စနေနေ့မှာရွာသည့်မိုး ဇူလိူင်တစ်ဆယ့်ကိုး……
##################################
ပြည်သတင်းလူငယ်..ရေးသားဂုဏ်ပြုသည်
(၆၈-နှစ်မြောက်)အာဇာနည်နေ့ဂုဏ်ပြုဆောင်းပါး
ဇူလိူင်လ ၁၉-ရက် စနေနေ့တွင် တိမ်သားညှိ့ညှိ့ကောင်းကင်မှာ အုံ့မှိုင်းနေသည့် မိုးသားရိပ်တို့သည် အလွမ်းဓာတ်ခံရှိတတ်သူများအဖို့လွမ်းစရာဆွေးစရာကြီးဖြစ်နေခဲ့သည်။တဖြောက်ဖြောက်နှင့်ကျနေသည့်မိုးစက်တို့မှာမရှိန်မထိန်းနိုင်စွာဝုန်းခနဲဝလုံးထိုးရွာချလိုက်လေတော့သည်။ထိုအချိန်ကပြည်သူနူတ်မှာရေပန်းစားနေသည့် ယောက်င်္ကျားကောင်းတစ်ဦးရှိခဲ့သည်။သူက စနေသား ဦးထိန်လင်း ………မြန်မာ့သမိုင်း ကမ္ဘာ့သမိုင်းမှာ မေ့ဖြောက်၍မရနိုင်သည့်ဇာနည်များထဲတွင်…ဇူလိူင်၁၉ရက်နေ့သမိုင်းမှာပါဝင်ခဲ့သည့်အာဇာနည်ကိုးဦးရှိခဲ့သည်။ ရှေ့နေကြီးဦးဖာနှင့်ဒေါ်စုတို့မှမကွေးတိုင်းနတ်မောက်မြို့တွင်၁၃.၂.၁၉၁၅(စနေနေ့)မှာမောင်ထိန်လင်း(ဗိုလ်ချုပ်အောင်ဆန်း)အားမွေးဖွားခဲ့ပြီးဇနီးဖြစ်သူဒေါ်ခင်ကြည်နှင့်အကြောင်းပါ၍အောင်ဆန်းဦး၊အောင်ဆန်းလင်း၊အောင်ဆန်းစုကြည်တို့အားဖွားမြင်ခဲ့သည်။(ဗိုလ်ချုပ်အောင်ဆန်း-အသက်(၃၂)နှစ်ကျည်(၁၃)ချက်သင့်၍ နေရာတွင်သေဆုံးခဲ့သည်)။ဦးဖိုချွန်နှင့်ဒေါ်သက်လယ်တို့မှပြည်ခရိုင်ထုံးဘိုမြို့တွင်၇.၁၀.၁၈၉၇(ကြာသပတေးနေ့)မှာသခင်မြ(မောင်မြရွှေ)အားမွေးဖွားခဲ့ပြီးဇနီးဖြစ်သူဒေါ်ခင်ညွှန့်နှင့်အကြောင်းပါခဲ့သည်။(သခင်မြ-အသက်(၅၀)နှစ်ကျည်(အဆုတ်ကိုထိမှန်သောကျည်(၁)ချက်သင့်၍နေရာတွင်သေဆုံးခဲ့သည်)။ဟင်္သာတမြို့နယ် ယုန်တလင်းရွာသူကြီး ဦးမန်းပေကုန်း နှင့် ဒေါ်ပု တို့မှအကြောင်းပါ၍ ၂၆.၁၀.၁၉၀၃ ခုနှစ်တွင် မန်းဘခိုင် ဖွားမြင်လာခဲ့သည်။(မန်းဘခိုင်အသက်(၄၄)နှစ်ကျည်(၁၅)ချက်သင့်၍နေရာတွင်သေဆုံးခဲ့သည်)။မိုင်းပွန်စော်ဘွားကြီးစ၀်ခွန်ထီးနှင့်မြောက်နန်းဆောင်မဟာဒေ၀ီနန်းစိန်ဥတို့မှ၃၀.၅.၁၉၀၇(ကြာသပတေးနေ့)တွင်မိုင်းပွန်စော်ဘွားကြီးစ၀်စံထွန်းအားဖွားမြင်ခဲ့ပြီးဇနီးဖြစ်သူမိုးမိတ်စော်ဘွားကြီးသမီးစ၀်ခင်သောင်းနှင့်အကြောင်းပါ၍ စ၀်ခိုင်ဖ၊စောသုနန္ဒာ၊စောမြင့်ကြည်တို့အားဖွားမြင်ခဲ့သည်။(မိုင်းပွန်စော်ဘွားကြီးစ၀်စံထွန်းအသက်(၄၀)နှစ်ကျည်(၂)ချက်ဦးခေါင်းထိမှန်၍ နောက်တနေ့မွန်းတည့်ချိန်သေဆုံးခဲ့သည်)။ဆေးဆရာကြီး ဦးဘိုးစာ နှင့်ဒေါ်မြစ် တို့မှ မြောင်းမြမြို့တွင် ၂၃.၄.၁၈၉၃-(တနင်္လာနေ့)မှာ ဦးဘချို အားမွေးဖွားခဲ့ပြီး ဇနီးဖြစ်သူ ဒေါ်လှမေ နှင့် အကြောင်းပါ၍မခင်နု၊မခင်ပု၊မေမေခင်၊ခင်ခင်ဦးတို့အားဖွားမြင်ခဲ့သည်။(ဒီးဒုတ်ဦးဘချိုအသက်(၅၄)နှစ်ကျည်(၅)ချက်သင့်၍ဆေးရုံကြီးရောက်ရှိခဲ့ပြီးနေ့လည်ပိုင်းတွင်သေဆုံးခဲ့သည်)။ မစ္စတာအေရာမန် နှင့် ဒေါ်ငြိမ်းလှ တို့မှ မိတ္ထီလာမြို့တွင် ၂၀.၁.၁၈၉၈(ကြာသပတေးနေ့)မှာ ဦးရာဇတ် အားမွေးဖွားခဲ့ပြီး ဇနီးဖြစ်သူ ဒေါ်ခင်ခင် နှင့်အကြောင်းပါ၍မောင်တင်မြင့်၊မောင်လှကြည်၊ခင်ခင်စိန်တို့အားဖွားမြင်ခဲ့သည်။(ဦးရာဇတ်အသက်(၄၉)နှစ်ကျည်(၆)ချက်သင့်၍နေရာတွင်သေဆုံးခဲ့သည်)။ရှေ့နေကြီးဦးဖာနှင့်ဒေါ်စုတို့မှမကွေးတိုင်းနတ်မောက်မြို့တွင်၁၁.၆.၁၉၀၁(အင်္ဂါနေ့)မှာဦးဘ၀င်း(ဗိုလ်ချုပ်အောင်ဆန်း၏အကို)အားမွေးဖွားခဲ့ပြီးဇနီးဖြစ်သူဒေါ်ခင်စောနှင့်အကြောင်းပါ၍မတင်လှဝင်း၊ခင်မြ၀င်း၊မောင်စောဝင်း၊မောင်အေးဝင်း၊မောင်စိန်ဝင်း၊မောင်ထွေးဝင်းတို့အားဖွားမြင်ခဲ့သည်။(ဦးဘ၀င်း-အသက်(၄၆)နှစ်ကျည်(၈)ချက်သင့်၍နေရာတွင်သေဆုံးခဲ့သည်)။ မစ္စတာ အိပ်ခ်ျဒဗလျူတရပ်တ်ဝိန်း နှင့်ဒေါ်ရွှေမြင့်တို့မှမကွေးတိုင်းမင်းဘူးမြို့တွင်၂.