ပြည်မြို့တွင် လိုင်စင်မဲ့ကားများစတင်ဖမ်းဆီးရာ နှစ်စီးဖမ်းဆီးရမိ
ပြည့်သဲမောင်(ပြည်)
ပဲခူးတိုင်း ပြည်ခရိုင် ပြည်မြို့တွင် ဇွန်လ၁၇ရက်က ယာဉ်နှင့်ပတ်သတ်သည့် သက်သေအထောက်အထားတစ်စုံတစ်ရာမပြနိုင်သည့် လိုင်စင်မဲ့ ကားနှစ်စီးဖမ်းဆီးရမိခဲ့ကြောင်း ယာဉ်ထိန်း ရဲတပ်ဖွဲ့ဝင်တစ်ဦးကပြောသည်။
ထိုနေ့နံနက် ၁၁နာရီ၄၅အချိန်က ပြည်မြို့ န၀င်းရပ်ကွက် သံတစ်ချောင်းလမ်း ယာဉ်ကျေးမှုခန်းမရှေ့တွင် ရွာဘဲရပ်ကွက် မူယာပင်ရပ် ဗိုလ်ချုပ်လမ်းနေသူ ဦးအေးကြူ မောင်းနှင်းလာသည့် KNU/KNLA PC 7D/0182 TOYOTA MARK II ခဲမဲရောင်ကားအား စစ်ဆေးခဲ့သည်။
အဆိုပါယာဉ်သည် အင်ဂျင်အမှတ် (1106813) ဘောင်အမှတ် (JZX110-6014384) မော်ဒယ်(2001) ဖြစ်ပြီး ယာဉ်နှင့်ပတ်သတ်သည့် သက်သေအထောက်အထား တစ်စုံတစ်ရာပြနိုင်ခြင်းမရှိသဖြင့် ရှာဖွေ ပုံစံပြုလုပ်သိမ်းဆည်းခဲ့ကြောင်း ယာဉ်ထိန်းရဲတပ်ဖွဲ့ဝင်က ပြောသည်။
နေ့လည်၁၂နာရီခွဲအချိန်က ပြည်မြို့ န၀င်းရပ်ကွက် ရွှေတစ်ချောင်းလမ်း အ.လ.က(၂)ကျောင်းရှေ့တွင် အမှတ်(၁၀)ယာဉ်ထိန်းတပ်ဖွဲ့စု(ပြည်) မှဒုတပ်ကြပ်မြင့်ဇော်ဦးသည်ယာဉ်/လမ်းစည်းကမ်းထိန်းသိမ်းရေး ဆောင်ရွက်
နေစဉ် ပေါက်ခေါင်းမြို့ (၄)ရပ်ကွက် ပိတောက်မြိုင်လမ်းနေသူ ဦးထွန်းနိုင်လင်း
မောင်းနှင်လာသည့် KA/9121 TOYOTA MARK II ခဲရောင်အား စစ်ဆေးခဲ့သည်။
အဆိုပါယာဉ်သည် အင်ဂျင်အမှတ်(1G/FE) ဘောင်အမှတ် (GX 110-6004616) မော်ဒယ် (၂၀၀၀)ဖြစ်ပြီး ယာဉ်နှင့်ပတ်သတ်သည့် သက်သေအထောက်အထား တစ်စုံတစ်ရာ ပြနိုင်ခြင်းမရှိသဖြင့် ယာဉ်ထိန်းရဲတပ်စုမှူးရုံးသို့ခေါ်ဆောင်မောင်းနှင်ကာ ရှာဖွေပုံစံပြုလုပ် သိမ်းဆည်းခဲ့ကြောင်း ယာဉ်ထိန်းရဲတပ်ဖွဲ့ဝင်က ပြောသည်။
ထိုသို့သိမ်းဆည်းရမိသဖြင့် လိုင်စင်မဲ့ကားလက်ဝယ်ထားရှိသုံးစွဲသူ ဦးထွန်းနိုင်လင်း နှင့် ဦးအေးကြူတို့အား ပြည်မြို့အမှတ်(၁)ရဲစခန်းတွင် ပို့/သွင်း
ပုဒ်မ ၈/၁၀ဖြင့်အမှုဖွင့်ဖမ်းဆီး စစ်ဆေးလျှက်ရှိသည်။
သတင်းနှင့်ဓါတ်ပုံ ပြည့်သဲမောင်(ပြည်)
0 comments:
Post a Comment