ပြည် စက်တင်ဘာ ၇
ပဲခူးတိုင်းဒေသကြီး ပြည်ခရိုင် ပြည်မြို့တွင် ပြည်သူ့ဝန်ဆောင်မှုရုံး(0ne Stop Shop) အား ဌာန ၁၀-ခုဖြင့်ဖွဲ့စည်း၍ ပြည်သူတို့၏ တိုင်စာများအပြင် သက်ဆိုင်ရာအခြားကိစ္စဆောင်ရွက်ပေးမှုများအချိန်တိုအတွင်လျှင်မြန်စွာဆောင်ရွက်စေနိုင်ရန်အတွင် နိုင်ငံတော်သမ္မတ လမ်းညွှန်ချက်ဖြင့် ပြည်မြို့ ပန်းဘဲတန်းလမ်းနှင့်ရွှေလက်လှလမ်းထောင့် ယခင် မြို့နယ်ထွေ/အုပ်ရုံးဟောင်းနေရာတွင် ဖွင့်လှစ်ထာခဲ့ကြောင်းသိရသည်။
အဆိုပါ ပြည်သူဝန်ဆောင်ရုံး(0ne Stop Shop) အား သြဂုတ် ၂၄-ရက်နေ့ခရိုင်အုပ်ချုပ်ရေးမှူးနှင့် သက်ဆိုင်ရာဌာနများတက်ရောက်၍အခမ်းအနားဖြင့် ဖွင့်လှစ်ခဲ့တာဖြစ်ပြီး စက်တင်-၇ရက်နေ့နံနက်ထိ ပြည်သူအမှုတွဲ ၃၈-ခုနှင့်ထောက်ခံချက်များပြုလာရောက်ပြုခဲ့ကြောင်းသိရသည်။အဆိုပါရုံးနှင့်ပတ်သက်၍ ပြည်ခရိုင်ဒေသခံ ဦးမောင်ဇော်က…
“ရုံးဖွင့်ထားတယ်ဆိုတာမသိပါဘူး။ပြည်သူတွေလိုအပ်ချက်ကိုအချိန်တိုတွင်းထိရောက်စွာဆောင်ရွက်ပေးသွားမယ်ဆိုရင်တော့ ကြိုဆိုလက်ခံပါတယ်။ပြည်သူတွေမှာ အခက်ခဲပေါင်းများစွာရှိတယ်။ဒါတွေကိုတိတိကျကျသေသေချာချာဆောင်ရွက်ပေးမယ်ဆိုရင်တော့ နိုင်ငံရဲ့တိုးတက်မှုတစ်စိတ်တစ်ဒေသဖြစ်တဲ့အတွက် အားလုံးကိုကျေးဇူးတင်ပါတယ်။ခါတိုင်းရုံးတွေမှာ အမှုဖွင့် တိုင်ကြားစာပေးပို့ မှတ်ပုံတင်လုပ် ဒါမျိုးတွေမျာအရမ်းအချိန်ကြန့်ကြာခဲ့ပါတယ်။ ဟိုနေရာပြေးရဒီနေရာပြေးရဆိုတော့ ပိုဆိုးတာပေါ့။အခုတစ်နေရာထဲမှာအကုန်ရှိတယ်ဆိုတော့ ၀မ်းသာစရာပါပဲ ”ဟု၎င်းကဆိုသည်။
အဆိုပါ ပြည်သူ့ဝန်ဆောင်မှုရုံး(0ne Stop Shop) များအား မြန်မာနိုင်ငံအတွင်း ခရိုင်ဆိုက်သည့် မြို့နယ်များတွင်ယခုလိုဖွင့်လှစ်သွားမှာဖြစ်ပြီး တစ်နိုင်ငံလုံးအတိုင်းအတာအရ ဖွင့်ပြီးသောမြို့နယ်များရှိသလို ဖွင့်လှစ်ရန်ကျန်ရှိနေသောမြို့နယ်များလည်းရှိနေကြောင်းသိရသည်။ထိုကိစ္စများနှင့်ပတ်သက်၍ ဒု-မြို့နယ်အုပ်ချုပ်ရေးမှူး ဒေါက်တာစစ်အောင်လတ်မှ…
“ရပ်ကျေးရုံးတွေကို စာတွေဖြန့်ထားပါတယ်။ဒေသခံပြည်သူတွေဆီကို ပန်းဖလက်တွေဝေငှပေးထားပြီးပါပြီ။အခက်ခဲဘာမှမရှိပါဘူး။မြို့နယ်ကနေ ခရိုင် တိုင်း တစ်နိုင်ငံလုံးအထိပြည်သူတွေသိအောင် အဆင်ပြေအောင်ကြိုးစားဆောင်ရွက်နေပါတယ်။တိုင်စာတွေလည်လက်ခံပေးပါတယ်။လက်ရှိအချိန်အရကတော့ ပေါ့ပေါ့ပါးပါးလုပ်ကိုင်နေကြရလို့ ဘားချက်ဆိုတာတော့မရှိပါဘူး။အားလုံးခရိုင်ကပဲလုပ်နေပါတယ်။ ”ဟု၎င်းကဆိုသည်။
ယခင်က အဆိုပါရုံးတွင် ဌာန ၇-ခုပါဝင်ဖွဲ့စည်းခဲ့တာဖြစ်ပြီး ပြည်သူ့လိုအပ်ချက်များကြောင့် ယခုအခါတွင် မြို့နယ်အထွေထွေအုပ်ချုပ်ရေးဦးစီးဌာန၊မြို့နယ်ရဲတပ်ဖွဲ့မှူးရုံး၊မြို့နယ်လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန၊မြို့နယ်လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာန၊မြို့နယ်စည်ပင်သာယာရေးအဖွဲ့၊ပြည်တွင်းအခွန်များဦးစီးဌာန၊မြို့နယ်ပြည်သူ့ကျန်းမာရေးဦးစီးဌာန၊လျှပ်စစ်ဓါတ်အားဖြန့်ဖြူးရေးလုပ်ငန်း၊မြို့နယ်မီးသတ်ဦးစီးဌာန နှင့် လူမှုဝန်ထမ်းဦးစီးဌာန စုစုပေါင်း ဌာန ၁၀-ခုပါဝင်ဖွဲ့စည်းဖွင့်လှစ်ခဲ့ပြီး လက်ရှိ မြို့နယ်ထွေ/အုပ်၊လယ်ယာစီမံနှင့်လ.၀.က ဌာနတွေမှာ ပြည်သူလာရောက်ဆွေးနွေးညှိနိူင်းတိုင်ကြားခြင်းအများဆုံးရှိသည်ဟုသိရပြီး ကျန်ရှိသည့်ဌာနများကိုလည်း ပြည်သူတွေတစ်ကယ်လိုအပ်ပါက တိုးချဲ့၍ဖွဲစည်းသွားမည်ဖြစ်ကြောင်းသိရသည်။
K3(pyay)ဒီမိုကရေစီတူဒေး နေ့စဉ်သတင်းစာ
No comments:
Post a Comment