ရေသန့်ဗူးလေးများဖြင့် အသက်ကယ်လှေနှင့်အသက်ကယ်အကျီင်္များပြုလုပ်ပြသခဲ့

ရေသန့်ဗူးလေးများဖြင့် အသက်ကယ်လှေနှင့်အသက်ကယ်အကျီင်္များပြုလုပ်ပြသခဲ့

 

ပြည် သြဂုတ် ၈

ပဲခူးတိုင်းဒေသကြိး ပြည်ခရိုင် ပြည်မြို့အတွင်း ရေဘေးသင့်ပြည်သူများထံသို့ တစ်လီတာရှိသည့် သောက်ရေဗူးများဖြင့် လှေ နှင့်ဖောင် များပြုလုပ်ကာ ပညာပေး နှင့်အလှူပေးခြင်းများပြုလုပ်ခဲ့ကြောင်းသိရသည်။

အဆိုပါ ရေသန့်ဗူးများဖြင့် လှေငယ်များဖောင်များ၊အသက်ကယ်အကျီင်္များ ကိုပြုလုပ်တီထွင်ခဲ့သည်မှာ  ၂၀၁၄ခုနှစ် ထိုင်းနိုင် ဘန်ကောက်မြို့တွင်ရေကြီးရေလျှံမှုများဖြစ်ပေါ်စဉ်က ယခုလိုရေသန့်ဗူးများဖြင့် လှေငယ်များ၊ဖောင်များ၊အသက်ကယ်အကျီင်္များပြုလုပ်၍ ပစ္စည်းများတင်ဆောင်ခြင်း၊သွားလာရေးအတွက်အသုံးပြုခြင်းများပြုလုပ်ခဲ့ပုံ ကို လူမှုကွန်ယက်(Face Book) စာမကျနှာပေါ်တွင်တွေ့ရှိကာ အဆိုပါနည်းတူ မြန်မာ့နည်း မြန်မာ့ဟန်ဖြင့် ပြုလုပ်ထားပြီး မြန်မာနိုင်ငံမျာတော့ ဦးစွာပထမဆုံးစတင် တီထွင်လိုက်တာဖြစ်ကြောင်းသိရသည်။

“ရေဘေးသင့်ပြည်သူတွေ မိမိတို့အိမ်မှာရှိတဲ့ပစ္စည်းများနဲ့ ကိုယ်ပိုင်သွားလာနိုင်ရေးပစ္စည်းတွေတင်ဆောင်နိုင်ရေးအတွက်အဓိကထား ဆန်တွေရေသန့်တွေသွားလှူရင်း သရုပ်ပြသနည်းလမ်းပေးလာခဲ့တာ။တန်ဖိုးနည်တယ်။အချိန်တိုအတွင်းမှာပြုလုပ်နိုင်တဲ့အတွက် မိမိကိုယ်ကို အားကိုးစေချင်တဲ့စိတ်တွေပေါ်ပေါက်လာဖို့အတွက် ဝေပေးတာတော့မလုပ်ခဲ့ဘူး။ဒီလိုပစ္စည်းတွေနဲ့ ဒီလိုအသုံးပြုလို့ရတယ်ဆိုတာကိုပဲပြသခဲ့တာပါ။ “ ဟု ဂရုနာလက်များကွန်ရက် `        အတွင်းရေးမှူး ကိုပုည မှပြောသည်။

အဆိုပါ ကွန်ရက်သည် လမ်းပျော်ကလေးများအား ပညာရေး ကျန်းမာရေး များအစာကြွေးသင်ကြားပေးလျှက်ရှိပြီး ပြည်မြို့တွင်တော့ တစ်ခုတည်းသာရှိသည့်အဖွဲ့ဖြစ်သည်။

“အဲဒိကလေးတွေနဲ့လူကြီး ဟိုတစ်ရက်ကလာသေးတယ်။သူလုပ်ထားတဲ့ရေသန့်ဗှုးလှေတွေနဲ့အကျီင်္တွေကိုသဘောကျလို့ ကျွန်မလည်း လာလှူထားတဲ့ ရေသန့်ဗှုးတွေစုပြီး သူတို့လို့အကျီင်္လေးလုပ်ထားတယ်။သွားလာရလွယ်ကူတယ်။ဒီလိုရေသန့်ဗှုးနဲ့ရေထဲမှာ လှေတွေ အသက်ကယ်အကျီင်္တွေ ပြုလုပ်ရမယ်ဆိုတာ မသိခဲ့ဘူး။သူတို့ရေဝေတယ်။ခေါက်ဆွဲခြောက်ဝေတယ်။ပြုလုပ်နည်းတွေပြောပြတယ်။အဲဒိတိုင်းလိုက်လုပ်တာ အခု ကျွန်မသွားလာရေးအဆင်ပြေတယ်။ရေရသန့်ဗှုးတွေထပ်ရရင်လှေတစ်စင်းလုပ်သွားအုံးမယ်။” ဟု န၀င်းရေဘေးသင့် ပြည်သူ မဇင်နှင်းသူ မှပြောသည်။