၂.၁၉၁၃(တနင်္ဂနွေနေ့)မှာဦးအုန်းမောင်အားမွေးဖွားခဲ့ပြီးဇနီးဖြစ်သူဒေါ်သိန်းကြွယ်နှင့်အကြောင်းပါ၍ တင်မောင်သိန်း၊ကိုကိုလှ၊မင်းမြင့် တို့အားဖွားမြင်ခဲ့သည်။(ဦးအုန်းမောင်-အသက်(၃၄)နှစ်ကျည်(၅)ချက်သင့်၍နေရာတွင်သေဆုံးခဲ့သည်)။ ဦးကိုကိုလေး နှင့် ဒေါ်မင်းရီ တို့မှ မန္တလေးမြို့ တောင်ပြင်သိပ္ပံရပ်တွင်၁၉၂၉ခုနှစ်မှာရဲဘော်ကိုထွေး(ဦးရာဇာတ်၏သက်တော်စောင့်)အားဖွားမြင်ခဲ့သည်။(ရဲဘော်ကိုထွေး-အသက်(၁၈)နှစ်ကျည်(၄)ချက်သင့်၍နေရာတွင်သေဆုံးခဲ့ရသည်)။ ထိုသူ ကိုးဦးတို့မှာ ယနေ့တိုင် မမေ့နိုင်အောင် မြန်မာပြည်တွင်း ပြည်ပနေထိုင်ကြသူများ၏ နှလုံးသားထဲက ကဗည်းမော်ကွန်းတင်ထားသည့် အာဇာနည်ကိုးဦးဖြစ်လေတော့သည်။
၁၉၄၇ခုနှစ်ဇူလိုင်လ(၁၉)ရက်နေ့စနေနေ့နံနက်၁၀နာရီ၃၇မိနစ်တွင် အတွင်းဝန်များရုံးမှာ တိုင်းပြည်ကျွန်ဘ၀က လုံးဝ လွတ်မြောက်ရေးနဲ့ စစ်ပြီးခေတ် မြန်မာနိုင်ငံ ပြန်လည်ထူထောင်ရေး အတွက် အစည်းအဝေး ထိုင်နေကြတဲ့ အမျိုးသား ခေါင်းဆောင် ဗိုလ်ချုပ် အောင်ဆန်း ဦးဆောင်တဲ့ ဖဆပလ ကြားဖြတ်အစိုးရ ၀န်ကြီးတွေ လုပ်ကြံခံရတဲ့ နိုင်ငံတော် လုပ်ကြံမှုကြီး ဖြစ်ပွားခဲ့တယ်။ အဲဒီနေ့က ရန်ကုန်မြို့ရဲ့ ရာသီဥတုဟာ “မိုးလင်း ကတည်းကပင် ကောင်းကင်သည် အုံ့မှိုင်းညိုမှိုင်းလျက်ရှိသည် ။ တိမ်တိုက်ဟူ၍ ဘာမျှ ကြည်လင်စွာ မမြင်ရ။ မိုးကို ကြည့်ရသည်မှာ မြူသန်းနေသော ပင်လယ်ပြင်ကြီး လို ၀ိုးဝိုးဝါးဝါး နေသည်။ မိုးသည် ကင်းကင်းလွတ်လွတ် စဲသည်ဟူ၍မရှိဘဲ တဖွဲဖွဲ နေလိုက်၊ တဖြိုင်ဖြိုင် ရွာချလိုက်နှင့်၊ နောက်စွေ၍ နေလေသည်” လို့ဆရာ ဒဂုန်တာရာက ရေးသား မှတ်တမ်းတင်ခဲ့တယ်။ နံနက် ၁၀ နာရီ ခန့်မှာ တာဝါလိမ်း နေအိမ်ကနေ အတွင်းဝန်များရုံးမှာ ပြုလုပ်မဲ့ ၀န်ကြီးများ အစည်းအဝေး ကိုတက်ရန် ဗိုလ်ချုပ်အောင်ဆန်းဟာ သူရဲ့ အပါးတော်မြဲ(ပီအေ) ဗိုလ်ထွန်းလှနဲ့ အတူ ကားနက်ကလေး အာရ်အေ/၂၈၇၄ နဲ့ ထွက်လာခဲ့တယ်။ ၁၀ နာရီ ၁၀ မိနစ်လောက်မှာ အတွင်းဝန်များရုံးရဲ့ အလယ် ဗဟို လှေကားခြေရင်းကို ဗိုလ်ချုပ်ကားဆိုက်လာပြီး အစည်းအဝေးလုပ်မဲ့ အပေါ်ထပ် သူ့ရုံးခန်းကို အပါးတော်မြဲ ဗိုလ်ထွန်းလှနဲ့အတူ တက်လာတယ်။ အဲဒီနေ့ကျမှ ဗိုလ်ချုပ်ဟာ ခါတိုင်းလို ယူနီဖောင်းဝတ်နဲ့ မဟုတ်ဘဲ ရွှေဖလားရောင် ဗန်ကောင်လုံချည်၊ သနပ်ခါးရောင် မန္တလေး ပိုးတိုက်ပုံနှင့် အဖြူရောင် သဲကြိုး တပ်ထားတဲ့ လေယာဉ်ပျံဖိနပ် စတာတွေနဲ့ မြန်မာဆန်ဆန် ၀တ်စားဆင်ယင်ထားတာကို ထူးထူးခြားခြား တွေ့ရလို့၊ “ ဗိုလ်ချုပ်က ဒီလိုတော့ အချောကြီးပဲ “ ဟု ဦးဘဂျမ်းက လှမ်းနောက်လိုက်တယ်။ကာကွယ်ရေး ၀န်ကြီးရဲ့ ရုံးခန်းထဲမှာ အစည်းအဝေးပြုလုပ်ရန် အတွက် ဧရာဝတီ မြစ်ဝကျွန်းပေါ်ဒေသကို တိုင်းခန်း လှည့်လည်နေတဲ့ သယ်ယူပို့ဆောင်ရေး ဌာန ၀န်ကြီး စောစံဘိုးသင်း ၊ အင်္ဂလန်မှ အပြန် လမ်းခရီးမှာပဲ ရှိနေသေးတဲ့ ပြည်ထဲရေးဝန်ကြီး ဦးကျော်ငြိမ်းနဲ့ ဌာန လက်ကိုင်မရှိ ၀န်ကြီး ဦးတင်ထဋ် တို့မှအပ ကျန်တဲ့ အစိုးရ အဖွဲ့ ၀န်ကြီးတွေ စုံစုံညီညီ ရောက်ရှိ နေကြပြီ ဖြစ်တယ်။ ရုံးအုပ်ကြီး ဦးခ၊ လက်ထောက်အတွင်းဝန် ဦးတင်အုံးနဲ့ ၀န်ကြီးများအဖွဲ့ အတွင်းဝန် ဦးရွှေဘော် တို့လည်း အစည်းအဝေး အတွက် လိုအပ်မဲ့ စာရွက်စာတမ်းတွေနဲ့ ဖိုင်တွေရှာဖွေ စုဆောင်းကာ အစည်းအဝေးကျင်းပမဲ့ အခန်းထဲကို တခုပြီး တခုပို့ဆောင်ရင်း ၀င်ချေ ထွက်ချေ အလုပ်များနေကြတယ်။
