖော်ဝါရီ ၁ဝ ရက်တွင် ညံခွမ်းနှင့် ၁၈ မိုင်ကြား တစ်ဝိုက်၌ ကိုးကန့် အင်အားစု အချို့နှင့် ထပ်မံတွေ့ဆုံ တိုက်ပွဲဖြစ်ပွား ခဲ့ရာ ၄င်းနေရာသို့ တပ်မတော် စစ်ကြောင်းက လောက်ကိုင်မြို့ မှ စစ်ကူသွားရောက် စဉ် ၁၈ မိုင်နှင့် တာရွှေထန်ကြား သောင်းကျန်းသူ အင်အား ၂ဝဝ ခန့်က အသင့်စောင့်ကြို တိုက်ခိုက် ခဲ့သဖြင့် ပြင်းထန်စွာ တိုက်ပွဲဖြစ်ပွား ခဲ့ကြောင်း၊ ဖြစ်စဉ်တွင် မိမိ စစ်ကြောင်း အနေဖြင့် အဆိုပါ နေရာသို့ မရောက်မီ ၁ မိုင်ခန့်အကွာရှိ အလုပ်သမား တဲတန်းလျားတွင် ရန်သူ့သတင်း ထောက်လှမ်းရာ နယ်မြေရှင်းလင်း ကြောင်းသိရ၍ စစ်နည်းဗျူဟာ အရ လျင်မြန်မှုကို ဦးစားပေးသည့် အသွင်ဖြင့် ဆက်လက် ချီတက်ခဲ့ကြောင်း၊ တိုက်ပွဲနေရာ အနီး တောင်ကုန်း အတက် ကားလမ်းပေါ်တွင် ကျောက်တုံးများ ချထားသဖြင့် ပုံမှန် အနေအထား မဟုတ်ကြောင်း စစ်ကြောင်းမှူး မှ သုံးသပ်၍ ယာဉ်များအား ချက်ချင်းရပ်တန့် စေကာ တောင်ကုန်းအား ရှင်းလင်းစဉ် ကိုက် ၅ဝ ခန့်အကွာမှ ကြိုတင် နေရာယူထားသည့် ရန်သူအင်အား ၂ဝဝ ခန့်သည် ပုံသေပစ်ကြောင်း ယူ၍ တရုတ် စက်လတ်များ အပါအဝင် လက်နက်ကြီး၊ လက်နက်ငယ် များဖြင့် ပြင်းထန်စွာ ပစ်ခတ် တိုက်ခိုက်ခဲ့ကြောင်း။

တပ်မတော်ဘက်မှ တိုက်ခိုက်ရေး လေယာဉ်၊ တိုက်ခိုက်ရေး ရဟတ်ယာဉ်များ အပါအဝင် ပစ်ကူများ အသုံးပြု၍ ကျားကုတ် ကျားခဲ တိုက်ခိုက်ခဲ့သဖြင့် သောင်းကျန်းသူများ ထိခိုက်ကျဆုံးမှု များစွာဖြင့် မြန်မာ- တရုတ် နယ်နိမိတ် မှတ်တိုင် ဘီပီ-၁၁၇ သို့ဆုတ်ခွာ သွားခဲ့ကြောင်း၊ ထိုဖြစ်စဉ်တွင် တပ်မတော်မှ အရာရှိ ၁ ဦး၊ စစ်သည် ၂၉ ဦးကျဆုံးခဲ့၍ အရာရှိ ၈ ဦး၊ စစ်သည် ၃၉ ဦးဒဏ်ရာ ရရှိ ခဲ့ပါကြောင်း။

အဆိုပါ ဒေသသည် တောထူထပ်ပြီး တောင်များမြင့်မား မတ်စောက်သော ဒေသဖြစ်ပြီး တောင်ပေါ် တောတွင်း တိုက်ပွဲများသည် မြေအခြေအနေကို အကျိုးရှိစွာ အသုံးချနိုင်ပါက တိုက်ကွက်ဖော်သူ အဖို့ အကျိုးအမြတ်များ ရရှိ နိုင်သောကြောင့် လုံခြုံမှုထက် လျင်မြန်မှုကို ဦးစားပေးရသော အခြေအနေတွင် စွန့်စားမှုများဖြင့် ရန်သူ၏ အခြေအနေ ဖန်တီးနိုင်ခွင့် ကို ရိုက်ချိုးဖျက်ဆီးရန် လိုအပ်ပါကြောင်း၊ ၄င်း အခြေအနေ မျိုးတွင် မိမိဘက် မှ ထိခိုက်ဆုံးရှုံး မှုများလည်း ရှိနိုင်မည်ကို စစ် ခေါင်းဆောင်များ အနေဖြင့် တွက်ဆထားပြီး ဖြစ်ပါကြောင်း။

