မြန်မာမီးရထားဌာနပိုင် မြေနေရာရှိကျူးကျော်နေအိမ် နှင့် ဈေးဆိုင်ခန်း ၂၀၀-ခန့်အား ရက်ပေါင်း နှစ်ဆယ်ခန့်အတွင်းအပြီးသတ်ဖယ်ရှားခိုင်း
ပြည်၊ဖေဖော်ဝါရီ၊၂၅
ပဲခူးတိုင်းဒေသကြီး ပြည်ခရိုင် ပြည်မြို့မြန်မာ့မီးရထားဘူတာကြီးနယ်နိမိတ် နှင့် မီးရထားလမ်းဘေးမှာ နေထိုင်ကြသည့် ကျူးကျော်နေအိမ်တွေ နှင့် ဈေးဆိုင်များအားပြည်မြို့ မြန်မာ့မီးရထားဘူတာကြီး မှ တာဝန်ရှိသူများက ဖယ်ရှားပေးရန်အတွက် ပြောဆိုလာမှုကြောင့် နေရာဖယ်ပေးရမည်ကို ကျူးကျော်နေအိမ်များ နှင့် ဈေးဆိုင်ပိုင်ရှင်များမှ စိုးရိမ်လျှက်ရှိနေကြောင်းသိရသည်။
“ ဖယ်ရှားရမယ်ဆိုရင်လည်းမီးရထားလမ်းဘယ်ညာကိုဖယ်ရှားခိုင်းစေချင်တယ်။တစ်ဖက်ထဲကိုကွက်ပြီး ဖယ်ခိုင်းတာ ကိုတောင်မှမျက်နှာမရှိတဲ့ဆင်းရဲသားတွေကို ဖိနှိပ်ဖယ်ရှားခိုင်းသလိုဖြစ်နေတယ်။တစ်ချို့အုတ်နံရံတွေနဲ့ နေအိမ်တိုက်တွေ အခိုင်မာဆောက်နေတာတွေရှိတယ်။သူတို့တွေကိုကွတ်ချန်ခဲ့လို့ မရဘူးလေ။ အခုသူတို့ပြောတာကတော့
မီးရထားသံလမ်းကပေ ၅၀ အကွာမလွတ်တာမှန်သမျှဖယ်ရမယ် ပြောတယ်။
စားစရာမရှိမှာကိုမပူပါဘူး နေစရာမရှိမှာကိုပဲဆိုးတယ်။ ကျွန်တော်မှာ
အထက်တန်းကျောင်းသား သုံးယောက်တောင် ရှိတယ်ဘယ်မှာသွားနေကြမလဲ
ဒီနေရာမှာနေလာခဲ့တာ နှစ် ၆၀ လောက်ရှိပြီ” ဟု ဦးမော်စီ ကပြောသည်။
အဆိုပါ မီးရထားဘူတာကြီး နှင့် ရထားလမ်းဘေးတွင် ကျူးကျော်၍ နေအိမ်ဆောက်လုပ်နေထိုင်ကြသူများ နှင့် ဈေးဆိုင်ခန်းများအား ယခုကဲ့သို့ မြန်မာ့မီးရထားဘူတာကြီးမှ တာဝန်ရှိသူများ မကြာခနဆိုသလို လာရောက်တားမြစ်ခြင်း၊နို့တစ်စာများပေးပို့ခြင်းများပြုလုပ်လျှက်ရှိကြောင်းသိရပြီး ပြီးခဲ့သည့် ၂၀၁၄ ခုနှစ် စက်တင်ဘာလကုန်ခန့်မှာ အပြီးသတ်ဖယ်ရှားပေးရန် အဆိုပါ ကျူးကျော်နေအိမ်များ နှင့် ဈေးဆိုင်များအား နို့တစ်စာပေးပို့ခဲ့ကြပြီး ၂၀၁၆ ခုနှစ် ဖေဖော်ဝါရီ ၂၁ ရက်နေ့တွင် ထပ်မံလာရောက်တားမြစ်ခဲ့ကြပြီး လာမည့် ၁၀-၃-၂၀၁၆ ရက်နေ့ နောက်ဆုံးထားဖယ်ရှားပေးရန် ပြည်မြို့ဘူတာကြီးမှ တာဝန်ရှိသူများက ပြောကြားသွားခဲ့ကြောင်းသိရသည်။