ဒီနောက် အစည်းအဝေး ကျင်းပရာ အခန်းထဲကို ဗိုလ်ချုပ်နှင့် အပါးတော်မြဲ ဗိုလ်လှထွန်တို့ ၀င်လာပြီး ၊ ဗိုလ်လှထွန်းက ဗိုလ်ချုပ်အတွက် လိုအပ်တဲ့ဖိုင်တွေ၊ မှတ်တမ်းမှတ်ရာ တွေကို ဗိုလ်ချုပ်စားပွဲထိပ်မှာ ချပေးလိုက်တယ်။ ဗိုလ်ချုပ်က သူ့ထိုင်ခုံမှာ ၀င်ထိုင်လိုက်တော့ ဗိုလ်ထွန်းလှလည်း အစည်းအဝေး ခန်းမကနေ သူရဲ့ရုံးခန်း ရှိရာကို ထွက်လာခဲ့ပြီး သူ့ရုံးခန်းထဲမှာ စိတ်အေးလက်လေး ရှိနေခဲ့တယ်။ အဲဒီနေ့က အစည်းအဝေးတက်ရောက်သူတွေကတော့
၁။ဗိုလ်ချုပ်အောင်ဆန်း- ဒုဥက္ကဌ၊ ကာကွယ်ရေး နှင့် နိုင်ငံခြားရေး ဌာန
၂။ သခင်မြ- ဘဏ္ဍရေးနှင့် အခွန်တော်ဌာန
၃။ ဦးဘ၀င်း-ကူးသန်းရောင်းဝယ်ရေးနှင့် ထောက်ပံရေး ဌာန၊
၎။ ဒီးဒုတ်ဦးဘချို-ပြန်ကြားရေးဌာန
၅။ အဗ္ဗဒူရာဇတ်- ပညာရေးနှင့် အမျိုးသား စီမံကိန်း ဌာန၊
၆။ မန်းဘခိုင် - စက်မှုလက်မှုနှင့် အလုပ်သမား ဌာန၊
၇။ မွန်းပွန်စော်ဘွားကြီး စပ်စံထွန်း-တောင်တန်းရေးရာဌာန၊
၈။ ဦးဘဂျမ်း-ပြန်လည်ထူထောင်ရေး ဌာန၊
၉။ ပျော်ဘွယ် ဦးမြ- လယ်ယာနှင့် စိုက်ပျိုးရေး ဌာန၊
၁၀။ ဥိးအောင်ဇံဝေ-ပြည်သူ့ဝန်ထမ်း ဌာန၊
၁၁။ ဦးအုံးမောင် -ဒုတိယ အတွင်းဝန် လမ်းပန်းဆက်သွယ်ရေး ဌာန တို့ဖြစ်တယ်။
ဦးအုံးမောင်ဟာ သူ့ ၀န်ကြီး စောစံဖိုးသင်း ခရီးထွက်နေပြီး အစည်းအဝေး မတက်နိုင်လုိ့၊ လမ်းပန်း ဆက်သွယ်ရေး ဌာနနဲ့ ပက်သက်ပြီး အစည်းအဝေးမှာ လိုအပ်တာတွေ တင်ပြနိုင်ဖို့နဲ့ ပြည်လည်ဖြေကြားနိုင်ဖို့ ရောက်ရှိနေတာဖြစ်တယ်။အရင်ကတော့ ၀န်ကြီးများ (ဘု၇င် အမှု့ဆောင် ကောင်စီအဖွဲ့များ) အစည်းအဝေးကို ဘုရင်ခံ့ သဘာပတိအဖြစ် ဆောင်ရွက်ကာ ဘုရင်ခံ ကိုယ်တိုင် ဦးစီး ကျင်းပလေ့ ရှိပါတယ်။ အောင်ဆန်း-အက်တလီ စာချုပ် ချုပ်ဆိုပြီး နောက်ပိုင်းမှာတော့ ၊မြန်မာပြည်ကို လွတ်လပ်ရေး သေချာပေါက် ပေးရတော့မဲ့ အခြေအနေနဲ့ ဖဆပလ ဘုရင် အမှု့ဆောင် ကောင်စီကို ကြားဖြတ်အစိုးရ အဆင့်မျိုးနဲ့ လွတ်လပ်စွာ စီမံဆောင်ရွက်ခွင့် ပေးထားတာဖြစ်လို့ ၁၉၄၇ ဇန်န၀ါရီ လောက်ကစပြီး ဘုရင်ခံ ကိုယ်တိုင် တက်ရောက်ခြင်းမရှိတော့ဘဲ ၊ ဘုရင်အမှုဆောင် ကောင်စီ ဒဥက္ကဌ ဗိုလ်ချုပ်အောင်ဆန်း ကပဲ သဘာပတိအဖြစ်ဦးစီးကျင်းပနေတာဖြစ်တယ်။အစည်းအဝေးကျင်းပရာ ဗိုလ်ချုပ်အောင်ဆန်းရဲ့ရုံးခန်းဟာ အထဲကို ၀င်ရန် တံခါး ၃ ပေါက်ရှိတဲ့ခန်းမကျယ်ကြီးဖြစ်ပြီး၊ လက်ဝဲဘက်မှာ အတွင်းဝန် ဦးရွှေဘော်ရဲ့ အခန်း၊ လက်ယာဘက်မှာ ဗိုလ်ချုပ် အပါးတော်မြဲ ဗိုလ်ထွန်းလှရဲ့ အခန်းတွေ ရှိပါတယ်။ ဒီအခန်းကြီးရဲ့ အရှေ့မြောက်ထောင့်မှာ ဗိုလ်ချုပ် အလုပ်လုပ်တဲ့ စားပွဲရှိပြီး ၊ တောင်ဘက် နံရံမှာတော့ ၀န်ကြီး တွေ အစည်းဝေးပွဲ ကျင်းပတဲ့ စားပွဲကြီးတွေ ရှိပါတယ်။ ၀န်ကြီးတွေ အစည်းအဝေး ကျင်းပရာ နေရာမှာစားပွဲရှည်ကြီး ၃ ခုကို “ဂ” ပုံစံ အတိုင်းမှာ ထိပ်မှာတခု၊ ဘေးတဖက် တချက်မှာ တစ်လုံးစီ ချထားတယ်။ ထိပ်က စားပွဲက အလျား ၁၀ ပေ၊ အနံ ၃ ပေ လောက် ကျယ်ပြီး ၊ ကျန်တဲ့ဘေးတဖက် တချက်က စားပွဲ ၂ ခု ကတော့အလျား ၁၈ ပေ၊ အနံ ၃ ပေ ခန့်စီ ရှိကြတယ်။