ဖေဖော်ဝါရီ ၁ဝ ရက် ညပိုင်းနှင့် ၁၁ ရက် နံနက်ပိုင်း တို့တွင် ကိုးကန့် သောင်းကျန်းသူ အဖွဲ့မှ အင်အားစု အချို့သည် လောက်ကိုင် တပ်နယ်သို့ လည်းကောင်း၊ အင်အားစု အချို့သည် ကိုးကန့် ကိုယ်ပိုင် အုပ်ချုပ်ခွင့်ရ ဒေသ ဦးစီးအဖွဲ့ရုံး သို့လည်းကောင်း၊ အင်အားစု အချို့သည် ဆီအော့ အကျဉ်းဦးစီး ဌာနသို့ လည်းကောင်း၊ အင်အားစု အချို့သည် ရန်လုံကျိုင်း ရဲစခန်းသို့ လည်းကောင်း ဝင်ရောက် တိုက်ခိုက်ခဲ့ရာ တပ်မတော် စစ်ကြောင်းများ နှင့် ပြင်းထန်စွာ တိုက်ပွဲဖြစ်ပွား ခဲ့ပါကြောင်း။ 

ဖေဖော်ဝါရီ ၁၁ ရက် ညပိုင်းနှင့် ၁၂ ရက် နံနက်ပိုင်းတို့တွင် လောက်ကိုင် တပ်နယ် အတွင်းရှိ တပ်ရင်း၊ တပ်ဖွဲ့များ ကုန်းကြမ်းရှိ တပ်ရင်း ဌာနချုပ်နှင့် ရန်လုံကျိုင်း မဆုတ်တမ်း ခံစစ်စခန်း များအား ဝင်ရောက် တိုက်ခိုက်ခဲ့ ၍ တိုက်ခိုက်ရေး ရဟတ်ယာဉ်ဖြင့် တစ်ကြိမ် ပစ်ကူပေး တိုက်ခိုက်ခဲ့ ရပါကြောင်း။

ဖေဖော်ဝါရီ ၁၅ ရက် ညပိုင်းတွင် တရုတ် နိုင်ငံနယ်စပ် အနီး ရီရှင်း၊ မာအိုက်ချန် လမ်းကြောင်းအတိုင်း ကိုးကန့် သောင်းကျန်းသူ များအား တင်ဆောင်လာသော မော်တော်ယာဉ်အစီး ၅ဝ ခန့်သည် မီးရောင်တန်း များဖြင့် ဝင်ရောက်လာ ခဲ့သဖြင့် လောက်ကိုင်ရှိ မိမိတပ်များမှ လက်နက်ကြီး များဖြင့် ပစ်ခတ်၍ ကြိုတင်ချေမှုန်း ခဲ့ရကြောင်း၊ အလားတူ ဝမ်ဟိုထမ် ဘက်မှ ဝင်ရောက်လာသော ကိုးကန့် သောင်းကျန်းသူများ စီးနင်းလာသည့် မော်တော်ယာဉ် အစီး ၅ဝ ခန့်ကိုလည်း လက်နက်ကြီး များဖြင့် ကြိုတင်ပစ်ခတ် ချေမှုန်းရာ သောင်းကျန်းသူ အဖွဲ့များသည် ရည်ရွယ်ချက် ပျက်ပြားပြီး ပြန်လည်ဆုတ်ခွာ သွားခဲ့ရကြောင်း။

