ပြည်မြို့နယ် အမျိုးသားဒီမိုကရေစီအဖွဲ့ချုပ်ပါတီက ယနေ့(အောက်တိုဘာ ၂၁)နံနက်ပိုင်းက သွားရောက်သည့် အောင်နိုင်ရေးမဲဆွယ်စည်းရုံးရေး ခရီးများတွင် ဒေသခံများက မြင်းများစီး၍ ဒီချုပ်အလံနှင့်အကျီင်္ိများ ၀တ်ဆင်၍ ၀န်းရံမဲဆွယ်ပေးခဲ့သည်။
“သူတို့ဒေသကို မဲဆွယ်စည်းရုံးဆင်းတာကို ၀န်းရံတဲ့အနေနဲ့ မြင်းတွေစီးပြီး လာကြိုတယ်၊မြို့ပေါ် အောင်နိုင်ရေး ရုံးအထိလာပြီး ရွာရောက်သည်အထိ ကူညီ စည်းရုံးပေးတာပါ “ဟု ပြည်မြို့နယ် ဒီချုပ်မှ တိုင်း ဒေသကြီးလွှတ်တော်ကိုယ်စားလှယ်လောင်း ဦးသက်ဝင်းလှိုင်ကပြောသည်။
မြင်းစီး၍၀န်းရံသူများသည် ဒီချုပ်ကိုယ်စားလှယ်လောင်းများအား မြင်းလှည်းပေါ်တွင်တင်ဆောင်၍ မဲဆွယ်စည်းရုံးရေးခရီးစဉ်တစ်လျှောက် ကျေးရွာများတွင် လိုက်ပါကူညီပေးခဲ့သည်။
ဇော်မင်းထိုက်
7 Day New Journal
ဓာတ်ပုံ - Pyay Thar Lay
No comments:
Post a Comment