ကမ်းပါးများဆက်တိုက်ပြိုကျမှုကြောင့် နေအိမ် ၁၆၀-ကျော်အရေးပေါ်ပြောင်းရွေ့လျှက်ရှိနေ
ဧရာဝတီတိုင်းဒေသကြီး ကြံခင်းမြို့နယ်အတွင်းမှ ရေလယ်ကျွန်းကြီးမှာကမ်းပါးပြိုကျမှုများဖြစ်ပေါ်နေသောကြောင့်အိမ်ခြေ(၁၆၀)ကျော်ပြောင်းရွေ့လျှက်ရှိနေကြောင်းသိရသည်။
လွန်ခဲ့သည့်ရက်တစ်ပတ်အတွင်းခန့်မှာ မဘသ-ဆရာတော်များဟုဆိုကာ အဆိုပါကျွန်းကြီးပေါ်ရှိဒေသခံများဘေးလွတ်ရာ ကမ်းပါးပြိုကျမှုနှင့်ဝေးရာတွင် နေအိမ်(၁၂၃)လုံးစာအတွက် မြေနေရာများအား မြို့နယ်အုပ်ချုပ်ရေးမှူးအကူညီဖြင့် ပေ ၅၀×၈၅ ပေတစ်ကွက်လျှင် (ရှစ်သောင်းခွဲ)ကျပ်ဖြင့် ၁၂၃-ကွက်အားဈေးသက်သာစွာလာရောက်ဝယ်ယူလှူဒါန်းသွားသောကြောင့် ဒေသခံနေအိမ် ၁၂၃-လုံးမြေနေရာရာရှိပြီးဖြစ်သော်လည်း ကျန်ရှိသည့်နေအိမ်များအတွက် ကူညီမှုများလိုအပ်နေကြောင်း နိုင်ငံတော်အနေဖြင့် လာရောက်ကူညီထောက်ပံ့မှုများမရှိသေးကြောင်း ယခုလက်ရှိထိုကျွန်းမှာနေ့စဉ်ကမ်းပါးများပြိုကျလျှက်ရှိနေပြီး တဲတန်းရွာမှအိမ်ခြေ ၅၄-လုံး၊ကျောင်းကုန်းရွာမှအိမ်ခြေ ၁၀၉-လုံးပြောင်းရွေ့လျှက်ရှိနေကြောင်းဒေသခံများထံမှသိရသည်။
“မဘသဆရာတော်တွေလာလှူသွားတဲ့မြေကွက်ပေါင်း ၁၂၃-ကွက်ရှိပါတယ်။ကုန်းမြေဖြစ်တဲ့ကိုင်းမြေတွေမှာယာယီတဲတွေထိုးပြီးပြောင်းရွေ့နေထိုင်နေကြပါတယ်။အဲဒီနေရာကစိတ်ချရတဲ့အနေထားမရှိဘူး။အိမ်တွေအခိုင်အမာမဆောက်ပဲယာယီတဲတွေနဲ့သာနေကြရတယ်။ဒါတွေနဲ့ပတ်သက်ပြီး သက်ဆိုင်ရာလူကြီးတွေကို စာတွေတင်ပြထားပြီးပါပြီ။”ဟု ကြံခင်းမြို့နယ်အထွေထွေအုပ်ချုပ်ရေးမှူး ဦးမျိုးမင်းထိုက် မှသမဂ္ဂဂျာနယ်သို့ပြောသည်။