လောက်ကိုင်ဒေသ ဖြစ်စဉ်သည် အချုပ်အခြာအာဏာ နှင့် သက်ဆိုင်သည့် ကိစ္စဖြစ်ပါကြောင်း၊ ဖုန်ကြားရှင် ခေါင်းဆောင်သည့် သောင်းကျန်းသူ အဖွဲ့သည် လောက်ကိုင် ဒေသအား တိုက်ခိုက် သိမ်းပိုက်ပြီး ရွေးချယ် တင်မြှောက် ထားသည့် ကိုယ်ပိုင် အုပ်ချုပ်ခွင့်ရ အစိုးရအဖွဲ့အား ဖြုတ်ချ၍ အာဏာသိမ်းရန် ဖြစ်ရာ နိုင်ငံတော် အစိုးရ၏ အစိတ်အပိုင်း တစ်ခုအား တိုက်ခိုက် လာခြင်း ဖြစ်သဖြင့် တပ်မတော် အနေဖြင့် လုံးဝ လက်မခံကြောင်း၊ လုံးဝ အလျှော့ပေးမည် မဟုတ်ကြောင်း၊ မိမိတို့ ရရှိထားသော အထောက်အထားများ အရ လောက်ကိုင် ဖြစ်စဉ်တွင် မိုင်းလားအဖွဲ့၊ 'ဝ'အဖွဲ့၊ KIA အဖွဲ့၊ TNLA အဖွဲ့၊ SSA (ဝမ်ဟိုင်း)အဖွဲ့ များမှ ပါဝင်မှုများ ရှိနေကြောင်း သိရှိရသဖြင့် ယင်းအတွက် ကိုလည်း သက်ဆိုင်ရာ အဖွဲ့များ အနေဖြင့် တာဝန်ယူရမည် ဖြစ်ကြောင်းကို သတိပေးထားပြီး ဖြစ်ပါကြောင်း။

လက်ရှိ လောက်ကိုင်မြို့ တွင် အစိုးရ အုပ်ချုပ်မှု ယန္တရား ရပ်ဆိုင်းသွားပြီး ဒေသ အာဏာပိုင် အဖွဲ့အစည်းမှ တာဝန်ရှိ သူများမှာလည်း ၄င်းတို့၏ အသက် အန္တရာယ်ကြောင့် လောက်ကိုင် ဒေသမှ စွန့်ခွာသွားခဲ့သော်လည်း အစိုးရဌာန အဆောက်အအုံ အားလုံးအား တပ်မတော်မှ ထိန်းသိမ်း ကာကွယ်ထားရှိ နိုင်ခဲ့ပါကြောင်း၊ သောင်းကျန်းသူများ အနေဖြင့် လောက်ကိုင်မြို့ အတွင်း အရပ်သားများနှင့် ရောနှောကာ အရပ်သား အသွင်ပုန်းအောင်း နေထိုင်ပြီး တပ်မတော် စစ်ကြောင်းများကို အလစ်အငိုက် ချောင်းမြောင်း ပစ်ခတ်မှုများ ပြုလုပ်နေသဖြင့် လက်ရှိ ကာလတွင် ရှင်းလင်း ဆောင်ရွက်နေဆဲ ဖြစ်ပါကြောင်း။

လတ်တလော အခြေအနေအရ ဒေသ တည်ငြိမ်အေးချမ်း ရေးအတွက် ဖေဖော်ဝါရီ ၁၇ ရက်တွင် အရေးပေါ် အခြေအနေ ကြေညာခြင်းနှင့် စစ်အုပ်ချုပ်ရေး အမိန့် ထုတ်ပြန်ခြင်း တို့ကို ဆောင်ရွက်ခဲ့ ပါကြောင်း၊ တိုက်ပွဲရှောင် စခန်းများသို့ ရောက်ရှိ နေကြသည့် အရပ်သား ပြည်သူများအား လောက်ကိုင်ဒေသ သို့ ပြန်လည် ဝင်ရောက် နေထိုင်နိုင်ရန် အကြောင်းကြား၍ လိုအပ်သော ကူညီ စောင့်ရှောက်မှုများ ဆောင်ရွက်လျက် ရှိပြီး ဝန်ထမ်းများနှင့် မိသားစုများ ကိုလည်း တပ်မတော်မှ ကောင်းမွန်စွာ ထိန်းသိမ်း စောင့်ရှောက်ထား ရှိပါကြောင်း။

