Tuesday, August 11, 2015
နိုင်ငံတော်သမ္မတ ဦးသိန်းစိန် ပြည်မြို့ရေဘေးသင့်ပြည်သူများဖြင့်တွေ့ဆုံ
နိုင်ငံတော်သမ္မတ ဦးသိန်းစိန် ပြည်မြို့ရေဘေးသင့်ပြည်သူများဖြင့်တွေ့ဆုံ
ပြည် သြဂုတ် ၁၀
ပြည်ထောင်စု သမ္မတမြန်မာနိုင်ငံ နိုင်တော်သမ္မတဦးသိန်းသည် ပဲခူးတိုင်းဒေသကြီး ပြည်ခရိုင် ပြည်မြို့နယ်အတွင်းရှိ ရေဘေးသင်ပြည်သူများရှိရာ ကယ်ဆယ်ရေးစခန်းများသို့ သြဂုတ်-၁၀ရက်နေ့တွင် လိုက်လံကြည့်ရှု အားပေးစကားပြောကြားခဲ့ပြီး ရေဘေးသင့်ပြည်သူများထံသို့ အလှူငွေများပေးအပ်ခဲ့ကြောင်းသိရသည်။
နိုင်ငံတော် သမ္မတဦးသိန်းစိန် သည် သြဂုတ် ၉ရက်နေ့ ညနေတွင် ပြည်မြို့သို့ရောက်ရှိခဲ့ပြီး သြဂုတ် ၁၀-ရက်နေ့ နံနက် ၆-နာရီတွင် ပြည်မြို့ လေးဆူဓါတ်ပျော်ရွှေဆံတော်စေတီတော်မြတ်ကြီးအား သွားရောက်ကြည်ညိုဖူးမျှော်ခဲ့ပြီး ပန်းဆီမီး နှင့် လှူဖွယ်ဝတ္ထုတို့ကိုလှူဒါန်းခဲ့ကြောင်းသိရသည်။
“ကျွန်မအသက် ၈၀-ရှိပြီ သမ္မတကြီးခုလို သူကိုယ်တိုင်လာရောက်အားပေးစကားပြောတယ်။လိုအပ်တာတွေကူညီပေးခဲ့တယ်။သမ္မတကြီးကို ပထမဆုံးအပြင်မှာမြင်တွေ့ခဲ့ရတာပါ။သမ္မတကြီးကိုယ်တိုင် လာရောက်ခဲ့တဲ့အတွက်အတိုင်းမသိဝမ်းသာပါတယ်။သမ္မတကြီးကျန်းမာချမ်းသာလိုရာပြည်နိုင်ပါစေ။ ”ဟု ပြည်မြို့ ရွှေကူ(၁)မူလတန်းလွန်ကျောင်း ကယ်ဆယ်ရေးစခန်းမှ ရေဘေးသင့်ပြည်သူ ဒေါ်မြတင် ကပြောသည်။
နိုင်ငံတော်သမ္မတဦးသိန်းစိန်သည် သြဂုတ် ၁၀-ရက်နေ့ နံနက် ၈-နာရီချိန်တွင် ပြည်မြို့အတွင်းရှိ ရွှေပလ္လင်မှော် ဓမ္မမာရုံကယ်ဆယ်ရေးစခန်းနှင့်ရွှေကူ(၁)မူလတန်း(လွန်)စာသင်ကျောင်း ကယ်ဆယ်ရေးစခန်းများနှင့် ပြည်န၀င်းတာရိုး ကြံ့ခိုင်မှုအခြေအနေများသွားရောက်ကြည့်ရှုစစ်ဆေးခဲ့ပြီးဆက်လက်ထွက်ခွာလာရာ ဒေသခံရေဘေးသင့်ပြည်သူများမှ သမ္မတကြီးကျန်းမာပါစေဟူ၍ ဟစ်အော်ဆုတောင်းမေတ္တာများပေးပို့ခဲ့သည်။
“ပြည်ခရိုင်အတွင်း ရေကြီးမှုအခြေအနေမှာ ပန်းတောင်းမြို့ကဆိုးပါတယ်။ ပန်းတောင်းအထွေထွေအုပ်ချုပ်ရေးရုံး၊ရဲစခန်းနဲ့ဆေးရုံတွေမှာလည်းရေကြီးခဲ့ပါတယ်။ဆေးရုံအတွင်းတက်ရောက်နေတဲ့လူနာတွေကို ရေဘေးလွတ်ရာ ဘုန်းတော်ကြီးကျောင်းမှာ ပြောင်းရွေ့ထားရပါတယ်။ရေဘေးသင့်ပြည်သူတွေကတော့ လမ်းမပေါ်တွေမှာ ယာယီတဲ့ထိုးပြီးနေထိုင်လျှက်ရှိပါတယ်။ ”ဟု ပဲခူးတိုင်းဒေသကြီး ၀န်ကြီးချုပ် ဦးဥာဏ်ဝင်းမှ နိုင်ငံတော်သမ္မတ ဦးသိန်းစိန်အား ရှင်းလင်းပြောကြားခဲ့သည်။
ပြည်ထောင်စု သမ္မတ မြန်မာနိုင်ငံ နိုင်ငံတော်သမ္မတ ဦးသိန်းသည် ပြည်မြို့အတွင်းရေးဘေးသင့်ပြည်သူများ ယခုလက်ရှိနေထိုင်ရမှု၊ကြုံတွေ့နေရသည့်အခက်အခဲ၊ရေကြီးလာစဉ်မည်ကဲ့သို့ ရုန်းကန်လာရသည့်အကြောင်းနှင့်ကျန်းမာရေးအခြေအနေများ တစ်ဦးချင်းလိုက်လံမေးမြန်းခဲ့ပြီး အားပေးစကားပြောကြားခြင်းအလှူငွေများပေးအပ်ခြင်းများပြုလုပ်ခဲ့သည်။ ပြည်န၀င်းတာရိုးအခြေအနေ နှင့် တောင်န၀င်းဆည်၊မြောက်န၀င်းဆည်များ ရေရှည်တည်တံ့ခိုင်မြဲစေရန်အတွက် လိုအပ်သည်များမှာကြားပြီး နိုင်ငံတော်သမ္မတနှင့် သက်ဆိုင်ရာ ၀န်ကြီးဌာနများမှ ပြည်မြို့န၀င်းတာရိုးမှတဆင့် ၉-နာရီကျော်အချိန်တွင် ပြန်လည်ထွက်ခွာသွားကြောင်းသိရသည်။
K3(pyay)ဒီမိုကရေစီတူဒေးသတင်းစာ သြဂုတ် ၁၁-ရက်နေ့ခေါင်းကြီးပိုင်းသတင်း
0 comments:
Post a Comment