ပေကျင်း သြဂုတ် ၂၃
တရုတ်နိုင်ငံ အလယ်ပိုင်း ဟူပေး ပြည်နယ် ဝူဟမ်မြို့တွင် ကျောက်ကပ် မှောင်ခို ရောင်းဝယ်ရေး ဂိုဏ်းမှ အဖွဲ့ဝင်များဟု ယူဆရသူ ၁ဝ ဦးကျော်ကို တရုတ် ရဲတပ်ဖွဲ့ဝင်များက ဖမ်းဆီးခဲ့ကြောင်း အင်တာနက် သတင်းတစ်ရပ်အရ သိရသည်။
အဆိုပါ ဖမ်းဆီးမှုကို အမျိုးသား တစ်ဦး၏ သတင်းပေးချက်အရ လုပ်ဆောင်ခဲ့ခြင်း ဖြစ်သည်။
လီဝေအမည်ရှိ အမျိုးသားတစ်ဦးသည် ၎င်း၏အကြွေးများကို ပြန်လည် ပေးဆပ် လိုသောကြောင့် ၎င်း၏ ကျောက်ကပ်ကို ရောင်းချရန် ကြံရွယ်ခဲ့ကြောင်း၊ သို့သော် ခွဲစိတ် ကုသမှု လုပ်ပြီး နောက်ပိုင်း တွင် မျှော်မှန်းထားသည့် အတိုင်း ဖြစ်မလာခဲ့ကြောင်း၊ ကျောက် ကပ်ရောင်းရ ငွေမှာ ယွမ်ငွေ ၃ဝဝဝဝ သာ ရရှိခဲ့ကြောင်း၊ အဆိုပါ ခွဲစိတ်မှုကို ယခုနှစ် ဧပြီလ အစောပိုင်းတွင် လုပ်ဆောင်ခဲ့ခြင်း ဖြစ်ကြောင်း အွန်လိုင်းပေါ်တွင် ရေးသား ဖော်ပြချက်အရ သိရသည်။ အွန်လိုင်းပေါ်တွင် ရေးသားထားသော လီဝေ၏ ဖော်ပြချက်များကို မစ္စတာရှု အမည်ရှိ အမျိုးသား တစ်ဦးက တွေ့ရှိခဲ့ပြီး ၎င်းအားခေါ်ယူ၍ စစ်ဆေး မေးမြန်းမှုများ ပြုလုပ်ခဲ့ကြောင်း၊ အသေးစိတ် စုံစမ်းစစ်ဆေးမှုများ ပြုလုပ်ခဲ့ပြီး နောက်ပိုင်း တွင် ကျောက်ကပ် မှောင်ခို ရောင်းဝယ်ရေး ဂိုဏ်းအား ဖမ်းဆီးရန် ရဲတပ်ဖွဲ့ထံ သတင်းပေး ခဲ့ခြင်း ဖြစ်ကြောင်း သိရသည်။
0 comments:
Post a Comment