ဖုန်ကြားရှင် အနေဖြင့် ဖေဖော်ဝါရီ ၁၂ ရက်တွင် ၄င်းတို့မှာ တရုတ်လူမျိုး ဟန်မျိုးနွယ်များ ဖြစ်ကြောင်း၊ မြန်မာအစိုးရမှ တရုတ် မျိုးနွယ်စုများကို နှိပ်စက်နေခြင်း ဖြစ်၍ လူမျိုးရေးအရ ကူညီပေးကြ ပါရန် တရုတ် အင်တာနက် စာမျက်နှာများမှ တစ်ဆင့် ဝါဒဖြန့်လျက် ရှိသလို တစ်ဖက်တွင်လည်း နိုင်ငံတော် သမ္မတကြီးထံ တိုင်းရင်းသား မျိုးနွယ်စု ၁၃၅ မျိုးထဲတွင် အပါအဝင် ဖြစ်သော ညီနောင် တိုင်းရင်းသားများ အပေါ်တွင် သနားငဲ့ညှာစွာ စဉ်းစားပေး စေလိုကြောင်း၊ နည်းလမ်း ပေါင်းစုံဖြင့် ဝါဒဖြန့်လျက် ရှိပါကြောင်း။

ဖေဖော်ဝါရီ ၁၆ ရက်တွင် ဖုန်ကြားရှင် မှ နိုင်ငံတော် သမ္မတထံ သို့ ကိုးကန့် တိုင်းရင်းသား များသည်လည်း နိုင်ငံတော်၏ တာဝန်နှင့် ဝတ္တရားများကို နိုင်ငံတော်၏ မိသားစု အဖွဲ့ဝင် အနေဖြင့် ထမ်းဆောင်ချင် ပါကြောင်း အိတ်ဖွင့်ပေးစာ ပေးပို့ခဲ့သည်ဟု သိရှိရ ပါကြောင်း၊ လောက်ကိုင်ဒေသ တိုက်ပွဲစဉ် များတွင် ဖေဖော်ဝါရီ ၉ ရက်မှ ယနေ့အထိ မြန်မာ့ တပ်မတော်မှ အရာရှိ ၇ ဦး၊ စစ်သည် ၄၈ ဦး နိုင်ငံတော် အတွက် အသက်ပေးလှူ ခဲ့ရပြီး အရာရှိ ၁၂ ဦး၊ စစ်သည် ၉၆ ဦး ဒဏ်ရာရရှိ ခဲ့ပါကြောင်း။

တပ်မတော်အနေဖြင့် ဒဏ်ရာရ အရာရှိနှင့် စစ်သည်များအား သယ်ယူ ပို့ဆောင်ရေး ရဟတ်ယာဉ်များဖြင့် လားရှိုးနှင့် ပြင်ဦးလွင်ရှိ တပ်မတော် ဆေးရုံများသို့ အချိန်နှင့် တစ်ပြေးညီ သယ်ယူပို့ဆောင် ပေးခဲ့ပြီး ဆေးဝါးကုသမှု များ ဆောင်ရွက် ပေးနိုင်ခဲ့ပါကြောင်း၊ လောက်ကိုင်၊ ကုန်းကြမ်းနယ်မြေ များရှိ ဌာနချုပ် အသီးသီးမှ ရဲမေနှင့် မိသားစုဝင်များ ကိုလည်း နောက်တန်း ဌာနချုပ်များတွင် အန္တရာယ် ကင်းရှင်းစွာ ကာကွယ်ပေးလျက် ရှိပါကြောင်း၊ ရန်သူ့ ဆုံးရှုံးမှုအနေဖြင့် အခြားသတင်းများ အရ တပ်မဟာမှူး အဆင့်ရှိသူ ၁ ဦး၊ အထူး တိုက်ခိုက်ရေး တပ်ရင်းမှူး အဆင့်ရှိသူ ၁ ဦးအပါအဝင် ၇၂ ဦးခန့် သေဆုံးခဲ့ပြီး လက်နက်မျိုးစုံ ၁၁၅ လက်၊ ခဲယမ်းမျိုးစုံ၊ မိုင်းနှင့် မူးယစ်ဆေးဝါး အများအပြား သိမ်းဆည်း ရမိခဲ့ပါကြောင်း။