“အခုနေတဲ့နေရာကို သုံးလပိုင်း ဆယ်ရက်နေ့နောက်ဆုံးထားရွေ့ပေးရမယ်တဲ့။ဖယ်မပေးရင် ဘတ်ဖိုးနဲ့ထုတ်မယ်လို့ ဘူတာကြီးကတာဝန်ရှိသူတွေကျိန်းမောင်းပြောဆိုသွားကြတယ်။ဒီနေရာမှာဆက်လက်အလုပ်တွေလုပ်ကိုင်ပြီးနေထိုင်နိုင်ဖို့ မီးရထားမြေနေရာ အမည်ပေါက်လုပ်ပေးမယ်ဆိုလို့ ဘူတာကြီးက ၀န်ထမ်းတစ်ချို့ကို ပိုက်ဆံပေးထားရတာတွေလည်းရှိတယ်။ကျွန်မက မီးရထားဝန်ထမ်းငယ်ပါ။စီးပွားရေးအဆင်မပြေလို့အခုလိုဈေးရောင်းရတာပါရှင်းပြလည်းမရဘူး အခုလာမဲ့ ၁၀-၃-၂၀၁၆ ရက်နေ့နောက်ဆုံးထားဖယ်ပေးခိုင်းတယ်။ပြီးတော့လက်မှတ်တွေလည်းထိုးခိုင်းတယ်။ကျွန်မလက်မှတ်တွေထိုးမပေးလိုက်ပါဘူး။လက်မှတ်ထိုးမပေးလို့ ကျွန်မကို ဘူတာကတာဝန်ရှိသူတွေက ဒီကောင်မကိုဖမ်း ရဲသွားခေါ် အဲဒါတွေကအစပြောဆိုသွားကြတယ်။ ၀န်ထမ်းငယ်တွေဖြစ်လို့ ဒီနေရာကပြောင်းရွေ့ပေးရမယ်ဆိုရင် အခက်အခဲတွေအများကြီးရှိပါတယ်။ကျွန်မတို့ကတော့ ဒီနေရာလေးကဖျက်မပေးနိုင်ဘူး။စီးပွားရေးမပြေလည်လို့ဖရဲသီးလေးရောင်းစားချင်သေးတယ်။” ဟုဒေါ်လှလှဌေး ကပြောသည်။
အဆိုပါ ပြည်မြို့တွင် မြန်မာ့မီးရထားဝန်ကြီးဌာနအနေနဲ့ အကောင်ထည်ဖော်ဆောင်ရွက်သွားမည့်
လုပ်ငန်းစဉ်များဖြစ်သည့် ပြည်မြို့ ရွာဘဲရပ်ကွက်၊ ပြည်ရတနာလမ်း မှ စတင်၍
ဆံတော်ရပ်ကွက်၊ မြောက်စောင်းတန်းလမ်းထိ မီးရထားသံလမ်းတစ်လျှောက်၊
ညာဘက်ခြမ်းတွင်ရေစီးရေလာကောင်းမွန်ရေး ရေနုတ်မြောင်းတူးဖော်ခြင်းနှင့်
ပြည်မြို့မှပြန်လည်ထွက်ခွာမည့် ရထားတွဲဆိုင်းများစစ်ဆေးခြင်း၊
သန့်ရှင်းရေးလုပ်ငန်းများလုပ်ဆောင်ခြင်း များပြုလုပ်မည့်နေရာများကို
ဦးစွာဖယ်ရှားပေးရမည်ဖြစ်ကြောင်း အထူးတန်းရုံပိုင် ရုံးကတဆင့်သိရသည်။