အဲဒီနေ့ အစည်းအဝေးမှာ ဗိုလ်ချုပ်က ထိပ်စားပွဲ အလည်တည့်တည့် မှာထိုင်နေပြီး လက်ယာဘက် စားပွဲမှာ သခင်မြ၊ ဒီးဒုတ် ဦးဘချို၊ ဥိးရာဇတ်၊ ဦးဘ၀င်း၊ မန်းဘခိုင် တို့ အစဉ်အတိုင်း ထိုင်နေကြကာ၊ လက်ဝဲဘက် စားပွဲမှာတော့ ဦးဘဂျမ်း၊ ဦးအောင်ဇံဝေ ၊ ပျော်ဘွယ် ဦးမြနဲ့မိုင်းပွန်စော်ဘွားကြီး စပ်စံထွန်း တို့ ထိုင်နေကြတယ်။ ၀န်ကြီးများအဖွဲ့ အတွင်းဝန် ဦးရွှေဘော်က အစည်းအဝေးမှာ ဗိုလ်ချုပ်လိုအပ်တဲ့ စာရွက်စာတမ်းတွေ၊ ဖိုင်တွဲရှာပေးနိုင်ဖို့ ထပ်စားပွဲ ဗိုလ်ချုပ်ရဲ့ လက်ဝဲဘက်မှာ ရှိနေတယ်။ အစည်းအဝေးကို အစီအစဉ် အတိုင်း ၁၀ နာရီ ၁၅ မိနစ်မှာ စတင်ကျင်းပပြီး ၀န်ကြီး ဌာနအလိုက် အရေးကြီးတဲ့ သက်ဆိုင်ရာ ကိစ္စရပ်တွေကို ဆွေးနွေးကြတယ်။ ဒီလိုနဲ့ ဌာနဆိုင်ရာ ကိစ္စရပ်တွေကို အစီအစဉ်အတိုင်း ဆွေးနွေးလာခဲ့ရာ ၁၀ နာရီခွဲခန့်မှာ လမ်းပန်းဆက်သွယ်ရေး ဌာန ကိစ္စရပ်တွေကို တွေးနွေးဖို့ အလှည့်ရောက်လာတာနဲ့ ဒုတိယ အတွင်းဝန် အိုက်စီအက်စ် ဦးအုန်းမောင်လည်း အစည်းအဝေး ခန်းမထဲကို ရောက်လာပြီး လက်ယာဘက်စားပွဲထိပ်က သခင်မြ အနားမှာ ၀င်ထိုင်လိုက်တယ်။
နံနက် ၁၀ နာရီ ၁၀ မိနစ်ခန့်မှာ " ငါ့တပည့်များ အောင်ပါစေကွာ" ဆိုတဲ့ စကားသံအဆုံးမှာ အင်းလျှားကန် ဘေးရှိ ဦးစောအိမ်ဝင်းထဲကနေ ဂျစ်ကားအစိမ်းလေး တစင်းဝူးခနဲ ထွက်လာပြီး အတွင်းဝင်ရုံးဘက်ကို ဦးတည်မောင်းနှင်သွားတယ် ဒီဂျစ်ကားလေးကိုဦးစောရဲ့ တပည့် တစ်ဦးဖြစ်တဲ့ သုခက မောင်နှင်ပြီးကားပေါ်မှာ တခြားတပည်တွေဖြစ်တဲ့ စိန်ကြီး မောင်စိုး ရန်ကြီးအောင် သက်နှင်းတို့က တော်မီဂန်းနဲ့စတင်းဂန်းတွေအသင့်ကိုဆောင်ကာ လိုက်ပါလာကြတယ်။ မိုးတဖွဲဖွဲနဲ့ စွေနေတဲ့ လမ်းမကြီးပေါ်မှာ အာစီ/၁၈၁၄ နံပါတ်ဂျစ်ကား အစိမ်းလေးကဟာ စစ်မိုးကာတွေခြုံထားပြီးစစ်ယူနီဖောင်းဝတ် နံပါတ် ၁၂ တပ်မ ခြင်္သေ့တံဆိပ် တပ်ထားတဲ့ လူ ၄ဦးကို တင်ဆောင်ကာ အပြေးမောင်နှင်လာတယ်။ ဒီဂျစ်ကားလေးဟာ မောင်ဂိုမာရီလမ်း(ယခုဗိုလ်ချုပ်အောင်ဆန်းလမ်း)အတိုင်းပန်းဆိုးတန်းထိပ်နာရီစင်ကိုဖြတ်ပြီးအနောက်မှအရှေ့သို့ မောင်းနှင်လာတယ်။ထို့နောက်စပတ်လမ်း(ယခုဗိုလ်အောင်ကျော်လမ်း) ကိုရောက်တဲ့အခါ ညာဘက်ကို ချိုးလိုက်တယ် ဒီကမှ တဆင့် ဖရေဇာလမ်း(ယခုအနော်ရထာလမ်း)ကို ဖြတ်ကျော်လာပြီးအတွင်းဝန်ရုံးရဲ့တောင်ဘက်ဂိတ်ဝကိုရောက်တဲ့အခါစက်ရှိန်လျှော့ပြီးအတွင်းဝန်များရုံးဝင်းအတွင်း ၀င်ရန် ကားခေါင်းကိုဘယ်ဘက်သို့ဦးတည်လိုက်တယ်။ ဒီအချိန်ဟာ ရုံးတက်စ ၁၀နာရီခွဲခန့်ဖြစ်လို့ အရာရှိကြီးငယ်တွေရဲ့ ကားကြီးကားငယ်တွေ ၀င်နေကြလို့ ဂိတ်ဝမှာ ခဏရပ်စောင့်နေရသေးတယ်။နောက်မှကားဘီးကိုခပ်ဖြည်းဖြည်းလိမ့်ကာအနောက်ဘက်ဆင်ဝင်ကြီးအောက်က တဆင့် ကာကွယ်ရေးဌာနဘက်သို့ ကွေ့ဝင်ကာ အနောက်တောင် ထောင့်မှာ ထိုးရပ်လိုက်တယ်။ချက်ချင်းဆိုသလိုပဲကင်းပတ်ဖိနပ်ရှည်(CanvaShoes)စီးထားပြီး စတင်းဂန်းတလက်၊တော်မီဂန်း၃လက် တို့ကို အသင့် ကိုင်ထားတဲ့ စိန်ကြီး၊မောင်စိုး ရန်ကြီးအောင်နဲ့ သက်နှင်းတို့လည်းကားပေါ်ကခုန်ဆင်းကာ အတွင်းဝန်များရုံးထဲကိုအပြေးဝင်ရောက်လာကြတယ်။သုခကကားကိုစက်မရပ်ဘဲနှိုးထားကာအသင့်စောင့်ဆိုင်းကျန်ရစ်ခဲ့တယ်၊သေနတ်ကိုယ်စီကိုင်ဆောင်ထားတဲ့စိန်ကြီး၊မောင်စိုး၊ရန်ကြီးအောင်နဲ့သက်နှင်းတို့ဟာအတွင်းဝန်ရုံးတောင်ဘက်မှမြောက်ဘက်အတိုင်းဗိုလ်ချုပ်ရုံးခန်းရှိရာကိုလျှောက်လာကြပြီးအခန်းဝမှာစောင့်နေတဲ့မင်းစေကိုတွန်းဖယ်ကာမြောက်ဘက်ဆုံးတံခါးပေါက်ကနေ ၀န်ကြီးများစည်းဝေးနေတဲ့ အခန်းတွင်းသို့ဝင်လိုက်ကြတယ်။နံနက် ၁၀နာရီ ၃၇ မိနစ်၊ရှေ့ဆုံးမှ ၀င်လာတဲ့ သက်နှင်းက " ဟိတ်" လို့ ခပ်ကျယ်ကျယ်အော်သံနဲ့ အတူ လက်ထဲက တော်မီဂန်းနဲ့ ဗိုလ်ချုပ်ကို သဲသဲမဲမဲ စတင် ပစ်ခတ်တော့တယ် တချိန်တည်းမှာပဲ စားပွဲထိပ်မှာ ထိုင်နေတဲ့ ဗိုလ်ချုပ်ဟာ ထိုင်ရာက လက်ကာပြရင်း ၀င်လာသူတွေကို တစုံတခု လှမ်းပြောဖို့ ကျိုးစားခဲ့သော်လည်း အချိန် မမှီတော့ပေ။လူသတ်သမားရဲ့ ပစ်ခတ်လိုက်တဲ့ ကျည်ဆံတွေကြောင့် ဗိုလ်ချုပ် နောက်သို့ လန်ကျကာ လူရော ကုလားထိုင်ပါ လုံးထွေး လဲပြိုသွားတော့တယ်။ဒီနောက်မှ ဗိုလ်ချုပ်ညာဘက်မှာ ထိုင်နေတဲ့ ၀န်ကြီးတွေကိုလည်း တဆက်တည်း ပစ်ခတ်လိုက်တယ်။ပြီးတော့မှ ဘယ်ဘက်ကို မွေ့ယမ်းလိုက်တယ်။ဝန်ကြီးပျော်ဘွယ်ဦးမြနဲ့အတွင်းဝန် ဦးရွှေဘော်တို့ဟာ ရှေ့ဆုံးက လူသတ်သမားက ဗိုလ်ချုပ်ကို စတင်ပစ်ပစ်ခြင်း နောက်ကျောဘက်က ပြတင်းပေါက် ကနေ အချိန်မှီ ခုန်ချပြေးကြလို့ ဒဏ်ရာမရရှိဘဲလွတ်မြောက်ခဲ့ရတယ်။ဝန်ကြီးဦးဘဂျမ်းကလည်း ပစ်ပစ်ခြင်း သူ့ဘေးမှာရှိတဲ့ဦးအောင်ဇံဝေရဲ့လက်ကိုဆောင့်ဆွဲကာ နှစ်ယောက်သား ကြမ်းပြင်ပေါ်လှဲချလိုက်လို့ အသက်ဘေးက လွတ်ခဲ့ရတယ်။ ကျန်တဲ့ ၀န်ကြီးတွေ ကတော့ တစ်ယောက်ပြီးတစ်ယောက် သေနတ်ထိမှန်ကာအတုံးအရုံးလဲကျကုန်တယ်။နောက်တော့မတ်တပ်ရပ်ပစ်ခတ်နေတဲ့လူသတ်သမားတွေဟာ ဒူးထောက်ထိုင်လိုက်ကာ အားရပါးရ စိတ်တိုင်းကျ ဆက်လက်ပစ်ခတ်ကြပြန်တယ်။ စိတ်တိုင်းကျပစ်ခတ်ပြီးတဲ့ နောက်မှ လူသတ်သမားတွေဟာ အပစ်ရပ်ကာလှေကားရှိရာဘက်ကို ပြေးထွက်လာကြတယ်။ ဒီအချိန်မှာလှေကားထိပ်ရှိ အခန်းထဲက ၀န်ကြီးဦးရာဇတ်ရဲ့ သက်တော်စောင့် ကိုထွေးထွက်လာရာ လူသတ်သမားတွေကကိုထွေးကို စတင်းနဲ့ တချက်မွှေလိုက်ပြီး"ဟေ့ မဆိုင်သူဖယ်နေအောက်ကဆင်းကြ"လို့အော်ဟစ်ရင်းလှေကားအတိုင်းတဟုန်ထိုးပြေးဆင်းသွားကြတယ်။ဆင်ဝင် အပေါက်ကြီး အောက်မှာ ကားစက်နှိုးပြီးအသင့်စောင့်နေတဲ့ သုခ ကားပေါ်တက်ကာ စပတ်လမ်း(ယခုဗိုလ်အောင်ကျော်လမ်း)ထွက်ပေါက်ကြီးကထွက်ပြီးလက်ဝဲဘက်ကိုကွေ့ကာဒါဟိုစီယခုဗန္ဓုလလမ်း)လမ်းအတိုင်းအနောက်ဘက်ကိုအတားအဆီးမရှိထွက်ပြေးမောင်းနှင်လွတ်မြောက်သွားကြတယ်။
ဦးစောဟာဖဆပလခေါင်းဆောင်ပိုင်းအားလုံးကိုလုပ်ကြံသတ်ဖြတ်နိုင်မှဖဆပလအစိုးရပြုတ်ကျမယ်လို့ တွက်ပြီး ဖဆပလအဖွဲ့ချုပ် ဒုဥက္ကဌနဲ့ တိုင်းပြုပြည်ပြု လွှတ်တော် ဥက္ကဌ သခင်နုကိုပါ လုပ်ကြံဖို့ တပည်တစ်ဦး ဖြစ်တဲ့ ဘညွန့်ကို စေလွှတ်ခဲ့ပေမဲ့၊အဲဒီနေ့က သခင်နု ရုံးမတက်လို့ လုပ်ကြံခံရမဲ့ ဘေးက လွတ်သွားခဲ့တာဖြစ်တယ်။ ဗိုလ်ချုပ်အောင်ဆန်းနဲ့ ခေါင်းဆောင်ကြီး တွေကို လူသတ်သမားတွေက လုပ်ကြံသတ်ဖြတ်ခဲ့ပြီးနောက်အခန်းထဲသို့ ပထမဆုံးေ၇ာက်ရှိလာတဲ့ဗိုလ်ထွန်းလှကဗိုလ်ချုပ်ကိုလဲကျနေရာမှ ထူကြည့်ခဲ့ရာ ရင်ဘတ်မှာ ဒဏ်ရာနှစ်ချက် သုံးချက်ခန့် ရတယ်လို့ ထင်ခဲ့တယ်။ဒါပေမယ့် ရန်ကုန်ဆေးရုံကြီးကိုပို့ဆောင်ပြီးနောက်ဆရာဝန်ကြီးတွေကအသေအချာစစ်ဆေးကြည့်ရှု့တဲ့အခါမှာတော့ ဗိုလ်ချုပ် ကိုယ်မှာ သေနတ်ဒဏ်ရာ ၁၃ တိတိကိုတွေ့ခဲ့ကြရတယ်။ပျော်ဘွယ် ဦးမြနဲ့အတူ ပြတင်းပေါက်မှ ခုန်ချခဲ့တဲ့ အတွင်းဝန်ဦးရွှေဘော်မှာ လုံးဝထိခိုက်ခြင်းမရှိခဲ့ပေ၊ ကြမ်းပြင်ပေါ်ကို မှောက်လဲ ချခဲ့တဲ့ ဦးအောင်ဇံဝေလည်း ထိခိုက် ဒဏ်ရာ မရခဲ့ပေမဲ့၊ဦးဘဂျမ်းကတော့ လက်ဝဲဘက် နံပါးမှာ တချက်၊ လက်ယာဘက် လက်သူကြွယ်မှာ တချက်အပေါ်ယံရှပ်ထိမှန်ခဲ့တယ်။ တကယ်တော့ ဦးဘဂျမ်းဟာ အဲဒီနေ့က အည်းအဝေးကို တက်ဖို့ မရည်ရွယ်ခဲ့ပါဘူး။ ဘာဖြစ်လို့လဲဆိုတော့ သူဟာ ဟင်္သာတ ခရိုင်ကို ခရီးထွက်ရာကနေ ပြန်ရောက်ခါစ ဖြစ်ပြီး အအေးမိကာ အနည်းငယ် မကျန်းမမာဖြစ်နေတာကြောင့် ဖြစ်တယ်။ဒါပေမယ့် သူကဟာ အဲဒီအချိန်က အရေးကြီးသတင်းထူး တခုကိုအမြန်ဆုံးတင်ပြအစီရင်ခံဖို့လိုအပ်နေတယ်လို့ယူဆပြီးအစည်းအဝေးကိုကြိုးစားလာတက်ခြင်းဖြစ်တယ်။ဦးဘဂျမ်းရရှိခဲ့တဲ့ သတင်းထူး တစ်ခုကတော့ လွန်ခဲ့တဲ့ ဇွန်လ နောက်ဆုံးအပတ်အတွင်းက ဗိုလ်တထောင် ဘီအိုစီ(Base Ordnance Depot) ခေါ် ပစ္စည်းသိုလှောင်ရေး တပ်ဖွဲ့ကနေ ဘရင်းဂန်း အလက် ၂၀၀ ကျော် ပျောက်ဆုံးခဲ့မှုရဲ့ တရားခံဟာ ဂဠုန်ဦးစော ဖြစ်တယ်ဆိုတာ တင်ပြဖို့ပဲဖြစ်တယ်။
