ပင်းမကျောင်းသားသပိတ်အား အကြမ်းဖက်ဖြိုခွင်းမှုကို ဆန့်ကျင်ရှုတ်ချတဲ့အနေဖြင့် ပြည်မြို့တွင် လက်ပတ်ဖြူလှုပ်ရှားမှုပြုလုပ်
ပြည့်သဲမောင်(ပြည်)09 4236 71883
ပဲခူးတိုင်းဒေသကြီး ပြည်ခရိုင် လက်ပံတန်းမြို့တွင် ပင်မကျောင်းသား
သပိတ်စစ်ကြောင်းအား အကြမ်းဖက်ရိုက်နှက်ဖြိုခွင်းမှုအား ကန့်ကွက်
ရှုတ်ချသည့်အနေဖြင့် ပြည်မြို့ရှိ လူမှုရေးအသင်းအဖွဲ့များ နိုင်ငံရေးတက်
ကြွလှုပ်ရှားသူများက မတ်လ(၂၁)ရက်နေ့ နံနက်(၉း၃၀)တွင် ပြည်မြု့၌
လက်ပတ်ဖြူလှုပ်ရှားမှုပြုလုပ်ခဲ့ကြောင်းသိရသည်။
လက်ပတ်ဖြူလုပ်ရှားမှုတွင်ဦးဆောင်သူ ကိုမျိုးသူထွဠ်က "အခုကျနော်တို့ လုပ်တာက လက်ပံတန်းမှာသပိတ်မှောက်ကျောင်းသားတွေကို အစိုးရ၏ အကြမ်းဖက်ဖြိုခွဲမှုကိုဆန့်ကျင်ကန့်ကွက်ရှုတ်ချတဲ့ အနေနဲ့လုပ်တာပါ။
ပြီးတော့ ဒီလက်ပတ်ဖြူကိုပတ်ပေးတဲ့နေရာမှာ တကယ်ကိုပဲ ရင်ထဲမှာ
ဒီလုကျောင်းသား ပြည်သူတွေ ရဟန်းသံဃာတော်တွေ အကြမ်းဖက်ရိုက်နှက်တာကို
မလိုလားတဲ့အတွက် ခံယူချက်ရှိတဲ့သူတွေကိုပဲ ပတ်ပေးတာပါ " ဟု ဂရုနာလက်များကွန်ယက်မှ
ကိုမျိုးသူထွဠ် ကပြောသည်။
မတ်လ(၁၀)ရက်နေ့က လက်ပံတန်းမြို့တွင် ကျောင်းသား ပြည်သူ ရဟန်းသံဃာများအား အကြမ်းဖက်ရိုက်နှက်ဖြိုခွင်းမှုအပေါ် ကန့်ကွက် ရှုတ်ချကြောင်း ပြည်မြို့ရှိ လူမှုရေးအဖွဲ့များ ၊တက်ကြွလှုပ်ရှားသူများကပြည်မြို့ရှိ လူစည်ကားရာနေရာများဖြစ်သော ဈေး ၊လက်ဖက်ရည်ဆိုင်၊
ကားဂိတ်များ ၊လမ်းများတွင် We Are Students. Respect Our Rights
စာတန်းပါ လက်ပတ်အဖြူကို မြို့ခံများအား လိုက်ပတ်ပေးခဲ့ကျသည်။
" အခုကိစ္စက ကျနော်တို့ တစ်မြို့ထဲမှာတင်လုပ်တာမဟုတ်ပါဘူး။ရန်ကုန်၊
မန္တလေး၊ ပျည်းမနား၊ပုသိမ်၊ဘိုကလေး၊မအူပင် အစရှိတဲ့မြို့တွေမှာလဲ ဒီလက်ပတ်ဖြူကမ်ပိန်း
လုပ်ကျပါတယ်။ ဒီနေ့ညနေမှာလဲ ကျနော်ရယ် ဝင်းလှိုင်ရယ် ကျောင်းသားတွေကို
အကြမ်းဖက်ဖြိုခွင်းတဲ့အစိုးရ နုတ်ထွက်ဖို့၊ဖမ်းဆီးထားတဲ့ကျောင်းသား ပြည်သူတွေပြန်လွှတ်ပေးဖို့
ရည်ရွယ်ပြီး ဆန္ဒပြဖို့စာတင်ထားပါတယ် " ဟု လက်ပတ်ဖြူလှုပ်ရှားမှုတွင်ပါဝင်သူ ကိုကျော်ဆွေ ကပြော သည်။
သတင်းနှင့်ဓါတ်ပုံ ပြည့်သဲမောင်(ပြည်) 09 4236 71883
No comments:
Post a Comment