အဆိုပါရေလယ်ကျွန်းအုပ်စုတွင် ဇူလိူင်လ ၁၈-ရက်နေ့မှစတင်ကာ ကမ်းပါးပြိုကျခြင်းများဖြစ်ပေါ်ခဲ့ပြီး နေအိမ် ၁၀-လုံးခန့်အားဘေးလွတ်ရာသို့ပြောင်းရွေ့ခဲ့ရကြောင်းသိရသည်။ဇူလိူင် ၂၈-ရက်တွင် ကြံခင်းမြို့နယ်အတွင်းမှ ရေလယ်ကျွန်းအုပ်စုအတွင်းရှိ အနောက်ကုန်း၊တဲတန်း၊အထက်ကုန်း၊အလယ်ကျွန်း စသည့်ကျေးရွာများအတွင်း ရေကြီးနစ်မြုပ်ခဲ့ပြီးနောက် ၁၅-ရက်ခန့်ရေလွမ်းမိုးခြင်းခံခဲ့ရပြီး ထိုရွာများအားလုံး ကုန်းမြေပျောက်ကာ ရေပြင်ကြီးအဖြစ်သို့ရောက်ရှိသွားခဲ့သည်။ ရေများပြန်ကျသွားပြီးနောက်တွင် စတင်ကာ ထိုရေလယ်ကျွန်းတွင် ကမ်းပါးများတအိအိပြိုကျလျှက်ရှိရာ ယနေ့ထိပိုမိုဆိုးရွားစွာဆက်လက်ပြိုကျလျှက်ရှိနေသောကြောင့် နေအိမ် ၁၆၀-ခန့်အားဘေးလွတ်ရာသို့ပြောင်းရွေ့နေရကြောင်းသိရသည်။
“မြေတွေတအားပြိုလို့ဘေးလွတ်ရာ လုပ်စားနေတဲ့ကိုင်းလေးထဲအမြန်ပြောင်းလာရတယ်။အားလုံးယာယီတဲတွေထိုးနေရတယ်။ဒီနေရာက စိတ်မချရဘူး။ရေကလည်းဆက်တက်လာတယ်။မြေတွေလည်းပြိုပြိုလာတယ်။စာရေးအတွက်ရောနေရေးအတွက်ရောဒုက္ခ တွေရောက်နေပါတယ်။မဘသဆရာတော်တွေလာလှူတဲ့မြေကွက်မှာတဲထိုးနေပါတယ်။နေစရာရှိနေပေမဲ့ လုပ်စားစရာမြေကွက်မရှိဘူး။မြေကွက်မရသေးတဲ့အိမ်တွေလည်းရှိနေတယ်။အစိုးရအနေနဲ့ဘာမှလာလုပ်ပေးထားတာမရှိသေးပါဘူး။လာရောက်ပြီးအကူအညီပေးစေချင်ပါတယ်။” ဟု ရေလယ်ကျွန်းအုပ်စု ကျောင်းကုန်းကျေးရွာ ဦးဝင်းအောင်မှသမဂ္ဂဂျာနယ်သို့ပြောသည်။
အဆိုပါရေလယ်ကျွန်းအုပ်စုအတွင်းမှာ ကမ်းပါးကျမှုများအဆက်မပျက်ဖြစ်ပေါ်လျှက်ရှိရာမြို့နယ်အုပ်ချုပ်ရေးမှူးဆုံးဖြတ်ချက်ဖြင့် နေအိမ်များအရေးပေါ်ပြောင်းရွေ့နေခဲ့ရပြီး နေထိုင်ရန်နှင့်စာသောက်ရေးများလိုအပ်လျှက်ရှိကြောင်းသိရသည်။ရေကြီးနစ်မြပ်စဉ်နှင့် ကမ်းပါးပြိုကျရာတွင် ပါရှိသွားသည့် နှမ်း၊ပဲစသည့်စိုက်ပျိုးသီးနှံများပျက်စီးသွားခဲ့၍ ပြန်လည်စိုက်ပျိုးရန်မြေနေရာနှင့်နေထိုင်ရန်မြေနေရာများလိုအပ်လျှက်ရှိကြောင်းသိရသည်။ကမ်းပါးပြိုကျမှုများကြောင့် အသက်ဘေးထိခိုက်မှုမရှိခဲ့ကြောင်းသိရသည်။
မောင်ပန်ကာ(ပြည်)သမဂ္ဂဂျာနယ်
No comments:
Post a Comment