ရွှေတောင် ချည်မျှင် နှင့် အထည်စက်ရုံရှိ လက်ထောက်စက်ရုံမှူးမှ အောက်ခြေ၀န်ထမ်းအား ၄င်းစီးလာသောဖိနပ်ဖြင့် ပါးရိုက်ခဲ့
********************************************************************************
ပဲခူးတိုင်းဒေသကြီး(နောက်) ပြည်ခရိုင်ေ၇ွှတောင်မြို့နယ် အမှတ်(၁)စက်မှုဝန်ကြီးဌာန ရွှေတောင်ချည်မျှင် နှင့် အထည်စက်ရုံ စီမံရေးရာ
ပြုပြင်ထိန်းသိမ်းရေးဌာနခွဲ စက်မှုရေသန့်ဌာန ကျွမ်းကျင်အဆင့်(၃) အတန်း(၁)၀န်ထမ်း ကိုသိန်းသန်းမိုးအား (လ/ထ စက်ရုံမှူး)ဖြစ်သူ
ဦးမြင့်ဦးမှ ၂၁.၄.၂၀၁၄ ခုနှစ် ည(၉း၄၈)မိနစ်အချိန်ခန့်တွင် ၄င်းစီးလာသောဖိနပ်ဖြင့်ပါးရိုက်ခဲ့ကြောင်းသတင်းရရှိခဲ့ပါတယ်။အဆိုပါသတင်း
ဖြစ်စဉ်မှာ...
ပါးအရိုက်ခံရသူအောက်ခြေ၀န်ထမ်း ကိုသိန်းသန်းမိုး သည် ၂၁.၄.၂၀၁၄ ရက်နေ့တွင် ကိုကျော်ညွှန့်နှင့်အတူတူ ညတာဝန်ကျသည့်နေ့ဖြစ်သည်။
ထိုနေ့မှာ ဦးမြင့်ဦး(လ/ထ စက်ရုံမှူး)သည် ညအချိန် ၉း၄၈ မိနစ်အချိန်ခန့်တွင် လာရောက်စစ်ဆေးရာတွင် ညတာဝန်ကျ ကိုကျော်ညွှန်မှာ ထမင်းမစားရသေးသဖြင့်
ထမင်းပြန်စားကြောင်း ကိုသိန်းသန်းမိုး မှ ဦးမြင့်ဦး(လ/ထ စက်ရုံမှူး)အားပြောပြခဲ့သည်။ ထိုသို့လာရောက်စစ်ဆေးချိန်မှာလည်း ဦးမြင့်ဦး(လ/ထ စက်ရုံမှူး)
မှာမှုးရစ်ယစ်သောက်စားထားသည်ဟုထင်ရပါတယ်။ ထို့နောက် မင်းတို့က အားတိုင်း ထမင်းပဲပြန်စားနေတယ် ဟုပြောပြောဆိုဆိုဖြင့် ကိုသိန်းသန်းမိုးအား
စတီးရေခွက်ဖြင့် လှမ်းပေါက်ပြီး ဒုတိယအကြိမ်တွင် ကိုသိန်းသန်းမိုး၏ ဆံပင်မွှေးကိုဆွဲကာ(၀ဲ)ပါးပြင်အားရိုက်ခဲ့ပါသည်။ ထို့နောက်တပြိုင်တည်းမှာပင်
တတိယအကြိမ် ကိုသိန်းသန်းမိုး ၏(၀ဲ)ပါးပြင်အား ၄င်းစီးလာသောဖိနပ်ဖြင့်ထပ်မံရိုက်ခဲ့ကြောင်း ထိုအချိန်အထိကို ကိုသိန်းသန်းမိုးမှ ဦးမြင့်ဦး(လ/ထ စက်ရုံမှူး)
အားခုခံခြင်းမရှိခဲ့သေးပဲ ဆရာရိုက်တာ(၃)ခါရှိရှိပြီ ဟုပြောဆိုခဲ့ရာ ၄င်းမှ (၁၀)ခါရိုက်တော့ရောဘာဖြစ်လည်း ဘယ်ကောင်ကိုမှ ငါဂရုမစိုက်ဘူး ဟု
အဏာရှင်ဆန်ဆန်ပြောဆိုခဲ့ပြီး စတုတ္ထအကြိမ် ထပ်မံရိုက်မည် ပြုစဉ် အနီးရှိ ဦးသိန်းဇော်(စိတ်မှူး)မှ ဆွဲထားသောကြောင့် အရိုက်ခံရမည့်ဘေးမှလွှတ်မြောက်
ခဲ့ရပါသည်။ ထို့ကြောင့်လည်း အစိုးရ၀န်ထမ်းအရာရှိ ဦးမြင့်ဦး(လ/ထ စက်ရုံမှူး)အား သက်ဆိုင်ရာမှ လိုအပ်သလို အရေးယူဆောင်ရွက်ပေးရန် နှင့်
ပြည်ထောင်စုဝန်ကြီး အမှတ်(၁)စက်မှုဝန်ကြီးဌာန နေပြည်တော် ကိုလည်းအဆိုပါကိစ္စအား ၂၀၁၄ ခုနှစ် ဧပြီလ(၂၅)ရက်နေ့ကတိုင်ကြားထားကြောင်းသတင်းရရှိခဲ့ပါတယ်
အဆိုပါသတင်းကိစ္စနှင့်ပတ်သက်ပြီး ဦးမြင့်ဦး(လ/ထ စက်ရုံမှူး) အား ၄င်း၏ဖုန်းနံပါတ်ကို ပြည်သတင်းမှ ဆက်သွယ်မေးမြန်းခဲ့ရာ....ဒီကိစ္စနှင့်ပက်သတ်ပြီး
ဘာမှပြောစရာမရှိပါဘူးခင်ဗျာ ဖိနပ်နဲ့ပါးရိုက်တယ်ဆိုတာလည်းမဟုတ်ပါဘူး သူကတမှင်သက်သက်ပြောတာပါ ဒီကိစ္စကိုလည်း စစ်ဆေးမှုတွေခံယူပြီးပါပြီ
လူကြီးတွေဆိုတော့ ကိုယ့်အကြောင်းသားပုတ်လေလွင့်ပြောတာတွေတော့ခံရပါတယ်ခင်ဗျာ ကျန်တာတော့ ပြောစရာမရှိပါဘူး ဟု ပြည်သတင်းသို့ ပြန်လည်ဖြေကြားသွားခဲ့သည်။
ပြည်သတင်းလူငယ်(ပြည်သတင်း)
0 comments:
Post a Comment