ဖေဖော်ဝါရီ ၁၇ ရက်တွင် လောက်ကိုင်တွင် ပိတ်မိနေသော ရွှေ့ပြောင်း လုပ်သားများကို ကူညီပို့ဆောင် လာသော အဖွဲ့၏ ယာဉ်တန်းသည် လောက်ကိုင်မြို့မှ ကြက်ခြေနီအလံ လွှင့်တင်ပြီး ထွက်ခွာလာရာ ပါစင်ကျော် နှင့် ချင်းရွှေဟော်ကြား သို့ရောက်ရှိစဉ် ကိုးကန့် သောင်းကျန်းသူ အဖွဲ့မှ ချုံခိုပစ်ခတ် တိုက်ခိုက်မှုကြောင့် ယာဉ်ပေါ်ပါ ကြက်ခြေနီ တပ်ဖွဲ့ဝင် ဦးဇော်မင်း ထိုက်သည် မျက်စိထိမှန် ဒဏ်ရာနှင့် ဦးမိုးကျော်သန်း မှာ ဝမ်းဗိုက်တွင် လက်နက်ငယ် ကျည်ထိမှန် ဒဏ်ရာများ အသီးသီးရ ရှိခဲ့ပါကြောင်း။ ၄င်းဖြစ်စဉ်နှင့် ပတ်သက်၍ တပ်မတော် စစ်ကြောင်းများက နယ်မြေအား ဆက်လက်ရှင်းလင်း ဆောင်ရွက်လျက် ရှိပါကြောင်း။

ကိုးကန့် သောင်းကျန်းသူ အဖွဲ့အနေဖြင့် နိုင်ငံတော် အစိုးရ၏ အချုပ်အခြာ အာဏာပိုင်ဆိုင်သော လောက်ကိုင်၊ ကုန်းကြမ်း၊ တာရွှေထန် ဒေသတို့အား အခြား တိုင်းရင်းသား လက်နက်ကိုင် အဖွဲ့များ၏ အကူအညီများ ရယူ၍ အင်အား အလုံးအရင်းဖြင့် ဝင်ရောက် တိုက်ခိုက်ခဲ့ သဖြင့် တပ်မတော် အနေဖြင့် ဒေသခံပြည်သူ လူထုနှင့် တပ်မတော်သား များ၏ အသက်အိုးအိမ် စည်းစိမ်များကို ကာကွယ် ရပ်တည် ဆောင်ရွက်လျက် ရှိပါကြောင်း၊ လောက်ကိုင်ဒေသ အား မူလ အခြေအနေကို ပြန်လည်ေ ရာက်ရှိကာ ဒေသခံ ပြည်သူများ တည်ငြိမ်အေးချမ်းစွာ နေထိုင်နိုင်ရေး အတွက် သောင်းကျန်းသူများ အခြေချ လှုပ်ရှားမှု မရှိစေရေးနှင့် နယ်စပ်ဒေသ တစ်လျှောက် စိမ့်ဝင် ထိုးဖောက်ခြင်း မပြုနိုင်ရေး အစွမ်းကုန် ကြိုးပမ်း ရှင်းလင်းဆောင်ရွက် သွားမည်ဖြစ်ကြောင်း နှင့် လက်ရှိဒေသ အခြေအနေမှာ တစ်စတစ်စ တည်ငြိမ် တိုးတက်မှု ရှိလာပြီဖြစ် ပါကြောင်း ရှင်းလင်း ပြောကြားသည်။

ထို့နောက် တက်ရောက် လာသော Tomorrow၊ Sankei Shimbun ၊ Yangon Media Group ၊ Ji Ji Press ၊ Messenger ၊ AFP ၊ Trade Time  သတင်းဌာနတို့မှ သိရှိလိုသည်များ မေးမြန်းမှု အပေါ် ပြန်လည် ရှင်းလင်း ပြောကြားသည်။

ယင်းနောက် တက်ရောက် လာသူများ က ခန်းမအတွင်း ခင်းကျင်းပြသ ထားသည့် မှတ်တမ်း ဓာတ်ပုံများနှင့် အထောက်အထား စာရွက်စာတမ်း များအား လှည့်လည် ကြည့်ရှုရာ ဒုတိယ ဗိုလ်ချုပ်ကြီး မြထွန်းဦး နှင့် တာဝန်ရှိသူများက လိုက်လံ ရှင်းလင်းပြသ ခဲ့ကြောင်း သိရှိရသည်။

#Themyawadydaily

#မြ၀တီနေ့စဉ်

တင်ဆက်...ပြည်သတင်းလူငယ်

(ပြည်သတင်း)

09253311019