“ကျူးကျော်တွေကို နေရာဖယ်ပေးဖို့ ဖျက်သိမ်းပေးဖို့လိုက်လံအသိပေးတာပါ။သုံးလပိုင်း ဆယ်ရက်နေ့ကို အပြီးဖယ်ရှားပေးဖို့သွားရောက်အသိပေးပြောဆိုခဲ့တာပါ။သူတို့မဖယ်ရှားမပေးမခြင်း ကျွန်တော်တို့ဘက်က လုပ်စရာရှိတာတွေလုပ်ဆောင်သွားရမှာပဲ။မီးရထားက လုပ်ငန်းလိုအပ်ချက်အရ လိုအပ်လာရင် မဖြစ်မနေ ဥပဒေအတိုင်းဖျက်သိမ်းသွားမှာပါ။မီးရထားဌာနရဲ့ အထက်အရာရှိတွေက မီးရထားလိုအပ်ချက်အရ ရှင်းလင်းပေးဖို့ ကျွန်တော်တို့ကို ပြောထားပြီးပါပြီ။ဒီမြေက ကျွန်တော်တို့မြေမဟုတ်ဘူး ဌာနမြေဖြစ်တဲ့အတွက် ဥပဒေအတိုင်း ဌာနအတွက်ကျွန်တော်လည်းအလုပ် လုပ်နေတာပါ။အခွန်အခပေးနေတဲ့ မီးရထားကခွင့်ပြုပေးထားတဲ့ ဆိုင်ခန်းတွေက သီးသန့်ပါ။အခု ဘူတာကြီးသံလမ်းဘေးတွေမှာရှိတဲ့ ကျူးကျော်နေကြတဲ့ နေအိမ် နဲ့ ဆိုင်ခန်းတွေက နှစ်ရာလောက်ရှိနေတယ်။ခုလိုသတိပေးမှုတွေက ကျွန်တော်ဒီရောက်တဲ့ နှစ်နှစ်ကာလမှာ လေးကြိမ်လောက်ရှိနေပါပြီ။အခုဟာက စာပေးတဲ့အဆင့်တောင်မဟုတ်ပါဘူး။ပါးစပ်နဲ့ပြောပြီးလက်မှတ်ထိုးခိုင်းတာပါ။မြို့ကောင်းစားရေ၊မြို့သန့်ရှင်းရေး၊တိုင်ပြည်ကောင်းစားရေးအတွက် ပြည်သူတွေ ဥပဒေလိုက်နာသင့်ပါတယ်။”ဟု ပြည်မြို့မြန်မာ့မီးရထား ဘူတာကြီး အထူးတန်းရုံပိုင်ကြီး ဦးခင်မောင်အေး ကပြောသည်။
အဆိုပါ ပြည်မြို့မီးရထားဝန်ကြီးဌာနပိုင်
ဧရိယာအတွင်းရှိကျုးကျော်နေအိမ်များကို ရွှေ့ပြောင်းပေးရန်
အကြောင်းကြားစာများပေးပို့ထားပြီး ရထားသံလမ်းအနီးရေစီးရေလာကောင်းမွန်ရေး
လုပ်ငန်းပိုင်းနှင့်
မီးရထားကြံ့ခိုင်ရေးပြန်လည်ပြုလုပ်မည့်နေရာများမှ ကျူးကျော်
နေအိမ်များဦးစားပေးဖယ်ရှားပေးရမှာဖြစ်ပြီး
လက်ရှိပြည်မြို့မြန်မာ့မီးရထားဌာနပိုင် စက်ခေါင်းရုံမြေနေရာ၊
ဘူတာရုံဧရိယာနှင့် အင်ဂျင်နီယာဌာနမြေများ အတွင်း ကျုးကျော်နေအိမ် ၂၀၀
ကျော်တို့အား လာမည့် ၁၀-၃-၂၀၁၆ ရက်နေ့တွင်နောက်ဆုံးထားဖယ်ရှားခိုင်းထားသော်လည်း ကျူးကျော်နေအိမ်များ နှင့် ဈေးဆိုင်များကတော့ ဆယ်စုနှစ်များစွာ(၁၀-နှစ် မှ နှစ်-၆၀)အထိနေထိုင်လာကြသည့်နေရာများဖြစ်နေမှုနှင့် စားရေးထက် နေထိုင်ရေးခက်ခဲနေမှုများကြောင့် လက်ရှိနေရာများမှဖယ်ရှားပေးသွားမည်မဟုတ်ကြောင်းသိရသည်။
K3(pyay)ဒီမိုကရေစီတူဒေးသတင်းစာ
ပြည်သတင်းလူငယ်
09253311019