အဆိုပါ ၁-လီတာခန့်ရှိသိ ရေသန့်ဗူးဖြင့် ပြုလုပ်သည့် အလျှား-၆-ပေ အနံ ၄-ပေ ခန့်ရှိပြီး သံဇကာတစ်ချပ်၊တစ်လီတာ ရေသန့်ဗူးပေါင်း ၄၅၀၊ပလစ်စတစ်ကြိုး ၃၀၀-ကျပ်တန် ၃-ခွေ၊ပါကင်ပိတ်တိပ် ခွေသေး ၃-ခွေများပါဝင်ပြီး စုစုပေါင်းတန်ဖိုးငွေ ၈၀၀၀-ကျပ်(ရှစ်ထောင်) ကုန်ကျမှာဖြစ်ပြီး အချိန်အားဖြင့် ၅-နာရီသာကြာမြင့်၏။အသက်ကယ်အကျီင်္တစ်ထည်ပြုလုပ်ရာတွင် တစ်လီတာရေသန့်ဗူး ၁၂-ဗူး နှင့် ပီနံအိတ် ဖြင့်ပြုလုပ်ပါက ၅၀၀-ကျပ်(ငါးရာ) ၊ အမိုးကူရှင်ဖြင့် ပြုလုပ်ပါက ၅၀၀၀ိ-ကျပ်(ငါးထောင်ကျပ်) ဖြင့်သာကုန်ကျတာဖြစ်ပြီး လက်ရှိအသက်ကယ်အကျီင်္တစ်ထည်လျှင်ပြင်ပဈေး ၁၅၀၀၀-ကျပ်အနည်းဆုံးရှိကြောင်းသိရသည်။ ရေသန့်ဗူးဖြင့်ပြုလုပ်ထားသည့်အသက်ကယ်တန်ဖိုးနည်းလှေပေါ်တွင် လူကြီး ၆-ဦးသာသာလေးတက်ရောက်စီးနိုင်သည်။ထိုကဲ့သို့ ရေသန့်ဗူးဖြင့် ပြုလုပ်ထားရှိသည့်ပစ္စည်းများကို မိမိတို့ ဥာဏ်ရှိသလိုအရေးပေါ်ကယ်ဆယ်ရေးနေရာတွေမှာလည်းသုံးစွဲပြုလုပ်သွားနိုင်ကြောင်းသိရသည်။ အဆိုပါရေသန့်ဗူးဖြင့်ပြုလုပ်ထားမှုအားလုံးသည် မြန်မာ့နည်း မြန်မာ့ဟန် လက်မှု့ပညာဖြင့်သာပြုလုပ်သွားခဲ့သည်။ပြည်မြို့နယ်အတွင်း အဆိုပါအဖွဲ့ပြုလုပ် သရုပ်ပြခဲ့ပြီးနောက်ပိုင်းတွင် ရေသန့်ဗူးဖြင့်ပြုလုပ်သည့် လှေငယ်များ၊အသက်ကယ်အကျီင်္များကျယ်ပြန့်လာခဲ့ပြီး ပြည်မြို့တွင်းရေဘေးသင့်ပြည်သူများထံ ထိုလှေများဖြင့် လာရောက်ပြသပညာပေးလျှက်ရှိသည်။ထိုအသက်ကယ်လှေများ၊ဖောင်များနှင့် အသက်ကယ်အကျီင်္များအားလုံး ဧရာဝတီမြစ်ရေပြင်တွင် လက်တွေ့စမ်းသပ်အသုံးချပြီးမှ ယခုကဲ့သို့တီထွင်လာခဲ့တာဖြစ်ကြောင်း စတင်တီထွင်ခဲ့သူ ဂရုနာလက်များကွန်ယက်  အတွင်းရေးမှူး ကိုပုည ထံမှသိရသည်။

                                                                                                                K3(pyay) ဒီမိုကရေစီတူဒေးသတင်းစာ