ဂဠုန်ဦးစောရဲ့ လှုပ်ရှားမှုတွေကို ပုလိပ်ဘက်ကသတိပြုမိနေတာတော့ကြာပါပြီ။နောက်ပြီးဦးစောအိမ်နဲ့ မျက်နှာချင်းဆိုင် အိမ်မှာနေနေတဲ့စစ်ရုံးချုပ်ကလုံခြုံရေးအရာရှိလက်ဖတင်နင်ကာနယ်ဂေါ်ဒွန်ဟန့်ဟာ ဦးစောရဲ့လူသတ်မှုတွေကို သင်္ကာ မကင်းဖြစ်ကာ၊ မိမိနေအိမ်ကနေ စစ်သုံးမှန်ပြောင်းဖြင့် ညအချိန် စောင့်ကြည့်နေခဲ့ရာ ဦးစောဟာ တပည့် လေးငါးယောက်နဲ့ အတူ အင်းလျှားရေပြင်မှာ လှေတစင်းနဲ့ အလုပ်ရှုပ်နေတာကိုကြိမ်ဖန်များစွာတွေ့မြင်ခဲ့ပြီးဒီသတင်းကိုလည်းဘုရင်ခံရဲ့အတွင်းဝန်ဖိလစ်နက်ရ်ှထဲမှတဆင့်ဘုရင်ခံကဇူလိုင်က၁၈ရက်နေ့မှာသိထားပြီးဖြစ်တယ်။နောက်ပြီးအဲဒီလုပ်ကြံမှု့ဖြစ်ပွားတဲ့နေ့က လူ၅ဦးကို တင်ဆောင်ကာအပြေးမောင်းနှင်လာတဲ့ ဂျစ်ကားလေးတစ်စီး ဦးစောအိမ်ထဲကို ချိုးဝင်သွားတယ်၊အ၀င်မှာ ဦးစောနဲ့ဆုံမိကြတော့ "အောင်ပြီ၊အောင်ပြီ" လို့လက်သီးလက်မောင်းတန်း ကြွေးကြော် နှတ်ဆက်ကြတာကိုလက်ဖတင်နင်ကာနယ်ဂေါ်ဒွန်ဟန့်ကိုယ်တိုင်မြင်တွေ့ပြီးစီအိုင်ဒီ(မှုခင်းတပ်ဖွဲ့)ကို သတင်းပို့ခဲ့တယ်။ ဒါကြောင့် မွန်းလွဲပိုင်းမှာ ပုလိပ် စုံထောက်ဘက်နဲ့ သောင်းကျန်းသူ နှိမ်နှင်းရေးတပ်တို့ပူးပေါင်းပြီးအင်းလျှားကန်စောင်းရှိဦးစောနေအိမ်ကိုဝင်ရောက်ရှာဖွေခဲ့ပါတယ်။ဦးစောရဲ့တပည့်တစ်ဦးဖြစ်သူ မိုက်ရူးရဲ မှုံကြီးက သေနက်ကို ကိုင်စွဲကာ ခုခံပစ်ခတ် ခဲသေးသော်လည်း အင်အားချင်း မမျှသည်ကို ရိပ်မိတဲ့ဦးစောက အချိန်မီ တားဆီးခဲ့တဲ့အတွက် ဦးစောတို့ လူသိုက် အားလုံးကို ဖမ်းဆီးရမိခဲ့တယ်။ဦးစော အိမ်ထဲကနေ စာရွက်စာတမ်းတွေ မကြာခင်ကမှ ပြုလုပ်ထားတဲ့ "ဦးစော Prime Minister"ဆိုတဲ့ ရာဘာတံဆိပ်ဆုံးတွေနဲ့အတူ အင်္ဂလိပ် စစ်တပ်က ပျေက်ဆုံးသွားတဲ့ လက်နက်ခဲယမ်းမီးကျောက်တွေထဲက တချို့ကို အိမ်ထဲကရော အိမ်အနီးက အင်းလျှားကန်ကရော ရှာဖွေသိမ်းဆည်းရမိခဲ့တယ်။
ဒီမြန်မာပြည်ရဲ့ကံဆိုးမိုးမှောင်ကျခဲ့ရတဲ့လုပ်ကြံမှုကြီးနဲ့ ပတ်သက်လို့ နောက်ပိုင်းမှာ ဗိုလ်ချုပ်ရဲ့ အပါးတော်မြဲဗိုလ်ထွန်းလှရဲ့ထုတ်ဖော်ရေးသားချက်အရ၊စက်တင်းဂန်း၂၀၀ပျောက်ဆုံးမှု့နဲ့ပတ်သက်ပြီး သတင်းတွေ အမျိုးမျိုးထွက်လာပြီးလုံခြုံရေး အခြေအနေစိုးရိမ်ရတဲ့အထိ ပြောဆိုမှုတွေရှိလာတဲ့ အခါ ပြည်ထဲရေးဝန်ကြီးဦးကျော်ငြိမ်းလန်ဒန်သွားနေခိုက်ပြည်ထဲရေးဌာန တာဝန်တွေကိုပါ ပူးတွဲယူထားတဲ့ ပျော်ဘွယ်ဦးမြကဗမာ့တပ်မတော်ကတပ်စိတ်တစိတ်ကိုထုတ်နှတ်ပြီးဗိုလ်ချုပ်မသိအောင် အတွင်းဝန်များရုံး အ၀င်လမ်းမှာ ကင်းပုန်းချထားလိုက်တယ်။ဒီမြန်မာပြည်ရဲ့ကံဆိုးမိုးမှောင်ကျခဲ့ရတဲ့ လုပ်ကြံမှုကြီးနဲ့ပတ်သက်လို့နောက်ပိုင်းမှာဗိုလ်ချုပ်ရဲ့အပါးတော်မြဲဗိုလ်ထွန်းလှရဲ့ထုတ်ဖော်ရေးသားချက်အရ၊စက်တင်းဂန်း ၂၀၀ ပျောက်ဆုံးမှု့နဲ့ ပတ်သက်ပြီး သတင်းတွေ အမျိုးမျိုးထက်လာပြီးလုံခြုံရေး အခြေအနေစိုးရိမ်ရတဲ့အထိပြောဆိုမှုတွေရှိလာတဲ့အခါပြည်ထဲရေးဝန်ကြီးဦးကျော်ငြိမ်းလန်ဒန်သွားနေခိုက်ပြည်ထဲရေးဌာန