ရှမ်းပြည်နယ် မြောက်ပိုင်းရှိ လက်နက်ကိုင် တိုင်းရင်းသားတပ်ဖွဲ့ဖြစ်သော ပလောင်ပြည်နယ် လွတ်မြောက်ရေးတပ်ဦး (PSLF)၊ တအောင်းအမျိုးသား လွတ်မြောက်ရေး တပ်မတော် (TNLA) နှင့် အစိုးရတို့ ပထမဆုံးအကြိမ် ဆွေးနွေးမည် ဖြစ်ကြောင်း ငြိမ်းချမ်းရေး အကျိုးတော်ဆောင်တစ်ဦးက အတည်ပြု ပြောကြားသည်။
ယင်းဆွေးနွေးပွဲကို ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးအောင်မင်း ဦးဆောင်သောအဖွဲ့နှင့် PSLF/TNLA မှ အထွေထွေအတွင်းရေးမှူး ဦးမိုင်းဘုန်းကျော် ဦးဆောင်သောအဖွဲ့တို့ တရုတ်-မြန်မာ နယ်စပ်မြို့တစ်ခုဖြစ်သော မူဆယ်မြို့၌ ဇူလိုင်လ ၃၁ ရက်နေ့တွင် ပြုလုပ်မည် ဖြစ်ကြောင်း ၎င်းကရှင်းပြသည်။
“အစိုးရဘက်ကတော့ လက်မှတ်ထိုးနိုင်အောင် စီစဉ်ထားတယ်။ ဒါပေမဲ့ ဆွေးနွေးညှိနှိုင်းမှု အပေါ်မှာလည်း မူတည်တယ်။ သေချာပြောလို့ မရသေးဘူး” ဟု ၎င်းကဆိုသည်။
အစိုးရနှင့် PSLF/TNLA တို့ တွေ့ဆုံဆွေးနွေးရန် သတင်းထုတ်ပြန်ခဲ့သည့် ဇူလိုင်လ ၂၆ ရက်နေ့တွင် ဒေသခံပြည်သူ့စစ်များနှင့် PSLF/TNLA ရှေ့တန်းတပ်တို့ တိုက်ပွဲများ ဖြစ်ပွားခဲ့ကြောင်း PSLF/TNLA အရာရှိများက The Voice သို့ ပြောကြားသည်။
PSLF သည် ၁၉၉၂ ခုနှစ်တွင် စတင်ဖွဲ့စည်းခဲ့ပြီး တပ်မတော်အစိုးရထံ ၂၀၀၅ ခုနှစ်က လက်နက်ချခဲ့သော်လည်း ၂၀၀၇ ခုနှစ်တွင် PSLF စစ်ဦးစီးချုပ် တာညီလုံနှင့် တိုင်ပင်ကာ TNLA အမည်ဖြင့် ပြန်လည်ဖွဲ့စည်းခဲ့သည်။
0 comments:
Post a Comment