ပြည် အောက်တိုဘာ (၁၄) ရက်
ပဲခူးတိုင်းဒေသကြီး၊ ပြည်မြို့တစ်ဖက်ကမ်းတွင် တည်ထားကိုးကွယ်တော်မူသော မုနိလေးဆူတည်ရှိရာ ရွှေဘုံသာမုနိဘုရားကြီးသို့ ပြည်ထောင်စုမြန်မာနိုင်ငံတော် တပ်မတော် ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်နှင် ဇနီးဒေါ်ကြူကြူလှ မိသားစုမှ ပန်း၊ ဆွမ်း၊ ရေချမ်း၊ ဆီမီး ကပ်လှူဒါန်းရန်စင်များကို (၁၃.၁၀.၂၀၁၃) ရက်နေ့တွင် အလှူရှင်များကိုယ်စား ကိုယ်စားလှယ်တစ်ဦးမှ ရွှေဘုံသာမုနိဘုရားကြီး အလှည့်ကျဂေါပက ဦးသန်းတင်ထံသို လှူဒါန်းခဲ့သည်။
ထိုပန်း၊ ဆွမ်း၊ ရေချမ်း၊ ဆီမီး ကပ်လှူဒါန်းရန်စင်များကို ယခင်က အထပ်သားပြားများဖြင့် အများပြည်သူ ကုသိုလ်ယူ လှူဒါန်းရန် အဆင်ပြေအောင်ပြုလုပ်ပေးထားပြီး ယခုလှူဒါန်းသော ပန်း၊ ဆွမ်း၊ ရေချမ်း၊ ဆီမီး ကပ်လှူရန် စင်များမှာ စတီးနှင့် ရေရှည်ခိုင်ခံ့အောင်ပြုလုပ်ထားသည့်စင်ဖြစ်ပြီး ၄င်းစင်များကို ရွှေဘုံသာမုနိဘုရားကြီး တွင် တည်ထားတော်မူသော မဟာမုနိ၊ ရှင်ကျော်မုနိ၊ ရွှေဘုံသာမုနိ ၊မာရ်အောင်မြင်မုနိ မုနိလေးဆူတို့တွင် လှူဒါန်းခဲ့ခြင်းဖြစ်ကြောင်းသိရသည်။
“ ကျွန်တော်တို့မြို့၊ ကျွှန်တော်တို့ရွှေဘုံသာရွာမှာရှိတဲ့ ဆွေမျိုးစုံတာ ရွှေဘုံသာ မှ ကျွှန်တော်တို့ နိုင်ငံတော်ရဲ့ အကြီးအကဲများက ယခုလိုရွှေဘုံသာဘုရားကြီး၏ အချို့သော လိုအပ်ချက်များကို လှူဒါန်းသည့်အတွက် အတိုင်းမသိပီတိဖြစ်ရတယ်” လို့ရွှေဘုံသာရွာတွင် နေထိုင်သော ရွာသားတစ်ဦး မှ ၀မ်းသာစကား ပြောကြားခဲ့သည်။
ပြည့်သဲမောင် (ပြည်)
No comments:
Post a Comment