တာဝန်တွေကိုပါ ပူးတွဲယူထားတဲ့ ပျော်ဘွယ်ဦးမြက ဗမာ့ တပ်မတော်က တပ်စိတ် တစိတ်ကို ထုတ်နှတ်ပြီး ဗိုလ်ချုပ်မသိအောင် အတွင်းဝန်များရုံး အ၀င်လမ်းမှာ ကင်းပုန်းချထားလိုက်တယ်။ မြန်မာပြည်ရဲ့ ကံဆိုးမိုးမှောင်ကျမှု အစလို့ ပြောရမဲ့ ကိစ္စကတော့ ၊အဲဒီတပ်စိတ်ထဲကရဲဘော်တစ်ယောက်ကိစ္စတစ်ခုနဲ့အပြင်ထွက်လာချိန်မှာရုံးတက်ဖို့လာနေတဲ့ဗိုလ်ချုပ်က တွေ့ပြီး ဦးမြကိုဒီတပ်စိတ်ကိုရုပ်သိမ်းဖို့ အမိန့်ပေးခဲ့တာကြောင့် လုပ်ကြံမှု့ မဖြစ်ပွားခင် ရက်ကမှ ဒီလုံခြုံရေးကင်းပုန်းဝပ်နေတဲ့ တပ်စိတ် ရုပ်သိမ်းသွားခဲ့တာဖြစ်တယ်။ဗိုလ်ချုပ် အောင်ဆန်းရဲ့ “သူ့ကို လုပ်ကြံမဲ့လူ မရှိနိုင်ပါဘူး” ဆိုတဲ့ ယုံကြည်ချက်နဲ့ အဆောင်အယောင် ပကာသန တွေကို ရွံ့ ရှာ စက်ဆုပ်ပြီး လွတ်လွတ်လပ်လပ် ရိုးရိုးသားသား နေထိုင်ချင်တဲ့ဗိုလ်ချုပ်ရဲ့ စိတ်ရင်း စေတနာ ဖြူစင်ရိုးသားမူကို မချင့်မရဲဖြစ်ကာ မြန်မာပြည်နဲ့ လူထု ရဲ့ဆိုးဝါးလှတဲ့ ကံကြမ္မာလို့ ပဲပြောရမလား မသိတဲ့ အဖြစ်အပျက်ကိုသိမြင်ခွင့်ရခဲ့တော့ အံကြိတ် “တောက်” ခေါက်မိရင်း ” “ရန်သူမရှိဘူး” ဆိုတဲ့ ဗိုလ်ချုပ်ရေ ဘယ့်နှယ့်လဲ ကွဲ့။ ” လို့သာ ဟစ်အော်လိုက်ချင်တော့တယ်။ဦးစေ ဒီလို နိုင်ငံ့ခေါင်းဆောင်ကြီးတွေကို လုပ်ကြံ သတ်ဖြတ်ရတဲ့ အကြောင်းအရင်းက လန်ဒန်ဆွေးနွေးပွဲမသွားမီ လအနည်းငယ်အလိုကကာကီရောင်ဝတ်ထားတဲ့လူနှစ်ယောက်ကဦးစောကိုသေနတ်နဲ့ ပစ်လုပ်ကြံခဲ့ရာမှာ အသက်မသေခဲ့သော်လည်း မျက်ခုံးကိုရှပ်မှန်ကာ ဒဏ်ရာရခဲ့တယ်။ ဒီလုပ်ကြံမူကို ဗိုလ်နေဝင်း နဲ့ ဗိုလ်အောင်ကြီးတို့ရဲ့ အစီအမံနဲ့ ဦးမြလိူင်(ပေဖူးလွှာ မဂ္ဂဇင်း အယ်ဒီတာဟောင်း) က ကားမောင်းကာ၊ ကားပေါ်မှာပါလာတဲ့ ရန်ကုန်ဘဆွေက ပစ်ခတ်ခဲ့ခြင်းဖြစ်တယ်။ ရန်ကုန်ဘဆွေ ကိုပေးကိုင်ပြီါ်ပစ်ခတ်စေခဲ့တဲ့သေနတ်ဟာတပ်ရင်းမူးဗိုလ်နေဝင်း(အဲဒီအချိန်ကဗိုလ်နေဝင်းဟာတပ်ရင်းမူးသာရှိသေးတယ်)ကိုင်ဆောင်တဲ့သေနတ်ဖြစ်တယ်။ဒီကိစ္စဟာဗိုလ်ချုပ်အောင်ဆန်း နဲ့ပြည်သူ့ရဲဘော် လက်ချက်ဖြစ်တယ်လို့ယူဆကာ ဦးစော က ဗိုလ်ချုပ်နဲ့ ခေါင်းဆောင်ကြီးတွေကို လုပ်ကြံသတ်ဖြတ် လက်စားချေတာလို့ပြောကြတယ်အမှန်တော့ဒီလုပ်ကြံမူကြီးဟာဒီထက်ပိုမိုလေးနက်တဲ့ရည်ရွယ်ချက်တွေရှိပါတယ်။ဦးစောဟာ ဗိုလ်ချုပ်တို့ကို ညှီးသူရန်ဘက် အနေနဲ့ လုပ်ကြံသတ်ဖြတ်တာမဟုက်၊ ဦးစော တချိန်က“ကောင်လေးတစ်ယောက်”လို့ယူဆခဲ့တဲ့ဗိုလ်ချုပ်အောင်ဆန်းကနိုင်ငံအမျိုးသားခေါင်းဆောင်ဖြစ်လာပြီးသူလိုနိုင်ငံရေးသမားစားဖားအိုကြီးတွေအတွက်မြန်မာ့နိုင်ငံရေးဇာတ်ခုံမှာနေရာမရှိဖြစ်နေရတဲ့အဖြစ်ကိုကြိတ်မနိုင်ခဲမရဖြစ်နေရတယ်။ဒါ့ကြောင့် ဦးစောအနေနဲ့ ဖဆပလ ခေါင်းဆောင်အားလုံးကု ဖယ်ရှားနိုင်မှသာသူ့အနေနဲ့အာဏာရနိုင်မှာဖြစ်တယ်လို့ယူဆကာရန်ကုန်ရှိဖဆပလခေါင်းဆောင်အားလုံးကိုသာမကနယ်ရှိဖဆပလ ခေါင်းဆောင်တွေကို ပါ လုပ်ကြံသတ်ဖြတ်ဖို့ စီစဉ်ခဲ့တယ်။ ဒါ့ကြောင့်လဲ အင်္ဂလိပ်အာဏာပိုင်တွေနဲ့ပူးပေါင်းခိုးယူထားတဲ့လက်နက်ခဲယမ်းတွေကိုအိမ်အနီး အင်းလျားကန်ထဲမှာ ဝှက်ထားသလိုလက် နက်တချို့တဝက်ကို လဲမျိုးချစ်ပါတီဝင်တွေဆီ ကိုဖြန့်ဝေထားပြီးဖြစ်တယ်။
