The Voice ပြည်၊ ဖေဖော်ဝါရီ ၂
ပဲခူးတိုင်းဒေသကြီး အနောက်ပိုင်း ပြည်မြို့နယ် စည်ပင်သာယာရေးအဖွဲ့၏ ၂၀၁၃-၁၄ ဘဏ္ဍာရေးနှစ် ဘီးခွန်ဘတ်ဂျက် လျာထားငွေ တိုးတက်မှု မရှိသဖြင့် မြို့တွင်း ယာဉ်စည်ကားသည့် နေရာများတွင် ကွင်းဆင်း အခွန်ကောက်ခံလျက် ရှိကြောင်း မြို့နယ် စည်ပင်သာယာရေးအဖွဲ့က သိရှိရသည်။
ပဲခူးတိုင်းဒေသကြီး အနောက်ပိုင်း ပြည်မြို့နယ် စည်ပင်သာယာရေးအဖွဲ့၏ ၂၀၁၃-၁၄ ဘဏ္ဍာရေးနှစ် ဘီးခွန်ဘတ်ဂျက် လျာထားငွေ တိုးတက်မှု မရှိသဖြင့် မြို့တွင်း ယာဉ်စည်ကားသည့် နေရာများတွင် ကွင်းဆင်း အခွန်ကောက်ခံလျက် ရှိကြောင်း မြို့နယ် စည်ပင်သာယာရေးအဖွဲ့က သိရှိရသည်။
ဘီးခွန်များကို ယခင်က ကညနရုံးတွင် လိုင်စင်၊သက်တမ်းတိုး ပြုလုပ်သည့် ယာဉ်များကို ကောက်ခံ ခဲ့သော်လည်း ယခင်နှစ်ကုန်ကစပြီး မြို့ထဲယာဉ် စည်ကားသည့် နေရာများတွင် စတင်ကောက်ခံခြင်း ဖြစ်ပြီး ပြည်မြို့နယ် အတွင်း ကျေးလက် မြို့ပြများရှိ ဆိုင်ကယ်နှင့် မော်တော်ယာဉ် များကို ကောက်ခံနေခြင်းဖြစ်ကာ ဆိုင်ကယ် တစ်စီးလျှင် ကျပ်ငွေ ၂၀၀၀၊ မော်တော်ယာဉ် တစ်စီးလျှင် ကျပ်ငွေ ၅၀၀၀ မှ ၁၂၀၀၀ ထိ ပေးဆောင်ရကြောင်း ၎င်းက ရှင်းပြသည်။
“ဒီနှစ် ဘီးခွန်အတွက် လျာထားငွေ သိန်း ၂၂၀ က တိုးတက်မှု မရှိတဲ့အတွက် မြို့ထဲက ယာဉ်အသွားအလာ များတဲ့နေရာမှာ ဆိုင်ကယ်၊ ကားဘီးခွန်တွေကို ကောက်နေတယ်။ အများအားဖြင့် တစ်ပတ်ကို နှစ်ခါလောက် ကောက်တယ်။ အမှန်က ယာဉ်ရှိတဲ့လူတိုင်းက စည်ပင်ကိုလာပြီး အခွန်ဆောင်ရမှာပါ။ မဆောင်သေးတဲ့ ယာဉ်တွေရှိနေတော့ ကောက်နေရဦးမှာပဲ” ဟု စည်ပင်သာယာရေးအဖွဲ့မှ ဦးစီးအရာရှိ ဒေါ်မိုးမိုးက ဆိုသည်။
“ဘီးခွန်ကောက်တယ်ဆိုတာ သိတောင် မသိဘူးဗျ၊ ကောက်တဲ့အဖွဲ့နဲ့ တွေ့ရင်တော့လည်း ဆောင်ရမှာပေါ့။ တကူးတကတော့ ရုံးကို သွားဆောင်ဖြစ်မှာ မဟုတ်ဘူး” ဟု ပြည်မြို့ပေါ်မှ မော်တော်ဆိုင်ကယ် မောင်းနှင်သူ အသက် ၃၅ နှစ်အရွယ် အမျိုးသားတစ်ဦးက ဆိုသည်။
ဘီးခွန်ဆောင်ရသူများကို ပြေစာ၊ ကတ်ပြားများ ထုတ်ပေးနေပြီး တစ်နှစ်အတွင်း နှစ်ခါဆောင်ရပါက မြို့နယ်စည် ပင်ရုံးသို့ ပြေစာပြပြီး ထပ်မံပေးခဲ့ရသည့် ငွေကို ပြန်လည် ထုတ်ယူနိုင်ကြောင်း ပြည်မြို့နယ် စည်ပင်သာယာရေးအဖွဲ့ထံမှ စုံစမ်းသိရှိရသည်။
0 comments:
Post a Comment