ဒီလိုဦးစောကအကြံအစည်ကြီးကြီးမားမားကြံစည်နိုင်မူ ဟာ နယ်ချဲ့ဗြိတိသျှတွေ ရဲ့မြှောက်ပင့်အားပေး မူကြောင့်သာဖြစ်တယ်။ဗြိတိသျှကွန်ဆာဗေးတစ်နိုင်ငံရေးသမားတွေ၊စစ်ဘက်နဲ့အရပ်ဘက်က ပုဂ္ဂိုလ်တွေဟာသူတို့ရဲ့ရန်သူတော်ဟောင်းဗိုလ်ချုပ်အောင်ဆန်းနဲ့ဖဆပလအဖွဲ့အစည်းအာဏာရနေတာကိုမရူစိမ့်မနာလိုကြ ပါဘူး။ဒါကြောင့် မြန်မာနိုင် လွတ်လပ်ရေး မယူမီမှာ ဖဆပလ အစိုးရအဖွဲ့ ကိုဖြုတ်ချပြီး၊ မြန်မာနိုင်ငံကို ဒိုမီနီယံ အတွင်းမှာဆက်ရှိနေအောင် ဂဠုန်ဦးစော လိုပုဂ္ဂိုလ်တွေနဲ့ ပူးပေါင်းကြံစည်ခဲ့ကြတာဖြစ်ပါတယ်။ဗိုလ်ချုပ်အောင်ဆန်းပြောခဲ့သည့်စကားများစွာရှိသည်။လူငယ်တွေစာဖတ်ဖို့ကိုအဓိကထားပြောခဲ့သလို ဗိုလ်ချုပ်ကိုယ်တိုင်လည်း စာအင်မတန်ဖတ်ခဲ့သည်။ဗိုလ်ချုပ်၏ နောက်ဆုံးသြ၀ါဒရှိပါသည်။“အဲဒိတော့ကာ၊တိုင်းရင်းသားအချင်းချင်းညီညွှတ်ရေး၊တိုင်းရင်းသားလူထုညီညွှတ်ရေး၊စားဖားသမားတွေညီညွှတ်တာကျွန်တော်မလိုချင်ဘူး။ဟုတ်လား။တိုင်းရင်းသားအချင်းချင်းညီညွှတ်ရေး၊တိုင်းသူပြည်သားလူထုညီညွှတ်ရေး၊အဲဒိညီညွှတ်ရေးနှစ်ခုမရှိသမျှကာလပတ်လုံး၊ဒီတိုင်းပြည်ဟာလွတ်လပ်ပင်လွတ်လပ်ငြားသော်လည်းဘယ်ပါတီတက်တက်၊ဘယ်အစိုးရတက်တက်၊ဟိုလူလာလည်းပြေးကြိုရ၊ဒီလူလာလည်းပြေးကြိုရနဲ့ဖာသယ်တိုင်းပြည်ဖြစ်နေမှာပဲလို့ကျွန်တော်ပြောချင်တယ်။ဟုတ်လား။အဲဒိတော့ဒီနှစ်ခုကိုခင်ဗျားတို့မပျက်ပြားစေနဲ့ဘယ်သူဘာလုပ်လုပ်မပျက်စေနဲ့အဲဒါအင်မတန်အရေးကြီးပါတယ်။ဟုတ်လား”ဟု ပြောကြားသွားခဲ့သည်။
၂၀၁၅ ခုနှစ် ဇူလိူင်လ ၁၉-ရက်နေ့ တနင်္ဂနွေနေ့(၆၈)နှစ်မြောက်အာဇာနည်နေ့သို့ရောက်ရှိခဲ့လေသည်။အာဇာနည်ခေါင်းဆောင်ကြီးများကျဆုံးသွားသည့်အချိန် နံနက် ၁၀း၃၇-မိနစ် ရောက်ရှိရန် မိနစ်အနည်းငယ်အလိုတွင်တိမ်သားများအုံမှိုင်းလာတော့သည်။အာဇာနည်ဗိမ္မာန်တွေ၊လွတ်လပ်ရေးကျောက်တိုင်တွေ၊ဗိုလ်ချုပ်အောင်ဆန်းအမှတ်တရရုပ်တုတွေ၊ကျန်ရှိနေသည့်အာဇာနည်ရှစ်ဦးရုပ်တုတွေအနီးနားမှာလူပေါင်းများစွာရောက်ရှိနေကြသည်။မီးသတ်ကားတွေ၊ပြည်သူလူထုတွေ၊သက်ဆိုင်ရာအာဏာပိုင်တွေ၊ဌာနပေါင်းစုံနှင့်ပါတီပေါင်းစုံလူမျိုးဘာသာမခွဲခြားအချိန်မိနစ်လေးကိုစောင့်ဆိုင်းနေကြပါပြီ…..ဦးစွာကြားလိုက်ရသည်ကမီးသတ်ကားများရောင်စုံပြီးများပွင့်သွားသည်။ဝမ်းနည်းလာမှုအရှိန်မြင့်တက်သွားသည်။အသားတွေတစ်ဆက်ဆက်တုန်ရီလာတော့သည်။ဝေါ်းးးးးးဝေါ်းးးးးးဝေါ်းးးးးဆူညံစွာထွက်ပေါ်လာသည့်မီးသတ်ကားမှအရေးပေါ်အသံများနောက်တွင်အနီးနားရှိနေသည့်ကား၊ဆိုင်ကယ်များအားလုံးမှလည်းတီးးးးတီ….တီ…မီးသတ်ကားအရေးပေါ်အော်သံ..ကားနှင့်ဆိုင်ကယ်ဟွန်းတီးသံတွေဟာကမ္ဘာပျက်သည့်အလားထွက်ပေါ်လာသည်။မှန်ပါသည်ကမ္ဘာမပျက်ခဲ့ပေမဲ့အသွေးအသားတွေခေတ္တခဏပျက်သွားခဲ့ရသည်။ကျဆုံးလေပြီးသောအာဇာနည်ခေါင်းဆောင်ကြီးများအားအလေးးးးပြု….ဦးညွှတ်မိပါသည်..စိတ်သည်နှလုံးသား၏ခံစားရမှုဒဏ်မခံနိုင်တော့ပါတင်းကြပ်စွာအံကိုက်ထားသည့်နူတ်ခမ်းများပေါက်ပြဲကုန်ခဲ့ရသည်။ မျက်ရည်မိုးတို့ရွာသွန်းမှုမဆုံးအောင်ဖြစ်မိခဲ့ပါတော့သည်။….ဘဘဗိုလ်ချုပ်အောင်ဆန်းအပါဝင် အာဇာနည်ခေါင်းဆောင်ကြီးများ ဘ၀တစ်ပါးမှာလိုရာဆန္ဒမတောင့်တဘဲရနိုင်ကြပါစေကြောင်းဆုမွန်ကောင်းတောင်းလိုက်ပြီး(၆၈)နှစ်မြောက်အာဇာနည်နေ့သို့ ၀မ်းနည်းစွာဂုဏ်ပြုရပါတော့သည်။
ရည်ညွှန်း….ဗိုလ်ချုပ်ရာပြည့်စာပေဟောပြောပွဲများ၊ အဲဒါအောင်ဆန်း ၊ဗိုလ်ချုပ်အောင်ဆန်း(သို့မဟုတ်)အဓိပ္ပာယ်ရှိသောယောက်ကျာင်္းအာဇာနည်၊စာအုပ်များနှင့် အာဇာနည်ကိုးဦးနှင့်ပတ်သက်သောစာအုပ်များစွာတို့မှ ကိုးကားခဲ့သည်။
ပြည်သတင်းလူငယ်..အား ကာတွန်းဆရာပြားကြီး(ပြည်)မှမေတ္တာလက်ဆောင်ကူညီရေးဆွဲပေးသည်။
ပြည်သတင်းလူငယ်(09253311019)
No comments:
Post a Comment